翡翠拉麵小籠包

营业中

休息中

朋友話想食小籠包，就入左去翡翠拉麵星期五放工時段真係好多人但好快就入得嗌左好多野食好快到又好味見到有新特飲，即刻試！藍色個杯好好飲，係類似荔枝玉露，係叫「多瑙河荔枝爆珠梳打」！

星期五晚約左朋友食飯，朋友想食小籠包，所以揀左黎翡翠拉麵食，叫左小籠包，上海炒年糕，紅油抄手，同小食拼盤。炒年糕同平時食開既一片片個隻唔同，佢係粗身長條形既上海年糕，咬口煙韌好多，抄手就屬於偏辣，小食拼盤同小籠包都係不錯，整體感覺，侍應態度良好，食物質素中上，下次會再幫襯。

一向好鍾意食上海菜，今次就同咗屋企人食沙田依間翡翠拉麵小籠包😁😁每次食上海菜呢，賽螃蟹同埋紅燒獅子頭係必叫嘅😆😆😋😋由於係同長老一齊食，所以叫嘅食物都比較清淡一點😀我哋再叫多咗個水餃麵水餃皮薄餡靚，每粒都晶凝通透，口感幾好👍👍啲食物係高質😄😄翡翠拉麵小籠包一貫嘅質素嗰賽螃蟹，蛋白好香滑，紅燒獅子頭呢，肉同d 菜就好入味，而餐後甜品，我哋就要左酒釀丸子😁整體都滿意，唯一係人比較多，服務一般

同家人係附近玩完，黎左沙田新城市食野，星期日中午時間都幾多人等，不過一行三人好彩5分鐘到就有得入座👍🔸炸醬拉麵炸醬口味濃重，辣味好出，炸醬既份量都幾多，撈晒成個麵都炸醬都仲有淨，麵條帶啲煙韌，口感唔錯。另外配埋一碗清湯，麵條黏住既時候可以加少許湯撈一撈，炸醬麵整體比較重口味，醬汁少一啲可能會更好😉🔸菜肉雲吞湯拉麵菜肉雲吞size幾大粒，外皮滑溜，湯底清，麵條軟硬度適中，湯底好清，清淡之選。🔸炸銀絲卷外皮唔會太厚，輕輕炸過外皮有層薄薄既脆皮，入面軟糯，點煉奶食好正🔸上海小籠包一籠四隻，入面充滿湯汁，皮薄，趁熱食唔錯👍🔸嫩雞煨麵叫左嫩雞煨麵比小朋友，有菇、小棠菜、雞肉絲，麵條軟淋，湯底稍微偏鹹，整體都ok呢度有bb餐具同bb櫈，帶小朋友黎食野都方便，環境都舒服，上菜快，整體係正面既體驗。

訂咗位今晚 喺翡翠小籠包拉麵 食上海菜 叫咗小籠包 好juicy 雞火炒飯 醉豬手 招牌擔擔麵 蘿蔔絲酥餅 保持水準 高力豆沙 好軟熟不太甜 飲品叫咗桂圓雪梨茶 凍檸檬薏米水不太甜 今晚都好多人好彩一早book咗位 下次約多啲朋友可以食多啲嘢

今日喺新城市廣場行行吓街 經過見到翡翠拉麵 就入咗去用膳 下午時段唔係好多人 發現有個店舖限定嘅下午茶餐牌 好抵食😍我哋點左個牛展夾餅試下 都係$58！而且味道唔錯 呢個價錢值得一試！另外我哋叫咗個鱔糊炒拉麵，屋企老人家都好鍾意食鱔 所以專登叫來試，點知真係有驚喜！炒得好香口 鱔好新鮮冇腥味，下次再嚟一定會再食！

每次想食小籠包就會過嚟食今日約左朋友下午茶就決定過嚟呢度貪佢好坐同坐幾耐都得 吹水傾計一流只限於下午茶時段😆⭐️上海小籠包皮薄多汁 肉餡鮮味⭐️鮮肉鍋貼鍋貼底香脆 肉餡鮮味⭐️醉豬手酒味清香 豬手爽彈 夠入味⭐️瑤柱賽螃蟹蛋白滑溜 帶瑤柱香 但偏油膩左啲⭐️上海排骨拉麵排骨厚肉 外脆內嫩 有肉汁拉麵係手拉 口感爽滑彈牙湯略嫌太清淡 濃啲會更好總結：食物中上 份量偏少環境服務正常 價錢可以算少貴 但出品質素唔錯 所以都可以接受

⭐️雞絲粉皮麻醬幾香 雞絲軟腍 粉皮有彈性 加埋青瓜絲 幾清新開胃⭐️花雕醉雞醉雞夠 入味 酒味濃略嫌唔夠香肉質唔算嫩滑 尚算軟腍⭐️上海小籠包皮薄 多汁 肉餡鮮味 ⭐️瑤柱賽螃蟹蛋白炒得嫩滑 加埋瑤柱作點綴 味道都唔錯 可以加少少醋食⭐️清炒河蝦仁河蝦仁 都算幾大隻 爽口鮮甜但少少偏鹹同油膩⭐️京蔥爆牛肉有鑊氣 牛肉鮮嫩 滿滿京蔥洋蔥香 調味較濃⭐️上海炒年糕年糕軟糯 味道香濃 炒得幾好 唔會好油膩 但份量略少總結：食物中上 份略偏少環境服務正常 價錢可以

和家人晚餐，有老人家比較喜歡食中菜，翡翠也是不錯的選擇，老人家也很喜歡。我們點了匯豐信用卡優惠套餐有了折扣，相對下比較抵食好多。點了餐之後也很快把食物送到桌上，食物都好精緻的賣相，味道也不會太鹹和太油膩，小籠包味道好好味，又多汁😋環境也算大坐落去很舒服👍🏻

今日同屋企人嚟到沙田新城市廣場食飯，五點幾未到六點 就已經諗住早啲食飯避開排隊既時間😎 而家有得用QR code 落單都方便。水煮牛肉同豆沙鍋餅都好食如果嘢食再上得快d就更好。

其實已經唔係第一次 真心忍無可忍從未試過有可以喺openrice網上book位嘅餐廳會咁樣唔聲唔聲鬼鬼祟祟cancel人booking 無電話無通知唔自己特登check根本唔會發現你滿你唔好俾人網上bookBook到你唔好預知未來話會滿人地book左你想cancel 電話通知聲基本禮貌嚟不如所謂大佬你打開門做生意，幾好生意都好基本尊重都應該要有。食唔到下次食過好少事。上一次我可以當你唔小心Cancel 左，一次係咁兩次係咁就即係有心打夠兩百字俾負評你

。Crab roe buns are actually pork buns with just a little bit of crab roe. This is also called crab roe bun? ? ? A recommended fried rice with shrimp oil was not even as good as my own fried rice. The food was served very slowly, I just forgot to serve the fried rice, and reminded them to wait until they were almost finished, and two people ordered. . . The two ordered 0, and it was still unpalatable. I don't know how this store got here, and I will never come here again.

蟹黄包其实是猪肉包，只有一点点点点点蟹黄。这也配叫蟹黄包？？？亵渎包！！对小笼包的亵渎！！！上海的路边小店也比你还吃1000倍。一个推荐的虾头油炒饭甚至不如我自己炒的。上菜巨慢无比，直接把炒饭给忘上了，都快吃完了提醒他们才上。。。两人点了四个菜，一共400多，还很难吃。不知道这店怎么来下去的，以后是永远都不会来了。Crab roe buns are actually pork buns with just a little bit of crab roe. This is also called crab roe bun? ? ? A recommended fried rice with shrimp oil was not even as good as my own fried rice. The food was served very slowly, I just forgot to serve the fried rice, and reminded them to wait until they were almost finished, and two peo

與朋友共聚到沙田新城市食晚飯，想起很久沒有食過翡翠拉麵小籠包，所以特登到店，嘗試栗子雞煲,味道非常可口,有少少辣,三鮮燴魚肚,湯汁入晒魚肚內,好味朋友讚不絕口,朋友會再介紹比其他人到來嘗試

去完一田購物上到二樓 見到翡翠小籠包拉麵 等咗一陣就有位 安排坐在窗邊 自助點餐形式 揀咗橙蝦球 上海排骨拉麵蘿蔔絲酥餅 醉豬手 蟹粉小籠包 橙汁蝦球橙味清甜蝦肉爽滑 排骨拉麵 排骨肉厚 好香口 拉麵好爽口 蘿蔔絲酥餅 清甜鬆化 醉豬手味清香 小籠包 好juicy好好味