米師傅石磨腸粉 (已結業)

啱揸車經過,見到米師傅,咪試下。估5到有意外驚喜,價錢算抵。蝦米腸,配燒買,羅漢果茶～$34。抵食~超正(一定配埋麻辣醬),冇得輸。蝦米夠大隻,香口,足料。腸粉夠滑,嫩口。羅漢果茶煲得啱好～(5甜)。值得一試再試。…查看更多

💛黃店📜”米師傅石磨腸粉 (灣仔)📍地址:灣仔灣仔道149號樂景大樓地下F號舖🤍分店地區: 灣仔📝評價💬📢 石磨腸粉一直都好想試呀 不過呢度冇得堂食要外賣拎走食 就有d麻煩😂😂😂😂又要趁熱食😋😋有得簡紅米定黑米 仲有得簡加吾加燒賣同豆漿做套餐👅雞蛋好香 配埋豬肉好有口感👍🏻👍🏻又好新鮮😍😍 燒賣係魚肉燒賣💛💛 豆漿更加係自家製💛🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️…查看更多

經朋友介紹下,今日去左呢間係灣仔由年輕人打理既《米師博》石磨腸粉店。故名思意,佢地係主打近年好興既皺皮腸粉,或者叫潮洲腸粉。佢地既腸粉有三種,分別係我地平時食開既白米腸粉,仲為左追求健康同新意既香港人準備左紅米同黑米腸粉,店員會根據你所揀選既配料介紹返邊種睗粉既配塔會比較適合。腸粉係即叫即做既,師傅由落粉漿到完成,其實前後都係一分鐘左右,保證新鮮滾熱辣。另外仲有秘製豉油,麻油,辣椒,炸蒜酥,芫茜同蔥花等多種配料任君配塔。我首先就點左熱賣既蝦米配白米腸粉,腸粉一出爐已經聞到好香,一上台已經睇到D蝦米大大粒,同平時食開既蝦米腸好唔同,食一啖已經有好香既咸香味,同腸粉既米香非常夾,一問師傅先知道原來佢地專登選用價錢較貴但品質較好既赤米蝦米,,絕對唔係人有我有交行貨,值得一讚。亦令我想試多幾款。第2碟我就點左豬潤配比較特別既黑米腸粉。黑米腸同白米腸味道其實唔係太大分別,個人覺得口慼方面比較有咬口,當然營養價值都會比較高。而豬潤份量都唔少,係岩岩好熟爽口既,師傅話係每日攞貨,自己清理同改刀,保證乾淨衛生,亦都可能係新鮮既關係,豬潤冇左平時果陣豬騷味,值得一試。另外,《米師傅》仲有3種飲品提供,分別係低糖豆漿同自家製既羅漢果茶同竹蔗茅根。羅漢果茶非常甘甜.羅漢果味好重,師傅話佢地試左幾個品種羅漢果,覺得呢種最滿意非常有誠意。唔鍾意羅漢果既可以試下竹蔗茅根,味道清新,唔係太甜,非常適合健康人士。最後不得不介紹下師傅自己秘製既麻辣醬,本身係為燒賣而造,但我貪心問師傅要左少少試味,食落非常濃郁唔係太辣麻醬味非常出,同腸粉都好夾,味道絕對唔差得過出面食既麻辣雞煲,算係一個小小驚喜~…查看更多

灣仔午餐其實都好多選擇，路經灣仔到嘅時候見到有依間石磨腸粉，呢幾年石磨腸粉都有唔同嘅新店，見佢出面都有唔少人排隊，就去買嚟試下。今次嗌咗個牛肉腸粉，再加錢要咗個雞蛋 之後再加咗套餐。套餐包燒賣同埋嘢飲，飲品有三款畀你選擇，我就揀咗蘋果水。等咗大概十分鐘之後就有得拎，蘋果水感覺好清甜，腸粉份量比較偏小，可能大食嘅朋友要加底先可以夠飽。 值得一提，牛肉腸粉係用一塊塊嘅肉片，所以食得好滿足，而唔係好似坊間咁樣畀肉碎，即刻加返好多分。…查看更多

呢間石墨腸粉好多選擇今次食豬肉雞蛋腸，加底之後的份量當正餐都無問題腸粉皮又薄又滑，口感滑溜，食完一啖又一啖食唔停醬料有炸蒜，芫西，芝麻，麻油等溝埋一齊味道更入味，更有層次！…查看更多

話說好耐之前喺觀塘廣場食過一間食石磨粉，覺得超級好食，一路就好想encore，但係都唔知邊度有得食今日居然被Fatbrown去灣仔一條小巷搵到，勁開心腸粉可以單嗌，都可以嗌套餐，包嘢飲同埋燒賣<石磨粟米腸粉$19>因為今日唔係好肚餓，所以就單叫咗一個石磨粟米腸粉返到屋企打開嗰陣見到面頭好多芫荽，因為唔知佢有芫荽，所以唔記得叫佢走荽，激死好唔容易將啲芫荽挑走咗之後，終於可以食到個粟米腸粉啦腸粉滑脫脫超好食，粟米嘅份量都幾多，不過下次都係叫返有豬肉嘅，齋食粟米腸粉有啲齋…查看更多

係openrice bookmark左呢間野大半年；但！成日行過唔記得⋯⋯今日的起心肝搵佢出黎💪🏻💪🏻💪🏻米師傅舖位就在轉角「出沒要注意」買左蔥花蝦米腸$19豬潤腸$23+1支羅漢果茶$6=$29先試羅漢果茶，齒頰留香，真材實料；非常解渴再試豬潤腸；好香潤腸味但又無羶味；有米香，芝麻、芫茜、蔥；還有拿超級對味的鼓油～～～真係不得了，試食後秒變忠粉蝦米蛋腸留返聽日做早餐🥣#好味就是用心#有廣州茶居的石磨腸粉風味#有香港製作的安心羨慕灣仔人的幸福…查看更多

真係超好食 叫咗粟米腸 轉咗紅米 因為即叫即蒸所以要等一陣 返屋企食嗰陣好有驚喜！我全部配料都有落 係非常非常之夾！有米香 麻辣醬都好好食！係超水準嘅平民美食🤤🤤💛💛💛仲有收銀哥哥都好好人💛💛✨…查看更多

一日一黃店-灣仔良心抵食石磨腸粉 一開盒已經好香 仲要最平齋腸$16 如果學生再8折 呢間店係灣仔ive對出 keep住都有4-5人排隊 都幾忙 店面有小小文宣.呢日叫左 ⭐️雞蛋豬肉腸套餐$36有6粒 燒賣 同枝裝飲品 跟甜豉油/麻辣醬😋一開真係好香 因為表面落足 麻油 炸蒜 辣椒粉唔食芫荽可以提前 叫走芫荽👍🏻腸粉勁滑滑 有蛋香 🤔豬肉唔算多👍🏻燒賣軟熟 佢個麻辣醬 好好食應該加左花生醬 中和下 更香口 小麻小辣過癮.⭐️齋腸$16相比上面更薄 更滑 更平 更抵食但識食一定係加雞蛋😂.飲品點左⭐️蘋果雪梨係自己煮既feel幾清甜 唔係糖漿飲品.如果有學生證 有8折 2樣埋單都係$42 爆抵整體高分好評 最衰餐廳只得外賣如果餐廳有得堂食 用餐評價會更加高.#hkfunfoodrecord窮遊香港#hkfunfoodrecord_灣仔#hkfunfoodrecord黃店.#米師傅石磨腸粉 (灣仔)地址：灣仔灣仔道149號樂景大樓地下F號舖.⭐️評分：味道：4.5/5環境：3/5 外賣服務：3/5 外賣抵食：4.5/5…查看更多

即叫即精石磨腸粉仲可以簡黑米或者紅米之前試過羅漢齋黑米腸，今次再接再厲試左粟米雞蛋黑米腸粉，有别於一般白雪雪的腸粉，佢係皺皺地的，餡料也不是包在腸粉裡面，而是夾在腸粉與腸粉之間，啖啖米看，食齋的朋友在這間小食店也可以有很多選擇下次一於試埋佢的蝦米同齋腸另外除了腸粉本身的餡料外，還會有炸蒜及芫茜等等，最重要係佢的麻辣醬，好少腸粉會配麻辣醬，香香辣辣好滋味！不過唔食辣都可以唔要，因為辣醬同豉油係分開上的！加又得唔加都得…查看更多

咁啱帶住個仔行過，晏晝想食清淡啲，見到檔腸粉於是行過去睇吓。第一次嚟幫襯，發現呢度係幾個後生仔做嘅，態度好之餘啲蔥啊芫荽啊可以隨意添加。唯一美中不足就係冇得堂食，全部都用外賣盒拎走，不過話如果自己拎盒去可以減返幾蚊。不過重點係佢哋腸粉嘅味道。呢度腸粉又滑又有米香，好好奇點解咁嘅價錢可以做到咁嘅分量同咁嘅質素。後來睇到介紹，知道啲米漿唔係交嚟溝水係呢度幾個後生仔朝早自己磨嘅，咁有心機怪唔之得有咁嘅效果。甚至可以講有大坑康記當年嘅味道。…查看更多

開店個時見到話係即蒸腸粉就好想試吓跟住有一日有同事買左翻黎試左第一次就好鐘意佢哋個腸粉質地+麻醬腸粉軟硬度岩岩好又保留到米香仲另外有紅米黑米揀 紅黑米會甜少少 揀翻自己鐘意嘰口味就得見到店內全部樓面同收銀都係同自己差唔多大嘰年輕哥哥而家個個都開cafe 搞西餐完全唔估到一班年輕人會選擇去做咁傳統嘰食物而且個個都好有禮貌態度勁好食物又有水準真係好難得私心pick: 最鐘意有雞蛋嘰腸粉 我次次都點雞蛋豬肉腸 燒賣都好好食見到佢哋而家都幾受歡迎 希望可以繼續keep到個人氣呀會繼續大力支持…查看更多

冇誇張，呢間真係我近年最鍾意嘅食店。店員態度極好，好有台灣嘅暖男感覺。啲腸粉係即叫即整，好新鮮！價錢非常之合理， 20幾蚊可以食飽飽，仲要係健康，有碳水化合物，有啲蔬菜，又有素食選擇，真係買少見少。仲有極罕見，如果自備餐盒可以減一蚊，好少餐廳可以咁主動支持環保，呢個真係超級讚🎉🎉🎉🎉🎉仲有呢期流行嘅燒賣😂😂😂 我今次叫咗豬膶腸，加燒賣，唔好意思影得咁樣衰，因為我自備餐盒，拎到返屋企就咁樣衰😂 講返味道，非常好食，腸粉好滑，好足料😍😍😍…查看更多

店主一大清早就會用石磨磨粉漿 唔似普通酒樓咁開粉 所以整出嚟既腸粉特別滑🥰而且有黑米同紅米揀 黑米可以滋陰補腎 紅米可補血 兩者都有豐富營養 係健康之選🤩一開始試左齋腸先 最原汁原味 加左芝麻、麻油、豉油、炸蒜 加左自選配料風味十足🥳如果外賣 店主仲會分開比豉油 以免腸粉太乾😛黑米方面我地試左鮮魷腸 黑米整出嚟既腸粉更滑 但鮮魷略嫌唔夠彈牙😗不過店主好用心研發 初頭諗住用魚片 但驚當中既碎骨影響口感 最終使用左魷魚😎店主仲比左雞蛋豬肉腸同蔥花蝦米腸我試🤩雞蛋嫩滑 令到腸粉多左一個層次 豬肉亦都唔「鞋」😋但比較之下 蝦米腸更為出色🥰蝦米大大隻 充滿鮮味 令到成碟腸粉都好夠味👍🏻個人最推薦呢款腸粉飲品方面店主都落足心機 有自家製竹蔗茅根水、羅漢果茶同低糖豆漿揀😍羅漢果茶完全冇加糖 但唔會話有苦澀味 飲完十分潤喉😝竹蔗茅根則甜得滯 唔可以係咁飲😗而家下午茶時段加$3即可換購豆漿一支 學生醫護仲有8折🥳大家無論係早餐、午餐、下午茶都可以去試下👍🏻…查看更多

Encore系列📣佢地既腸粉太好味😋試埋其他款式先🤩一樣有驚喜💯🌟羅漢齋腸粉 配料木耳絲,蘿蔔絲,冬菇絲有唔同層次既口感 好正😋🌟韭黃雞絲腸粉啲雞絲係好嫩滑😋配埋韭黃既鮮味 好夾👍🏻其實都仲有其他款未試哂黎緊真係會想再幫襯食第二次都一樣keep到個水準🤩🤩份量一樣多 腸粉依然好滑😋😋😋佢地價錢又好親民‼️‼️地點都算方面 仲可以wtsapp定落單去到就有得拎超方便🙌🏻🙌🏻🙌🏻…查看更多