肥仔銘茶餐廳

肥仔銘茶餐廳 📍：香港新蒲崗錦榮街9號地舖🚗：黃大仙地鐵D2出口 步行10分鐘📞：+852 3542-5028💲：~HKD50/head for lunchFood quality✔️：干炒粒粒通粉、凍好立克、麵餐E、凍奶茶👌🏼：香餅餐總結：😋關注組大熱嘅沙嗲牛面 招牌干炒粒粒通粉 雖然門面簡陋 但原來內藏乾坤 值得一試👍🏼😋沙嗲牛麵真係出色 同普通茶記有顯著分別 花生🥜味好濃郁 而且老闆故意放少湯 濃到食到後頭你可能覺得略鹹 可以額外叫老闆加湯 麵餐e仲包奄列 唔錯😋另一招牌干炒粒粒通粉都係必試 炒得好有鍋氣 好惹味火腿粒配埋好惹味👏🏼 外國人未必接受到但呢啲真係港式風味🤔老闆應該好喜歡龍珠 周圍都放有龍珠嘅模型🤔香餅餐就聽聞有別家m記 但食落冇咩特別 反而塊漢堡扒煎得幾香🙊😨環境衛生就比一般茶記差啲 有潔癖嘅朋友就衡量下 同埋人流極旺 但餐廳較細 得四張枱 所以一定要同人搭枱 幾乎手臂💪🏼對手臂😨3:30之後落場 小心唔好嚟摸門釘😣…查看更多

今日剛好路過，於是決定親自去試試。雖然附近正在維修，搭了棚，但餐廳裡的熱鬧氣氛絲毫不受影響，似乎每位客人都是老朋友，或是慕名而來的食客。環境探秘 🏠這裡的環境充滿了懷舊的氣息，從那個封塵的龍珠FIGURE 就能看出，這間茶餐廳在這裡扎根已久，伴隨著街坊的成長。餐廳內只有幾張圓桌，人來人往，座位緊湊，食客們都是吃了就走，快節奏的生活讓人感受到一種特別的氣氛。員工的服務態度親切有禮，點餐迅速又清晰，讓人倍感舒心。美食評價 🍽️這裡最出名的似乎是炒粉面，我看到幾乎每桌都有人點炒通心粉。我選擇了豬扒炒意粉，價錢是$60。這道菜的味道讓我瞬間想起兒時的記憶，經典的港式茄汁炒意粉，現在的冰室已經難以找到這樣的味道，真是懷舊啊！不過，炒得稍微有點濕，整體來說還是相當惹味，豬扒煎得剛剛好，不會過老。唯一的小缺點是，吃完之後覺得還是有點不夠，可能是因為實在太好味了！ 😋總結 ⭐推薦指數：★★★★總體來說，這間茶餐廳絕對值得一試，懷舊的味道和親切的服務讓人流連忘返。…查看更多

➲ 新蒲崗 肥仔銘茶餐廳➳ 干炒粒粒通粉鑊氣核爆級，通粉炒到粒粒金黃帶微焦邊，乾身唔油膩，配料多，紅腸粒、餐肉粒、青椒、洋蔥絲、芽菜，鹹香撞鑊氣。➳ 滑蛋叉燒飯蛋漿瀑布式淹沒飯，滑蛋撈飯半流心，叉燒半肥瘦焦糖邊，蜜汁滲入蛋漿甜鹹交織。⤵ 新蒲崗錦榮街9號地舖…查看更多

呢間新蒲崗嘅街坊小店沙嗲牛關注組都介紹過其實除咗沙嗲牛肉麵之外佢嘅炒通粉都好出名㗎🔥今次避開咗最高峰嘅午餐時間去唔使排好耐就入到但係店舖位置比較窄座位少平時都要排一陣隊食物方面就都係一啲快餐茶餐嘅選擇除咗麵餐之外佢仲有一啲碟頭飯講返個重頭戲沙嗲牛麵🐮成個沙嗲醬嘅質地好杰撻撻真材實料用花生醬整好重花生味🥜而唔係用啲汁溝出嚟平時食得太多稀過水咁食到一個惹味出色嘅沙嗲醬覺得好開心✌️🤤同埋平時食沙嗲牛麵會轉一丁但今次冇轉到食物上咗枱其實我冇即刻食因為仲要影吓相咁但係擺咗一陣但個面底仍然係爽口彈牙冇淋到😋同埋食麵我都會鍾意試埋佢嘅辣椒油辣椒油都好出色好香口多辣椒渣🌶️麵餐仲會跟埋火腿煎蛋同埋牛油麵包可以轉做奄列嘢飲方面嗌咗凍奶茶茶底濃郁飲落去順滑🤤🤌🏼我覺得奶茶都好出色其實越普通嘅食物越要用心去做好細節雖然都係普通茶餐但睇得出一啲都唔馬虎如果大家有機會嘅話不妨去試吓好食！😋😋…查看更多

第一次食呢間小店知道有好多網紅介紹亦都知道座位不多所以選擇電話自取…點知到門口發現Kxxta 自取有9折（蝕左😂)要預起碼15分鐘就拎得奶茶茶味都幾重，不錯熱門推介既熱香餅嚟講其實我覺得普普通通（可能係我自己都識煎🫢)另一個熱門炒通粉都好香口惹味不過我覺得有啲油另一個沙嗲牛肉煎雙蛋飯我見現場都好多人嗌碟頭飯份量不少下次有機會可以試吓炒通粉我覺得如果可以加XO醬個味道既層次會更加大大提升（因為我自己係屋企都係咁炒😂)…查看更多

星期六下晝一點幾到可能落雨關係唔使排隊就可以直入了嚟過好多次除咗沙嗲牛肉，熱香餅好食之外炒粉麵都非常出色豬扒炒公仔麵 $59好大碟，最後都比我清晒豬扒有成6至7舊入味但唔係好鹹亦有一定厚度炒公仔麵先係主角炒得乾身唔算油膩每碟都係即炒上枱熱辣辣干炒粒粒通粉 + XO醬 $75配料都係火腿餐肉紅腸等等切粒XO醬少少辣，加咗層次會更多更惹味但今次通粉有少少淋身🌸🌸🌸🌸🌸餐廳內只有四五張枱一定要搭枱環境有少少迫但係咁經濟嘅價錢有呢個質素難怪經常要排隊…查看更多

次次經過新蒲崗都好想試下佢既「沙嗲牛肉麵」今次經過佢終於係未收鋪加上好肚餓，所以即刻衝入去，原來3:30之後就差唔多關門，所以遲過4:00都要食閉門羹喇😂大家留意返👍🏻我地試左「沙嗲牛肉麵」同「乾炒粒粒通粉」，不過可能太有期望，「沙嗲牛肉麵」唔算好有驚喜，沙嗲味偏濃，屬於發揮正常的「沙嗲牛肉麵」，反而「乾炒粒粒通粉」個人覺得好好味，好似大排檔炒小菜咁，好有鑊氣，而且仲好足料，勁多午餐肉同腸仔，個人覺得好好味，係值得一試既炒通粉❤️下次撞岩未收鋪，都會入黎呢到食野，再試下有無其他水準之作😁…查看更多

今日喺新蒲崗街頭搵食，新蒲崗呢間街坊茶記真係隱世高手啦~佢哋鋪頭就冇華麗嘅裝修但勝在夠曬貼地老闆仲會親自落場炒嘢，街坊話：食咗十幾年仲未厭！😉 【乾炒粒粒通粉 🍝】一上枱就feel到鑊氣十足！！通粉炒到乾身唔油膩，粒粒分明仲帶微焦香～配料多到瀉晒出嚟：火腿粒、餐肉粒、叉燒粒、蔥花、芽菜仲有啲脆口嘅洋蔥絲！最正係加埋自製 XO醬（🌶️必試！）辣中帶鮮，瞬間將層次昇華食到lamlam脷😋【熱香餅 🥞】外層煎到金黃脆邊，內裡軟綿綿帶微微蛋香🍳再加埋牛油🧈同糖漿🍯簡單但幸福感直接爆燈😍同M記比肥仔銘就多咗份焦香💥✅ 凍奶茶 茶底濃到掛杯，記得嗌少甜！☕…查看更多

網上Utube 介紹所以慕名而來，由香港區來也算易搵，10點半到已經有4-5人排隊，由於1個人來所以很快有位，點了最期待的沙嗲牛公仔麵和雞翼，一邊等一邊翻檯率都非常高，見到其他客人點了熱香餅也很不錯 ，一個人吃不到太多所以唯有等下次才試，本人認為麵質煮得好好 但牛肉太咸 下次或是少牛肉可能會比較理想。之前網上Utube 也介紹過九龍城聯發的沙嗲牛公仔麵但麵有梘水味吃了2啖就吃不下 所以自己親身來試才知是否合口味。 …查看更多

肥仔銘茶餐廳 (新蒲崗)人氣打卡餐廳，馳名粒粒炒通粉午市很多人但流量快等5分鐘入坐真係幾受歡迎，鑊氣十足炒得幾好通粉配火腿，紅腸，青椒炒得均勻炒得幾好味，唔錯唔錯👍🤠奶茶也香滑☕️…查看更多

Usually we have stir fried rice noodles in Cha Chaan Teng, but Ming made it special by switching to macaroni and spaghetti. The sauce is the old good fashioned HK signature Swiss savoury soy sauce. Each pasta was thoroughly coated with this brown sauce and heavy tasters would love that. Stir fried macaroni was mixed with diced red sausages; stir fried spaghetti was mixed with pork neck. Both were similarly taste-wise, full of wok hei. I personally preferred the pork neck spaghetti cos I’m a fan of pork collar. …查看更多

【馳名乾炒通粉 ｜新蒲崗人氣茶餐廳⭐️】今次嚟到新蒲崗，試咗好有人氣嘅肥仔銘茶餐廳 估唔到星期六晏晝2️⃣點到嚟到，都有條小人龍🧍🧍‍♀️ 睇嚟真係幾受歡迎我地試咗兩樣必食招牌嘢食😝招牌⭐️乾炒粒粒通粉 $56炒得幾夠鑊氣 熱辣辣🔥上碟 通粉配埋火腿、紅腸、青椒🫑等配料 好惹味😋 不過略嫌有少少鹹同多油另一招牌🌟熱香餅 $16幾大塊🥞 偏薄身，少Q彈，配埋半溶牛油同糖漿，都唔錯👍中規中矩，但唔算驚艷…查看更多

每次星期六經過都會見到好多人排晒隊等位今次我地吾洗吾等好快就有位可能因為早啦從門外到餐廳內可以見得店主係一個愛好龍珠之人四周都係龍珠的擺設🌟沙嗲牛肉麵 *3火腿奄列、牛油方包咖啡或茶🌟沙嗲魷魚麵火腿煎蛋、牛油方包熱咖啡沙嗲醬係做得幾好食但其他同一般茶記無分別🌟金牌 沙嗲牛肉煎蛋飯黃金炸墨魚餅…查看更多

假期瞓到晏一晏唔知食咩？新蒲崗地膽帶路去食平靚正港式下午茶😍假日2:00左右係要排隊入㗎，傳統小店環境係比較窄，有機會要搭枱。個沙嗲牛麵好似好正，不過今次食下午茶，想食輕盈啲，所以嗌咗💁🏻‍♀️🥫大大隻炸雞脾配薯條 HKD42炸野上枱熱辣辣係基本，凍左一啲都唔好味。佢個炸雞髀皮薄脆口，冇多餘粉漿包裹。炸過程中完美鎖住肉汁。肉質滑嫩。薯條係佢隔離都唔失色，大大份，真材實料薯仔做，正🍟🥫干炒豬扒公仔麵 HKD58呢個都新鮮炒出嚟，炒得超乾身👏🏻豬扒入味煎得香。重點係醬汁犯哂規，令人接二連三一啖接一啖🫣鹹鹹甜甜咁，食超過10啖會有啲膩，勝在有蔥提香中和🪄奶茶都讚讚，茶底唔澀，重茶味，奶、茶比例恰當，可放心👌🏻…查看更多

最近去咗肥仔銘，佢個沙嗲同炒通粉係出名既，今日試咗佢哋嘅干炒粒粒通粉，整體體驗都幾不錯！！！干炒粒粒通粉炒得幾均勻，通粉有得炒，估唔到佢咁好味。但重口味同偏油，適合喜歡濃味嘅食客。雖然配料係紅腸，火腿既簡單食材，但搭配得幾好，整體味道唔錯！！！呢間店嘅座位數量唔算多，午餐時間人流比較大，經常需要等位！！！總括黎講，肥仔銘嘅干炒粒粒通粉係一個值得嘗試嘅選擇，雖然人多座位少，但。如果你鐘意重口味嘅炒粉，呢度可以考慮一下！！！…查看更多