秋田浜燒食堂

喂呀⋯⋯我同女朋友睇到網上啲相好靚，十六萬幾人bookmark咗，咪諗住試下個「秋田二人前套餐」囉。點知⋯⋯唉，真係一個難忘嘅體驗。個侍應捧住個爐過嚟，我仲開心緊。跟住佢放低隻龍蝦，我見到佢對鬚仲喺度郁下郁下，個心即刻「離一離」。我同女朋友對望咗一眼，佢塊面已經青咗。然後到隻鮑魚，原隻上，仲識得微微噉震動，我哋兩個都呆咗。其實啲食材係靚嘅，鹿兒島和牛都唔錯，但係⋯⋯當你聽到隔離枱傳來啲「滋滋」聲，仲有陣海鮮掙扎嘅味道，真係有啲頂唔順。我女朋友仲要細細聲話：「佢哋好似好痛咁⋯⋯」搞到我都唔知點食落去。全晚最好味真係支啤酒，凍嘅，唔會郁，仲要唔會望住我。老實講，支啤水救咗成晚。其他嘢食？個炒飯濕濕哋，個龍蝦湯淡茂茂，仲有個蒸蛋⋯⋯唉，算啦算啦。下次都係去返大家樂穩陣啲，起碼啲食物唔會同你say hello先。…查看更多

今次簡左「秋田」二人前套餐，每一道菜都是技藝的展示，每一口都是食材本味的昇華。魚籽鵝肝蒸蛋嫩滑蛋底下，居然有豐腴香醇的鵝肝粒，入口即化，油脂極香，頂層鋪滿的魚籽，口感極豐富鮮活的時令龍蝦 龍蝦在鐵板上仲識郁，可見新鮮程度！龍蝦肉緊實甘甜，再配上龍蝦醬，簡直鮮上加鮮原雙鮮活南非鮑魚鮑魚超級大隻，也非常生猛！師傅精準掌控火候，鮑魚嫩而不韌，彈牙軟糯，搭配特製的忌廉汁加上海藻，鮮味被放大，好好食季節時令海鮮 我們這次是帶子，在鐵板的高溫下迅速鎖住汁水，外表帶有微焦的鑊氣，內裡保持刺身級的鮮甜嫩滑，包上海苔和魚子醬，口感一流香煎頂級鵝肝 厚切的鵝肝外表金黃酥脆，內部溫潤，散發油脂香氣，搭配烤到微焦的吐司及菠蘿化解膩感。鹿兒島霜降與牛薄燒卷 & 厚燒薄燒捲將和牛超薄切片，捲入蔥花，牛肉的脂香與青蔥的清爽結合，層次豐富。厚燒和牛外面焦香，肉汁爆炸，配上香蒜極滿足秋田炒飯 & 炒野菜櫻花蝦、火腿、米飯、雞蛋、翻炒。每一粒米飯都包裹著蛋香，鑊氣十足。清炒的野菜非常清爽，菇的香氣加上蔬菜，非常解膩～龍蝦清湯 採用龍蝦頭熬煮而成的清湯，湯色清澈，卻凝聚了龍蝦鮮味，鮮味濃郁，落胃舒服當天剛好有客人生日，廚師更會用雞蛋液在鐵板上寫字，原來還有提供卡通畫碟服務，真是非常驚喜！真的很適合紀念日、重要聚餐，這間餐廳的體驗感，絕對得起它的價格！很高質～…查看更多

成日都喺Social Media見到有人post呢間餐廳嘅相，因為呢度好適合慶祝生日，好多朋友都鍾意黎呢度食飯影相，今次朋友生日終於有機會嚟試啦。呢度嘅厚燒牛肉非常高質，佢嘅牛肉牛味好夠，而且燒嘅時間啱啱好，一開始師傅會俾咗新鮮嘅食材我哋睇先，嗰陣已經見到食材好高質啦，估唔到食落仲更加有驚喜。呢個龍蝦又係一個打卡位，師傅會提醒你準備點火，大家都準備好相機去影低點貨嗰一刻，真係又壯觀又靚呀。而且佢嘅龍蝦食落都好新鮮，唔單止拎嚟打卡，食落都好好食㗎。而我就最鍾意呢個龍蝦湯，因為佢係用燒香咗嘅蝦頭嚟煮，飲落非常香口，而且仲有少少龍蝦肉，感覺完全冇味精，非常清甜。呢度最特別嘅就係，慶祝生日嘅話，就會有生日公仔碟。而且廚師仲會用醬料喺鐵板度寫出生日快樂，真係好適合影相同打卡。呢間餐廳又好食，生日公仔碟又得意，而且佢嘅位置都好闊落，啱晒一大班朋友嚟慶祝或者gathering。…查看更多

母親節將到，預早一星期為母親大人𪊴祝，好過人迫迫。揀選了尖沙咀一間日式料理店，主打鐵板燒，壽司，浜燒…. 多元化。季節沙律，清新爽脆。蒸蛋配以魚籽，鵝肝，十分高雅 。鮮活時令龍蝦觸鬚還在蠕動呢！相當新鮮！採用了龍蝦膏餚製醬汁作為調味，鮮上鮮。原隻鮮活南非鮑魚肉質非常軟腍，啖啖滋味。今日時令海鮮係銀雪魚，兩面煎得焦香，惹味。香煎頂級鵝肝勁邪惡。鵝肝綿滑如絲，入口溶化。鹿兒島霜降和牛薄燒卷 / 鹿兒島霜降和牛厚燒無論薄燒，還是厚燒，肉質鮮嫩，味道濃厚。一碗又鮮又甜嘅龍蝦湯，暖意。…查看更多

辛苦咗成個星期，終於捱到星期五放工💼！今次專登帶老婆去尖沙咀天文臺圍嘅「秋田鐵板燒刺身專門店」食好西，慰勞下自己同佢～餐廳環境私隱度高，坐得舒服，仲可以睇住師傅即場炮製鐵板燒，夠晒有氣氛🔥！ 我哋揀咗**秋田二人前套餐（$888/位）**，雖然價錢唔算平，但食材高質，絕對抵食！ ✨ **套餐重點推介** ✨ ▪️ **魚籽鵝肝蒸蛋** 蒸蛋超滑溜！鵝肝嘅油脂香加上爆汁魚籽，口感層次爆棚💥 ▪️ **鮮活時令龍蝦** 龍蝦即劏即燒🦞，肉質爽彈鮮甜，仲有淡淡焦香，正到痺！ ▪️ **日本播磨蠔** 蠔身超肥美🦪，煎到外脆內嫩，一啖咬落去爆汁，海水味濃郁～ ▪️ **鹿兒島霜降和牛厚燒** A5和牛油脂分布超靚🥩，入口即溶，牛香濃郁到癲！薄燒卷埋蔥花仲正，送酒一流🍶 ▪️ **香煎鵝肝多士** 鵝肝外脆內軟，配埋脆多士同藍莓醬，邪惡但超滿足😋 ▪️ **龍蝦清湯** 飲得出用龍蝦頭熬製，鮮味十足，飲完成個人暖笠笠～ 最後嘅**荳莎香餅**同**抹茶蛋糕球**為呢餐畫上完美句號🍰，甜度剛好，唔會膩！ 💡 **總結**：呢個價錢食到咁高質嘅鐵板燒真係好難得！服務又好，師傅會同你互動，慶祝紀念日或者想氹另一半開心絕對值得嚟試👍！ …查看更多

食材新鮮，服務好！首先，沙律🥗蔬菜爽脆，蕃茄去了皮.刺身方面，各種魚類，海膽和蠔都好好味，唔講得超正，但質數唔錯！龍蝦係用日本伊勢龍蝦，新鮮直劏，身做刺身，十分爽甜，個頭用來做湯，食完刺身飲個熱湯，十分暖胃.浜燒喺喺客人旁邊燒，北海道元貝，赤貝和鮑魚燒得剛剛好，唔會太亁，調味係十分好.甲鑼燒加入蟹肉和蟹子，少了咸味，增加鮮味，配合脆麵麭食十分夾.鰻魚飯和魚生飯和最後的抹茶布甸都幾好食.值得再去.…查看更多

朋友升職好開心話請我食出名高質的秋田鐵板燒, 我當然登佢高興又好開心有好西食啦, 仲可以一邊欣賞專屬師傅的精湛廚藝，一邊品嚐美食，視覺和味覺同時享受, 感到十分幸福。秋田二人前套餐, 包括了12道菜式:*季節沙律 ~  前菜芝麻醬新鮮沙律, 很開胃*魚籽鵝肝蒸蛋 ~ 好滑的蒸蛋, 配上香濃魚籽和鵝肝，味道有層次*鮮活時令龍蝦 ~ 嘩, 呢款有得睇表演又有得食, 真的很精彩, 擺盤十分精緻, 龍蝦肉質結實爽口, 配上龍蝦汁, 真的一絕, 我很喜歡!*原隻鮮活南非鮑魚 ~ 新鮮不在話下, 配上秘制醬汁，十分鮮甜彈牙*季節時令海鮮: 聖子非常爽口鮮甜，好惹味*香煎頂級鵝肝 ~ 真係好大件比起其他餐廳, 暫時我食過的鐵板燒最大件, 哈哈！好足料, 鵝肝煎得外脆內軟, 配埋脆脆的多士, 又一絕配, 十分好味, 還有菠蘿可以解油膩~*鹿兒島霜降和牛薄燒卷 & 鹿兒島霜降和牛厚燒 ~ 兩種牛肉味都很香濃，煎得剛好, 配埋脆薄香蒜片，更香口*秋田炒飯 ~ 又可以欣賞師傅即場炒飯的手藝, 日本米炒得獨立, 粒粒飽滿，飯粒已沾滿蛋香, 食落好香有咬口*炒野菜 ~ 牛油炒雜菜，香滑惹味*龍蝦清湯 ~ 十分鮮甜, 香噴噴的龍蝦味道出哂黎*精選甜品 ~ 銅鑼燒入面有紅豆蓉，配上綠茶式朱古力雪糕食，好味~呢間鐵板燒真的真材實料又新鮮, 師傅很用心煮, 服務員招呼週到, 慶祝仲可以寫字打卡, 我同朋友食得好開心滿足, 會再次光顧~…查看更多

happy Friday當然要約朋友一齊食好西啦，今次呢就去到尖沙咀嘅一間主打日式料理嘅餐廳-秋田，呢一間除咗有日式料理🍣、刺身🥢之外，亦都有鐵板燒提供等等，而今次就去食鐵板燒，我哋叫咗個一個12道菜嘅鐵板燒套餐，每人都要$888 㗎，已經有龍蝦🦞、鮑魚🐚、同埋和牛🐂，都好豐富，每一款食材都好新鮮🧊，而且大廚製作非常用心💪，每一款食材的口感及味道都好出色，簡直係大滿足🎉。🌟 季節沙律先嚟一個沙律先，口感爽脆的水晶海藻🌊，加上生菜🥬同醃好咗酸酸甜甜嘅蕃茄仔🍅，再配上麻醬😋🌟 魚籽鵝肝蒸蛋口感超滑味道剛剛好嘅蒸蛋🍳，配上油香味超濃嘅鵝肝🦆，再加上爽口又鮮甜的魚籽🐟😋🌟 鮮活時令龍蝦新鮮大大隻仲識得郁嘅龍蝦，大廚先將龍蝦的周邊煮熟🔥，然後再烹飪龍蝦肉中間的位置，所以食落去都會特別爽口，再配上秘製的龍蝦膏製成醬汁😋🌟 原隻鮮活南非鮑魚隻鮑魚仲識得郁㗎，好新鮮😋大廚用鹽簡單調味🧂，令鮑魚更加鮮甜，配上秘製又creamy的忌廉醬汁🍶，剩低嘅醬汁同昆布一齊食！🌟 季節時令海鮮 - 蟶子鮮甜又爽口嘅聖子配上蔬菜🥦一齊炒，再加入微微辣的明太子🌶️，令成道菜式更鮮甜更香更惹味！🌟 香煎頂級鵝肝超級大塊嘅鵝肝煎到四邊焦香🔥，面上還會加入魚子醬🐟，以及金箔✨做點綴，賣相超吸引；肥美嘅鵝肝，每一啖都有鵝肝油香，要配上酸酸甜甜嘅甜醋🍯及菠蘿🍍一齊食！🌟 鹿兒島霜降和牛薄燒卷油花分布非常平均嘅霜降和牛🐂，煎到五成熟，中間夾住炸蒜片🧄及蔥花🌿，呢個配搭好好，和牛食落去入口即溶，仲有好香濃嘅牛味🤤🌟 鹿兒島霜降和牛厚燒將一塊厚厚嘅和牛煎到五成熟，大廚將和牛切成一粒粒方便去食，配上少許鹽同埋蒜片🧄一齊食，油花與牛肉香味喺口裏便散開，真係好滿足😌🌟 秋田炒飯食鐵板燒最鍾意就係睇大廚炒飯🍚，真係好考大廚嘅功夫㗎，飯入面加入櫻花蝦🌸，令成個炒飯都好香食落去都好鮮。🌟 炒野菜 本日の燒野菜食落去爽脆又香甜的椰菜🥬，大廚加入了牛油🧈令成碟野菜都好香牛油香味🌟 龍蝦清湯呢個清湯真係用龍蝦頭去滾出來的，大廚用咗一開頭煮嘅龍蝦頭去用來熬湯🍲，食落去都好鮮甜🌟 精選甜品-銅鑼燒 及 芝麻雪糕最後就係雪糕🍦，第一次食鐵板燒係食銅鑼燒，都幾特別，一定要配上雪糕一齊食！🍰…查看更多

秋田一向都係我最愛鐵板燒店，其實佢仲有浜燒架，如果想有返鄉下（日本）嘅感覺，推介大家都嚟尖沙咀店秋田💁🏼‍♀️ 餐廳一貫日秋裝潢，同樣位於天文臺圍8號, 地點非常就腳，岩晒約埋一班朋友嚟聚聚👍🏻𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ札幌漁港二人前套餐 $988 (二人前）❁ 餐前小食❁ 季節沙律自選和風燒物料理 (3選1)❁ 生燒藍鰭吞拿魚下顎肉質好鮮嫩，油脂豐富，口感滑順，仲帶有微微海水味，搭配少許醬油，真係會食唔停口。❁ 人氣味噌甲羅燒🦀🔥每次食浜燒都必點，超級多蟹膏啊😍😍 仲加有蟹籽、蟹肉，蔥粒，燒好之後攪勻，再加上酥脆可口多士，勁yummy😋❁ 三點浜燒料理師傅會先詢問想刺身定想火炙，我哋二話不說就決定由師傅即席燒海鮮，呢個真係好好體驗🥰當晚就有燒鮮活南非鮑魚、函館北寄貝、日本直送活生蠔🦪 因為實在太新鮮，基本上師傅燒得剛好之後，再加入少許調味，已經好好味！燒蠔同北寄貝都係鮮甜多汁，而鮑魚夠爽彈，下次都一定要再食！❁ 成田蒲燒鰻魚丼🍱 & 炙燒三色海幸丼🍱成田蒲燒鰻魚丼🍱 -魚身厚肉又鮮甜美味，再加埋鰻魚汁，入口一流😋炙燒三色海幸丼🍱 - 火炙過之後 更加迫出油脂，口感軟腍，入口即溶🤤 而且，丼飯唔洗自己再加任何醬汁已經調得好夠味，真係飽都會食晒🤭❁抹茶紅豆布甸🫘🍮和 芝麻雪糕甜品不會太甜，完美作結🫶🏻❁ Shochu🥃白桃 和 蘋果味 $38@.𓐎/秋田浜燒食堂 𖠿 𖤣𖤥尖沙咀天文臺圍8號地舖…查看更多

之前都係試過秋田鐵板燒，但係一直未試過浜燒食堂，果然都係一試難忘。今日我哋嗌咗個札幌漁港嘅套餐，一開始師傅拎咗啲海鮮出嚟俾我哋睇，嗰隻鮑魚郁到呢，完全好似喺你面前做緊運動咁，真係好新鮮。同埋呢個套餐最特別嘅係佢有藍鯨吞拿魚下顎食，都真係唔係度度有得食。除咗仲有燒帆立貝、蠔之外，佢仲有個甲羅燒，個蟹膏都好香好惹味。最後就係呢個綠茶雪糕作結。正呀。…查看更多

📍 秋田浜燒食堂 (尖沙咀)尖沙咀天文臺圍8號地舖 👉 秋田鐵板燒二人前套餐💰每位888+(10%service charge)😋😋😋😋.9/5🇯🇵季節沙律季節沙律清新爽口，使用當季的新鮮蔬菜，搭配輕盈的醬汁，為整個套餐開啟了完美的序幕🇯🇵魚籽鵝肝蒸蛋魚籽鵝肝蒸蛋口感滑嫩，鵝肝的濃郁與魚籽的咸香相互融合，讓人一口接一口。蒸蛋的細膩口感更是為這道菜增添了層次感，讓人驚艷不已🇯🇵鮮活時令龍蝦鮮活時令龍蝦的肉質鮮甜，鮮嫩可口，搭配簡單的調味，完美展現了海鮮的原汁原味。每一口都令人陶醉🇯🇵原隻鮮活南非鮑魚南非鮑魚煮至剛好，保留了其鮮美的海味。肉質彈牙，口感極佳，搭配清淡的醬汁，讓每一口都能感受到海洋的氣息🇯🇵季節時令海鮮(鐵板燒蟶子）鐵板燒蟶子外焦內嫩，帶有微微的炭香，鮮味十足。與特製醬料野菌搭配，簡單卻令人難忘🇯🇵香煎頂級鵝肝香煎頂級鵝肝外脆內軟，味道十分濃郁。搭配魚子金泊份外高級，加上蒜蓉包平衡了鵝肝的油膩感，讓整體口感更加和諧🇯🇵鹿兒島霜降和牛薄燒卷 鹿兒島和牛鹿兒島霜降和牛薄燒卷的肉質鮮嫩，油花分布均勻，輕輕一咬便能感受到肉汁四溢。搭配炸蒜片調味，讓牛肉的天然風味得以充分展現🇯🇵鹿兒島霜降和牛厚燒 鹿兒島和牛厚燒的鹿兒島霜降和牛同樣令人驚艷，肉質更加豐富。經過鐵板燒的處理，外焦內嫩，口感層次分明，是肉食愛好者的必試之選🇯🇵秋田炒飯秋田炒飯香氣撲鼻，米飯粒粒分明，配料新鮮，口感豐富。簡單卻極具家常風味，為整個用餐體驗增添了一絲溫暖感🇯🇵炒野菜炒野菜色彩繽紛，保持了原汁原味。清脆的口感搭配少許的蒜香，讓人感受到自然的清新，平衡了肉類的豐腴感🇯🇵龍蝦清湯龍蝦清湯鮮美清淡，湯底濃郁，完美襯托了龍蝦的鮮味。每一口都如同在海邊享受海風，讓人心情愉悅🇯🇵精選甜品(銅鑼燒與綠茶或紅豆雪糕）銅鑼燒外酥內嫩，搭配香濃的綠茶或紅豆雪糕，為整個套餐劃上完美的句號。甜而不膩，讓人回味無窮回頭: yes yes yes ，秋田的鐵板燒套餐無疑是一場味蕾的盛宴，無論是海鮮還是肉類，都展現了食材的極致風味，讓人流連忘返🔥🔥🔥🥰🍻🤩…查看更多

秋田鐵板燒刺身專門店 — 尖沙咀這家店已屹立10年有餘,口碑載道。店鋪採用日式裝潢,分為上下兩層。今次我點的鐵板套餐,每位888元,堪稱最抵食之選。當中包含沙律、牛肉、海鮮、鵝肝、湯、飯及甜品等豐富內容。沙律淋有芝麻汁,既酸又甜,別具開胃滋味。魚籽鵝肝蒸蛋綿滑細膩,鹹香誘人。活龍蝦肉質緊實鮮甜,廚師以火燒烤一次,更添風味。龍蝦頭則用來熬製湯頭,鮮甜濃郁。鵝肝質地細緻綿密,入口即化,散發出濃郁而高雅的味道。另外兩款鹿兒島霜降和牛和厚切和牛也是必嚐之選,肉質柔軟入口即溶,回味無窮。總的來說,秋田鐵板燒刺身專門店環境雅致,菜式精緻可口,堪稱尖沙咀一絕。歡迎各位蒞臨品嚐。…查看更多

屹立10年不倒👍🏻秋田鐵板燒刺身專門店 — 尖沙咀環境用日式裝潢，分別有兩層，最抵食嘅鐵板餐一定係 今次我叫嘅呢一款888元/位有齊沙律，牛肉，海鮮，鵝肝，湯，飯和甜品等。沙律芝麻汁 酸甜10分開胃魚籽鵝肝蒸蛋蒸蛋好滑 加上魚子 帶點鹹味，十分夾活龍蝦好生猛 啖啖肉廚師仲用火燒一次10分搶眼之後頭留作煮湯成個湯都好鮮甜頂級大鵝肝鵝肝質地細膩綿密,入口即化,令人賞心悅目。醇厚香氣,滑膩柔軟,在舌尖上綻放出濃郁而高雅的滋味。鹿兒島霜降和牛厚和牛我最鍾意包蒜片吃特別嘢味兩款牛也是入口即溶👍🏻😋回味無窮✅秋田鐵板燒刺身專門店📍尖沙咀天文台圍8號1樓…查看更多

有冇人去完日本都好掛住即叫即燒嘅海鮮？🤤呢種食法其實即係「浜燒」，只要食材夠新鮮，好簡單嘅調味，混和海水嘅鹹鮮同炭烤嘅香氣已經好好食，一個字講晒，鮮‼️秋田鐵板燒好出名，應該大家都聽過，但其實尖沙咀分店都有一層係專食「浜燒」🔥有時覺得鐵板燒太滯太油膩，浜燒都係一個好選擇！而且仲係師傅即席燒俾你食，唔使自己落手落腳🫶🏻二人前套餐 $1088重頭戲浜燒料理日本直送活生蠔🦪Seasonal Japanese Live Oyster可以揀生食或者浜燒，我梗係要試吓師傅嘅手勢啦，用牛油同埋鰹魚汁燒，燒嘅時候已經香噴噴，而且火候控制得好好，燒完嘅蠔仲係非常飽滿，咬落去勁多汁，吱啲青檸汁食仲吊出海鮮味南非鮑魚South African Abalone鮑魚未燒之前仲識郁，肉厚又爽彈，簡單配柚子胡椒鹽已經好好食函館北寄貝Hakodate Hoki Clam平時食北寄貝都多數係食壽司，原來燒咗係可以咁好食！具備北寄貝自身海水嘅鹹鮮再加鰹魚汁同牛油，肉質好彈牙，好想encore 北海道帆立貝Hokkaido Scallop呢個燒嘅時候真係好大火，好震撼❤️‍🔥用香草、清酒、鰹魚汁同牛油煮，雖然火好猛，但肉質依然嫩滑，一啲都唔老！唔知師傅係點做到..人氣味噌甲羅燒🦀 x 成田蒲燒鰻魚丼Kani Creamy Crab Miso x Grilled Narita Eel over Rice呢個套餐吸引在於仲有甲羅燒食，鍾意食蟹膏嘅一定唔可以錯過，啲蟹膏超級鮮甜無腥味，無論係配多士，定係店員教我哋嘅隱藏食法：就係撈落鰻魚飯到食都係超正，真係好邪惡餐前小食Appetizer有海草、口感極為爽脆嘅粒貝同漬物季節沙律🥗Seasonal Salad刺身五點Seasonal Sashimi Combo中拖、深海池魚、三文魚、甜蝦都好新鮮最後以抹茶紅豆布甸作結…查看更多

衝住一手捉赤蝦刺身活動而來~老公好有信心，男兒手大都食四方~佢拎到9隻!!! 超勁~👏🏻👏🏻😂小樽漁港二人set ($1088)餐前小食（明太子沙律、水雲、牛蒡）及季節沙律，清新開胃，中間嘅水雲尤其開胃日本直送獨眼龍生蠔，好大隻😍肉質爽口, 清甜得來又肥美, 都幾Creamy!!廚師發辦刺身五點，包括薄切池魚、劍魚、拖羅、三文魚、油甘魚池魚加酸汁提鮮好正，好味, 其他刺身厚切, 好肥美!燒鮮活南非鮑魚、北海道帆立貝、函館北寄貝非常新鮮, 睇住師傅校準火候嚟燒上碟仲係熱辣辣出晒煙，鮑魚夾口冇沙店員燒得啱啱好，帆立貝入口仲係好彈牙，味道好鮮甜！北寄貝好爽，味道鮮甜勁正甲羅燒濃郁的蟹膏😝仲要好大份，多士大大件烘得好靚，蟹膏質感比較濕潤，味道好香濃，好滋味。成田蒲燒鰻魚丼超厚身鰻魚燒得好香火焰香蔥三色海鮮丼魚生經過火炙之後，魚油更香，壽司飯煙韌，份量又唔會太多，剛剛好甜品: 杏仁奶凍唔會太甜，好香杏仁味總體：有得玩，有刺身，仲有燒海鮮，的確係個唔錯嘅體驗！…查看更多