粵園

相比起西餐，更愛食的是傳統粵菜，菜式多變萬化，最近朋友大力推介(粵園)，但初開張試食過，不能留下心刻印象，所以都已經隔很久沒有再光顧，但今次再試，卻令我回味無窮！<咖啡糕>層次分明，不會太甜，老少咸宜！<雞油花雕蛋白蒸活蟹>入面有好多蟹肉，而且啲汁又夠香口！<冰震鮑魚>爽滑彈牙！<杏汁花膠燉白肺> 有圖有真相，好足料！<辣子雞丁>爽口，夠麻夠辣，水準之作！一定要試，有四川風味！<清蒸大東星>蒸既時間岩岩好，內質嫩滑，醬油夠味，不會太咸！唯一美足不色既係....燈光情調麻麻位置方便，鄰近銅鑼灣MTR(A出口）環境舒服，服務妥貼菜式方面，色香味俱全中秋節會再約一家人再挑戰其他美食😋…查看更多

平日放工約朋友好少食中歺，今晩d friend極力介紹去呢間粵園，一入去被個魚池吸引住我既眼光，個池𥚃面既海鮮好生猛又乾淨，大廳樓底高，坐位又闊落，一改以往我對洒家既感覺，咁講番d食物，d菜式雖然傳統，但食落又不算太咸及不太多油，先叫了手撕雞，一出塲不久就給吃光，另外大家食到停唔到口就有水煮魚，吊片蒸肉餅，焗肉蟹，⋯班friend 個個愛食甜品，大家叫左唔同款share 食，有蛋白杏仁茶，咖啡糕，馬拉糕仲有麻沙糍，嘩，四款甜品好食到冇朋友，真估唔到呢間粵菜咁得，一定要介紹比多d人知！…查看更多

今日食飯發生左一段小插曲，話說今次我係飯局嘅主持人，於是我就上Openrice search下有咩優惠券啦。發現如果喺openrice訂座就可以有＄98一隻片皮鴨。見到咁正當然立刻訂座啦，我仲補個電話打去問同作實，接聽電話嗰位女士仲同我講話到時來俾個優惠券screenshot就可以。今日黎到個部長就同我地講話無曬片皮鴨之後我地同個經理講，佢先話送我地半隻雞結果由鴨變雞真係勁搞笑囉！佢哋係有道歉，但呢個經歷我哋唔係好開心。我相信安排方面可以做得更加好。地方唔算大，但係坐得好舒服幾鍾意佢啲餐具，好靚我哋睇完餐牌就點了以下食物幾正！生菜食落烚烚聲夠爽口，雞好滑大家都食得好滋味。你味算比較特別嘅菜式，其他酒樓冇見過。唔好睇佢面頭好多辣椒，食落只有少少麻辣。豬肉卷住啲燈籠椒、青瓜、洋蔥絲，幾好味，食落唔會好漏，值得推介味道清清地仲有柚子熱辣辣，皮夠脆，牛坑腩好juicy，食一舊點夠喉？好有鑊氣，味道比較濃，份量唔算少極好味，值得介紹最尾仲有糖水送好好味甜度適中，夠晒滋潤總結: 平均每人＄180就可以食到咁多野，唔貴好彩食物質素高，重點係今日所有菜式都好啱食唔肥膩而且冇乜味精，食完都唔覺口乾，呢樣已經難得，下次會帶埋屋企人黎食…查看更多

今日午餐和家人去左銅鑼灣的粵園，呢度需然地方細細，不過枱之間都有足夠空間，冇咩擠迫的感覺。呢度的服務很好，員工很有效率講返野食，點心水準在一般茶樓以上，用料新鮮，特別推介鳯爪同腸粉不過甜品香橙芝麻糕就一般D，冇咩味道。呢度仲有上海點心，好似小籠包同生煎飽，味道都唔錯。不過碟菜就唔係咁抵食，50幾蚊得幾條菜當中最好食的係駌鴦龍門米，很香好，而且炒得夠乾身，值得推介不過呢道剛好在跳舞中心樓上，坐近窗邊會有D噪。…查看更多

難得同老婆星期三一齊攞左假, 一起身就出銅鑼灣搵野食😁 之前經過金朝陽中心已經留意到呢間粵園, 終於可以一試, 可能因為平日嘅關係, 我地去到嘅時候得2, 3張枱有客人食緊野, 仲可以安排到我地兩個全窗口位👍👍😆呢個春風得意腸超級好食👍👍👍燒賣d肉唔肥, 蝦底面都有一隻😋傳統糯米雞, 正正常常個馬拉糕太大籠, 最後要打包🙈蝦餃一籠一隻味道唔錯呢個杏仁包幾特別👍粵園味道環境都好好, 不過早茶連平日都冇乜優惠, 價錢比較貴少少, 但值得一試👍…查看更多

星期六walk in 飲茶，有位唔滿。酒樓面積不大但坐得都算ok.我們叫了5款點心：叉燒腸粉 - 腸粉皮較厚，做得不夠好，叉燒普普通通。雪山飽 - 好像食一團麵粉，非常差，裡面有一堆custard但味道不好。糯米雞- 比較正常，料是夠的，其他沒什麼特別。裡面有雞肉帶骨，食時要小心。粉果-正正常常鮮竹卷 - 夠熱，腐片新鮮，湯汁夠甜茶沒甚味道，很淡。招呼不錯，侍應有禮。甜品是綠豆沙，做得不錯，夠香。濃稠得宜。𥚃面吃到有果皮，乜唔係紅豆沙先要落果皮咩？但都幾好味。總體來說，認為有很多其他飲茶的地方點心做得更好，可能不會再來飲茶。…查看更多

身為香港人有兩個禮拜冇飲茶，心情開始忐忑不安。貴為銅鑼灣飲食達人，要試新酒樓不能重復。今日的目的地就是位於金朝陽二期上的【粵園】【粵園】的景觀只望看對面的商業大厦，但勝在樓底高加上落地大玻璃，感覺尚可舒服。裝潢有傳統酒家的味道，但加入時尚的擺設後令酒樓年輕不少。飲茶的主角當然係點心，可是點心紙上的選擇不太豐富，只有基本的點心。反而 【粵園】提供不少小菜選擇及燒味。價格定位較一般的傳統酒家高，好似二人午餐點心套餐要五百多元。近年高級粵菜酒家時興做法，【生拆鮮蝦腸 $48】已經預先切開一份份，方便來飲茶的一家大小分食，但整體份量其實只有兩條傳統腸粉，都幾貴吓。腸粉皮雖然唔係好夠薄，做唔到半透明的後果，但黏稠度剛剛好，並沒有黏著筷子或黏牙，這一點相當重要。蝦肉乃是原隻鮮蝦，鮮甜爽口彈牙，較一般酒樓好食。 【粵園蝦餃皇 $18 /隻】一籠一隻，獨立奉上，更突顯蝦餃在廣東點心中的經典獨特地位；另一方面，也有實際用途，方便了兩夫妻的客人。如果酒樓可以再細心一點，其他包、餃、燒賣類點心也有這個安排就更加理想了。蝦餃的賣相不錯，外型夠工整，只不過澄皮稍為厚了一點。蝦肉味道非常鮮甜、夠爽口，又沒有加入過量醃料，用上原粒蝦肉，比較蝦膠作為餡料更好食只不過餡料缺少了冬筍粒，始終唔夠爽口，就是差這麼一點點。而且計起上嚟，要成 $72 一籠四隻，直逼五星級酒店中菜廳或者米之蓮星級中菜館的價錢，這隻蝦餃皇質素雖然是不錯，但又未至於去到這個級數，有啲唔係太值。見到【原籠馬拉糕 $55】比起鮮蝦腸粉還要貴，起初有點不明所以 ⋯⋯ 原來真的是一大籠，還要切成12小件，即使全家總動員、一家大細12個人也夠分。馬拉糕呈深褐色，非常對板，很有幾十年前老派廣東茶樓的原糖馬拉糕感覺。咬一啖馬拉糕，非常鬆軟，有淡淡蔗糖香味、甜度又唔算太高，相對較為健康之餘，又不失古法馬拉糕的風味。【時菜牛肉球 $38 】絕對是四籠點心之中，價錢最便宜兼且最抵食。單單睇賣相，就算未放入口、甚至不需要用筷子夾起來，已經知道牛肉球非常之鬆軟。用筷子輕輕夾起牛肉球，已經陷入牛肉球內；細味咀嚼一下，肉質彈牙之中又非常鬆軟，免治牛肉球內充滿空氣，並非那種死死實實的彈牙山竹牛肉，可以說是印象之中最好味嘅牛肉球。處理方法參考老派點心西菜牛肉球，用了西生菜墊底，生菜蒸得軟腍，既有蔬菜的清甜、又盡吸牛肉球滲出來的肉汁；與山竹牛肉球的脆腐皮蒸腍後的少少腐皮香口味道，同樣好味。牛肉球並沒有混入馬蒂粒，少了一點爽口，有些人可能會不喜歡，但卻合正筆者口味。唔知什麼原因，近年差不多所有新開張的粵菜酒家，無論什麼級數，皆自稱出品馳名燒鵝皇及紅燒乳豬，【粵園】也沒有例外。叫了【熱情燒鵝皇 $158 1/4 隻】，落單之前冇留意名字，侍應送上燒鵝時候，伴隨的不是見慣見熟的傳統酸梅醬，而是一碟橙黃色、並混有一粒粒黑色物體的醬汁。大膽試一試味道，酸酸地、有一種獨特的生果香味，原來係用新鮮熱情果打成的果醬，黑色物體就是果核；唔怪得燒鵝名字加入了「熱情」兩字！第一次蘸熱情果醬食燒鵝，味道相當特別，但始終缺少了梅香 ⋯⋯ 在要求下，酒樓也送上一碟傳統酸梅醬，各適其適。燒鵝皇是上庄，除了背脊及鵝翼槌骨之外，胸肉已經去骨，有點高級酒樓的影子。鵝肉都算夠軟腍、無渣，但始終不是以燒鵝馳名，鵝的貨源質素有限，鵝味不夠香濃、燒鵝的醃料味道也只是一般而已。整體的味道都算不錯，但與其他真真正正以燒鵝及乳豬馳名的酒樓比較，仍然有一段小距離。對【粵園】的點心沒有太大驚喜，平平凡凡的味道。優勝的就是那份在連鎖酒樓中找不到的寧靜，而且潔淨。…查看更多

午市嘅安格斯牛河超正～飲午茶必點呢款！同阿囡去幾次每次都會叫炒牛河😄仲有佢地嘅馬拉糕絕對抵食，48個一籠真系超抵，因為系用黑蔗糖來整，味道同口感絕對一流！一籠有六件，仔仔一個人已經可以食4件😂仲有就系灌湯餃同鮑魚燒賣，幾個朋友食完都贊不絕口😍😍😍腸粉必點嘅就系春風得意腸因為佢D肠粉皮包住脆脆的米網，咬落去爽囗又彈牙！囗感真的好特別，值得一試😊不過最主要食得開心嘅就是佢地嘅服務態度非常之好令我地食完有賓至如歸的感覺…查看更多

第一次黎呢間，全因為openrice的食評而來，所以我也要做一些小食評以供參考第一道菜是做緊特價的上湯焗開邊龍蝦，半邊$68,只有一種味道便是上湯焗，沒有我最喜愛的芝士焗，不過唔緊要，上湯才顯功架，因為可以無限添食，打算每人先叫一份，好食再添食，結果係食了半邊唔想再order, 上碟賣相是中上，味道郤一團糟，除了咸便只有咸，單調的咸味，咸到連龍蝦的鮮味都蓋過，肉算彈牙，如果唔係因為唔新鮮用咸味掩蓋，我真唔明白為何咸得要命。第二道菜係安格斯牛柳粒，伴隨菇粒，味也是偏咸，牛肉大約6成熟，裡面深紅色，鍾意食嫩牛覺得不錯，要食熟牛要注意，雖然味道偏咸，但夾塊炸蒜片同牛一齊食又幾夾，但味道都只屬一般。第三道菜係生炒骨，一般生炒骨，外脆內軟，合格第四道菜係脆炸雞，肉嫩味淡雞味不濃，又係普通貨。最後order我最喜愛的壽包，只可用失望形容，蛋黃我估係普通咸蛋黃的⅕,小得可憐，而且很乾身冇油，認真失望。唯一要讚係服務，侍應服務唔錯，平日時間食客少頗寧靜。結論係：失望唔會再黎…查看更多

是日晚上跟親戚到銅鑼灣吃開年飯，發現這中菜廳名字相當有意思，「粵園」跟「月圓」讀音相同，既有一家團圓意思，又讓人意會為享用粵菜之地，未食已讓人覺得印象深刻。起初不打算邊吃邊拍照，只享受和家人相聚之樂，餐前小吃有別於一般酒家的花生，有醃青瓜和木耳，醃得十分入味，非常酸辣開胃。等了一會終於上菜，先來芝士龍蝦伊麵，一上菜即時被其氣勢震攝，不禁拿起手機出來拍一拍！龍蝦大得很誇張，每人可分到三至四件，肉質爽彈極有鮮味，應該是新鮮澳洲龍蝦。炸物有兩款酥炸生蠔，蠔肉賬卜卜，味道香口。一碟生茶也不簡單，侍應即場在熱鍋上炒，夠熱！菜入味亦不覺油膩，而且新鮮爽脆，好食！平時吃得太多鼓油雞，今次點了手撕雞，非常入味，最驚喜有內臟，腸、腎、肝俱全，叔伯吃得津津有味。蒸魚，蒸得剛好，魚肉鮮嫩，想encore時已被挖清光.....甜品有一客蜜糖脆麻花，炸得鬆脆且有淡淡蛋香，表面灑上椰絲和蜜糖，甜而不膩。以為就此作結，原來尚有壽桃包，慶祝一位親戚生日。蓮蓉幼滑，蛋黃大得誇張，不過實在太飽，吃了一半便放棄。大滿足的開年飯，希望中秋可以再來！…查看更多

We ordered the signature boneless chicken, steam abalone, steam fish, soup based Chinese spinach and sweet and sour pork (with bone). No corkage too. It was a wonderful dinning experience for a group of 10 during this holiday/seasonal period.…查看更多

今日同家人到midtown食飯，所有餐廳都開咗兩個月到。最後我哋揀咗midtown 8 樓粵圓酒樓。餐廳環境真係算唔錯, 而且坐得非常舒服, 服務員招呼好，感覺唔錯之後先發現lee度嘅菜式唔係太貴，我哋點咗幾個菜，味道確實值回票價。　黃金脆皮雞雞皮炸得鬆脆, 沒有皮下脂肪, 有雞味既雞，皮薄肉嫩，外脆內軟醬汁腩肉腩肉炒後十分香脆，配上廚師的秘製醬汁，肥膏與肉類分佈得好平均 杞子准山浸莧菜呢款菜應該唔會煮得難食！杞子准山配合上湯，夠晒健康此店無論裝修, 服務, 以至食物水準都非常到位,值得一再捧場! …查看更多

經由當地朋友介紹到銅鑼灣必吃的餐廳今年11月底才剛開幕的粵園非常道地的粵菜、小點及大菜都好好吃！餐廳環境也很乾淨、舒服～到銅鑼灣真的一定要來吃看看！特別推薦 豉油皇炒麵、鳳爪、春風得意腸、叉燒⋯⋯等 全部都太好吃了…查看更多

今日同朋友仔行銅鑼灣，諗住捐窿捐罅搵野食，行到登龍街個頭，見到Midtown 度有派爆谷同棉花糖所以就入左去睇下啲餐廳，啲靚靚小姐同我地講8樓有間新開無耐既中菜館，叫做粵園。我地決定試下因為我同我朋友都鍾意食中菜上到去見到新裝修，個感覺好靚好豪華之後叫左幾道小菜如下overall 都好好食同埋服務好好，特別係個豉油皇花竹蝦，學李錦聯咁講：靠得住！服務員再同返我講原來李錦聯真係去左食😂仲讚左佢地既鮑汁鵝掌同千層乳豬，可惜得兩個人無咁大個胃請埋佢，不過可能新店開張都冇咩客人，問左啲服務員原來先開左一個星期多下次會同屋企人黎試埋佢先…查看更多