肥仔銘茶餐廳

营业中

休息中

好多人讚嘅沙嗲牛，雖然無花生香味，但都幾好食👍加$2將火腿蛋＋方包轉做熱香餅，但呢度嘅熱香餅唔係鬆軟嗰種，唔係特別鍾意。炒通粉嘅味道同乾炒牛河差唔多，下次試下加XO醬，睇下會唔會有驚喜。

一個人獨自食，好多時就係求個飽肚就算不過亦會找到稀罕的銘物。香港好少人做乾炒通粉，也許通粉本身容易黐底，肥仔銘倒是炒出了香氣，油或者是用多了一點點，但港式風味最為重要嘅，就是那一口獨有嘅鑊氣。

雖然住喺新蒲崗嘅附近，只係我平時都唔會早起身所以好少會食到早餐😂今日心血來潮想食佢嘅熱香餅同埋粒粒通粉所以就起咗身😂粒粒通粉平時好少會見到，其實就係有紅腸腸仔同埋午餐肉切成一粒粒再加埋通粉。口感好好！

呢間茶餐廳最出名嘅就係佢嘅熱香餅，茶餐廳裏面嘅有熱香餅食真心有少少嚇親😳本身以為應該會伏伏地點知你到嗰陣個樣正正常常😂😂熱香餅剩係得一塊，但係口感很實在。成塊食晒都幾飽肚下，再配埋楓糖係幾夾的😆旁邊仲有豬柳漢堡同埋炒蛋，完全係M記🤣

簡單食個茶記有時都會好開心，呢啲係咪就叫comfort food 呢!?.肥仔銘鋪仔細細，出品都算幾有誠意。其實佢出名粒粒通粉，不過因為我經常食到母親大人的外賣version ，所以親臨要試其他。.🔹干炒豬扒公仔麵製作需要一點時間，相信係即叫即做喇！份量大大，豬扒亦不少，上枱時仍有陣陣的鑊氣，其實不錯。只是因為我食過比它更乾身的版本，有少許比下去，真係好掛住那家已結業的中學回憶茶記。🔹熱香餅餐另外一樣馳名的是熱香餅，由細到大淨係食過一間快餐店嘅熱香餅🤡 呢個熱香餅係有別於我對熱香餅嘅認知🤣texture 有少少煙韌，蛋味香濃，味道偏甜，新鮮製作起熱辣辣好好味。另外店內有大量龍珠模型，充份顯出年代感loll …坐在店內有點走趟懷舊旅程的感覺。

@fatmingrestaurant 新蒲崗名物 終於食到😌早前去開呢邊玩同拎野順便睇吓食咩好 記得呢間茶記出名熱香餅同埋粒粒炒通粉 所以就一次過食哂佢啦😂1️⃣干炒粒粒通粉 $53 加$8 XO 醬雖然係外賣 但係都保持到水準炒得好乾身 食到最後都冇油味配料有紅腸 豬扒粒 叉燒 火腿等調味唔會好重口味 XO 醬昇華咗成碟通粉唔會太辣 一定要加❣️2️⃣干炒豬扒烏冬 $58 質地唔會太淋身 冇酸味調味同通粉差唔多豬扒份量正常另加一塊熱香餅 好似$1x口感同雞蛋仔有幾分相似跟咗糖漿 但冇俾🧈牛油堂食會好食啲 但都有驚喜❣️外賣要另收費 有堂食位置

🔸香餅餐$39一黎度第一個唸法係點解得一塊熱香餅咁少夠唔夠飽㗎🤣點知食食下就覺得好飽🤭熱香餅味道好似雞蛋仔咁,甜甜地😙就咁單食都好夠味😆唔好睇佢好似好少咁但都頗大塊同埋係真材實料😳而口感都煙靭!漢堡扒同炒蛋就正常啦~

➤ 乾炒粒粒通粉味道完全係乾炒牛河味，但變左紅腸、腸仔、青椒、芽菜炒通粉，唔係唔好食，但未到好好食😅見到好多人加xo醬，可能加xo醬先係重點，下次再試➤ 沙嗲牛肉煎蛋飯麻甩佬碟頭飯，沙嗲味道偏花生醬味，但開正我個瓣。牛肉塊塊都好大舊🤤，配埋半熟蛋，一流👍🏻➤ 熱香餅底面都煎得好香脆，加埋蜜糖、牛油、又厚身，好味又滿足🤤

沙嗲牛麵配熱香餅⁉️仲要全日有售⁉️咁咪即係充滿港式風味嘅all day breakfast🤭想試好耐，但礙於鋪頭只係開星期一至六，仲要得0700到1500，對於打工仔其實都真係幾難試到😮‍💨舖頭附近有幾間麻雀館，條街又唔係大路，相對較少人流，但原來當肥仔銘開舖嘅時候，條街會熱鬧咁多😝星期六中午，肥仔銘d檯排到出門口，但仍然要排長龍🫣幸而我一丁友黎試食，而且願意坐外面，一去丁到就可以入座😄✌🏻✌🏻✌🏻原來肥仔銘本身個menu都無咩特別，好似普通茶餐廳咁有常餐、快餐、炒粉麵飯，並無一個餐係沙嗲牛麵搭熱香餅嘅🤔但其實只要同姐姐講要熱香餅，佢自然會同你配搭。好似我咁，麵餐E唔要腿蛋方包，就可以換一塊熱香餅。或者我見對面單叫一塊都只係$12🤓沙嗲牛肉麵味道中等啦，唔會太咸，但我expect神級嘅會有花生味😝肉質有咬口，唔會拿到「淋自治」👍麵條幼身偏硬，岩我咀形😈熱香餅面咁大嘅熱香餅，爽呀😆上檯一刻，熱香餅上已附有牛油，糖漿則原支上。有幫襯開759嘅朋友都知，呢個糖漿勝在平得黎大大支，但其實味道唔出，佢嘅存在只係better than nothing。但因為肥仔銘嘅熱香餅本身自帶甜味，所以我覺得配呢

💛聽就聽得多，終於去試左，又真係難怪咁多人討論同等😋嗌左個沙嗲牛肉麵，轉火腿奄列，跟餐有埋牛油方包加杯凍奶茶小冰，另外再加多左個炒通粉🤗沙嗲牛無多無小，就係細個茶記既味道！！沙嗲夠香夠濃，麵就係大光/頂好，無多無小完整還原左😭基本沙嗲牛就係咁樣，唔需要花巧，合理完成！奄列同奶茶都係絕對做足本份！！奄列夠香夠熱，奶茶重西茶味😋😋反而炒通粉就無想像中咁出聲，雖然都係即炒而且足料，但就較淋較油

呢間店平日收3:00好難有機會食到星期六去開新蒲崗終於食到😌🧡肥仔銘粒粒炒通粉🍝慕名而黎嘅粒粒炒通粉真係好多料有紅腸、腸仔、火腿、青椒、洋蔥等等食落幾有鑊氣，通粉又唔會炒得太淋👍🏻整體算不錯，但又未係超級好食😛🧡沙嗲牛肉煎蛋飯🐮有兩隻煎蛋，仲係流心嘅🤩沙嗲牛肉份量唔少又多汁呢兩個餸真係好夾呀不過沙嗲牛肉咸左少少都係好好運勝出🤭但都幾好食嘅👍🏻🧡熱香餅🥞宜家麥當勞嘅熱香餅薄左好多😔呢到嘅就厚實好多仲好香蛋味添👍🏻👍🏻🧡凍朱古力+凍奶茶🥤杯凍朱古力都幾濃味啲冰溶左仲有朱古力味而奶茶就偏奶味重😜

夾唔啱時間，食唔到抄XO醬通粉早餐例牌叫沙嗲牛，出前一丁，少湯沙嗲醬唔太濃，杰，尚可奶茶茶底係唔得，太多奶，所以飲開檸檬茶不過，今日要回下魂，所以要飲茶走，頂下冇另轉pancake,太早唔想食太甜E餐＄39,仲想點？

好啦今日又來到飯堂，肥仔銘茶餐廳食lunch ,呢間舖頭基本上我都係由細食到大，老闆肥仔銘亦都係呢間舖頭嘅生招牌，每次嚟親都見到佢喺水吧位忙到踢晒腳，今日叫咗一碗沙嗲牛麵配一杯冰凍嘅凍檸茶，由於店舖裏面好多人我就坐咗去外面享用我嘅午餐，沙嗲牛麵超好食！個牛肉超滑，我覺得肥仔銘係成個新蒲崗最好食嘅茶餐廳！就算侍應姐姐招呼都好好！同埋肥仔銘嘅餐選擇都算多！老闆得閒都會諗一啲創新嘅餐單出嚟，所以都係一個比較另類嘅又好食嘅茶餐廳！

piggy自從十幾廿年前戒咗m記之後就好少食到熱香餅，所以見到呢間出名食熱香餅即刻bookmark，果然就算唔加糖漿都好夠味好香蛋味，piggy真係食到落尾一滴糖漿都無加到🤗 另一個名物粒粒炒通粉一上枱香噴噴熱辣辣勁香，但如果論特色都係觀塘海記有記憶點多🤏🤏 豬扒就正常偏鹹啱重口味人士🤪

肥仔銘係新蒲崗就出哂名架啦，終於有機會試到🫢 但小編就覺得有少少名過其實，唔喺大家講到咁好食/特別。最出名一定喺炒通粉。但可惜通粉冇穫氣，味道唔喺濃，亦唔覺有咩特別，失望。但配粉幾足，而且通粉無炒到‘林’咗，可能已經好好？🤔常餐就好少出事嘅，所以所有野都正常，普通茶記野，但個沙嗲牛麵都算濃味。不過因為係茶餐廳關係，所以所有野都要快？ 你要預咗不斷俾人催😂 尤其未到齊人個啲，所以大家最好都係到齊先入去。