老闆娘雲南米線

营业中

休息中

昨天4:45分已到，見到前面第一條龍已經排左人，我係排第二條龍，到左5點10分點知入左頭一批，其實都係十幾人，之後就冇入到人，等到5:30覺得唔係好對路，問下其實等幾耐先入得，話起碼6:20先入得，咁你早講丫，未開鋪前等已經要個幾鐘，又唔派籌俾人，要人咁熱天時硬焗企喺到，聽到咁情況即刻走人，你食埋我果份啦！之前試過食過一次其實覺得一般，諗住俾多次機會，但真係太過份了

有日喺荃灣西做完嘢，諗起有間出名嘅米線舖未試過，突然興起，行咗過去香車街熟食中心探店！🤓🍜 米線 - 秘製豬腩肉 (酸麻辣湯 - BB辣) 😋😋😋😋😋酸麻辣湯做得好好 👍🏻 酸麻好突出，令舌頭👅好有感覺，刺激口水分泌💦 BB辣唔錯，唔會食到好辛苦，有惹味！六分肥嘅豬腩肉切成長薄片，每片都醃得好入味，鹹鹹地，同個湯幾夾！😚 米線都軟硬適中，大大碗 🤟🏻 🍽 招牌酥炸雞球 😋😋😋😋😋見到網上好多人都會加依碟餸，落單時跟住加！😎 大概即叫即炸嘅關係，喺米線到咗之後，熱辣辣上枱！兩舊半個小編掌頭大嘅雞球，炸之前亦都醃好咗，外表酥脆唔厚粉，內裡雞肉嫩滑，有肉汁！值得一試！🤗 晚餐 💵💵 約港幣$70/人💁🏻‍♀️ 依份量嚟講，一碗己經相當多！設有每人最低消費一碗(包一餸)$54，每加一款餸$14。多人時，大家需要喺門口櫃台排隊同落單，再由店員安排入座。🙆🏻‍♀️ 最後，喜歡嘅話，歡迎follow @foodirectory.hk！

終於都比我去食老闆娘啦～今次我簡係平日開門前30分鐘就去我地排到第1呀～過左10分鐘後面就開始有人排隊聽講炸物好出色🥰即刻叫啦～湯底有好多特色仲有得簡辣度🤤🤤單餸+蒙古湯(bb辣)米線 $54簡左外出比較少有既湯底真係有啲似孜然粉既味但幾特別喎🤤2餸麻辣胡椒湯(bb辣)米線 $68入口好重麻椒味飲一口舌頭已經麻痺咗但夠哂刺激呀～叫左3款炸物類魚肉響鈴 蒜香麻鹽雞翼 酥炸鯪魚球即叫即炸😍所以會湯麵到先黎到熱辣脆口 出哂煙唔咬開都唔知原來係魚肉響鈴🤣🤣另外+ $18飲左花果茶金羅漢果雪梨茶真係好清甜洛神花茶好少可我會鐘意飲呢個真係混合得岩岩好👍👍總結 如果想食特色湯底加勁香口炸物就一定要試下老闆娘果然不同凡響走嗰陣門口已經排咗一大堆人老闆娘雲南米線 荃灣曹公街8號香車街熟食中心3樓28-29號舖#Foodie_aki #yum_yum #foodie_aki荃灣#荃灣美食 #荃灣米線 #米線關注組 #米線#老闆娘雲南米線 #老闆娘 #蒙古湯 #麻辣胡椒湯

出面排隊等左十分鐘，13分入座，但坐低仲要等超過半個鐘、59分先黎齊餸同米線。過程仲要有上錯餸、嗌牛肉變雞肉。地方唔大、得圓大枱為主、要同其他人搭檯。個員工先將一碟兩舊炸腐皮卷直接放起我地面前，之後再比左一碟兩舊炸腐皮卷+3舊炸鯪魚球我地，全程都係直接放檯無問過我地。食到中途，個老闆娘過來當住成檯人面前、態度極不友善咁質問我地嗌左咩，我同佢講有嗌腐皮卷同鯪魚球，跟住佢問點解會有多一份。當時我地淨係食左第一碟腐皮卷、食剩一舊；另一碟既腐皮卷我地掂都無掂。想講第一次食、客人係唔會知你啲餸有幾多，60幾蚊米線，但原來炸餸得2舊。自己員工擺錯位，變左係客人責任同問題咁。我地唔知比咩反應個老闆娘，佢一直企起到望住我地一定要我地回應。好啦當我地話：「其實我地未食，你可以拎走佢」，佢話唔洗無收走碟野，再無視我地直接同隔離位講依家幫佢地炸返，好似我地突登食埋隔離檯客野咁。想講成件事客人都係好被動，本身亦都唔知隔離人地點左咩(因為入座前已經落單)。做老闆唔係檢討吓點解員工做野咁混亂，而係起到當眾令到個客難受。最後剩返果碟腐皮卷我地係無食到、而我碗米線食到一半都無心情食落去。臨走出到舖頭，忍唔住同個老闆娘

服務態度極為惡劣！連自己上菜既問題都可以怪客人，客人點小食自己前後腳上錯雙份搞錯枱，客人本身都掛住傾計無為意未掂無食你，到發現貴店上錯都未曾食多過未身叫既，你解決問題既方法唔係即刻去講返聲抽返起一份俾返啱既一枱客，反而去怪客人唔出聲？衣家貪心動筷食咗你哪？由始至終都無食多過自己付款買既野原來都要因為你既錯誤受你怪責？識煮好野食都好，麻煩分下是非黑白諗下件事先好去責怪客人！澳牛態度唔好但都講道理，老闆娘不知所謂！

相信鍾意食米線既人一定有聽過老闆娘既大名，每次去到都一定大排長龍。喺出面排隊既時候已經填好想食啲咩，交俾前頭既人拎埋野飲就可以入座，安排流暢。之前睇過訪問，米線係逐碗逐碗咁煮，所以入到去其實都仲要等一陣子先有得食。湯底試過麻酸辣同埋酸辣，個人口味鍾意麻酸辣多啲，好重口味麻得黎好過癮。炸物今次叫咗酥炸炸鯪魚球、魚肉響鈴、野菌腐皮卷、反斗蝦膠豆卜。上菜既時候全部都熱辣辣，而且炸到好脆，咁多款入面最推介野菌腐皮卷。值得一讚係入面冷氣好夠凍，就算碗麵幾辣都好，都唔會食到出曬汗！

店名: 老闆娘雲南米線地址: 荃灣曹公街8號香車街熟食中心3樓28-29號舖1.麻辣酸湯米線2.蒙古湯米線3.招牌酥炸雞球今日行開荃灣，又係香車街街市附近，記起老闆娘娘米線好耐無食過，一直都係超多人排隊，決定拼拼運氣睇一下多唔多人排隊，今次幾好彩，約1800左都係10個以內，等候時間尚可接受，約等候半小時左右，已可以坐得，入去前再望下人龍已經大排長龍🙈🙈我一直覺得老閣娘係一間被炸物耽誤嘅米線，就好似壽司郎一樣係一間比甜品耽誤嘅壽司店一樣，炸物頂呱呱一定要試，特別推介佢個招牌酥炸雞球，炸得啱啱好，大小適中，咬落去重有肉汁，真係唔做米線，改行賣炸雞都無得輸。如果覺得熱氣可以試下佢地自己煲嘅茶賣。米線就不作介紹，湯底就試左一個麻辣酸湯，一個蒙古湯，蒙古湯味道其實好得意，孜然粉嘅湯底，食落去第一啖可能好唔習慣，但繼續食茖去又OK，所以未試過可以先試一下。

1）招牌酥炸雞球酸辣湯米線招牌酥炸雞球大大舊，一咬落去啲雞汁出晒嚟，外脆內嫩，超級好味，好香口，配埋佢嘅香葉，真係一試難忘，必叫之選。酸辣湯米線，湯底好好味，米線好滑，食到停唔到口。2）酥炸陵鯪魚球蒙古湯米線食完招牌酥炸雞球太高質，相對上對鯪魚球嘅期望會大咗好多，所以一食落去，覺得冇雞球咁完美咁正，正正常常嘅味道。蒙古湯米線，湯底好好味好特別，第一次食哩款湯，好正。配埋米線好夾。3）魚肉腐皮卷同樣，食完招牌酥炸雞球太高質，相對上對魚肉腐皮卷嘅期望會大咗好多，所以一食落去，覺得冇雞球咁完美咁正，正正常常嘅味道，唔錯。

在2024年7月9日前往晚餐,去到時見到有人排隊,所以我去服務人員問問,我當時只是我一個人,所以就好快就可以進入食用,我叫了一個小辣蒙古湯底的米線,另外叫了魚肉腐皮卷、反斗蝦膠豆卜及吉列豬扒作餸,等了大約20分鐘送到我面前,炸野食好脆卜卜,口感豐富,值得一試。米線湯底味道濃厚同小許辣,所以叫了一支花茶飲,整體該食店是值得一試的。

荃灣出名食嘢，專登過嚟食老闆娘，有定心理準備預咗要排隊,,今次等咗30分鐘到 ，加上因為排長龍覺得一定好味道，期待已久。上網見到話服務態度差，都預無期望，畢竟一碗車仔麵，但求味道好其次性價比👍坐低之前已經交咗張紙，叫咗三碗，📍兩碗酸辣湯底 (Bb 辣)，湯底偏酸完全冇辣味，而且酸菜有啲鹹，米線都叫正常另外加咗豬軟骨同埋招牌炸雞同炸腐皮卷.炸雞食得出係有醃過，肉質偏嚡🥹 陳皮魚蛋正常.食咗一半已經覺得好失望，埋單$82/碟📍蒙古湯底，因為出面比較少見，所以朋友試咗呢個味道，冇乜驚喜，有啲似三哥某一個湯底，配料份量唔算多，但係勝在湯夠多望落去大大碗。呢一碗冇叫餸，但係叫咗兩份小食炸雞粒同埋腐皮卷。 $88總括嚟講唔會再食，連鎖適應店嘅酸辣米線都好食過佢哋，頗為失望

上一次食老闆娘米線，應該係一年前，嗰時都需要排隊，今日再次幫襯，人氣依然不減，晚餐時間大約排咗45分鐘先入到去。喺排隊嘅時候職員就會遞張tick tick紙俾顧客可以揀定啲餸先，排到嘅時候就會收走張紙，入去座位坐住等餐上。🔖酸辣湯米線米線夠酸，屬於小辣，個人比較鍾意爽口少少嘅米線，今次嘅米線煮得偏腍，有啲失望。🔖蒙古湯米線蒙古湯米線嘅味道係落咗好多孜然粉嘅湯底，飲嘅時候唔順口，非常一般，唔建議大家嘗試🔖炸雞塊米線未上嘅時候，雞塊好早就上咗，所以等米線上到嘅時候雞飯已經凍凍地。🔖魚肉腐皮卷腐皮炸得薄脆🔖吉列豬扒豬扒肉質正常，外皮炸得香脆🔖李乾蘋果茶呢個嘢飲就麻麻哋，唔會再嗌第二次今次嘅用餐體驗比較一般，味道已經冇之前咁好食，同埋排隊時間亦太長。

今日叫咗其中一個餸係炸雞球。個後生女侍應攞碟炸雞球嚟，問係咪我哋叫，我話係。冇幾耐又多碟炸雞球(係坐隔離既客嗌)。個後生女仔侍應用非常惡劣嘅態度同我講：「咦？頭先我問你你又話碟炸雞球係你？碟炸雞球係人哋㗎！都唔係你！」我想問我都係叫炸雞球，咁你問到我有冇嗌，我有嗌唔通我話冇？同埋我點解會知道坐隔離嘅客叫咗咩？如果要清晰啲，係咪問個客之餘，都要店舖自己mark清楚邊個要咩餸？而唔係開口就鬧人？呢個後生女侍應咁樣嘅服務態度？前設仲要係個客冇錯wor!

早幾日專登帶外國返黎嘅朋友去試老闆娘雲南米線！今日幾好彩可能早d 去大約六點幾，竟然唔使點排隊，但走嘅時候七點幾大排長龍🙈🙈個湯底真一流，我朋友揀咗蒙古湯底，我揀咗麻辣湯底一路被喻為被炸物耽誤嘅米線，炸物果然冇得頂特別推介佢個炸雞同埋魚肉風鈴卷。服務方面除咗比較繁忙之外，但個個禮貌都好好唔係傳聞中嘅態度惡劣 每日都會有佢自己煲嘅茶賣，今日試咗佢個羅漢果茶值得一試 味道清甜！價格兩個人食咗200幾，但係淨係炸物都叫咗五樣啊，感覺價錢還好，的的確確係食咗一個有質素嘅米線🍜😂我外國朋友已經想再食，又話想打包返去😂😂

今日專登帶個移民咗去星加坡嘅朋友去試老闆娘米線！今日幾好彩可能早去大約六點幾唔使點排隊走嘅時候七點幾大排長龍🙋🏻個湯底一流，佢揀咗蒙古湯底，我揀咗麻辣湯底 （佢話想臨上機之前打包個湯底返去新加坡😂）一路被喻為被炸物耽誤嘅米線，炸物果然冇得頂，特別推介佢個炸雞同埋魚肉風鈴卷😋😋 服務方面除咗比較繁忙之外，但個個禮貌都好好唔係傳聞中嘅態度惡劣🫣 每日都會有佢自己煲嘅茶賣，今日試咗佢個羅漢果茶值得一試 味道清甜！價格雖然係略貴兩個人食咗240幾蚊！但係的的確確係食咗一個有質量嘅米線🤭🤭

在平日晚上排咗一個鐘ge 米線！鋪外已經有拉帶柱圍咗畀人排但就唔算好辛苦因為冷氣風扇好強勁🌬️🌬️🌬️排隊嗰陣職員已經派定筆同紙寫定食咩咁我計過時等咗一個鐘就入得去食嘢飲喺門口就揀定花茶$18 汽水$7坐低都等咗一陣先上嘢食叫咗蟲草花薑酒湯米線配豬潤$56我自己覺得好好食 足料 豬潤熟到剛好 食落口喉好舒服薑酒味出 湯我都飲哂咁滯飲完就覺得好補身🤣🤣🤣另外嗌咗酸辣鮮牛肉米線搭多個雙拼招牌酥炸雞球拼反斗蝦膠豆卜3樣加埋$82哩碗我無食比唔到comment但個炸物真係勁好食😳😳新鮮炸得黎入面仲juicy 同滑同埋d 味唔係死咸又唔會油淋淋👍👍👍👍👍🥺希望下次嚟唔洗排咁耐😣🏠老闆娘雲南米線 (荃灣)荃灣曹公街8號香車街熟食中心3樓28-29號舖