聯發茶餐廳

营业中

休息中

今日我去咗九龍城侯王道既老字號茶餐廳-聯發茶餐廳食飯。呢間茶餐廳已經開咗好多年，係呢頭非常出名既一間餐廳。聽聞影帝周潤發都係常客!我叫左滑蛋鷄扒丼，一口店方馳名的滑蛋配合秘製甜豉油，食落比較特別。另外，朋友仲叫咗炭火叉燒煎蛋飯，飯煮得好香，叉燒有肥有瘦，肥瘦適中，煎蛋煮得剛好，蛋黃有少少流心，撈埋飯食味道好好。而且佢地叉燒蜜糖醬汁都好正，餐廳一啲都唔慳皮，成個飯都有汁，令整個飯更加香，朋友食慾大開即刻扒多兩啖!

聯發茶餐廳餐廳位於九龍城侯王道二至四號地下,餐廳主打炒蛋和各種特色外脆內軟的牛油多士,還有早餐,常餐,茶餐和特餐,供客人選擇,餐廳歷史悠久,裝修簡約帶有點兒懷舊味道,設有卡坐,光猛乾淨,餐龐週不時爆滿,雖然服務員忙個不停,招呼仍體貼到位。滑蛋蔥花叉燒飯$68叉燒蔥花和滑蛋鋪滿整碟飯,香蛋味嘅滑蛋真的很嫩滑,叉燒份量都不少,食落好香口。乾炒黑椒牛肉意粉$70牛肉意粉炒得夠乾身,有鑊氣.不肥膩,牛肉有牛味唔會韌,意粉軟硬適中。花生醬多士$22多士厚身,香濃的花生醬粗粒有口感,餐飲品有熱咖啡熱檸水。

九龍城嘅呢間聯發茶餐廳就之前已經介紹過 其實佢本身都幾出名 因為好多藝人都會嚟食😂😌 而且小編覺得佢哋呢間茶餐廳雖然已經有啲歷史 但係都算係幾衛生 因為有啲茶餐廳除咗懷舊亦都係殘舊 😂 但係聯發茶餐廳俾人感覺係非常乾淨企理😬 而且啲侍應哥哥姐姐全部都好nice😌😛.🐷茶餐小編就好鍾意食茶餐嘅 因為佢哋嘅茶餐好豐富😌火腿 炒蛋呢間茶餐廳嘅炒蛋非常之滑 唔係間間都整到咁🥚🍳 小編非常鍾意 然後會將牛油多士夾埋炒蛋同火腿一齊食 牛油多士個多士係脆到爆炸 加埋啲牛油 香到不得了😛仲有 叉燒湯意粉🍝 個湯意粉都真係幾好食 啲叉燒本身都幾有味 唔係啲乾到好似柴咁樣嘅叉燒😌叉燒口感又好嫩滑 加埋個湯本身都唔錯 意粉都煮得剛好 有啲咬口😌.🐷凍檸茶就算係冬天定夏天 小編都好鍾意飲凍檸茶😛 小編覺得茶餐廳裏面嘅凍檸茶比起出面嗰啲檸檬茶好飲好多 雖然出面嘅檸檬茶好多花款 果香、鴨屎香咩都有 但都係茶餐廳裏面嘅檸檬茶係最香嘅.🐷炭火叉燒蛋飯 （煎蛋）見到呢度其中一個招牌菜係呢一個叉燒蛋飯 小編嘅媽咪就揀咗煎荷包蛋 隻蛋裏面嘅蛋黃🥚仲有少少流心😛叉燒好入味 煎蛋底面微焦 仲有個炭火味道 食落好香好美味🤤 加啲

九龍城聯發出晒名食滑蛋，連發哥都成日去。呢度可以食到美味炒蛋之餘，職員態度有禮，唔會催人落單，食得放心無壓力😆除左炒蛋之外，其實其他野都好食。🥞法蘭西多士 $44呢度只有一個下午茶餐，就係西多😆時間14:30-18:00提供，價錢比一般茶餐廳係貴d,但真係好食d既。見Order嘅時候，餐廳店員好貼心會問個個客人有花生醬得唔得。佢既西多花生醬特別香濃，帶粗粒花生，可以咬到花生粒粒，非常香脆，加$10有得配雪糕一球，加曲奇朱古力雲呢拿味雪糕球，更加無得彈😋👍🥢炭火叉燒飯 11am後提供配煎蛋$88，配$炒蛋$98，配煎蛋就係最正宗既"黯然銷魂飯"！😋叉燒肉味香，蜜汁夠，令整體叉燒味道特別香甜；多瘦少肥，比例啱啱好，外表又唔會太燶，難怪發哥都鐘意黎呢度食叉燒。🥘窩蛋新鮮牛肉煲仔飯$1086pm後提供有飯焦架！🤩焦香脆口嘅飯焦，程度啱啱好，少啲技巧都搞唔掂☕️熱奶茶搭杯熱奶茶，絕對係香港茶餐廳嘅標配啦！嚟到呢度一定要試，茶香奶滑，口感香醇厚滑，值得試

我和朋友最近到了九龍城，一個以美食聞名的地方，我們十分期待這次晚飯的體驗。我們選擇了九龍城的聯發茶餐廳，聽說他們的菜色豐富多樣，讓人難以抉擇。我們點了一份炭火叉燒飯，一看到那香噴噴的燒叉燒和蛋，就忍不住垂涎三尺，入口的瞬間，一股濃郁的叉燒香氣沁入鼻中，肉質嫩滑多汁，每一口都帶來滿滿的滿足感。另外，我們也品嚐了櫻花蝦臘味煲仔飯。這道菜色上桌時，煲仔散發出的熱氣讓我們直呼過癮。一口嘗試，那滿滿的蝦香和臘味的香氣瞬間填滿整個口腔，米飯外酥內軟，蝦仁鮮嫩多汁，真的是令人回味無窮。結束了豐盛的晚餐，我們還點了一杯熱朱古力和一杯凍檸檬水解渴，讓我們充滿了活力。

聽說這茶餐廳出名炭火叉燒飯，晚上七時來吃，高朋滿座，需要在門外排隊。叉燒甜美可口，肉質明顯經過挑選，但似乎感覺不到炭火燒烤後的味道，叉燒飯配上滑蛋，有日式飯的感覺，98元一碗可以一試的。

九龍城食泰國嘢好似變咗香港人嘅常態，但其實九龍城都仲有好多其他好嘢食呢日為咗呢間社交平台網紅店而嚟到九龍城，結果亦都好符合預期，真心正晚餐早咗去到，所以都仲叫到個西多士，個西多士係必食嘅炭火叉燒炒蛋飯$98用炭火燒腳嘅叉燒同平時燒味舖嘅叉燒係真係唔同嘅個叉燒邊脆脆哋又炭香味，叉燒份量好多件件都係半肥瘦啱啱好炒蛋好滑半生熟份量多過個飯，真係兩啖炒蛋一啖飯茶餐$68茶餐可以揀餐包或者多士，叉燒通粉亦都可以轉做雞扒通粉，配搭非常之多元化個通粉係大食妹鍾意食嘅質地，雞扒亦都煎得好香法蘭西多士$44西多士蜜糖自己落，作為超鍾意食甜嘢嘅大食妹，就好似唔使本咁落西多中間有厚厚嘅花生醬，注意用嘅係粗粒花生醬，係有花生粒嗰種，所以食落更加有口感

邊個話去九龍城只可以食泰菜架？今次黎到九龍城同大家分享既系一間看似平凡卻不平凡既人氣茶記 一 由「澳牛」第三代主理既 聯發茶餐廳 《食神》入面有一句經典對白： 「只要用心，人人都可以系食神」滑蛋依樣嘢，話易吾易，話難吾難，但又差之毫釐，謬之千里。要掌握好火喉同時間，都真系需要相當經驗同心機。今次就試左聯發既招牌：🌟炭火叉燒滑蛋飯 $98滑蛋有蛋香之餘，質感非常滑溜叉燒夠淋，仲有小小燶邊位更加分配埋佢地既特制自家醬油 🤤👍

來點不一樣：漩渦蛋包西炒飯🥚🍳🍅🍚少有茶記咁用心整，賣相好📸份量多😋😋 加埋杯熱鮮奶🥛#飲飽🍳漩渦蛋包西炒飯 HK$88漩渦蛋唔單止外觀好，食落都滑溜溜，而且蛋量十足。西炒飯粒粒分明，餐肉粒香噴噴。🥩蔥花玉子牛丼 HK$98我曾經食過，覺得幾滋味。老公本想食返招牌炭火叉燒，可惜賣晒，推介佢呢款，我試咗嚿牛，水準保持到。🥛熱鮮奶 HK$24我成日撞親，而家開始飲返多啲奶，補充鈣質。飲完熱牛奶好好瞓，一啲都唔腥。🥛凍杏霜 HK$24老公飲飲下就濟咗😆 我都有飲下，杏霜都係my favourite，營養價值高。選擇多，具創意，去開九龍城唔一定食泰國菜嘅😘😘

我今日去九龍城行街，專程拜訪聞名之久的聯發茶餐廳，它位於候王道2-4號地下1號鋪。由於聯發茶餐廳的歷史悠久，店內是傳統的裝潢，兩邊的卡座和中間的方檯，甚有懷舊的原味。我點左滑蛋照燒雞扒丼$98，北菇雞杞子煲仔飯$108及雪糕咖啡$38。煲仔飯是即叫即煲的，所以需要耐心等候。雪糕咖啡最先奉上，拿著香濃的熱咖啡，慢慢倒入盛著雲呢拿雪糕的玻璃杯內，深啡色的咖啡流在白色的凍雪糕球上，甚是好看；倒完咖啡後，就急不及待的用茶更來吃熱咖啡中的凍雪糕，真是另有一番風味。服務員收走空玻璃杯後，熱辣辣的北菇雞杞子煲仔飯和滑蛋照燒雞扒丼，就一齊奉上。北菇雞杞子煲仔飯一上檯，就聞到香噴噴的雞香味，配上秘製豉油，真係好味道！滑蛋照燒雞扒丼也是熱辣辣的，雞扒燒得的香口，雞扒厚切，肉質軟腍，雞皮脆口，很有水準。

中午時間門口等候入座人流不少！知道呢度既炒滑蛋係好多人會特地黎食，就算返工放飯都黎排隊食，但等候時間不長！店員安排好好，好快手就可以入座，值得一讚，而且就算繁忙時間安排入座，送餐同收銀時都好有禮貌同耐性見到午餐有粟米肉粒飯雖然係好多餐廳都會有呢道菜，好似好普通，但聯發做既真係唔普通又好食，只睇賣相已經加分，食埋再加多啲分，汁係好juicy好開胃粟米肉粒飯中加了磨菇口感更好，送飯一流，因為我好鐘意有汁送飯評分有中上程度，份量又大份，肉粒好嫩口，西洋菜蜜甜度適中呢度係一間幾有heart既餐廳，有別於一般茶餐廳，menu有啲菜式都幾特別，係呢度先食到

相信如果喺google到search香港推介嘅茶餐廳，九龍城聯發茶餐廳絕對榜上有名，今次喺星期六下午茶時間過去，都驚會有好多旅客同食客排隊去食，但可能上個禮拜啱啱先除夕完，啲內地旅行未落返嚟，所以人流相對較少，可惜嘅係我哋啱啱遇著換枱，所以都等咗20分鐘。埋到枱之後本身諗住嗌佢常餐同加塊西多士，但見佢哋個炭燒叉燒蛋飯咁出色又多人嗌，所以最後都係改變策略嗌咗：1）港式熱奶茶 ⭐️⭐️⭐️⭐️/⭐️⭐️⭐️⭐️⭐️2）炭火叉燒蛋飯 ⭐️⭐️⭐️⭐️/⭐️⭐️⭐️⭐️⭐️3）法蘭西多士 ⭐️⭐️⭐️/⭐️⭐️⭐️⭐️⭐️杯熱奶茶飲完好舒服，茶同奶嘅比例啱啱好，而個茶亦無苦澀味，出色。如果炭火叉燒蛋飯整體嚟講都唔錯，佢地仲會俾枝類似鰻魚醬汁你去撈飯黎食，配搭埋啲炒嫩蛋，口感確實唔差，只係佢標榜嘅炭火叉燒就真係冇乜炭火嘅味道。而最後嘅法蘭西多士亦無咩太大驚喜。而其中一個最大驚喜就係佢哋嘅價錢，佢哋嘅常餐獨特餐都講緊差唔多$70，被起坊間嘅茶餐廳貴咗超過3分1，而炭火叉燒蛋飯都講緊接近成百蚊，都係有啲誇張，或者因為有名氣嘅原因，所以定價都比較高。但確實呢個價錢以我印象比起澳牛更加貴，所以除非係順路經過，唔係特登過去又遇著多人排隊，盞令到自己食得唔開

聯發店舖小小, 裝潢屬舊式茶餐廳的格局, 環境乾淨企理, 食物款式不多, 主要提供常餐, 茶餐, 特餐, 湯麵, 多士等, 至於炒粉麵飯只有數款, 並張貼於茶餐廳的四周, 當中以煲仔飯和炭火叉燒飯最為吸引。 炭火叉燒飯 (炒蛋) $98炭火叉燒飯的蛋可選煎蛋, 太陽蛋或炒蛋, 價格各異, 雖然炒蛋較煎蛋和太陽蛋貴, 但亦較吸引。店員送上炭火叉燒飯時會付上一支甜豉油, 好讓客人按自身需要自行添加。炭火叉燒飯以大碗盛著, 份量不少, 忘記要求少飯, 吃畢實在很飽腹。材料簡簡單單, 就只有飯, 炒蛋和叉燒, 毫不花巧。炒蛋滑溜, 有蛋香。叉燒份量不少, 香氣樸鼻, 每件叉燒均啖啖肉, 肉質偏瘦, 但不會太乾太柴。

下午茶時間路過入去食，叉燒煎蛋飯，難食。叉燒味道普通，硬硬地又少少凍冰冰，無濃邊亦唔覺得有碳燒，連啲白飯都煮得好硬！常餐 $66 餐包跟炒蛋火腿，叉燒湯意，野飲。叉燒切完浸過灑汁，意粉好硬！個餐牌得好少選擇！

人哋嚟聯發係食多士炒蛋或者食煲仔飯我嚟聯發，次次都必點炭火叉燒飯其實即係黯然銷魂飯😉😉.尤其是每次出國回來勁想食香港嘢嘅時候我就會諗起呢碗飯雖然睇落好簡單得叉燒同蛋同飯但要做得好味，一啲都唔簡單.首先佢嘅叉燒要用炭火燒嘅而且火候要啱啱好叉燒要肥瘦適中食落去不太硬，啱啱好烤過的叉燒外面有少少脆加埋適當嘅蜜糖外脆內軟之餘，又有香甜嘅味道然後係蛋炒滑蛋又做到啱啱好都係好難嘅唔可以太熟咁先至可以keep住蛋香將叉燒加埋蛋再配埋飯真係好有香港嘅味道🤤🤤🤤.另外值得一讚嘅係雖然只係一間茶餐廳但係啲阿姐態度一啲都唔差仲好客氣添難怪呢間嘢長期都咁多人幫襯🤭🤭