碗仔翅大王

話說早幾日師傅入開黎大埔，食左個三不館做晚餐，之後就喺大埔區四處遊遊，無意間行到黎呢個地方，見到呢間食店，大大隻字寫住<碗仔翅大王>，心想到底有幾勁呢? 反正剛剛又食得唔係好飽，晏少少如果食店仲未關門，師傅就過黎食一碗碗仔翅啦。當師傅準備離開大埔區嘅時候，再路經此處發現間食店竟然係未關，再上網查一查，發現呢間食店開夜晚六點，去到凌晨一點先關門，咁夜先開門，心諗都應該有啲料到，於是乎師傅二話不說就走入去。行到埋去啱啱有位哥仔喺前面買外賣，等佢買完之後就輪到師傳，師父好簡單淨係要左一個碗仔翅堂食，姐姐好好，裝到咁上下，就問師傳要唔要醋同胡椒粉，食碗仔翅當然要呢啲啦，所以就加咗醋同胡椒粉喺個碗仔翅上面，之後就叫師傅坐低，佢就幫師傅攞左碗碗仔翅去張枱度。雖然係坐喺街邊，但係呢度環境都還可以，加上又唔係好熱，所以都算幾舒服。接下來即刻試下個碗仔翅，佢啲料都幾足，望落去個樣唔錯，唔會好杰咁嘅樣，之後試下個底湯底，發覺味道幾清，唔算有味精，加上有冬菇絲幾香，木耳絲幾爽口，仲有粉絲喺度，整個碗仔翅黎講真係算幾好食喎，夠膽叫自己做碗仔翅大王都唔係亂嚟。今時今日坊間有好食嘅碗仔翅真係寥寥可數，呢一間絕對比出面嗰啲好味得多多聲。總括黎講碗仔翅水準冇得輸，絕對算高，喺大埔住真係必食，環境就普通啦，但係勝在夠地道，街坊價錢，師傅突然間唔記得左幾錢，唔知係18蚊定22蚊，總言之都係抵食嗰隻 。師傅估唔到盲中中黎又搵到好野食，是次絕對係偶然遇上的驚喜，笑臉一定會比，下次一定再黎。…查看更多

記得細個個時係葵芳食過一間店既碗仔翅，足料味道特別。近年好想食返，只記得間野叫碗仔翅大王。同埋呀媽話老闆好似搬左去大埔做。於是就上openrice 搵下有無碗仔翅大王，點知真係有，為左食返個陣味，我山長水遠由葵芳去到大埔等佢開，一聞碗仔翅個味就知無搵錯地方。同以前一樣的好味道，好足料,正呀👍🏻👍🏻👍🏻臨走打包左一碗👍🏻👍🏻👍🏻…查看更多

夜麻麻肚仔餓想食宵夜，第一時間諗到就係呢間『碗仔翅大王』食過咁多間魚肉翅，呢間係我食過最好味既碗仔翅唔會一pat漿咁，肉絲條條分明唔會一舊舊，而且魚肉又多魚肉既口感一流好有咬口，絶對唔會好似某d餐廳食落一口粉。味道好價錢合理真心推薦大家一定要去試試…查看更多

有時夜晚12點幾收工，牙痕或者真係肚餓嘅時候，都會走過來呢間小食店買嘢食😌😌不經不覺都食咗好多年，我同朋友會叫佢做翅佬，一講翅佬就會知喺邊到等😂佢呢到主要食嘅係生菜魚肉、碗仔翅、魚肉翅、豆腐花同燒賣🤤🤤🤤🤤🤤🤤我今日就食咗生菜魚肉同燒賣啦🤗魚肉好足料啊！！！！！！！亦都好彈牙架🤤其實佢碗仔翅都好食架！係嘅話我通會要雙拼🤤豆腐花都好多人叫有時望住佢哋啲店員，覺得好親切，因為咁多年都係佢哋😂…查看更多

大埔呢間小食店由晏晝6點去到凌晨所以對夜媽媽一族黎講都幾方便~生菜魚肉呢樣小食都唔錯，細細碗有菜有肉。呢間既魚肉幾彈牙，每條都有肉地，生菜都幾新鮮，湯都系鮮味既但係就鹹左少少，不過都唔錯阿。…查看更多

之前有個大埔朋友仔推介，話呢到嘅兩溝好正，去之前都有再問店名👉但佢話最近食差咗，但點都會試下嘅門面唔算大，只有10數個坐位，除咗魚肉同碗仔翅外，我見仲有好多人買豆腐花食，不過要留肚食晚餐所以先試咗一款<魚肉碗仔翅> $19/兩溝1️⃣首先碗仔翅唔夠熱，其後料唔算好足，又唔夠冬菇香2️⃣而魚肉過份地膠口同彈牙，似落咗過量魚腸粉🙄食落口感有點假Ps: 但咁又未至於難食，只係唔太合我心水✨反而幾推介我屋企附近間萬事達小食嘅三溝…查看更多

呢間碗仔翅，真係食左超過十年了。每次去完夜街，凌晨時份，都會喺呢到食返碗先返屋企。每次經過，都唔少人幫親架！皆因呢到開到好夜，最岩夜鬼黎開餐！每次我都會選擇兩溝，有齊魚肉同埋碗仔翅。然後再加大量醋、麻油、胡椒粉。今次嘅胡仔翅部份一如以往我好味，肉絲同木耳和蛋絲都非常幼細。不過魚肉部份就差左，無以前咁彈牙，肉質唔夠紮實，偏腍左少少，食多幾舊都唔想食了。見到佢換左仔仔上場，似乎未熟手，希望熟手後會更好味。以前爸爸上場時，真係食十次，十次都咁美味的！…查看更多

深宵出街食宵夜，行過不如食碗碗仔翅。呢檔係大埔已經好多年，係樓梯口嘅小檔口，係冇環境可言嘅，係食街坊小食檔嘅味道架啦。之前食過碗仔翅同豆腐花都幾唔錯架。坐底個下因為要食宵夜而SamHui，點左生菜魚肉，呃自己有菜冇咁肥。咁橫掂坐底，不如食串燒賣魚蛋啦。一上枱，嘩😯，咁大碗嘅，魚肉舖滿哂，撈一撈底菜少肉多。$15一碗咁多魚肉，好抵！但魚肉一入口，𡁻𡁻𡁻，都幾靭口，唔係魚肉彈牙，感覺係太多魚膠粉😥，有啲失望，係我以碗仔翅做標準所以對佢期望太高？真係一碗都食唔哂要做大哂鬼。惟有靠燒賣魚蛋慰藉返我穿左個窿嘅心。…查看更多

不常外出吃夜宵，碰巧與朋友有興緻，試了碗仔翅的雙拼生菜魚肉和碗仔翅。碗仔翅加糊椒粉和醋，用料足，味道香濃惹味。生菜新鮮爽口，魚肉質素達標。綜合而言，是用心製作之作。…查看更多

入大埔踢完波有啲肚餓，住大埔的波友帶左Ｌ黎呢道嘆碗碗仔翅魚肉兩溝。點解叫嘆？ 因為你一係唔黎食一食就真係返唔到轉頭，魚肉很彈牙就好似骨膠原既感覺而碗仔翅落足料，所有切絲都幼細分明，獻汁亦沒有漿糊的感覺，味道剛剛好。明顯用了多年時間鑽研和掌握火喉但收費只係跟貼市價。口感有多種唔同層次，就算唔加麻油同埋胡椒粉都經已不得了！就算專程揸車入黎大埔為左食一碗碗仔翅都不過份！誠意推介大埔宵夜小食三寶之一！另外兩寶是什麼？請留意Ｌ的分享文章啦～…查看更多

夜媽媽見肚餓，落街買下野食先， 諗下諗下就走左去碗仔翅大王度買， 叫左個出名嘅碗仔翅同生菜魚肉， 生菜同魚肉份量比例剛剛好， 生菜就普普通通啦， 魚肉彈牙好有口感，個湯加埋啲胡椒粉好惹味， 個碗仔翅煮得好好唔會太稀又唔會杰撻撻， 用料亦都好十足， 豬肉絲一條條唔會好似其他地方一舊舊， 加D醋一齊食…查看更多

大埔呢間<<魚肉碗仔翅>>，絕對係我人生中食過最好食同最用心的。佢嘅碗仔翅絕對唔hea底，唔會好似有啲餐廳整到一舊舊杰撻撻咁。而且佢用嘅肉絲真係一條條分明嘅肉絲，並唔係一忽忽核核突突果種。魚肉好有咬口，份量都幾多。蛋絲亦都分佈得好均勻唔會一嚿嚿，突然大大pat咁。剩係以上嘅要求，除左呢間餐廳真係無第二到做到咁高質。當然係同其他10幾20幾蚊嘅比較啦。…查看更多

事隔幾年再到訪，微雨中專程搭的士到大埔一試，獨獨 Dinnering。左望右望，只有生菜魚肉、碗仔翅同豆腐花選擇乍喎，甜品我又唔多食，唯有生菜魚肉及碗仔翅各一碗啦，食完先發現有魚肉燒賣呢。碗仔翅，幾時變左齋素碗仔翅架？肉絲都無條！味道淡口單調，就算撈上浙醋胡椒粉都無咩味道。只有木耳絲、冬菇絲、粉絲加蛋花，香甜味強差人意，個湯底麻麻，而且調得太杰一舊舊呢，太糊喇。加點辣椒油即刻好味左，趁熱咕咕咕咕飲晒。生菜魚肉，撈埋辣椒油胡椒粉既湯底香辣甜美，全部飲晒一滴都無得留低。魚肉好硬啊 ﹗太多魚膠粉及麵粉喇，欠嫩滑欠魚味欠彈牙，唔難食。生肉爽得不甜，幸好有辣湯打救，美味。…查看更多

放工回家經過碗仔翅大王，諗起好耐冇食過，就買返碗魚肉翅回家食先，還買了生菜魚肉同薑汁豆腐花比父母。返到去一開蓋還有煙，碗翅還熱立即食先，魚肉還是一樣 煙煙靭靭，非常好食，不像其他店那些粉粉魚肉，個翅都是那麼豐富，食落剛剛好，不會太稀同太結，魚肉同翅一齊食。媽咪碗生菜魚肉份量剛好，我試左少少個湯好好飲，但媽咪就話有小小咸。老豆碗薑汁豆腐花，可能D薑落得重手D比較辣，食左一半就食唔到啦。大埔宵夜必食推介之一。…查看更多

每次經過都會買生菜魚肉，16蚊一碗湯好好飲但偏咸生菜份量不算多，吸收湯汁後食落喉嚨好舒服魚肉即叫即煮，混上少量蔥花，重膠質，夠彈牙！其他店的魚肉普遍軟身，肉感不豐富值得再翻食。…查看更多