盈苑

营业中

休息中

我同屋企人都好鍾意嚟呢間酒樓飲茶，呢度唔單止裝飾優雅，環境舒適，點心仲好好食。我哋都特別鍾意佢哋嘅蜜汁叉燒包，叉燒包嘅外皮煙韌鬆軟有咬口，仲保留住豬肉嫩滑嘅口感，再配埋蜜汁叉燒醬，鹹甜適中，好味又好食。仲有就係晶瑩鮮蝦餃，當一啖咬穿蝦餃皮嗰陣，會先感受到一股鮮美嘅湯汁，跟住就係餡料豐富嘅口感，再慢慢咀嚼，可以品嚐到蝦肉嘅天然鮮甜味道，好好味。呢度嘅鮑魚鳳眼餃都好值得推介，造型美觀，色澤淺黃，味道鮮美可口，再用上新鮮原隻鮑魚鋪面，味道清爽之餘，食落煙韌爽口，超有嚼勁。而山竹流心球就係絕對唔可以錯過嘅甜品，鬆化嘅外皮咬落去之後可以感受到入面滿滿嘅流心，味道香甜可口，係人間享受。

好耐都未試過去酒樓食晚飯，聽講而家酒樓都會推出好多優惠，今晚帶埋親戚朋友嚟試下土瓜灣呢間盈苑海鮮酒家入座後，習慣每次都會望下附近食客點左啲咩小菜，見到枱枱都點左隻燒雞食，原來係招牌窯燒雞（$238）🍗，講明係招牌菜，一場嚟到點都要試下。燒雞原隻上枱，上枱後再即場切開，肉質鮮味，雞皮燒到脆卜卜，好鮮味，一定要推介比大家每次去酒樓，我都必定會點鮑魚食，今次當然唔例外，餐牌有款果皮蒸南非鮑魚（$88隻），見做緊優惠價，一於order 兩隻試下，鮑魚蒸得剛剛好，唔會太韌，易入口👍👍另外小炒皇（$168)都係盈苑嘅招牌小茶，平時食開嘅小炒皇都會比較咸，呢度嘅小炒皇味道剛剛好，唔會太咸，啱哂我口味最後仲有個冬瓜盅，非常足料，大大盅都只係$138😵‍💫😵‍💫真係好抵食~大家想食小菜都可以嚟盈苑試下，又坐得舒服，分分鐘仲抵過普通餐廳🤭

老友快閃約飲茶，因要就腳，選擇唔多。年前曾來過同一位置酒樓，但印象麻麻，見佢轉咗名，姑且一試。上到去，一如所料，照舊街坊茶樓格局。求其指我地一張枱，老友醒爬自已揀咗第二張，佢又俾坐，冇搭枱，收貨。午市點心都機多選擇，兩個人叫咗五樣野：蝦米腸，百花魚肚，菜苗餃，潮州粉果同雞扎(雞扎唔記得影相)。點心算大碟，雖然係大路嘢，味道唔錯，係粉果有少少乾柴。可能蒸點每樣只得三件，食完點心有D唔夠喉，見隔離左右D炒粉面都幾睇得，加多個干炒肉片河。碟頭大，夠香，唔太油，交到貨。我地兩條友一野掃光埋。落樓$305，保持到水準會再嚟。

下午茶除左有特價點心之外，仲有多款粉麵飯，選擇款式都多。四寶滑雞扎魚肚爽口，厚切芋頭粉，冬菇厚身，雞肉嫩滑加埋腐竹，份量十足九製話梅豬手豬手炆得好腍好入味，醬汁香濃而不膩百花釀魚肚蝦膠爽口彈牙，魚肚有三大嚿，香滑柔軟，吸哂油汁精華健康燕麥糕味道清清地，口感煙韌軟糯香煎蝦米腸腸粉煎得表面香脆，蔥同蝦米都好香，配埋醬料已經好味香辣星州炒米配料有叉燒，韮黃，蝦仁，雞蛋，洋蔥及三色椒..炒得乾身，唔會太油膩，味道亦唔會太鹹

觀塘搵食難，皓在同事一早book咗盈苑，前後腳出發，上到去已經開好茶點好哂點心🥧。我最鍾意😊炸物同甜點🍮，有個點心🥧似炸梨，入面甜甜地。甜薄撐正，可惜唔夠甜。豬手足料大份好味😋。咸水角係雞仔🐤形，仲有鵪鶉蛋，可剝殼食

香港的酒樓其實很多，大家都在晚上推出不同優惠，特別是龍蝦，可借的是優惠特價的味道欠佳。龍蝦不夠新鮮，肉吃起來不夠爽嫩，就像老豬肉的質感。只能靠伊面吃飽了。填鴨是我想吃的，鴨皮的肥肉去掉了，鴨肉不夠鮮，配菜只有䓤和黃瓜，甜醬，吃法傳統，但沒有一種被人感覺新鮮。加上酒家上菜時應注意待客人吃好了龍蝦伊面才呈上填鴨，相反做法也可以，那麼客人吃好了，就有另一熱菜新鮮呈上，這是粵菜甚至懂吃的餐厅規則，在這里的服務員都經驗十足，竟然就草草上菜，令客人吃的填鴨和皮均不夠熱，實在令人失望！

禮拜日趁住我同friend都放假，我哋嚟到觀塘飲茶同慶祝朋友生日🎂我哋揀咗呢間酒樓～佢有特別嘅點心，我哋都想試吓～鮑魚鳳眼餃 $40一大粒鮑魚喺鳳眼餃上面～鮑魚煙韌韌幾有咬口～鳳眼餃睇落幾得意，食落啖啖肉，好味😋小雞鹹水角 $30.8喺呢度嘅特色點心～小雞嘅造型，入面係熱辣辣嘅鹹水角，仲配埋三粒鵪鶉蛋，好香嘅鹹水角，鵪鶉蛋都唔錯黑金流沙包 $33.8入面係熱辣辣流心嘅流沙包，甜甜地，入口即溶嘅感覺好正👍🏻馬拉盞啫啫通菜煲 $68一大個好香嘅通菜煲，食落覺得好惹味，炒得好有鑊氣，我哋食唔停鮮蝦燒賣皇 $36.8好大粒燒賣，入面啲蝦肉幾新鮮，好有咬口同好足料中山甜薄撐 $33.8皮薄餡多，有甜甜地嘅椰絲味，仲有啲花生粒粒，香脆幾好味😋

位於觀塘駿業街的盈苑，環境寬敞舒適，員工服務態度親切，仲推介左好多招牌手工菜比我哋，其中燒汁雜菌牛柳粒同金絲炸麻花我哋都嗌咗！🍽️🥩🥨🥩 燒汁雜菌牛柳粒 🍄盈苑的燒汁雜菌牛柳粒真係令人驚艷！嫩滑帶有少少咬口的牛柳粒配上雜菌、荷蘭豆，口感豐富。燒汁醬汁恰到好處，增添了牛肉的風味！🦑 蝦醬炒通菜鮮魷 🥬新鮮的鮮魷經過炒製，口感依然爽口嫩滑。蝦醬的香氣與通菜的清爽結合，帶來一道色香味俱全的佳餚！🦑🥬🐠 薑蔥焗煎鮮龍躉球/ 6件 龍躉球肉質結實，龍躉皮充滿膠質。薑蔥的香氣與龍躉球的鮮甜相得益彰！🐠🥨 金絲炸麻花 🥨金絲炸麻花是一道傳統中式甜品！蛋散外層酥脆金黃，內裡鬆軟，有入口即化的口感😆搭配香氣四溢的花生糖碎又唔會過甜！🥨

今日約左幾個大學朋友食飯咁啱大家都係觀塘附近就揾左呢間茶樓飲茶啦🫖😋呢到比較傳統，有以前讀畫嘅味道呀👅😆點心同其他小菜都好足料👍🏻係時代嘅味道呀😆＊＊＊＊＊☕️午市茗茶 $12 / 位🥣皮蛋瘦肉粥 $26.8🧆山竹牛肉球 $26.8🐥四寶滑雞扎 $32.8🥟鮮蝦菜苗餃 $32.8🥕xo醬蘿蔔糕 $63🦐鮮蝦燒賣 $36.8🐷明爐蜜汁叉燒腸 $33.8🦑椒鹽魷魚鬚 $73＊＊＊＊＊

繼續觀塘好西系列 發掘左咁多野 系時候輪到中菜 盈苑有個孖寶套餐 有龍蝦 片皮鴨 乳豬簡 睇落吸引🥳🦆京式片皮鴨二食 $198🔸️片皮鴨有好多塊 夠3至4人用幾脆身 油脂豐富 帶少少肉 餅皮新鮮蒸好 熱辣辣 配埋京醬 青瓜絲 大蔥 非常滋味😋🔸️醬皇茄子炆鴨件茄子好腍 醬汁惹味呢個價錢有成隻鴨 再做兩食 真系幾抵🤑🍛揚州炒飯 $118飯炒得乾身 入面有翠玉瓜 蝦仁 叉燒粒 蛋 好足料👏🏼🥬金銀蛋上湯浸時蔬 $88簡左白菜仔一次過食到皮蛋同鹹蛋高湯冇味精💭餐廳坐位寛落舒適 食物質素都吾錯 種類又多 午市仲有點心

📌盈苑（觀塘）好耐無去飲下茶 朋友話去開觀塘呢間酒樓 幾好食😋 就一齊黎試吓我地叫左商務三寶～覺得都幾抵食✨ 海蜇併燻蹄✨ 海皇福建炒飯份量好多 好足料 有蝦、冬菇、瑤柱等食材 個炒飯夠乾身 調味都足夠✨鮮肉小籠包略嫌皮厚了點 但味道都唔錯的～✨黑金流沙包賣相好靚又寫住餐廳嘅「盈」字，入面流沙餡都唔馬虎，夠流心又多餡。好好食😋 ✨香茜牛肉腸腸粉都夠滑同薄😋✨山竹牛肉呢個飲親茶都一定要叫🤪粒粒都夠飽滿整體而言覺得呢到食點心都唔錯 點心熱辣辣 🥰

再訪觀塘高質素酒樓🥰 環境闊落 乾淨企理，侍應服務態度很好👍🏻 食物即叫即製，質素高有驚喜！環境氣氛熱鬧，適合同家人朋友來聚會～✨✨食評✨✨清蒸石斑仔🐟推薦必食！經典的廣東菜，以新鮮的石斑魚為主料，搭配少許調料，蒸至剛熟即可。保留了石斑魚的鮮味，口感鮮嫩，肉質細膩，好高質份量啱啱好兩個人食～黑椒豬手煲🐷濃郁香辣的菜式，將豬手經過燉煮，使肉質變得軟嫩多汁。配上香濃的黑椒醬汁，豬手的鮮香與黑椒的辛辣完美結合，口感豐富瑤柱蛋白炒飯🍚好有鑊氣🤤 經典廣東炒飯菜式，瑤柱的鮮香和蛋白的嫩滑結合在一起，增添口感和風味😋 簡單又好味，份量多 十分飽肚脆皮紅燒鴿🐥好吸引😍 外皮金黃酥脆，內部肉質鮮嫩多汁，肉味濃郁，好抵食值得一試！

下晝食lunch想飲茶，近近地係公司附近搵到呢間！點心選擇幾多我地一共叫左7個點心，分別係山竹牛肉球 - 啖啖肉，配上喼汁最好味，口感都彈牙滋補藥膳鳳爪 - 藥膳味都幾香，可以連個湯都飲埋健康紫薯包 - 個包口感幾煙韌，裏面滿滿嘅紫薯餡，甜度啱啱好百花釀魚肚 - 大大塊魚肚，吸收埋個湯汁好入味鮮肉小籠包 - 咬開好juicy ， 皮薄餡靚鮮蝦燒賣皇 - 上面有蝦肉，燒賣勁大粒，豬肉餡肥瘦適中，正呀！醬皇蒸鳳爪 - 個醬汁好正，而且煮得好腍！整體都唔錯！

今日同同事去左觀塘嘅盈苑酒樓飲茶食點心，我最中意食酒樓的燒鵝瀨，所以見到佢哋有脆皮燒鵝即刻叫左碗，鵝皮好脆口，肉質鮮嫩，香味超香，而已唔會太肥，食完想再食。另外佢哋嘅黑金流沙包，一撥開就見到啲濃郁嘅奶皇湯汁流出嚟，個味道滑溜溜，香甜美味。仲有啲菜式我都好推薦，例如原隻鮮蝦腸同蒜香鮮蝦春卷。原隻鮮蝦腸鮮甜多汁，腸粉皮薄，蝦又多，食落好滿足。蒜香鮮蝦春卷入面滿滿都係蝦肉，有蒜香味，外脆內軟，蝦肉鮮香。盈苑嘅點心做得好精緻，味道出色。酒樓環境舒適，枱與枱之間距離好夠👍🏻服務態度亦好好。如果你係觀塘搵點心食，值得一試。

平時同呀媽去食飯，想近近地既都會去觀塘。基本上都係食中菜多，今次都唔例外，同佢去酒樓食。抵食晚市孖寶 $168本身諗住嗌條魚黎食下，但見到有呢個set，條魚單嗌都要$128，加$40有多煲豬手/雞食，咁抵無理由唔嗌架。清蒸龍躉仔(14両)14両2個人食岩岩好，魚肉多而且嫩滑，魚骨都係大條既唔怕哽親。黑椒豬手煲補充下滿滿既骨膠原先😋豬手煲到超腍，一夾就fall of the bone。不過我個人就鍾意食有少少煙韌既口感多啲。蒜蓉粉絲蒸特大元貝(4隻) $128呢個餸真係永遠都咁好味，元貝堅大粒，重蒜，仲有勁多粉絲，真係一人食完兩隻有少少飽😂