美味餃子店

营业中

休息中

等了一小時，味道很淡很普通，不覺得值排這麼久，煎餃非常油，一口一啖油，白菜餃個湯ok 但係咪要等成個鐘黎食 ，真係要諗一諗。 好處：白菜餃幾大隻，個辣醬料幾好味。 就這樣

食物味道還可以，但侍應姐姐的態度真的太惡劣。落錯單跟她說，卻責怪我說話口齒不清，但我明明是指住牆上菜單嗌的，就算落錯也不用責怪客人吧？感覺貼錢買難受，不會再有下次。

啲阿姐服務態度完全非常差，而且店內非常污糟，環境非常惡劣，還有收費非常不合理，d餃子皮又非常厚，𥚃面啲料又好唔新鮮，我一定唔會再幫襯這間店舖，請都唔會再去試，太恐佈了！

今晚兩個人黎到e到 時間係晚上7:00pm見到門口好多人仲諗住要排隊 但原來唔係 佢地只係等takeaway錦之後入到去因為佢係用圓桌,所以地方都幾迫,人與人之間好close姐姐安排左坐門口位 因為個時已經9成滿 得返最後可以坐到兩個我叫左一杯豆漿正常size,唔會話好甜,ok la之後叫左十隻煎韭菜餃(43蚊)嘩!隻隻都錦大粒,煎到金黃色 好正又好香 完全做到出面脆入面多汁~ 我一路食一路漏緊汁 真係唔誇張 同埋佢隻隻餃d韭菜多到就黎爆錦43蚊真係好平好用心~加埋佢自家製既辣菜寶 真係好美味!總結:好值得試試e d 小店

做孝順仔，帶母親住附近，來吃餃子! 點了一碗椰菜餃及 煎韭菜餃。 一碗 野葛菜湯。 椰菜餃內的雲耳， 酸酸地、肯定隔夜的。 韭菜餃皮淋冇脆卜卜， 豬肉唔夠新鮮， 可能採用 水客廉價肉，👎👎。 阿媽話 不知所謂野葛菜湯, 一啲火候都唔夠，啖毛毛 好似師姑尿😡😡😫😫! 咁咁樣欺騙 做生意, 以後叫啲街坊唔好嚟幫襯! 跟山東阿純饺子冇得比!!!

同老婆去深水埗買d布，行行下差唔多六點，又有D肚餓，記得之前報紙提過嘅餃子店，小弟和老婆都特別喜愛餃子。方便唔使諗太多，就揀到，比較適合懶人🤣。店鋪平平無奇，放幾張圖枱，幾張櫈，有啲像讀仔格局，地方亦較淨，所以坐得尚算舒服。野葛菜煲生魚豬骨湯係呢間鋪主打湯底，叫左個雙拼湯餃，韮菜拼白菜，傻傻分不清，以為没有雙拼，仲想去問人，咬開睇清楚係有兩溝嘅。餃子算好大隻，而且新鮮足料，食過會翻尋味，韮菜幾香，豬肉都嫩滑，最出名的湯底都不差，整體好滿意，有下次。注意辣菜鋪好辣。

大南街必食餃子🥟【#美味餃子店】‼️餃子係百食不厭嘅物體😼因爲入面可以有吾同嘅配料吾同嘅口味！大南街前前後後附附近近其實都有好多食店🤣呢間係其中一間夜晚要排好耐隊嘅！賣餃子，全部都係餃子～等咗咁耐，吾叫返個一煎一湯點交待😂.脆卜卜煎韮菜餃（$38/7隻）金黃色香噴噴！即叫即煎，保證新鮮！賣相一流，咬一啖又甜又多汁，皮好脆但吾硬，韮菜好多，所以好濃烈嘅韮菜味😍不過小心熱，因為啱啱煎起～配埋自家辣菜莆真係好正👍🏻.湯白菜餃（$38/7隻）大力推介‼️湯餃個湯底係野葛菜生魚豬骨湯呀‼️超中意個湯，好好味！同出面嘅味精湯分別好大，飲完吾會覺得咸，仲有啖野葛菜生魚味，啖開餃子再浸一浸落湯到，連餃子都有埋湯嘅味，同時亦一齊食到新鮮嘅白菜豬肉味！此時不吃，還待何時😍溫馨提示：菜莆偏辣，吾好落咁多住，試下辣度先🤓

星期六去左旺角行街, 想食餃子都會揀行去太子食由旺角行左20分鐘, 再等左30分鐘, 就係為左食美味餃子星期六下午3,4點左右到, 唔係食飯時間都要等半個鐘唎到餃子味道只得3種:韭菜肉餃, 白菜肉餃, 雲耳椰菜肉餃可以揀湯或者煎, 湯或煎價錢一樣湯餃湯底係野葛菜煲生魚豬骨湯同埋要揀大同細, 大有10隻, 細有7隻, 但係大同細只係差5蚊, 所以一定係叫大抵d不過如果唔係正餐既話其實細都夠, 食唔唒都係叫返細好d唔好浪費食物之前試過煎餃, 所以今次食湯餃我地叫左一碗大既雲耳椰菜肉餃同埋韭菜肉餃,再加杯豆漿野葛菜煲生魚豬骨湯, 魚味好濃, 豬骨湯就被濃濃既魚味蓋過, 湯唔會太咸, 可以飲唒餃子唔會太咸, 應該冇加味精, 食到菜同肉既鮮味, 如果覺得唔夠咸就可以夾埋辣菜脯食食餃子一定會揀韭菜肉餃, 韭菜夠香而雲耳椰菜肉餃就比韭菜肉餃多出少少鮮甜味豆漿少少凍,都幾甜等緊食物黎既時間可以自己拎定d辣菜脯出黎, 都係要幾多拎幾多啦, 都幾咸同幾辣下架

太子有一間好出名既餃子店之前同事帶過我食一次一直念念不忘 不過上次去又摸門釘發現原來星期日無開教訓下次一定要check清楚先出發今次黎到離遠已見到人龍就知道今日一定有開！通常一人會較快 不過一人食到既野真係有限我同男朋友2個大約等左20分鐘就可以入座由於店面好細 只有幾張大圓台同1張二人台再直入就係廚房重地好彩咁岩有張2人台 唔洗同人逼由於我有少少病病地 無叫到煎餃食叫左2款湯餃 兩碗都叫大既大既係10隻 細既就7隻但呢到既餃子1隻都好大如果真係唔夠仲可以加麵底雲耳椰菜既料較爽身 口感會有趙頭啲而韮菜既料就較碎同粉 個人喜歡雲耳多D皮厚薄適中 都算係幾高質既手包餃子！另外我好鐘意佢呢到既自家製豆豉辣菜脯加一兩粒同送餃子食超好味！上次去見過有人狂食食左半樽如果有得買走就正啦！通常姐姐都會問加唔加豆漿但呢到既豆漿較普通 $9杯就可以唔試

太子呢間人氣小店經常大排長龍靠嘅就係一雙巧手包出脹卜卜嘅餃子🥟不過大家記住要係太子個間長沙灣個間同呢間係無關連架🤣唔好去錯呀！我冒住生命危險打左電話去問架😬雲耳椰菜肉餃 + 韮菜餃 （煎餃10隻）$43雲耳椰菜肉餃 + 白菜餃 （湯餃10隻）$43個人中意食煎餃子多啲煎到脆卜卜又香口😍呢間嘅餃子就做到我想要嘅嘢喇餡料豐富，雲耳椰菜咬落有口感韮菜多過肉所以勁香👍🏻白菜餃相比之下就清淡啲但全部餡都夠味，食落JUICY真係好好食，係可以encore嘅餃子店🤤好味指數：

質素差不值一試！😭😭與畢業同學來吃餃子，點了煎韭菜肉餃及白菜湯餃，真的很失望！點解？韭菜餃過火煎皮硬、白菜湯餃，白菜冇出水腥味重、餃子皮鹼性重！一包眼淚咁様做生意不能接受！欺騙過得自己過得人！！

自吹自擂👎🏾👎🏾名大於實難得我帶同子女和母親一心來吃餃子，总芝一言難盡受氣，態度惡劣，湯餃厚皮入水，煎餃肥油唔好食，辣椒醬多水冇豆豉！以后免費都不會來！！！

越來越難食！😡😭尾味就真！點了一碗云耳椰菜餃及一碗野葛菜湯，點知吃落椰菜未熟、豬肉未入味腥腥地！湯頭更加唔掂，淡水冇野葛味冇生魚味！失望垃圾垃圾垃圾垃圾！！

話說呢間餃子店我想試好耐了~但每次去親門外都勁多人, 排晒長龍, 所以一直都冇試過,去左附近另一間餃子店食~但今日經過竟然唔洗排隊!一於就食佢佢主要都係食餃子, 另外都有車仔麵,但我冇見到有人食, 個個都係食餃子餃子有3款餡:雲耳椰菜肉餃/韮菜肉餃/白菜肉餃。另外可以揀湯/煎。份量可以揀7隻/10隻~我就叫左雲耳椰菜肉餃拼白菜肉餃(10隻)。雲耳椰菜肉餃拼白菜肉餃(10隻) ($46)你叫親餃, 佢都會畀多一個碟仔你~for你裝佢d辣菜甫~辣菜甫配埋d水餃一齊食, 好味!餃子粒粒都勁大粒,超級脹卜卜!白菜肉餃雲耳椰菜肉餃2款餃子都真材實料, 落足料!好食!但大家要因住食量來叫, 因為佢d餃子真係好大粒,我叫10粒, 食到我超勁飽總括,呢間D餃子好足料, 好大粒~但個湯就猜乜特別~整體來講, OK啦, 都食得過嘅~ 

呢間野我幫襯左10幾年！係讀書時候午飯嘅恩物！！！今日早收工，諗唔到食乜，但又想飲湯，就諗起野葛菜生魚湯！！！呢度個湯無得輸！配埋個餃子🥟簡直係絕配。餃子好唔好食，呢個就因人而已。呢度食物選擇唔多，但我覺得夠做啦，唔係間間餃子店都有湯底咁往本。兩個人食，我就例牌一個韮菜餃，一個白菜餃share黎食。阿姐捧到埋黎，我一家先飲一啖湯先再食餃子，一飲到個湯，我忍唔住同我隔離好滿足咁講：「正呀！」餃子夠大隻，足料，保持水準！其實.....我真係為左個湯而特登去食😂😂😂