筷子記

营业中

休息中

響中環返工lunch周圍都排長龍，而且好多都係貴價野食，今日我就來到好出名的筷子記叫左個車仔面外賣，落單的好熱情，比張點餐紙我地填完比佢就搞點，呢度比較細間，好難可以有位座，所以我都係建議買外賣，外賣都準備得好快，唔洗企等好耐。我叫左三送的車仔面，有香腸，菜，牛肉。拿到返office仲係熱，一打開已經閒到好重的辣味，面條分明，香腸同牛肉吸左d湯之後辣味無窮，十分正，由其係菜的吸汁豐富，真係辣盡我口。

中環區低食車仔面，好食大份 不過咖哩汁係咖哩油黎 得個辣 不過員工都會建議你加豉油非常好吃4個餸都係40幾蚊連野飲，下次在黎中環有機會希望試下個豬排包同炸魚包，但都會主打撈面

今日去試咗一間好抵嘅3餸車仔麵下午茶餐！嗰三個餸我就揀咗瑞士汁雞翼，豬腩肉同埋豬頸肉~雞翼有兩隻，份量都唔算少，而且食落去都幾入味，唔會話只係表面先有滷水汁味。豬腩肉肥瘦均勻，食落去都幾香口，豬頸肉就有少少辣味， 食落都覺得幾特別。整體黎講成碗米線都幾多餸下，美中不足嘅係個人認為米線份量比較少，比較大食嘅人可能會唔太飽，不過個人就當下午茶餐咁食嘅，所以就覺得份量都可以接受，唔會話唔夠食。總括而言都推介大家去試吓呢間車仔麵店！3餸車仔麵 HKD$30

一直都有聽過筷子記，Openrice成日我search中環餐廳都見到佢。今日經過又見唔洗等位就入去試下。環境都係一般中環茶記咁，有D迫但算幾乾淨既。但通常呢D地方都好逼你要快，都未睇得切有咩食已經有人吹你落單，選擇都算係多野揀，同平時D車仔麵店食既野係有D唔同。我就點左澳門包心卷，唐生菜，澳門魚片頭，墨魚丸，油麵配咖哩汁。朋友就點左澳門包心卷，芥蘭，澳門魚片頭，肥牛，米線配茄汁。我地都係第一次食撈車仔麵，大家都覺得好難食。首先個汁無乜特別，仲要個咖喱汁其實唔係好有咖喱味。一咬個魚片頭係凍架，好似未解好凍咁。包心卷同墨魚丸就普普通通，唔覺得好特別。至於我地兩個麵亦都係痴實晒，一餅野咁，真係唔識欣賞。總結就係好失望，可能我唔係食佢出名既野掛。雖然間野係出名，但我覺得係我食過最難食既車仔麵，不過四個餸加個飲品黎講就算抵食。

澳門既豬扒包出左名好多年，但係我真係唔明白佢既獨特之處到底係邊反而我覺得辣魚包真係好味好多！嚴重被低估！！！係香港連連鎖快餐店都有豬扒包食，但係辣魚包我真係唔知道除左筷子記邊度先有得食！本人有家人係澳門居住，成日都要求佢地上船黎香港前先買一個辣魚包，但係佢地話個包拎到黎香港再送到我手上都已經凍曬，一定唔好食，所以屢次拒絕我既要求ANYWAY講返個包先烘熱既包熱辣辣椒唷，好香麵包味呀我真係好耐無食辣魚包啦！！雖然個包真係好熱，但係都要拉一拉開佢望下個餡先好靚仔呀！我最鐘意既辣魚呀呢個包真係無得講，好香又好味或者好多人無食過辣魚包唔知係咩味，其實辣魚係沙甸魚整碎再加蒜蓉同埋咖哩，係咪想像到個味道係點呢～咪係好味囉！呢個包真係好好食，唯一可以挑剔既係餡唔夠多，如果爆餡就正囉

筷子記是我最愛的茶記之一，因為它車仔麵配料多元化又特別，調味適中，性價比很高，簡直是中環食店清泉！！！而我每次必點就是沙爹汁或咖喱撈粗麵，加蕃茄仔，辣蛋或腐角，咖喱蘿蔔。醬汁非常濃郁惹味，而我最喜歡的配料便是辣蛋，它是包了沙嗲汁的蛋角，香口好味，蘿蔔炆得入味和軟身，也是必點配料！最後，因為太喜歡辣蛋，再點了個辣蛋包。好像吃太多(掩面)

中環有好幾間出名的港式食店，筷子記就是其中一間家人嚐過招牌澳門平民車仔麵，定價份量。這天忙碌一番後身軀疲憊，寧願速速解決晚餐也不想捱著餓回家。店內格局狹小，唯保留著六、七十年代的裝潢，牆上貼了報刊雜誌的餐廳介紹。我們到達店鋪時，儘管已經是晚上八時半，沒有中午時段的座無虛席和長長的人龍，但依然是下午茶時段。 我點的三拼麵是小辣湯米線。由於不想晚上吃太油膩，撈麵便留待下回。有幾款配菜也是具澳門特色的，其中一款就選了配澳門包心卷，以魚肉包豬肉，其餘我就挑了咖哩魚蛋和冬菇，另外熱飲檸檬水再加三元（$ 37）。六粒魚蛋爽口有嚼勁，辣度十足，令原本比想像中辣的小辣湯底更濃。包心卷跟魚肉腸味道相似但比較天然。米線份量軟硬適中。冬菇也燜得夠軟和入味。口中麻辣由開始吃麵到吃完仍揮之不去，心中很需要杯冷甜飲。筷子記的車仔麵不算是很驚豔，但以中環區地段來說，可作為便宜又帶點特色的一餐。

路過中環每次都會忍不住來筷子記吃東西，吃過一次就上癮了 喺中環來講佢係算好平好平好平，所以因為咁成日都好多人迫爆晒間餐廳。本人好喜歡吃車仔麵 這個價廉物美又抵食，他們有湯麵或者撈麵，不過我每一次都吃湯麵🍜覺得湯麵都係最正的 他們家的辣魚蛋是十分入味，好辣！麻辣豬頸肉也OK，不過有啲乾身，硬硬地，他們家的自製既麻辣辣椒🌶️醬超級麻辣，值得一試！次次都食到流晒鼻涕，哈哈哈😄不過就成日都好多人，好迫，要遷就一下

喺中環周圍行見到呢間舖頭門面比較懷舊同有特色所以就入咗去39蚊一碟撈麵再加杯嘢飲分量夠大算係抵食不過味道真係好一般般叫咗個沙嗲撈麵三款餸就揀咗澳門包心捲，沙茶醬魷魚同埋澳門魚片頭個麵黎到賣相唔係好吸引 而味道都真係唔係好吸引 啲麵有啲林淋二而個沙嗲醬就太稀 撈完之後都好似好水咁 過個澳門包心卷嘅味道似係打邊爐材料嘅味道 唔係太好味魷魚同魚片頭都只係正正常常嘅味道冇乜特別整體嚟講係below average回頭指數係零

早早黎到，無乜人叫左麻辣豬頸肉，脆皮芝士腸，沙茶魷魚撈粗麵，要沙嗲汁豬頸肉份量都算多，不過我嫌佢乾身左D,都有少少麻辣味既魷魚好淋易咬的，芝士腸正常味沙嗲汁唔辣的上網講到甘好味，一黎食完，我覺得味道無話特別好食，無一種食完好回味既感覺，只係好普通的一個撈麵不過中環黎講，簡簡單單食個三送撈麵加杯野食都係$39,填飽個肚都好既如果特登排隊黎食就唔太值了

一直都知道勝香園既茄牛通係十分出名，但位置有d唔方便，所以一直都無去食。而係中環既筷子記一樣咁多人講，雖然都要等但就比勝香園等既時間短好多。今日難得成班同事都咁有興致，就去左食la.唔知係咪我地早得濟，中午11點幾就到左，唔洗等就入得，如果唔係大熱天時等都幾辛苦下。宜家佢樓上都有得食，位置多左，唔洗點等。雖然樓上坐係用外賣盒裝，但無乜所謂啦。雞翼肥牛魚肉米線沙茶汁小辣。真係唸返都流口水呀！連凍飲都係39蚊咋！正

揾食途中，見到個名幾得意，筷子記。個名都好澳門下，睇餐牌此餐廳提供澳門美食同車仔麵。價錢以中環地段來講又不算貴，就試一試好難唔好食嘅車仔麵啦。未食先興奮，下午茶時間2:00-10:00？張點車仔麵的餐單都幾搞笑，叫左個青春（蔥？）魚肉腐皮卷、咖哩豬皮羅白（蘿蔔）、沙茶醬魷魚加粗麵，另叫特飲熱羅漢果茶。＊青春look，其實咪就係一條炸春卷。蘿蔔夠甜加腍，豬皮亦入味，魷魚爽加沙茶醬味濃，青春好普通，整體車仔麵多料而味道唔錯，但個羅漢果茶太甜。結賬：$37 有點奇怪，個牌寫$33，加特飲$3，點解收多一蚊？原來姐姐講麵要加$1。

門面係非常舊式的小店，環境極窄，絕對唔好坐，仲要好大機會，店員係會催你走。點餐係自助形式，一定要圈好哂先好比店員阿姐，否則佢地係會丙你一獲的。食物方面主打係車仔麵，撈車仔麵響香港實在買少見少， 筷子記既醬幾惹味， 配料特別，除左有一般魚蛋、羅白之類， 仲有沙茶醬魷魚既魚腐等等。但係我真係唔鐘意佢個撈麵，個麵好濕，痴住哂個嘴咁，口感有D核突。36蚊三餸車仔麵係平，但服務真係九流：食個麵食到一半，店員阿姐已經催住你「食快少少啊，出面有人等緊」，而我自問食野係快的，平生第一次比人催食快D就係呢度！咁嘅服務，仲要等位，又唔係好食，真係唔會再黎。

呢間野簡唔中會幫襯，估唔到服務咁「好」，一定要分享！食完野，漏低咗部手機，返轉頭好彩哥仔幫我執起咗！但收銀要我「打賞」全店店員，佢既「行為」已即獲負評！俾咗$100收佢皮兼大大聲講，希望其他店員聽到，以免收銀私吞！

抬頭望雨絲，夜半翻openrice，食家筆跡轉處，談論昨日往事，如何讓你知，食得開心真寫意，最寂寞夜深人靜陪念掛時.....唔洗念掛啦!直情走去食咪得囉!我帶著情義，一絲絲悽愴，來到筷子記，大家可能心諗，食碗粉啫洗感慨!錯!哩碗粉，唔係普通嘅粉，而係.....想當年，做𡃁時，都十年前，係中環打等，堪稱中環古惑仔，周圍R撈，同大佬並肩作戰，日日筷子記，有日，心血來潮問大佬:點解要撈粉?大佬:R撈，得左，就要撈得起。嘩!大佬!實在太感動喇!太有寓意喇!太好喇!於是每日如是，九唔搭八之中又好似知佢講乜，或且哩種就係叫默契，之後跟佢，齊齊做粉人，直至轉左工。今日再食，唔食粉食米線，唔係因為做線人，純粹口味轉左，始終要成長。環境:一字記之曰小。下午茶餐三餸，$33，瑞士雞翼、豬大腸、馬交魚羹+米線。沙茶醬撈米線，大量沙茶醬，米線滑，每一啖都食到豐富沙茶醬，個沙茶醬好香，少辣，少鹹、少甜，隱匿有花生及鮮味夾雜，好美味呀!瑞士雞翼，我鍾意食，滷水入味夠甜咬落鬆化，正!條蕩氣迴腸嘅豬大腸， 口感蔫韌，滷水入味夠甜，讚!馬交魚羹，一野啪落食，鮮爽，掂!凍咖啡，踉餐+$3，茶記味道，香濃味!回味+食記又砌