老闆娘雲南米線

营业中

休息中

一聽荃灣老闆娘米線，朋友就講到好好食，排晒長龍咁。咁啱嗰晚就經過荃灣，見有啲時間去排吓隊，7:00左右去到都已經排到出門口啦，等咗大概20分鐘我哋就入咗去坐，見到入邊其實仲有好多吉枱，唔知點解要啲人喺出邊排隊，然後我哋每台客人搭枱坐，你眼望我眼等多25分鐘就有得食😂。麻酸辣米線小辣 雙拼餸 3/5 $66即叫即整所以熱辣辣大大碗既👍🏻，但麻又唔係好明顯，酸就正常，小辣唔算好譚仔小辣，配料例如肉碎芽菜就幾夠多，但米線份量就少得滯，食完唔夠飽😂。蒜香椒鹽雞翼 5/5係幾出色😋，新鮮啱啱炸好，面頭滲咗一啲蒜鹽粉，咬落去外皮脆口，肉質夠嫩有汁水🤩。魚肉腐皮卷 4/5炸到好脆卜卜，入面嘅魚肉仲夠嫩口。招牌酥炸雞球 5/5又係外脆內嫩大大啖肉好滿足，相比之下更喜歡雞球🥰。雲醬豬軟骨 3/5係夠味但唔係好淋骨都食得嗰種。地點:位於荃灣香車街熟食中心三樓，記住行2層樓梯先3樓，地下嗰層係1樓，見到黃色招牌就係老闆娘啦。環境:暫時夠涼，出面等位唔算辛苦，我見都有掛牆風扇有需要會開。入面係有涼冷氣乾淨企理光猛燈光。價錢:炸物幾出色，但要等40分鐘物食到碗米線就要考慮下，雙拼米線$66。服務:店員態度差左啲

一直想吃這間名氣米線店，第一次和朋友來的時候，店家卻休息了（店家每逢星期三休息，但那天不是星期三），建議大家先瀏覽店家的社交平台專頁，留意營業時間。第二次和朋友來終於吃上了！！！《反斗蝦膠豆卜+魚肉響鈴+蒙古湯+銀針粉》（$66）蝦膠豆卜和魚肉響鈴非常酥脆，而且熱騰騰，即叫即炸，不過兩款口感同味道很類似。湯底方面，滿滿的孜然和香料味，比較重口味，個人覺得有些油膩。《招牌酥炸雞球+魚肉腐皮卷+酸辣湯+米線》（$66）炸雞球果然是招牌菜，雞球外脆內嫩，味道好像兒時街邊小店的炸雞味道，非常juicy。魚肉腐皮和蝦膠豆卜、魚肉響鈴是一樣的口感和味道，沒有太大的分別。酸辣湯底味道不錯，有肉碎、酸菜和蔥花，酸酸辣辣，味道濃郁。由於這家店很有名氣，排隊才能吃上，大家要有心理準備，推介大家吃招牌酥炸雞球搭配酸辣米線！

其實中意米線嘅人都唔會唔識老闆娘XD 淨係望住相都已經想食…每一碗都係分別整，唔係一煲過咁煮好多碗，所以都要預返時間嚟等啊(我仲因為驚要排隊果陣會肚餓，事先打定底XD)但好彩果日咁啱唔洗點排好快就入到啦 好大碗! 份量都好多如果比較細食嘅話可以少米線，我平時食得唔算好多，但米線嘅話份量就啱啱好啦 每次必食嘅麻酸辣湯，同埋好少見到嘅蒙古湯湯底好香濃，落足料去整，肉碎嘅份量都好多食到麻香但又唔會辣到無晒感覺，同酸辣湯兩者都無搶大家嘅味，互相好夾啊 蒙古湯有好香好濃郁嘅孜然味，相對辣味唔算好重 其實除咗米線之外，我相信大家嚟到都係為咗食佢嘅招牌酥炸雞球，真心必食!!!每一份都熱焫焫送上，外脆內JUICY本來因為想試多啲而同朋友SHARE一份，但之後又後悔應該每人叫一份至係另外嗌嘅酥炸鯪魚球就一般肥牛就唔太好食 雖然係遠咗小小，但都會為咗佢而再嚟食!

點了大辣酸麻湯底配炸雞同蝦膠，另加了18元飲梅汁👍最驚喜的是米線 浸極湯都仲有點咬口！😊湯底有層次碎肉亦唔太肥👏炸物真係非常出色👏👏👏👏蝦膠的話叫兩份都不為過💕炸雞是多汁的但味道只有少許咖哩粉香唔見得特別，要是可以配上泰國甜酸醬反而可能再出色？👀😈等位時間大約20分鐘，是可以接受的程度👌🏽服務態度好好👍我怕冷氣凍佢地有調較風口💕位置唔太難搵，距離地鐵站行約10分鐘街市的三樓 🌻會再去食的！

自從試咗第一次老闆娘之後佢就成為咗我同老公心目中嘅No. 1米線 🍜要食到老闆娘去之前記得上佢社交平台睇下當日有冇開免得摸門釘今次同平時一樣叫咗酸辣小辣同埋麻酸辣小辣由於今次冇炸物所以叫咗豬軟骨，豬潤同雞肉米線配一餸$52另加餸每款 +$14米線湯底味道偏濃啱晒重口味人士豬潤啱啱好熟送到來要即刻食如果唔係放太耐會過熟變硬雞肉嫩滑大大嚿👍🏻豬軟骨夠入味但今次軟骨位略嫌唔夠淋飲品除咗汽水之外今次多咗一啲養生茶養生茶甜味適中❤️好好飲花果園 - 桃膠杞子桂圓茶 + $18Fanta - 提子🍇汽水 +$8

今天我要分享一家名為「老闆娘米線」的餐廳。這家餐廳以米線為招牌菜，而我試了他們的酸辣湯米線配雲醬豬軟骨。首先，讓我談談米線本身。老闆娘米線的米湯非常好喝，清澈透明且充滿米的香氣。湯底的酸辣味道恰到好處，既有微微的酸味，又帶有一點辣度，讓人食指大動。每一口都能品味到湯底的豐富層次，令人回味無窮。接下來是配料部分，我選擇了雲醬豬軟骨。豬軟骨軟嫩多汁，入口即化，帶著豬肉的香氣。與米線湯的酸辣味相輔相成，讓整個菜餚更加豐富且有層次感。雲醬的加入使得口感更加順滑，帶來一絲絲的甜味，與酸辣湯的風味形成絕妙的對比。總的來說，我對老闆娘米線的酸辣湯米線配雲醬豬軟骨印象深刻。米湯的味道令人驚艷，香辣的口感讓人回味無窮。豬軟骨的烹調技巧獨特，融合了豬肉的香氣，雲醬的加入更是點睛之筆。如果你喜歡辣味的米線料理，我強烈推薦你來試試老闆娘米線的這道招牌菜。

.今晚又去了好高人氣的米線店🍜🥳*麻辣（大辣）x 吉列豬扒 x 肥牛🐄*麻辣（中辣） x 招牌酥炸雞球 x 時菜🥦………..湯底真係食過咁多間米線店最出色嘅一間，麻辣湯絕對夠麻，大辣都唔太辣，下次試試問問可唔可以到辣多少少必點麻辣湯底!! 招牌酥炸雞球!!配料份量多，時菜都很推介，今晚是生菜，比較吸湯，好惹味………服務方面，服務非常好，但上菜比較慢，是因為店家是一碗一碗做的，所以要耐心等候⏰建議餐廳加多一種辣度比食客選擇因為大辣都未算好過癮……….地址：老闆娘雲南米線 (荃灣)荃灣曹公街8號香車街熟食中心3樓28-29號舖………..

第一次嚟，我反而想試啲特別啲嘅味道，睇吓除咗一般嘅麻辣風味之外，呢間經常排長隊嘅米線店係咪做其他味道嘅米線都咁出色先~講真，我對呢碗蟲草花薑酒米線都幾失望…因為完全冇酒香！除咗冇酒香，佢都係一碗幾好飲嘅甜薑湯，不過就係爭酒香嗰少少…呢碗米線，被湯染成黃色，卻冇任何味道…餸方面，係好足嘅，蟲草花、杞子、紅棗、仲有芽菜。至於服務方面, 有門口安排入座嘅人員，到裏面服務嘅人員，都好有禮貌和細心。雖然第一次經驗有啲失望，不過會再有下一次嚟試吓佢嘅其他米線湯底和炸物😏

太子餃子🥟、九龍城泰國野🍲、荃灣米線🍜，從來都係兵家必爭之地。要脫穎而出唔簡單，今日原本想試同一街市第二間米線，但冇開，所以今日第二次到訪全城著名既“老闆娘米線”。今次嗌左一碗蒜辣大辣既米線同蟲草花花雕湯底米線。配料就有吉列豬扒，雞肉，豬粉腸。1）蒜辣大辣米線先講米線份量，一如概往份量好足，而且麻辣肉碎都好多，好香口。小鍋米線出面比比皆是，但蒜香湯底真係幾特別，而且蒜味好突出，同辣味相映成趣，好食。推薦分數：3.5⭐2）蟲草花花雕湯底米線🌻蟲草花花雕湯底俾到surprise 我，相可以見到蟲草花好多🌻。湯底花雕既酒味🍶同甜味都配合得好好，飲落去有種好暖肚同補身既感覺。有時花雕煮得耐，酒味會散發，但依度既湯底冇依個問題，我覺得比起辣湯底更多吸引我，推薦大家！！推薦分數：4⭐至於餸方面，3）雞肉🐣雞肉就冇咩特別，比較粗身同嫩口，唔會有種煮到好老分拆成絲既感覺，唔錯。推薦分數：3⭐4) 吉列豬扒🐖由於上次試左雞粒，所以今次試吉列豬扒，令我有啲失望，粉唔多，但唔算厚切，冇乜特別調味，食米線既時候會覺得米線味比較搶口，所以我食豬扒既時候，會浸一浸湯先食。推薦分數：2⭐5) 豬粉腸就不過不失，唔會

老闆娘相信大家都已經唔係陌生啦！雖然佢價錢其實係連鎖米線舖嘅兩倍，成80蚊碗兩餸米線！不過係值得㗎！餸／佢嘅雞肉牛肉質地都係非常之嫩口同埋新鮮，而且係真係雞有雞味😂食得出真係有分別，同埋有誠意！另外仲有每次都必嗌嘅炸豆腐魚丸🐟，就算我係一個平時唔係幾鍾意食炸嘢嘅人，每次去到都一定會嗌！食完食有一種好滿足嘅感覺！湯底／我最鍾意就係佢嘅酸辣湯，反而佢有一隻蒙古湯底，我自己就麻麻哋啦！不過大家記住唔好跟Google上面嗰個營業時間，有一次佢嗰日明明應該係營業中，但係上到去就休息了😢如果你哋係喺好遠嘅地方過嚟荃灣嘅話，咁就記住打咗電話嚟confirm先啦！

呢間就算免費再請我食，我都未必會食。1：等候的時間過分地長5:50 到，開始係門口排隊，排咗半個鐘安排入座。開頭我覺得等得唔算耐，話晒都係出名嘅米線。點知一入去一坐低仲要等多半個鐘，啲米線先至上枱，就算幾好味都扣咗分。2：限制客人嘅選餸+餸嘅份量少女朋友嗌一個豬軟骨米線，得兩舊豬軟骨，會唔會有啲過分？我自己嗌牛腩米線，得三舊牛腩，會唔會又有啲過分？其實你出餸速度自己都知有幾快，換言之一個鐘做到幾多個客人都知道，咁點解仲要人排隊，不如直接自己整個預約form啦。客人又唔使戇居居咁等，你又唔使比隔離舖頭鞋口鞋面，想製造人流都唔係咁㗎？味道其實真係麻麻，無想像中咁出色。個人建議想試嘅人真係有時間先去試，因為等待嘅時間夠睇一齣Netflix。

份量多、整體味道偏濃、麻辣的話偏麻但並不太辣，適合唔係食得好辣嘅朋友。米線質感還好，唔會太軟或硬。配料份量適中，如果豬頸肉的話重孜然味。炸物推薦嘗試，炸雞球、豆腐魚丸也很不錯👍🏻

老闆娘雲南米線被很多人推薦過導致我也心癢癢想去朝聖一下從各個報道看到要等很久我也做好了心理準備但我真的體驗後發現沒多餘時間千萬別輕易過來吃排隊等了一個多小時入座後又等了快半個小時我終於等到了😂1️⃣麻辣酸湯+芽菜+酸菜辣牛腩+雲醬豬軟骨(中辣)朋友改吃蔬菜底份量和粉底基本上媲美牛腩味道不算突出 可能是湯底有所影響吧豬軟骨軟糯中帶點口感連正在牙齒矯正的朋友都能輕鬆咬開2️⃣酸辣湯+銀針粉+滷汁豬粉腸+野菌腐皮卷(BB辣)好久沒吃過銀針粉立刻點了來吃意想不到的搭配銀針粉雖然不算太吸湯但配著湯一起入口 也不會覺得乾啃難吃豬粉腸洗得很乾淨 帶一點肥膏 不錯野菌腐皮卷脆脆的 純吃沒啥味道但就是能吸引人一口接一口吃3️⃣招牌酥炸雞球網上每個人都說要點來吃我也不例外點了雞球size挺大粒的外表炸的脆身 肉質保持嫩滑多汁味道帶點南乳醬泡到湯裡又是另一個口味4️⃣吉列豬扒整片炸完再切塊麵包糠包裹的很完美不像隨便炸出來的樣子肉質有彈性 咬下去也是滿滿肉香可惜少了一點甜辣醬只能乾吃或者泡湯了5️⃣山楂楊梅茶聽聞自家炮製的喝入口沒有那種死甜的感覺反而是開胃解辣店家還有其他幾款茶飲看起來也不錯喝的樣子

《純屬個人意見 不喜勿插》是此進食的個人經驗～（岩岩好一個鐘）19:00到門口開始排隊19:13 攞紙研究食咩19:35 可以坐低等食19:50 炸小食上檯20:03 麵上檯上次食左麻酸辣湯 今次想試下d新野見到有人推薦蟲草花薑酒湯 但反而無人講過胡椒湯 今次就揀左胡椒湯配豬潤試試 胡椒湯碗底有好多胡椒粒 個湯都夠辣但係偏甜 （我自己就麻麻d甜味）豬潤比較薄 但係無羶味 正常發揮 下次唔會特別揀豬潤食 （原來胡椒湯同蟲草花湯唔可以額外跟送 所以d送去曬朋友個碗）麻酸辣湯配酸菜啦辣牛腩 簡直係融為一體 同一隻味 總所周知 老闆娘個麻酸辣湯係世一所以都唔需要多講佢呢碗米線都係個句 有時間咪排下食下 荃灣仲有好多選擇d炸嘅小食比較特別 不過同米線分開上 都凍曬啦

慕名好耐，終於有機會嚟食喇今日特登過山長水遠過嚟荃灣度食知道佢一定要排隊排好耐，所以特登係佢五點鐘開鋪，就趕到去食好好彩就唔使點排隊，等左唔夠5分鐘就入去門口黐住好多雜誌、報紙嘅報道所以跟住雜誌報道嘅介紹揀咗唔同嘅炸物我嗌咗酸辣湯底米線，朋友就叫咗麻辣湯底米線，加埋魚肉腐皮、招牌酥炸雞球、反斗蝦膠豆卜、酸菜辣牛腩、冬菇。入面有冷氣，但人好多，所以唔係好涼酸辣湯底米線同麻辣湯底米線，麻辣湯底好麻好香唔辣，酸辣湯底味道就好濃郁個酸味好突出。兩個湯底都超級好味，好想飲晒佢啲湯，但份量都好大份，所以食唔晒，打包拎走。啲炸物，全部都炸得好酥脆，香口，好特別，好少見到出邊有呢啲款式。