美味餃子店

营业中

休息中

任何時候，都大排長龍的美味餃子店，我由多年前的細店，食到而家搬去大南街的大店，人龍依然沒短過。每次來都等很長時間，但值得的，因為他的餃子大大粒，湯底又是野葛菜豬骨湯，每次當涼茶喝清光。不過近排可能人手有變動？湯底比之前淡了，感覺真的差了。煎餃就沒太大變化，依然皮脆肉多汁。而靈魂人物一定是他的辣椒醬，有菜脯和豆豉在裡面，基本上是必食的，沒有辣椒醬，餃子便沒了靈魂。不過可能沒來一段時間，所有野都偷偷地加了價，可能鋪租真的不便宜

朋友介紹話值得一試, 去到現場已經有d想走, 目測已經有十多人排緊隊😑 排左陣後面又有十多人為了節省時間 門口等候期間已經揀好食D乜! 其實覺得都幾貴, $46 十只餃, 聽到後面排隊嘅人講( 又加左價!)一場排左咁耐當然湯餃同煎餃都要試哂 !原來都大大粒, 對得住價錢 👍🏻湯頭好味, 餡料中菜同肉比例剛好, 皮唔會過薄過厚恰到好處至於煎餃更係大愛, 煎得有少少脆但內裡又鎖得住汁, 點自家製的菜甫豆豉豉油更惹味！外賣左半打比屋企人，屋企人都讚..

呢間餃子店喺太子都算出名，成日好多人喺鋪頭出面排隊，所以我今次都慕名去試吓。我今次叫咗雙拼水餃，椰菜雲耳餃同韭菜餃，仲加咗$10要咗個米粉，再加多一杯豆漿。兩款水餃嘅水餃皮都幾滑，塊皮唔算好厚，幾煙韌。個人鍾意椰菜雲耳餃多啲，因為菜同肉嘅比例均勻啲，以韭菜餃食落真係好多韭菜冇乜肉，但係鍾意食韭菜嘅人就會覺得幾好味啦。水餃個湯就比較清淡，重口味嘅人就會覺得淡啦。值得一試嘅仲有佢個辣菜脯，但個人就鍾意佢再辣啲，食落會醒胃啲。豆漿唔錯，唔算好甜，飲得出係自家製。米粉就一般啦。個人覺得是一次就夠，如果見到超多人係出面排，就食第樣啦。唔值得花時間去食，總括來講，水準一般，有啲名過於實。

水餃，是其中一種我十分喜歡的食物。這種簡單的食物，盛載著每家每戶獨有的手藝。我喜歡的水餃是那種外皮厚薄得宜，滿有嚼勁的。皮薄餡多並非我對水餃的期望。太子近深水埗一帶，有幾家滿有名氣的餃子店。而今天我便來到美咪餃子店。店內可謂座無虛席，而我剛好坐了店內當刻的最後一席位。一坐下，便馬上被催著點餐。老實說，這種港式快餐文化無疑是充滿壓力的。雖說，店內水餃只有三種口味，但煎的、放湯的、大份的、小份的、單併、雙併等多種叫法，還是需要時間去思考的。在被著目的催單下，我只好跟著旁邊的食客，點了小碗的椰菜雲耳湯餃。下單後，其實我一度很擔心會不會不夠飽。畢竟到了下午茶時段，我還是未吃午飯的。等了幾分鐘，水餃餃送到面前。水餃非常大隻，但不是包得太恭整。外皮略嫌太薄，口感不算q彈。餡料充足，調味清淡。湯底帶有甜味，不似坊間的味精水。整體感覺十分家常，是舒服宜人的味道。$41/7隻椰菜雲耳湯餃，看似分量不多，算不上十分便宜，但吃下餃喝下湯後的飽足和溫暖，實在物有所值。有時，越簡單的味道，越平凡的食物，在生活中的份量越重呢！

食過好多次呢到嘅水餃，不過每次都係外賣生餃返屋企同家人分享。今次係第一次堂食，第一次試煎餃，第一次食加入了魚湯的水餃。呢到每隻餃都包到滿滿，餃子皮更係食過嘅數一數二。個人比較喜歡水餃，因為可以飲埋個魚湯。

呢幾日突然起左個餃子引，好想食餃子，係OpenRice 一睇，見到呢間都幾多like，放工就去左試！😏😏😏大約7點去到已經見到門口有條人龍，有十幾人排緊隊，仲聽到白菜餃已經賣哂，果然好受歡迎！😳😳😳係門口大大話話都等左十五至二十分鐘。我地一早就諗定食咩，所以一坐低就即刻落order。💪🏼💪🏼💪🏼叫左十隻雙拼（雲耳椰菜豬肉餃+韮菜豬肉餃）湯餃，十隻韮菜豬肉煎餃同一杯豆漿。可能因為即叫即整的關係，都等左十幾分鐘先有得食，差d餓死我地！😫😫😫豆漿佢寫係自家製，飲落係無出面咁甜，但唔算特別。枱面放左豉油，醋同菜莆，俾你送餃子。餃子好大隻，差唔多有半隻手掌咁大（唔包手指呀）。😱😱韮菜餃好濃韮菜味，雲耳椰菜餃雲耳切得較碎，無乜口感，而且味道較淡，要加埋辣菜莆食。至於個湯，我見其他人都會飲哂，不過就唔係幾岩我。🧐🧐🧐煎餃子煎到金黃色，食落韮菜味好濃郁，唔洗加醬都ok，咬落d肉汁仲流哂出黎。😋😋😋不過都幾油膩，一定要同人share先唔會滯。總括黎講餃子好大隻好足料，韮菜餃好濃韮菜果，好啱韮菜控食！店員態度麻麻，面口唔係幾好。所以未值得特登去排隊再食。🙊🙊🙊

前幾晚同媽咪食宵夜，行過路過搵唔到餃子店，聽朋友講原來搬遷去大南街。大南街的位置相對比之前更加方便，可能因為附近都是美食的關係。來到餐廳位置都寬闊好多，當然首選我的摯愛。韭菜餃子。

呢間餃子店已經bookmark 咗好耐，見到好幾個朋友既story 都大讚。今次有緣來到太子，所以要特意行過黎試一試。7點半左右已經好多人，門口有一條長龍，由於我一個人，所以比較前進去，但也排了差不多15分鐘。離開時，還看到人龍未散去。先講呢度出名既餃子有3款: 白菜餃，韭菜餃，木耳椰子餃，有湯食同煎餃食。白菜餃很快就賣光了。帶著期望去食，餃子多汁又清甜，搭配木耳絲，食落好有口感。見到同枱既食枱客係咁加XO 辣醬先知，原來係咁香口，又唔辣，每啖餃子都點醬既話，實在太好味了! 仲有個野葛菜湯底係全部都得飲，唔口渴又少少濃，已經夠晒餃子既上湯資格。最後再嗌多一打餃子外賣，番去屋企慢慢品嚐。

住附近難得寶貝女休息日，當然出街吃東西，路過小女喜歡吃點餃子就陪同他吃吧！點知一肚氣委屈，點個雙拼云耳椰菜餃及生魚野葛菜湯、追單25分鐘後上，強烈投訴呢個云耳椰菜餃、雲耳酸酸地真唔吃得！豬肉餡料採用下價肉未夠新鮮！椰菜如果爽少少普普通通！呢碗湯清淡苦澀更加👎🏾唔掂！叫阿姐攞啲菜譜辣醬又詐諦聽唔到冇給我地！咁樣做生意之道，總之以後就唔嚟幫襯！！

和女朋友見人又唔多，有位蓄意要人等了35分鐘扮晒好忙咁！叫了煎韮菜肉餃拼白菜肉餃10只及一杯豆漿！半小時未有得食然後追單，點知這位大媽高談闊論喺度講緊家鄉國家如何巴閉！大佬啊我嚟食餃子咋！最後吃上了，水準非常失望👇点解？韭菜冇炒香撈餡料、白菜過期冇新鮮味！真係唔掂不值一試！

一直從來都不離不棄。從2007年第一次食到現在它(餃子)搬離新店。我每週都會來吃，或者同家人來吃。雙拼韭菜和椰菜是最愛，煎餃少吃。如果要吃白菜餃子就記得要下午吃。

逢星期六經過，都見到呢間野都有幾十人排隊，個招牌又勁讚自己好食。今日終於的起心肝，排隊買外賣試下。首先，細碗係7隻（$40-42）大碗係十隻（$45-48）。差三隻，只需多付幾元，即係代表一定係叫大碗。落單時，明明叫兩款不同口味，一個煎餃，另一個係湯餸。等左二十多分鐘，個阿姐拎左兩盒九菜餃俾我，我同佢講話錯左一盒，佢話我收左兩盒都係九菜錢，你唔要既話，要再重新等過，最後，我黑住面拎走呢兩盒外賣。回家途中，個湯餃因為個蓋cup唔好，D湯漏左三份一出來。返到屋企，諗住試下佢有幾巴閉，點知一試失望。除左真係好大隻之外，都真係冇乜特別。煎餃個皮唔脆，個餡有八成係九菜，太少肉，唔夠香。個湯餃都一樣，D皮太厚。老實講，真係無下次。

住在大角咀和父母專程過太子區吃媽咪餃子，路過老人家就腳就話呢間試下！奌了兩碗椰菜湯餃、一碟煎韭菜餃、離譜 漏單、追問阿姐態度惡劣！擾亂一番45分鐘後上了椰菜餃，豬肉未完全熟透😡韭菜餃淋pat pat離曬大普！後悔來錯呢間店！以後永遠不再幫襯呢間冇良心冇生意 道得尾味缺德店😡😭

叫了韭菜同白菜湯餃雙拼，細碗共七隻。最特別係個湯底，係野葛菜生魚煲豬骨湯，飲落清甜帶點甘，有濃濃嘅魚味，可見真材實料。 餃子則不過不失，勝在大大隻，餡料亦算足(但有啲飽滿啲有啲扁啲，有少少唔平均)，不過個人認為唔夠多汁，味道亦不太特別。總括來說值得一試，但未算上佳之作。因為住得近大概會再光顧。

每次食呢間餃子都喺夜晚，每次都食唔到白菜豬肉🥟，今日放假終於可以12:09到小店而且食到白菜豬肉🥟啦一如既往，佢既蘿卜仔辣椒🌶️醬都喺一樣咁好食，每個人都幾乎幾碟咁食！ 我既餃終於黎啦，啲湯好似比夜晚濃。個湯底好正，比鴻福當10蚊一包好飲好多！ 我同男朋友每人都喺叫7隻湯餃，每隻都好大好飽滿。其實我食左5隻就已經好飽。 個人覺得，白菜完勝其他兩隻餃。怪唔得夜晚白菜總喺賣晒。 煎餃我之前都好鐘意食，不過有啲太油，同個底煎得太厚。今日只喺40蚊一人，仲有健康湯飲，抵食好食！