翡翠拉麵小籠包 (已結業)

今天來到了沙田，好不容易是下午茶的時間選擇可多了，我選了翡翠拉麵，因為他除了下午茶其他時段都很貴。所以我吃了一直很想吃的翡翠拉麵，因為他拼長時間都很貴。選了招牌擔擔麵：這家翡翠小籠包是我吃過全部最好吃的擔擔麵，麵條彈牙清爽湯底非常濃郁的花生味道及小小辣，調味真的很好吃。恢復以前的水準。小籠包：還是一如既往的水準那麼好吃。再點一杯無糖可樂完美的完全的我的胃。想不到這一家的水準是我在全部的翡翠拉麵裡面吃最好吃…查看更多

很久已沒有來到這位於沙田新城市廣場第三期的店子。今天難得午膳時間輕輕鬆鬆便找到了二人舒適的座位。一坐下，店員便送上熱茶和餐前小食。看過餐牌，我們便各點了一個一人套餐。輕盈前菜～四喜烤麩烤麩吸收了汁醬味道不錯又不會過鹹，配爽口雲耳和毛豆吃，口感甚佳。～鎮江排骨甜口的鎮江排骨骨肉分明，配白飯一流。手工拉麵/小菜～糖醋魚柳甜甜酸酸的魚柳味道討人，醒胃好餸飯。～瑤柱賽螃蟹白滑賽螃蟹令人一啖一啖吃不停。養顏豆漿一大杯熱騰騰的豆漿是冬日恩物，原汁原味。結帳的時候真有點驚喜，原來第二個一人套餐享有半價優惠。最後，二人前菜、茶錢和主食合共$198.4。…查看更多

天寒地凍唔想煮叫外賣，睇左一陣揀左間連鎖上海野食，之前都堂食過幾次，味道正常，今次外賣唔知會不會中伏🤣等左一陣野食送到，今次叫左醉雞，鍋貼同小籠包。唔知係因為天氣凍定係一段時間先有人接單，送到黎d野食凍晒，諗住都係中伏。打開相機食完到我食，雖然係凍左d但味道仍然好好，同堂食分別唔大，當然熱食既話會更好食。小籠包同鍋貼都保持到水準，不愧係餐廳既皇牌產品，兩款既包都無因為凍左而個皮變硬難食左。不過個醉雞有小小苦，同雞肉鞋左些少，但整體都還好既。…查看更多

兩個人晚上1818點餐，先來個金銀蛋波菜，再來個炒飯之後個炒牛肉完全失蹤～咁啱又坐正個風位，所有嘢都凍曬已經無心情食啦，叫個侍應姐姐取消個牛肉一聲唔好意思啊對唔住都無聲～成間店職員都黑口黑面，不論食物質素同服務都越來越差，應該係唔憂做～所為的10%服務費，水都無加過唔知以為自己去緊大排檔…查看更多

翡翠拉麵小籠包有多間分店，出名程度係去到香港國際機場都有其中一間分店👍🏼 出名以現代手法去演繹傳統嘅美食，所以廣受大眾歡迎🍜 酸辣湯拉麵超大份量，小熊貓一個都爭啲食唔晒😆 入邊十分足料，大大個面底，配有多款食材如木耳絲，豆腐絲，豬紅等等~ 🥟 小籠包呢個係必食嘅～ 每一份都係新鮮製作，所以上枱嘅時候仲係熱辣辣！ 一定要趁熱食，點一點佢附上嘅薑醋，然後入口嘅時候感受到佢皮薄餡靚～ 一咬就有好多湯汁流出嚟，肉質細緻☺️ …查看更多

這店開業已久，之前都覺得好好吃的，但近日發覺有點退步了。周六中午喺新城市廣場，竟然唔使排隊，立即有位，店內約8成客左右。我們兩個人不是太肚餓，所以只點了一碟糖醋骨，一碗陽春麵及高力豆沙！前二都好味，但糖醋骨份量少得可憐，我還以為是“一人前”的份量😱！ 高力豆沙，個皮太厚，麵粉多，口感不好，有待改善一下。店舖坐位舒適，每張枱分隔也不覺得迫👍 服務態度不錯，奈何人手不足下，叫侍應也要叫兩三次，幸好侍應們有笑容😊總括來說，份量少，價錢足，不過不失的一間上海菜餐廳。…查看更多

呢間係食完會想再食嘅舖頭，味道平實幾好食，唔算重口味。最鍾意食紅油炒手，仲可以蔥、辣油另上，自己調節想要嘅辣度。賽螃蟹，配醋同白飯，正。金沙蝦都好好食，不過好貴，$168得6隻 :(坐落環境都舒服，有茶位費，又有加一。…查看更多

強烈推薦大家幫襯沙田翡翠小籠包！呢度有好好味嘅上海菜，service好好，尤其有阿Ling姐在，佢服務態度好，好親切，好有效率，次次嚟都有種賓至如歸嘅感覺。我個人吃左十幾年，服務一路都保持得好好。原有菜式質量保持得好好，近呢幾更加會主動嘗試許多新菜式，改善餐牌，是一間美味抵食嘅上海餐。…查看更多

翡翠拉麵係沙田應該有十幾年，小朋友由細細個已經開始幫襯，最鍾意食葱油幹撈拉麵，小籠包，我最喜歡食酸辣麵😍，每次來必食，服務員個個好有親切感🥰，今日Zhen姐仲介紹我飲左杯柑橘柚子梳打，味道唔錯，好適合夏天飲👍👍👍，希望你們繼續保持落去，我們一家都會繼續支持你們，加油…查看更多

幫襯20年的翡翠拉麵小籠包，一直保持水準，但偶然都會有人手不足而水準下降，幸好水準好快上升保持返以往的水準。#小籠包，海蜇燻蹄，雞火炒飯，水煮牛肉，烤雙方，必食👍🏻…查看更多

早兩年食呢間餐廳覺得水準都可以，冇食一排，嗰日兩大一小去幫襯，叫咗平日午市一人套餐+小籠包+嫩雞煨麵。個套餐有一個小食，一個主食，同埋一杯豆漿。小食要咗鎮江骨，一食落去好大浸雪味，肉質又靭，啲糖醋味完全入唔到舊排骨裡面。主食要咗酸辣湯麵，叫做正正常常。上海店小籠包應該係精粹，但個肉餡做得比堅x號同其他小店更差。至於個嫩雞煨麵就仲離譜， 人哋通常有一湯碗，佢$83仲要細細碗，雞肉都唔多一條，好過份！真係好難再幫襯！…查看更多

行行吓突然之間想食上海嘢，經過翡翠拉麵小籠包，唔算太多人等位，就呢間啦😉 雖然唔算好多客人，但係服務又真係唔算太好，唔知係唔係唔夠侍應，上菜速度都比較慢 🥹🥹 希望下次嚟可以改善吓 乾煸四季豆 $85一上菜，其實好香，但係食落口唔係好熱，應該係擺咗喺度一輪，但係冇侍應拎過嚟，味道都尚算好食既 糖醋魚柳 $95酸酸甜甜既魚柳，大大啖食落去都無骨，啱晒我呢啲懶人唔使擔心啃骨 🤣🤣 京蔥爆牛肉 $118牛肉份量都算多，好夠鑊氣，味道勁香濃，送飯一流 👍🏻👍🏻 桂花酒釀丸子 $36甜度適中，丸子煙煙韌韌，有淡淡的桂花清香，好食 ❤️白飯 $16唔算好大碗，啲飯有啲爛 …查看更多

沙田其實好多野食，但我食嚟食去，朋友都好鍾意食翡翠拉麵小籠包多嘢揀得嚟，又有前菜又有主食又有甜品主打小籠包，真係食極都食唔厭！會經常嚟幫襯甜品以前鍾意食豆沙鍋餅，而家鍾意食高力豆沙…查看更多

這是回頭率高的連鎖餐廳聽說翡翠是新加坡過江龍，在香港好說有十年八年歷史，分店越開越多，質素有一定程度保証。這天晚上我和好朋友去沙田新城市分店吃晚餐，點了小籠包，菜肉雲吞，素菜麵，和小食3味醉豬腳，烤麩，淆肉。小籠包湯汁充足，跟醋汁很配合，一如既往的好吃，個人覺得比某台灣連鎖集團的香港店更好吃。素菜麵和菜肉餃清而不淡，吃完不會口渴。小食3味也不錯。總體比同類餐廳平均質素高，如果午餐或晚餐想不到吃甚麼，翡翠是理想選擇。#翡翠拉面小籠包 …查看更多

呢間嘢絕對係我其中一間最常去同最鍾意去嘅食肆，我諗我冇去咗50次都應該有30次，呢間食肆主打就係上海菜。食物款式都真係好多，我個人嘅至愛就係酸辣湯拉麵。除此之外，仲有好多其他值得推介嘅食物，包括經典嘅小籠包、松子黃魚、雪菜毛豆柏葉、烤雙方、乾燒明蝦球、紅燒獅子頭、乾煸四季豆等等，保證有一款會令你滿意。我平時都會有去其他食上海菜嘅餐廳，但係我覺得佢哋嘅食物質素都冇呢間咁好。服務我覺得都幾好，上菜速度符合預期，價錢亦都唔會太貴。所以整體嚟講我非常推薦呢間食肆。…查看更多