肥仔銘茶餐廳

营业中

休息中

大半年前第一次黎，嗰陣都幾多人排隊，但要坐係條街度食都幾熱🫠當時滿心歡喜想試個炒通粉，點知勁白痴叫錯左湯既，即刻嬲左自己，嗰碗野我連相都無影到😂呢日再訪竟然無人排，同埋坐曬係室內，六個人一張細圓檯，其實都逼逼地架，不過今次終於叫啱嘢🤪▪️ 香餅餐（7.5/10）💲40係薄薄既一件熱香餅，口感比較實在，有蛋香同埋牛油香🥞🧈本身已經甜甜地，唔夠可以再加糖漿🤏🏻配上漢堡扒同埋炒滑蛋，總比叫麥當當早晨全餐好😏▪️ 干炒粒粒通粉（6.5/10）💲56對呢碟有好高期望🤭原來份量都真係幾多，一個女仔既話未必食得曬😯的確有鑊氣既，通粉口感唔錯，保持到有彈性，每粒都好入味，加上左大量腸仔、紅腸、餐肉粒等，可惜整體頗鹹同埋油膩😳侍應話可以加錢加XO醬，不過唔太食得辣就無加到，唔知加左會唔會好啲🫣🔎 整體評分（7/10）

#20231007 💛📍 肥仔銘茶餐廳 @fatmingrestaurant 新蒲崗錦榮街9號地舖➖➖➖➖➖➖➖➖➖➖➖➖➖➖➖➖➖➖#干炒粒粒通粉 $56💭 呢個炒通粉早排好hit，🐷一直bookmark左但未有機會尼試，畢竟新蒲崗真係唔多就腳😅難得經過就梗係要試下，🐷去到已經兩點幾，而且門口都已經有啲人等緊位，聽聞佢3點幾就閂門，🐷勁驚會白行一趟🙈好彩佢啲位去得好快，不過可能期望太高所以有少少失望😞說穿左就係乾炒牛河既味道👅然後將河粉換左通粉，牛肉換左啲高鈉粒粒，包括啲腸呀、火腿呀、煙肉呀果啲，搞到碟野都幾咸🥓.#香餅餐 $40 🥢 #熱香餅 #漢堡扒 #炒滑蛋 💭 反而呢個幾有驚喜🤩本身係茶記食到熱香餅已經好少食，仲有唔係朝早果下抵加分💯塊熱香餅大過🐷塊面，本身已經有甜味所以🐷無再落糖漿，配埋舊牛油已經岩岩好🧈炒蛋同漢堡扒都屬於正正常常，夾埋食就好好味😋.#熱檸水.#新蒲崗美食 #新蒲崗黃店 #🐷在新蒲崗 #🐷_食

餐廳好多龍珠玩具，老闆一定係睇開龍珠。菲利，斯路，布歐，GT玩具都有。去到重係早餐食左沙嗲牛麵走湯變撈麵再加熱香餅。牛嗲牛撈麵好食，熱香餅我都係鐘意食m記。食完想加多過乾炒粒粒通粉，但老闆好有性格要等到午市先落單。可能平日冇咩人，都比我坐住等。乾炒粒粒通粉好值得等，落埋XO醬好野味。依個比m記通粉好食好多。餐廳可以叫做open kitchen，睇到老闆同廚師煮野食都係一重享受。雖然佢遠又唔近地鐵站但一定會再去，沙嗲牛top three。

打風過後，天氣不似預期的差，本已打算到九龍城買東西，咁就不如去遠啲，到新蒲崗的肥仔銘食早餐；一早到來，已坐滿六七成，之後更越來越多人。叫了「麵餐K」食物包括：沙嗲魷魚麵、煎雙蛋、牛油方包，再加杯茶走少甜，沙嗲味道香濃且惹味，配上煙靱爽口的魷魚也是特別適合；吃完還有「空位」，決定整多件熱香餅，之後心滿意足的離開！😙之後休休閒漫步到九龍城，時間剛剛好！😎肥仔銘茶餐廳地址: 新蒲崗錦榮街9號地舖電話: 35425028

惹味XO醬炒通粉-新蒲崗肥仔銘茶餐廳真係趕住去食，因為開到3點截單㗎啦😱店面唔算大，3張枱容納到10幾人左右😅當日岩岩有位，2:30pm到，唔使等入得🥹係坐得迫啲，不過夠哂地道介紹返佢哋嘅signature係干炒粒粒通粉🤩XO醬仲要加錢先有，真係好惹味👍🏻都算辣辣地🥵不過停唔到口。另外，沙嗲牛肉麵都好出名，不過比較上炒通粉惹味好多😂嚟到茶餐廳，最緊要係試佢杯奶茶，經過小🐷多年嘅經驗🤪overall 算中上😌查膽唔會太濃，奶茶濃滑程度適中，如果茶味香d就更好🤣想試嘅記住睇住時間啦😗

人情味小店這裡的沙嗲牛肉麵讓人感受到香港小店的經典味道，係兒時味道。搵左好多間終於搵到兒時食沙嗲牛肉麵，值得推介。而且麵湯的味道非常香濃。沙嗲醬的香氣和牛肉的鮮味完美融合，讓人感受到一種獨特的風味，讓湯的口感更加豐富。接下來，是這道菜的牛肉。牛肉切成薄片，口感非常嫩滑，搭配上麵條和湯汁，更是讓人食指大動。整道菜的調味非常地道，讓人回味無窮。總的來說，這道香港懷舊沙嗲牛肉麵是一道非常值得品嘗的菜式。它展現了香港小店的經典味道。

很早之前便從友人處得知這間「肥仔銘茶餐廳」的出品不錯，這一天，想起這裡一直未有幫襯過，便特地過來吃個午餐。這茶餐廳最出名的出品有「炒通心粉」和「熱香餅」。「熱香餅」這天我就沒有試了，招牌的「乾炒粒粒通粉」（$56）可是有吃的，另外，還點了「乾炒豬扒烏冬」（$60）兩夫妻分甘同味。「乾炒粒粒通粉」無疑是不錯的，雖然炒得較油，但即叫即炒，鑊氣當然不會差得到哪裡去，材料雖然簡單，都是腸仔、餐肉、芽菜、青椒等普通材料，但的確相當惹味。相比起招牌「乾炒粒粒通粉」，我倆更喜歡的，是「乾炒豬扒烏冬」，同樣鑊氣十足的炒烏冬炒得入味，而且更能掛汁，加上豬扒也不會乾巴巴，讓我吃得更加滋味。這茶餐廳的出品雖然還不錯，但環境就的確逼狹了點，餐廳內只有四張桌子，其中一張還被用作收錢之用，坐得實在不夠舒服，不過這間餐廳的老闆是個百份百的「龍珠」迷，店外店內都有極多的「龍珠」、「龍珠二世」的玩具和擺設，如果愛看「龍珠」動漫的話，一定會喜歡這裡。

發現呢間茶餐廳係最近嘅事，喺其他Foodie IG見到啲炒嘢賣相幾靚，於是乎某日下午諗起就走咗去試～餐廳細細，得4張檯，要同人搭檯嗰隻～留意返，呢間茶餐廳收15:00，當日我差唔多14:30先去到🤣幾驚食唔到～#干炒粒粒通粉加XO醬一坐低諗都唔駛諗就叫咗呢個，當初我都係喺人哋IG睇到呢張相先想去食🤭 我仲睇到有人話加XO醬好味，於是+咗$8要埋個XO醬。貪心的我其實覺得個賣相幾吸引🤣見到有紅腸、火腿、洋蔥等，都幾足料～仲要未見過人拎通粉炒，感覺新鮮🤣不過食落個XO醬味唔算香，有少少失望，唔知原味會唔會好味啲呢🫣#干炒豬扒烏冬另一碟諗咗陣要咩，最後叫咗呢個😆呢碟好夠夠火喉，味又夠，豬扒又夠多。我覺得呢碟個味好食過干炒粒粒通粉，啲鑊氣出晒嚟～🤣 總括而言，呢間茶餐廳啲炒嘢大大份好夠火喉，可以一試～

趁星期六放假，專登去呢間新蒲崗區內有名小店試下出名的乾炒粒粒通粉，可惜已！售！罄！嗚嗚，食唔到最出名的食物，唯有轉食其他，最後選擇咗黑椒豬扒炒烏冬。由於好多人慕名而來，所以小店盡量都想招待到客人，座位嚟講雖然坐得不太舒適，但小店就係有「人情味濃」的吸引力，可以蓋過呢種不適。我點的黑椒豬扒炒烏冬終於上枱了，新炒起的烏冬好夠鑊氣，香氣撲鼻。烏冬雖然比一般的幼身，但港式黑椒汁向來刺激又「矚目」，故掛汁力依然強勁。豬扒大件夾抵食，抵讚！今次食唔到乾炒粒粒通粉，唯有下次再來碰運氣啦！

新蒲崗位置真係唔就腳，呢間餐廳沙嗲牛好出名，決定同朋友一齊去食！舖頭收3點，收舖前仍然人頭湧湧！店舖空間唔大，但大家都係好快食完就埋單～【干炒粒粒通粉】$56見到每枱都有一碟，當然都要嗌返碟食下！炒得真係好有鑊氣，有火腿紅腸芽菜韭黃！粒粒分明，每粒通粉都好入味～ 大大碟不過偏油【麵餐E-沙嗲牛肉麵】$40沙嗲牛夠濃，唔會太咸，份量亦都好多！可以少湯變撈麵一定仲正！另外舖頭嘅熱香餅都好出名，原來可以將餐包同煎蛋轉熱香餅！下次有機會可以再試下🤤Rating: 9/10

有鑊氣排隊茶記，之前試過佢嘅熱香餅麵餐，今次一於試下炒粉！平時食開炒麵/炒河，炒通粉真係第1次見啊！乾炒粒粒通粉$56炒得好有鑊氣，粒粒分明，口感彈牙，最緊要唔會太油膩。入面有多種配料，有火腿，餐肉，叉燒粒，仲有蔥同芽菜增加咬口。黑椒牛肉炒意粉$60黑椒炒完之後更加香辣，牛肉醃得好入味，唔會乾同孩。同樣炒得非常有鑊氣。墨魚餅 $29非常彈牙，香口。另外一讚凍檸茶唔會澀，因為我不嬲飲開走甜，啲茶唔靚就好易苦。呢度茶底好香！

每次星期六去肥仔銘茶餐廳的話，都一定大排長龍。難得平日放假，所以特登去新蒲崗食，幸好當日真係唔洗排隊，而我亦都例牌叫返XO粒粒炒飯食。XO粒粒炒飯今次的XO粒粒炒飯同平時一樣，鑊氣十足～！最畫龍點睛的XO醬亦落得比平時重手，所以比平時辣左少少。飯粒非常分明，而配料（豬扒粒、紅腸、火腿）都好有口感，夾埋好Match！以下係我的評分（滿分為５分）： 味道：5分環境：3.5分服務：4分價錢：3.5分推薦程度：4.5分 肥仔銘茶餐廳網址: https://s.openrice.com/QrbS0ygS000~uKZISBA 地址: 新蒲崗錦榮街9號地舖 電話: 35425028

喺香港好少地方有得食炒通粉 呢次就試試佢果然試過一次 下次一定要再翻卓煮得啱啱好 唔會散 唔會硬粒粒都炒得好入味 但整體偏咸配料有豬扒 紅腸等等 都好足料乾炒牛河係用幼河炒 唔會炒到碎濕濕 仲好滑 好有口感牛肉亦都唔會老 好嫩口 份量都多好有鑊氣好入味整體黎講 喺肥仔銘 炒粉麵飯係必食推介下次要試試佢個炒公麵同Pancake先!

難得平日嚟新蒲崗，立刻嚟試呢度嘅沙爹魷魚。小店環境較逼，亦多人幫襯，大家自動自覺坐埋d。點了個全日餐，沙爹魷魚通粉，炒蛋轉熱香餅加奶茶。沙爹魷魚同出面用嘅水魷唔同，有鮮味，亦唔痴牙，好易咬開，沙爹味湯底香濃。熱香餅就香香甜甜，比起食炒蛋會開心啲。奶茶味道正常，總括來說是滿足嘅一餐。員工服務態度亦好好，會主動講可以將炒蛋轉熱香餅。見到餐廳凍飲用膠飲管，如果可以轉用紙飲筒或可分解飲筒就更好更愛地球了。

周末去左新蒲崗的「肥仔銘茶餐廳」食飯！每次見到人介紹「肥仔銘」都係講炒通粉、沙嗲牛肉、XO豬扒等等，就好想為佢平反一下。其實又唔係平反，只係介紹多樣野姐—XO粒粒炒飯！XO粒粒炒飯（$56，無記錯的話）我每次去肥仔銘都一定食佢，雖然睇落食材方面都係D火腿、紅腸等，但好食之處係佢火氣十足！再加上自家XO醬，完全不是一般食開的茶餐廳級數。我會覺得佢係香港數一數二好食的炒飯，有少貴但完全價得。當然，出名都有出名的唔好處。每次去都要排隊，環境都比較迫的，所以不要一抽二掕咁去啦～