紅葉茶屋 (海之戀商場)

营业中

休息中

Happy Friday！今晚去咗試呢間餐廳，7pm去到好彩唔使等位，安排咗我哋坐bar檯位。食物方面，上菜速度都幾快，唔使等太耐就食得，啱晒我哋呢啲放工肚餓嘅人。食食吓已經慢慢多人，我哋食完7:45pm左右已7成滿。我哋叫咗兩個定食同埋幾個單點。首先係和牛肉壽喜燒定食$178。個壽喜燒嘅牛肉質素唔錯，入口嫩滑，甜味適中。配菜有菜、豆腐等！另外加咗杯熱柚子茶$15，酸酸甜甜！另一個定食係豪華海鮮丼茶漬飯$178。個海鮮丼真係好豪華！上面鋪滿咗各式各樣嘅海鮮，例如吞拿魚、三文魚、帶子、蝦等等！飯嘅份量都啱啱好，可當魚生飯食或茶漬飯食。茶漬飯湯係鰹魚昆布湯！我哋仲加咗個炸牛肉薯餅$15，外脆內軟，牛肉味濃郁！單點方面，我哋叫咗杯焙煎茶$32，茶味濃郁，回甘；仲有豆腐魚餅$35，魚餅彈牙，豆腐味香濃，口感豐富。

之前嚟食嘅時候已經覺得呢到唔錯，環境靚得嚟仲係抹茶控必到✨最近秋意漸濃，即刻諗起紅葉，所以黎encore佢地嘅抹茶🍵😚除咗戶外位置有紅葉做裝飾，餐廳入面仲有榻榻米座位，成個感覺都好日本🍁牛肉壽喜燒定食$138 呢款定食性價比最高！牛肉量多，而且口感滑溜。壽喜燒有齊溫泉蛋、豆腐、野菜、野菌等等，湯底入味。另配日本珍珠米同漬物，整體味道都不錯🧡對比上次黎亦都keep到水準🍁照燒三文魚定食$138三文魚size約半隻手掌咁大，味道偏向似醬油味，煎得幾靚，唔會乾身🍁鎌倉紅葉茶屋抹茶白玉$52睇相見佢幾吸引，又cutie，賣相好啱打卡📸加埋榻榻米坐位，有啲覺得自己去咗日本嘅和菓子店。白玉口感軟糯，需紅豆同抹茶醬一齊食～另外會配半杯仔刷過嘅抹茶，帶少少綿密泡沫，還原和風味道🍁自選特製芭菲$75可以自選三款配料，我就揀咗白玉、士多啤梨同朱古力醬，另配一球抹茶雪糕球。軟雪糕可以揀扭紋或者單一款味道，季節限定係哈蜜瓜味，味道幾突出。除咗呢啲配料，入面仲有粟米片、忌廉、透明果凍同埋銅鑼燒片，材料豐富，食到一層層唔同嘅口感🍁凍/熱抹茶拿鐵+$25推薦黎呢度一定要叫抹茶，熱飲味道更加濃厚😋

紅葉茶屋係靚靚又唔錯嘅食肆！入到去，裝潢好有feel，木質嘅設計配合柔和燈光，真係好舒服，感覺似係行入咗日本嘅小茶屋咁。服務生都幾友善，有種返到屋企嘅感覺。豪華和牛肉壽喜燒定食豪華和牛肉壽喜燒定食香味就撲鼻而來，真係太吸引！一片片嘅和牛肉，色澤粉嫩，油花分布得好均勻。油脂都釋放出來，湯底變得濃郁無比。再加埋一隻溫泉蛋，輕輕攪拌，蛋黃同牛肉汁融合，口感滑溜，真係好好味！定食仲有兩款小前菜，味噌湯好豐富，飲落去一啖暖心。小前菜真係好有心思，清爽又唔會太重，正好中和咗壽喜燒嘅油膩感。冰雜莓&香橙紅茶之後我就點咗杯冰雜莓&香橙紅茶，一啖飲落去，真係清新無比！雜莓嘅酸甜加上香橙嘅清香，搭配冰塊，口感超級爽口，飲完之後，心情都好好，特別適合配壽喜燒，真係解膩！吉列豬扒定食吉列豬扒定食，一上嚟就驚喜！金黃酥脆嘅豬扒，外皮炸得啱啱好，咬落去肉汁爆出來，鮮嫩得嚟又唔會乾。旁邊仲有沙律菜，清新又解膩，再加杯冰檸檬紅茶，酸酸甜甜，好開胃！加$15升級南瓜餅小食，口感香脆餡料滿滿芒果焦糖窩夫最後，當然要試下甜品：芒果焦糖窩夫，呢道甜品需要等15至20分鐘，等得真係值得！金黃色嘅窩夫上面淋住香濃嘅焦糖，仲有新鮮

去開荃灣見海之戀間鋪幾靚，又有日本野食，又有綠茶揀，都係好鐘意食的食物，試咗三文魚刺身茶漬定食，三文魚好新鮮，紋理明顯， 好肥美， 我仲加左帶子，勁鮮甜， 非常新鮮，表面仲有魚籽俾你，都幾彈牙，又甜甜地， 貝肉肉質厚實柔軟，鮮甜爽滑，仲叫左和牛壽喜燒鍋，和牛薄燒卷淡淡油脂香，混入香蔥可以減低油膩感，好夾！入口好Juicy，肉質好柔嫩! 綠茶LATTE 好好飲，勁重綠茶味但又唔甜~整體質素唔錯 價錢以呢個地段嚟講性價比幾高

兩個人收工返到荃灣食飯，竟然試到好嘢！行到海之戀諗住搵間食日本野既餐廳，見到呢間坐得幾舒服就入咗去！一睇menu，就有好多種類揀，最後我哋叫咗個鰻魚茶漬飯同和牛壽喜燒定食，再留肚食甜品鰻魚茶漬飯個湯揀咗蝦湯，個蝦湯好有驚喜，係淡麗風既蝦湯，唔係橙色果d和牛壽喜燒定食和牛有質素，一d都唔韌，個汁就都幾濃味，連埋隻蛋用嚟撈飯食一流！另外要讚一下定食個前菜，醃製既牛蒡，好好食！之後就梗係要叫埋甜品先完滿啦，叫咗個自選特製芭菲，可以試到期間限定既夕張密瓜軟雪糕、綠茶雪糕球之外，仲可以揀多3種配料，一杯滿足哂幾個願望，性價比高！另外亦叫咗個佢既招牌-鎌倉紅葉茶屋抹茶提拉米蘇，上枱已經比佢日式盒子吸引，食落去口感好滑，中間都有綠茶粉下次嚟到再試埋佢期間限定既阿華田提拉米蘇至得！

牛肉壽喜燒定食 $138壽喜汁偏甜，我個人幾鍾意😋。但個牛肉非常之韌，係韌到正常出街食都唔會食到咁嘅程度，佢收百幾蚊俾啲咁嘅牛肉都幾失望😓。其他配菜就正常，佢個set 仲有麵豉湯同漬物，飯可以任添。海鮮四色茶漬飯 $148海鮮丼飯刺身就正常質素啦，但個飯有啲熱令到上面個刺身變咗有啲熟。不過我估佢本身個刺身都唔係雪得太凍，成舊係偏暖嘅，但都叫接受到。成個set最好食就係茶漬飯個蝦湯，個蝦味都幾濃，就咁飲幾好飲😂，撈飯都唔錯。至於其他環境衛生嗰啲方面都還好用。服務就一般，冇乜特別被服務過😂，連水都冇添到😓

紅葉茶屋 🍁MOMIJI-CHAYA もみじ茶屋 (海之戀分店)朋友聚會去左海之戀-「紅葉茶屋」🍁 元祖來自日本~鎌倉人氣日式餐廳我們每人叫左個定食：🔹️生薑燒豚肉定食🐷👍豚肉份量多，大滿足😋燒汁十分入味帶有少少薑味， 有生薑蓉可以加理一起食。再夾白飯食真係好好味我們一致認為三個裹面最好食嘅一個定食🔹️吉列豬扒定食🐷豬扒厚身， 吉列不算太脆， 可併日式酸甜汁帶出鮮味🔹️照燒雞肉定食🐔👍雞身好滑， 不太肥膩，燒汁十分入味，送飯一流以上套餐跟2個醃菜，白飯， 沙律菜伴碟， 麵豉湯 同加錢跟飲品 泡沫咖啡☕️( 伴碟有一個秋葉嘅碟仔上面有少許朱古力好靚🥰)，熱柚子茶，百香果茉莉花🍵( 好清新有啲甘草味，百香果 x 茉莉花味道原來咁夾👍)可以望出去見到荃灣西少少海景，還有秋葉樹🍁裝飾， 最靚是榻榻米房間，感覺好像去左日本。📍荃灣大河道100號海之戀商場3樓3012號舖

今次約咗朋友喺荃灣食飯😋因為朋友帶住小朋友，所以要搵間座位闊落啲嘅餐廳😆就揀咗呢間好容易搵位嘅紅葉茶屋 ☺️全木系嘅裝修，我哋坐嘅位仲有紅葉襯托嘅海景添🤩另外仲設有榻榻米座位，對正海景好正好開揚🤤成個環境感覺好日系，和風味滿滿🏮🥘和牛肉壽喜燒定食 ($178) 有普通牛肉同和牛壽喜燒兩種😁冇後悔加多少少錢叫和肉😛肉味濃，肉質又軟腍😋蔬菜種類多又吸汁，醬汁偏甜同偏濃味，但就好好撈飯🤣🤣🤣🍜柚子香蔥蜆肉烏冬 ($85) 擺盤好靚😍好多蜆，仲要望落隻隻都好飽滿🤤蜆肉肉厚鮮甜，烏冬夠煙韌彈牙👍🏻唯一缺點係柚子香唔突出，同鏗魚清湯烏冬分別唔大😅😂😂🧀抹茶雲石紋芝士蛋糕 ($55) 賣相叫人失望😔只係蛋糕面層畫咗少少雲石紋，並不如menu上成個蛋糕都佈雲石紋😂兩層芝士慕絲夾住一層抹茶慕絲，芝士味濃但略厭蓋過抹茶味🍵但以芝士蛋糕來講味道唔錯🫣

【日本過江龍·木系抹茶控茶屋🔥😍】/////由日本鎌倉過江龍到香港嘅餐廳 開左幾間分店 依然人氣爆棚 試過節日想book位好full😳定食有多款牛肉壽喜燒 都有拉麵 甜品等～環境全用木系裝修 裏面更加有近海景 紅葉裝飾嘅塌塌米座位 充滿日本特色🤘🏻.｜鎌倉紅葉茶屋抹茶提拉米蘇 ($58)提拉米蘇充滿香濃抹茶粉 抹茶味微甜回甘一層層幼滑忌廉以及濕潤海綿蛋糕🍵🍰｜鹿兒島黑毛一口和牛定食 ($138)牛肉非常軟腍 配搭蘿蔔蓉口感更豐富😛定食包埋麵豉湯 小食 珍珠米 好飽肚yaaaa｜黑麻油濃厚豚骨湯拉麵 ($98)散發黑麻油香氣 豚肉切薄片口感軟腍😁拉麵吸晒湯底嘅精華 掛汁又爽滑｜炸餃子 ($38)餃子外皮炸得脆卜卜 内裏肉質香口 幾抵食——-📍紅葉茶屋 (海之戀商場) (荃灣)荃灣大河道100號海之戀商場3樓3012號舖

本人於4月14日晚上8時用膳， 當時未有開啓取票系統，只表示冇位。隔5分鐘再來 再問亦表示冇位，但只開了取票系統對空氣講「拎票」，然後一位女孩立即取票並立即可內進用餐，員工對本人家庭及bb未有理會，直至我向其他員工投訴先給位置，此次經驗十分差，希望正視。該員工戴黑色粗框眼鏡，身形瘦削，較為年青，感覺愛理不理。香港的餐飲業服務質素一直被人劣評，公司應該做好員工管理，定期檢討員工質素，進行一下訓練。希望不會再有同類事件發生。

同朋友行完DonDondonki 想食個清新晚飯 就食呢個日式刺身茶漬飯 之前係另一間都食過一次覺得幾好 呢間裝修都幾靚 仲有榻榻米座位 我地叫了兩個茶漬飯 刺身幾新鮮 配合蝦湯同魚湯 兩種食法 兩種滋味😋🌸 食完之後我哋仲叫咗甜品 抹茶紅豆白玉 🍵都好好味 清新又冇咩負擔 甜品又好味 日本風情日完滿🌸

少見荃灣有咁和風式裝修又咁大間既餐廳，於是我行完Donki就決定入去試吓，叫咗個溫泉蛋卡邦尼烏冬同士多啤梨窩夫，結果個主食黎到，我竟然見識到咩叫做圖片只供參考😕，係唔完整既溫泉蛋🙄一邊白色一邊透明，食落口個烏冬味道好淡，搞到我完全無意慾食，好彩個甜品整得好靚😊，食完個甜品即刻個心情好番好多，最低限度唔係淡希望餐廳可以改善一下主食既味道同賣相啦，如果唔係浪費哂咁靚既裝修，環境舒服又有戶外空間。

提早一星期預約及預留卡座。比預約早到已經可以直接入座。用手機點餐，勁好。因為小妹我大食同肚餓。所以餐廳好好，俾我免費多添一碗白飯。🙈🙈🙈🙈我叫咗個增量嘅牛肉壽喜燒。湯底味道剛剛好。唔太甜或咸。宜家仲有一隻溫泉蛋可以掂牛肉嚟食。個口感同味道太幸福了吧。湯底里嘅蔬菜都俾我食晒。因為湯底真係太好味。食完定食+2碗白飯同炸南瓜餅+炸牛肉薯餅後，我地仲叫埋期間限定嘅甜品。呢間服務好，食物好，環境好嘅晚餐。正呀！👍🏻👍🏻👍🏻👍🏻

今日尊登去荃灣海之戀商場入面有間人氣極盛的日式茶屋食lunch, 入到去嘅感覺完全係100%日本食店的感覺，裝潢全部用日式木系，再加上一個面向無敵海景的榻榻米位置，而窗外更望到紅葉的裝飾，勁有日本氛圍。🥢 牛肉壽喜燒定食 👉🏼 既有牛肉的鮮嫩，又有蔬菜的清新，還有醬汁的甜美，讓人一吃難忘。🥢 腐皮壽喜燒定食 👉🏼 腐皮壽喜燒的口感既有腐皮的韌性，又有蔬菜的清脆，還有醬汁的香甜，三者相互融合，能帶來愉悦的味蕾體驗。🥢 生薑豚肉燒定食 👉🏼 豚肉夠晒鮮嫩口感，肉質飽滿，咬上一口，肉汁四溢，令人陶醉。配合生薑的加入，為這道菜增添了獨特的清香。🍵 熱忌廉抹茶拿鐵 👉🏼 忌廉的絲滑與抹茶的香醇交織在一起，帶給一種獨特的味覺體驗。🥄 鎌倉紅葉茶屋抹茶提拉米蘇 👉🏼 綿軟的蛋糕與奶油、芝士等完美融合，入口即溶化，與抹茶的味道相結合，形成一種既清新又濃郁，既綿軟又豐富的口感。🧁 抹茶蕨餅新地 👉🏼 口感既有蕨餅的韌性，又有抹茶的清香，再加上軟雪糕，不僅提升了整體的甜度，也為口感增添了更多的層次和變化。

去咗紅葉茶屋，係一個好正嘅體驗。呢間位於海之戀嘅日式茶屋，係一個寧靜嘅角落，好適合搵個friday night慢慢嘆返個fine dining。由MTR荃灣西站行少少就到，交通都算方便。一入去就見到佢嘅木系裝潢，有種溫暖又回歸自然嘅感覺，加上榻榻米嘅設計，坐喺度食飯，感覺好似真係身處日本。窗外就係汀九橋嘅景，視野開揚，一邊食飯一邊望住海景，真係享受。豪華海鮮丼茶漬飯（香濃蝦湯）$168，係將鮮味蝦湯倒落配咗各式海鮮嘅飯上面。海鮮包括甜蝦、吞拿魚、三文魚、帶子同魚子，新鮮又好食。嗰陣暖笠笠嘅湯汁滲透晒入飯粒，令晒海鮮嘅味道更加突出，食落既滿足又過癮。這種吃法簡單直接，卻能品嚐到食材的精髓。炸牛肉薯餅$35，熱辣辣出爐，賣相吸引。香蔥柚子蜆肉烏冬$85，又係另一款令人驚喜嘅選擇，湯底入味，蜆肉鮮甜，香蔥提味，烏冬Q彈，成碗食落去好滿足。至於甜品同飲品，鎌倉紅葉茶屋抹茶提拉米蘇$58同冰抹茶拿鐵$25都係必試。抹茶提拉米蘇味道夠濃，口感綿滑，而冰抹茶拿鐵就正好解膩，清新得黎香味足，完美結束呢一餐。總括來講，紅葉茶屋嘅食物、氣氛同服務都係一流，下次想再享受一個悠閒嘅dinner，我一定會再嚟！