肉肉烏冬

营业中

休息中

肉肉烏冬除了是一間貓貓主題的打卡餐廳外🐱其食物質素亦有一定水準，在香港烏冬界嶄露頭角🤩———————————————————————薯仔忌廉咖喱烏冬 $88 🌟🌟🌟🌟🌟綿密雪白的薯仔忌廉蓋滿烏冬表面🥔質感輕盈順滑😇忌廉底下的咖喱帶少許濃稠🍛完美的包裹着每一條烏冬，味道非常香濃😋甜中帶輕微辣度，與忌廉混合後更添creamy口感☺️令人十分舒服👍🏻烏冬口感煙韌有咬口，小麥香氣濃郁😌完全沒有被濃厚的咖喱味所掩蓋，絕對是高水準之作🥳火炙牛肉壽喜汁沾烏冬 $98 🌟🌟🌟🌟火炙牛肉有7片🐮有油香得來充滿焦香味道🔥但始終太薄令口感欠奉🙃而壽喜汁鹹甜比例適中，當中的大蔥、香菇🍄‍🟫油揚吸滿湯汁精華😊但壽喜汁質地偏稀🤨用作沾烏冬的話就不算太掛汁🙂‍↔️可能在湯烏冬的表現會較為出色🧐厚切吉列豚腩 （套餐+$40） 🌟🌟🌟豚腩肉十分厚🐷有油香，麵衣薄得來十分鬆化😙但肉質偏韌，而且筋位較多🙁整體口感較為難咬😩———————————————————————除了烏冬出色，食物賣相以至餐廳擺設都別出心裁🥰如此受歡迎確實不無道理😆

同事話原來呢間之前好出名好多人排隊，一於試下佐敦呢間分店。 入座： 12點半左右，7個人。竟然好彩唔洗排隊！ 環境：不過入面座位唔算多，所以要分枱座。空間唔算大，前後枱都隔得近。但係佢啲餐具太可愛啦！！你睇下佢果杯！ 肉球啊！！佢連筷子座都係有肉球架！！！ 食物：仲有佢果薯仔忌廉咖哩烏冬，係有肉球喺上面㗎！！！！雖然你撈完之後，乜都見唔到。 我叫咗個午市套餐，$128。 咁就配埋黑豚腩同一杯飲品。 認真咁講，其實佢嘅腩肉係有少少肥膏，所以有少少難咬開嘅，要成舊食。 但味道同炸得都唔錯。 忌廉烏冬方面呢，本身我都會擔心會好油膩好飽。 結果係真係會飽嘅但唔算膩，因為入面係有肉塊，唔係嗰啲攝牙罅嘅咖哩肉。 返公司一定會瞓著覺。 總結： 其實就唔平嘅，不過情緒價值方面我就畀滿分。 Sor 大叔都可以有少女心。返左半日工已經好辛苦架，係到攞少少情緒價值都抵啊！

佐敦貓咪主題烏冬佢哋主打日式爽口彈牙沾烏冬不適合食肉獸人士～佢哋嘅小食更好食！★（期間限定）牡蠣沾烏冬（套餐） $138有兩隻炸蠔係入面，蠔吾算大隻，不過就好鮮甜！但係得兩隻TT唔夠喉！係忌廉白汁做base，有豚肉片、菇、上面炸豆角，整體有少少海鮮味，但會有啲漏！★火炙壽喜燒牛肉沾烏冬（套餐）有4片薄牛肉，有牛味但又係肉份量太少了TT壽喜燒汁微甜，入面有菇、豆卜、大葱！幾鍾意佢之後可以加柚子湯！一定要加！味道變得清新，幾有驚喜（╹◡╹）♡好似食柚子拉麵嘅味★薯仔忌廉咖哩烏冬（套餐）$128 醬汁超級濃厚！薯仔融入左咖喱+面頭嘅cream=超級邪惡😈入面有豬、牛肉粒，日式甜咖喱微微辣，不過都好易漏～但打卡好靚套餐附送小食x1 + 飲品x1套餐小食: ★厚切吉列豚肩推介(๑>◡<๑)！炸皮薄，豚肉呈粉紅色🥹肉質一啲都吾柴，外皮超酥脆，保留肉汁，唔會有豬臊味，配甜燒烤醬食！★天婦羅盛合有炸蝦、南瓜、番薯、蘑菇食材新鮮鮮甜，炸蝦算大隻！係新鮮炸好香脆！

Lunch time 見冇咩人 入左去食 見到枱面筷架用左猫猫公仔 好得意啊😍職員都幾好👍 雖然得佢一個 但都依然會為客人斟水☺️叫左個薯仔忌廉烏冬 打卡吾錯😌入面有小牛肉粒同豬肉粒 雖然份量吾多 不過勝在忌廉加薯仔夠飽肚🤣 大滿足😌一開始以為薯仔系俾薯仔粒 覺得奇怪 食左半碗烏冬都冇嘅？一問之下先知原來店主將薯仔磨成蓉 溝埋一齊成件事好有心機埋單亦冇加一服務費 問職員先知 原來老闆由開業到而家都堅持唔收加一 就算新年都冇加過 咁有良心嘅鋪頭 請繼續長做長有 生意興隆啊！老闆🤣

聽聞呢間烏冬餐廳要排隊，所以一放工就衝去食😅可能真係太早啦完全唔駛等位～ 我哋叫咗明太子烏冬加天婦羅盛合，仲有咖喱薯仔烏冬加炸雞，可惜咖喱烏冬有牛肉所以我食唔到⋯ 賣相同日本嘅相差唔遠，可改善嘅係烏冬汁可以再俾多啲～ 烏冬都算係好彈牙好好味～天婦羅方面，估唔到都炸得好脆口乾身，炸紙菜都好味，炸雞都唔錯，只係雞肉味道較淡無咩雞味可改善地方係，要顧客用qr code落單之餘，亦希望有實體menu參考，唔係全部人都知有咩菜式可以揀，亦唔清楚道菜有啲咩喺入面，手機圖片太細完全參考唔到🧐🧐

今次黎到呢一間我以為只係賣弄可愛的日本烏冬餐廳，坦白講朋友介紹我黎，我見到個Logo就覺得有少少唔靠譜，不過既然有人介紹話值得一試，我地就黎到佐敦搵食。😌😌😌餐廳幾簡潔，Lunch時段都係一個staff搞定，掃QR code落單，款式不太多，我地一共食左3個款：第一個係和牛湯沾烏冬，個湯黎到夠晒熱，有陣陣smokey 香，味道好好，牛就好簿，少扣分🫣；第二個就係招牌忌廉，即係有個唔知貓定狗腳印果一款，查實有睇Menu 就知佢係薯仔做忌廉之+咖哩烏冬，呢個有少少漏，因為個咖哩好杰，撈埋有少少一Pat食糊仔果種feel🥲🥲😳😳扒晒碗野，可能得2-3粒肉係裡面🙄，食肉獸應該會反面😂第三款就係明太子冷烏冬，呢個就最無特別，可務唔食。三款入面我最推薦反而係第一款，個湯好味，食完之後店員仲會加DD熱柚子湯比你，係smokey牛味上加了一層柚子清香，成碗飲晒👍🏻，而當中值得比Like就係D烏冬，口感夠晒彈牙，呢個位係唯一selling point!

呢間位於佐敦嘅肉肉烏冬，店面細細間，但平日都好多人排隊🥺所以空間比較迫，周圍都有好多貓貓主題嘅小飾物～算係一間打卡able餐廳～———————————————** 火炙壽喜燒牛肉沾烏冬套餐 $138套餐有包小食同嘢飲，我今次揀咗吉列黑豚腩～黑豚腩比想像中有驚喜，佢嘅肥肉比想像中多，加上瘦肉同吉列脆皮，食落嘅口感唔錯～而且佢嘅吉列脆皮只係薄薄唔會太厚岩岩好🫶🏻 壽喜燒湯底就係一般嘅牛肉醬油湯底，牛肉份量都多～烏冬係彈牙嘅，好似沾麵咁樣食，但係湯底又未濃到可以比烏冬入味🥺而且個湯熱啲嘅話先浸到烏冬夠熱～不過烏冬係彈牙好食的❗️而且佢最後仲可以加高湯落個壽喜燒汁度飲用添～** 薯仔忌廉咖喱烏冬 $78算係呢度嘅招牌菜🫶🏻大大個貓貓手仔印喺表面～啱晒打卡😂😂烏冬撈忌廉同咖喱，食落creamy之餘都有少少辣味解膩🥺而且仲有薯粒同肉粒撈埋一齊增加層次感～唔錯好食❗️

我喺睇網紅介紹嘅，真係好好👍🏻我點咗呢個招牌菜，麪條都有彈性，肉肥瘦分明，我最鍾意嘅係佢嘅撈湯底😋有忌廉同咖哩，佢哋撈埋一齊帶咗少少辣味，後調仲有帶到忌廉味👍🏻 湯底本身比較creamy， 所以撈埋一齊就有一種咖哩味比較多嘅忌廉湯烏冬嗰度嘢飲有啲貴，不過佢有免費嘅檸檬水嗰度環境都👍🏻，只係有啲細仲有佢上餐嗰時非常慢， 我足足等咗成18分鐘😅❤溫馨提示❤佢得45分鐘嘅用餐時間，所以係會趕人走㗎！開門時間 12:00所以大家唔好咁早嚟😉

📍是用貓貓做主題嘅日式烏冬店! 位置好近佐敦地鐵站 離遠就見到有一間木色裝修舖頭 裡面由餐具 調味料同食物都有貓貓元素🐾 🌀 武藏野風豚汁烏冬 (沾烏冬) 可單點 或選擇套餐 套餐包1份小食及飲品～ 豚汁使用鰹魚汁做個base 然後加入大蔥/ 油揚/冬菇片/芝麻等令到湯頭味道更豐富 不過壽喜燒湯底質感偏向流質 唔算掛湯食落比較淡 但幾香烏冬就唔夠煙韌 雖然話武藏野烏冬使用埼玉縣地粉 有小麥成份 應該係鹽量高而彈牙 但食落真係比較似煙韌版嘅蕎麥麵😹🌀 薯仔忌廉咖喱烏冬表面印上貓貓手爪 睇落超可愛 啱曬打卡～ 面層忌廉相當有厚度杰身creamy 中間加入不少牛肉及豬肉粒 加添層次 相信忌廉愛好者應該都會很喜歡 🌀 厚切吉列豚腩炸粉與豚肉並沒有分離 吉列脆漿超鬆化 唔錯

咁又係佐敦呢頭食，入面好多貓設計嘅嘢（睇到最尾）咁其實呢間呢個門面幾靚嘅都想試好耐咁不過呢都係食隔籬嗰間魚蛋粉多咁我自己呢就叫咗個薯仔忌廉咖喱烏冬都幾膩同好（漏）個樣就幾靚，味道都OK略為甜同埋另外都加多咗個豚肉片（ok既）跟住另外兩位朋友呢分別呢就是食左明太子溫泉蛋冷烏冬同埋呢個吉列豚肉飯咁味道都係略為甜㗎個蛋咁最後盛惠就$284 啦，我同另外兩位朋友都覺得呢其實可以叫兩個嘢食再分三個人食會比較好，因為都比較濃嘅口味，頭幾啖係會想繼續食，但係食到一半就覺得都夠咁後尾呢其實都再加多咗個冬菇天婦羅嘅都OK正常囉

本身係網上search左佐敦有咩推介, 自己本身都中意食烏冬就被依間吸引左, 同埋個薯仔咖喱烏冬賣相幾吸引, 但可惜當日7點已經賣晒了咁就點左兩個沾烏冬食, 因為出面好少聽沾烏冬, 多數湯唯主, 就試下佢啦結果係超乎難食！！烏冬麵質唔彈牙, 如果佢係出名自家手打既話, 係可以講好失敗沾麵汁同普通湯無分別, 係我食過最稀身既沾麵汁, 基本上係掛唔到上烏冬上菜時提左我地小心熱, 但其實個沾麵汁係無好熱, 我兩三分鐘後已經凍晒, 而烏冬又唔係熱既食到最後問加唔加柚子湯飲, 想講其實佢本身已經可以就咁飲, 一D都唔係平時食開沾麵果種又濃又稠身餐點失望都係其次, 當日叫左套餐所以都有兩款小食跟埋, 小食味道正常但當我地一夾起最後一舊, 店員快到我都未擺落口已經收起隻碟, 其實都知香港食野有用餐時間, 又多人排隊, 但你本身set左用餐時間就可唔可以唔好趕客咁, 小食係咁, 當然食完個烏冬亦係一樣總結, 我唔排除佢薯仔咖喱烏冬好味, 但如果要咁既服務我都唔會再去試了

朋友在佐敦工作，話公司附近有一間忌廉咖喱烏冬超級好味，極力推介，終於有機會去會一會它。早上 11:45 分來到，已經有好幾個人在等着店家中午12:00 開門，既然時間尚早，在附近逛一下，正午回來，幸好座位不多的店也仍然有枱。一心就是要吃忌廉咖喱烏冬，所以二話不說、毫無懸念，和朋友一人叫了一碗。忌廉咖喱烏冬碗面是一隻朱砂赤色的貓爪印，絕對搶 fo ，打卡之餘，又可成為讓人印象深刻的標記。打致幼滑的薯蓉混和香滑的忌廉，再加入甘甜而不過辣的日式咖喱，造成濃厚而絲滑的忌廉咖喱糊。內藏粒粒嫩滑雞肉，起初還疑惑會是一碗齋烏冬呢！介乎於湯汁和醬汁之間的濃稠度，剛好讓每一條烏冬充分沾上，條條滋味 😋。好彩朋友有經驗，知道一碗忌廉烏冬已足夠我們果腹，所以果斷決定只叫兩碗烏冬，吃完還感覺晚餐都可省掉 🤭。QR code 下單期間，因網路緩慢，索性請店員直接下單。友善店員還提醒可以將包包放在椅子下面，這樣，雖然店子小小座位有限，但是客人將包包放在椅子下，就可舒舒服服用餐了。

下午同朋友行經佐敦，見到一間烏冬店面精緻，又多人排隊，就吸引左我地都排隊試下。餐廳鋪面比較細，座位空間較緊迫，枱同枱之間嘅間隔都唔大，私隱度較低。不過，店舖嘅送餐速度頗快。火炙壽喜燒牛肉湯烏冬呢道烏冬冇帶嚟太多驚喜，好似一般嘅牛肉湯烏冬。壽喜燒湯底較淡，烏冬口感除咗稍微爽口外，並無其他特色薯仔忌廉咖喱烏冬烏冬可愛嘅貓圖案，非常吸引，適合打卡。當中咖喱與忌廉嘅配搭濃郁，口感Creamy，但食耐咗會覺得比較單調，同埋碗入邊肉粒比較少天婦羅盛盒天婦羅盛盒中規中矩，入邊有蝦、菇、南瓜傳統嘅配搭，味道正常，香口厚切吉列黑豚腩黑豚腩較為出色，肥瘦比例好，炸得鬆脆，肉感結實，食落都有肉汁

人生第一次寫食評，食完覺得唔寫對唔住自己間餐廳專賣烏冬，但完全唔覺得自己係食緊烏冬個烏冬睇落係真手打，因為好raw，好似小朋友搓泥膠咁樣食落質感係魚麵咁，啲麵係稔嘅，一啲都唔煙韌，未食過啲烏冬係咁我覺得佢買業務用真打烏冬好過，唔好嘥時間自己打麵，咁樣會更對得住自己個名我哋叫咗火炙豚同火炙牛套餐，個湯又豚汁又壽喜燒咁，完全係巧立名目豚汗咁清澈嘅啡色我都係第一次見，2個汁都係同出面買返嚟自己屋企煮冇分別一上枱我真係以為佢比錯我仲要話自己係柚子高湯，加幾絲柚皮就係柚子高湯？咁樣收我$118同$138，真係唔會返嚟食雖然個烏冬真係好差，不過都有讚位嘅2位樓面姐姐態度都好好，而且好彩佢啲貨係入得幾靚At least我加咗個小食吉列黑豚腩，我都覺得佢肥瘦剛剛好，食落唔差，啲吉列炸皮都冇分離總括，唔會再嚟食，都唔會推薦人嚟食呢條街咁多嘢食真係唔洗食佢，對面有拉麵隔離又有魚蛋粉，唔好同自己過唔去

首先系該店不設在網上訂位，🤘見到openrice 有電話可以打去，諗住打左去book左位先。因為吾知道該店既爆滿程度！9月6打去三次 9月8都打過去兩次。完全無人聽電話如果系吾設電話訂位既話.直接吾show電話號碼仲好😆當日一去到坐低食野 短髮金毛女職員全程黑面落野食落枱都大大力 ，老實講做得服務行業小小微笑都有掛？佢每樣落枱我都講哂吾該前吾該後～但烏冬好食既.麵質好彈牙。出面比較小見😋😋一碼歸一碼，食左豚沾烏冬，加牛肉烏冬都好出色👍👍追加左個盛合同紫菜天婦羅，粉吾多，夠脆❤👍但如果要再去幫襯既話就不了一間好既餐廳除左野食要好食外，服務態度都需要重視 短髮女職員長期板起塊面好似趕客禁：真系想問一句..我欠左你錢嗎？