百川薈

📍百川薈 (佐敦)佐敦德興街2號地舖今天下班後，我隨意選了一家餐廳，想要來點麻辣的美食，刺激一下味蕾。這家餐廳真讓我喜出望外，職員細心而且殷勤有禮，很想分享一下這次用餐體驗。多款菜式選擇✨麻辣皮蛋皮蛋的醬汁香辣可口，與麻辣的味道完美結合，讓人一口接一口。✨麻辣牛展口感脆脆，不肥不膩。麻麻辣辣，吃起來惹味過癮。✨蒜蓉開邊蝦煲仔飯製作需時30分鐘，蒜蓉開邊蝦更添了幾分獨特的風味。煲邊的米飯變得焦香可口，粉絲吸盡蒜蓉的香味，令整體的味道變得更加豐富，這30分鐘絕對值得等待。✨百川秘制雞煲醬汁味道濃郁，每一口都充滿了香料的層次感。雞肉鮮嫩入味，很好吃，讓人回味無窮。✨手切安格斯肥牛牛肉的油花比例均勻，厚薄適中，肉質軟滑不黏牙。這次的用餐體驗令人滿意，誠意推介大家雞煲、手切安格斯肥牛及煲仔飯。————————————————————整體用餐體驗✨味道(4/5)✨環境(4/5)✨服務(5/5)✨性價比(5/5) …查看更多

朋友介紹試吓這小店，地方算易搵。係門口裝下，未見什麼特別，但餸一到，嘩聲四起，因為碟碟火喉十足😄。最鍾意食鑊氣夠，香噴噴的餸😋😋。乜都想食，最後4個人叫咗6個餸，連飲品，每人200多元，抵！要特別推介一下薑蔥焗蠔，有鑊氣，隻隻蠔又肥又juicy, 一定要試👍🏻仲有碟乜醬炒生菜（食完唔記得乜醬😂），大碟抵食惹味。仲仲有碟福建炒飯，juicy 好味，忍唔住食咗兩🥣🥣。仲仲仲有店內有靚仔、靚女招呼，搵日要拉隊再去，試多幾款餸😙😙.…查看更多

秘製辣雞煲的香氣撲鼻，大大煲，雞肉有半隻。店員會幫手煮，加埋碟手切安格斯肥牛，增添了豐富的香氣，另我好想加個公仔麵撈落去。原本點的百花釀油炸鬼，但因為沒有油炸鬼，所以轉做豆卜。裡面的餡料鮮美，讓整道菜不失水準。麻辣拼盤的內容相當豐富，包含牛肚、豬耳、雲耳和牛腱。每一種食材用麻辣醬的撈埋一齊，如果可以分開擺會更好。招牌豬扒的肉質鮮嫩，外焦內嫩，搭配特製的醬汁，味道十分出色。麻辣皮蛋的口感獨特，皮蛋的滑嫩搭配麻辣醬的香味，讓這道小吃別具風味，值得一試。…查看更多

星期六喺佐敦行街，差不多晚餐時間我哋嚟到呢個巷仔食烤魚烤魚 - 桂花魚 （蒜蓉，配料蓮藕，蘿蔔，大豆芽，白椰菜花） $288桂花魚肥美肉嫩，外皮烤得香口😊香脆嘅時候食魚皮連魚肉，可以食得出外脆內嫩，但再浸湯之後食，湯中蒜蓉嘅味道再加魚皮食又係另有一種入味嘅滋味😊我哋今次叫蒜蓉嘅口味，保持返魚肉及配菜嘅鮮甜😊 配料同湯底都好夾味，特別係椰菜花及芽菜吸收蒜蓉味湯底後，好味得嚟感覺也健康滿足手切頂級安格斯肥牛（小） $168牛肉質素好高！口感好好，肉及油香味出色凍檸茶 $18經典港式凍檸茶感覺凍好立克 $18好耐冇飲過好立克，都係港式餐廳嘅好味道總括嚟講，呢間小店為處於旺中帶靜嘅小巷，交通方便，食物質素也很不錯。今次我哋兩個人食，如果下次多啲人可以加多啲配菜更開心😊…查看更多

最近我去咗位於佐敦的「百川薈」，呢間餐廳結合咗粵菜同川菜，環境開放舒適，非常適合朋友聚餐。我哋首先試咗烤魚，選擇咗新鮮鱸魚，配上泡椒酸菜，味道微辣，魚肉鮮嫩，烤得剛好，搭配酸菜的爽口感，令整道菜更加提味，非常好食！然後，我哋點咗蒜蓉粉絲爇開邊蝦，蝦肉鮮滑，配上香濃的蒜蓉同粉絲，味道豐富，粉絲吸收咗蝦的鮮味，超級入味，令人一口接一口。接著上嚟的是微辣大盤花菜，花菜炒得恰到好處，保持咗脆口感，微辣的味道令人食得開胃，搭配其他菜式非常合適。飲品方面，我叫咗藍妹，味道清爽，十分解渴；仲有凍檸檬茶，少冰少甜，檸檬的酸味與茶香完美融合，令人感到清新。最後，我哋試咗紅油豬耳絲，口感爽脆，調味適中，十分開胃，作為小食非常好。整體而言，「百川薈」的菜式質素高，味道出色，服務態度友善，環境舒適，絕對值得一試！我肯定會再返嚟，期待再試其他菜式！…查看更多

餐廳位於地舖，近佐敦地鐵站E出口，行一分鐘就到。環境帶點川式風情，木桌同紅色燈籠裝飾，氣氛熱鬧又親切，啱晒同朋友一邊食一邊傾計。服務員會同你講解點樣煮雞煲最好食，同埋幫你煮埋，仲有自助醬料俾你調味！😋百川秘制雞煲係招牌菜，上枱時熱辣辣，香氣撲鼻，賣相已經贏晒！雞肉選用新鮮走地雞，煮得嫩滑唔柴，無碎骨，入口有陣陣麻辣香。秘制醬汁係亮點，微辣帶點花椒嘅麻香，鹹甜適中，滲入雞肉好入味。煲入面仲有洋蔥同薯仔，洋蔥吸滿湯汁，甜味同辣味好平衡。份量一隻雞夠兩三人share，食完好滿足！🐔手切安格斯肥牛質素好高，肥牛片切得薄厚均勻，油花分佈靚，涮喺雞煲湯底入面，幾秒就熟。入口嫩滑多汁，牛味濃郁，完全無腥味，配上芝麻醬同辣油，味道更豐富。細份啱晒想試多款食材嘅朋友，食落真係想再叫，牛肉嘅質感真是一個享受！🥩墨魚丸係火鍋必叫配菜，每粒墨魚丸都好大粒，彈牙有嚼勁，咬開有陣陣墨魚香，帶點海鮮嘅鮮甜。涮喺雞煲湯底入面，吸滿麻辣醬汁，味道好濃郁，配上湯底嘅辣味同香料，食落好惹味，啱晒鍾意彈牙口感嘅朋友！🦑…查看更多

我前排同朋友去咗佐敦嘅百川薈，呢間餐廳位於德興街，地舖好搵，店面走簡約風，木系桌椅同暖色燈光營造出輕鬆嘅氣氛。餐廳主打川菜同粵菜fusion，特別係佢哋嘅雞煲同滷味好有口碑，吸引唔少街坊同食客幫襯！😋百川秘制雞煲一上枱就熱辣辣，香氣四溢，賣相已經贏晒！雞肉用新鮮走地雞，肉質嫩滑唔柴，滷得入味，秘製醬汁帶點微辣同鹹香，層次好豐富。煲入面仲有洋蔥，吸滿晒湯汁，洋蔥甜甜地，食落好滿足。雞煲份量夠多，兩三個人share啱啱好，食完仲可以加湯變火鍋！🐔手切安格斯肥牛質素真係冇得彈，牛肉切得薄薄，油花分佈均勻，淥喺雞煲湯底入面幾秒就熟，入口即化，牛味濃郁又嫩滑。肉質完全無腥味，配上湯底嘅微辣同香料味，食落好惹味。每片牛肉都好有質感，係高質嘅享受！🥩古法黃鳝煲仔飯係今次嘅主食，飯一上枱仲喺度滋滋響，鍋巴微脆好香。黃鳝處理得好乾淨，無腥味，肉質軟滑Q彈，滲入咗豉汁嘅鹹香，配上飯粒粒分明嘅白飯，食落好滿足。煲仔飯底仲有層薄薄嘅鍋巴，咬落脆口，增添咗口感。份量夠多，兩人share都夠飽！🍚鮮魷魚新鮮度一流，切成薄片，喺雞煲湯底煮幾秒就熟，入口爽脆彈牙，帶點海鮮嘅鮮甜。魷魚無過多調味，靠湯底嘅香料提味，食落清爽唔膩！🦑…查看更多

今次去咗佐敦食雞煲嗌咗佢哋招牌嘅百川秘製雞煲（$168）🐔，真係香辣惹味，雞件夠入味又多肉，仲有啲微微焦香，好開胃呀！🔥🌶️之後打邊爐轉火鍋模式，加咗手切安格斯肥牛（$168）🥩，油花靚，涮幾秒就熟，牛味濃郁又唔會嚡口～仲叫咗粗薯粉（$20）🍠，份量超大，一啖煙韌又掛汁，吸哂啲雞煲底精華，真係完美配搭！🤤小炒方面點咗椒鹽鮮魷（$88）🦑，炸得香脆唔油，外脆內嫩，加埋椒鹽超涮嘴，成碟好快清晒！最後食埋佢哋招牌豬扒酸辣米線（$48）🐷🍜，酸酸辣辣超開胃，豬扒炸得香口唔乾，米線煙煙韌韌又滑口，好適合做收尾～💬總結：呢間真係平靚正，雞煲香到不得了，小炒又夠鑊氣，火鍋配料選擇多，啱晒同朋友圍埋一齊嘆🔥推介指數：⭐️⭐️⭐️⭐️⭐️…查看更多

地道香港美味：佐敦百川薈的美食，街坊感覺好親切在繁忙的市中心，百川薈簡潔乾淨的環境和濃厚人情味，加上香港特色吸引食客。這裡的氛圍舒適，交通便利，地鐵站就在旁邊，輕鬆到達這個地道美食的熱點。令人垂涎的菜品招牌百川秘制雞煲這道招牌菜絕對名不虛傳，雞肉大塊又多汁，浸泡在香料、花椒和八角的濃郁味道中，每一口都讓人驚喜。梅菜蒸菜心苗選用新鮮的菜心苗，搭配精挑細選的梅菜，味道恰到好處，讓人感受到清新的蔬菜香氣，加上豉油帶出鮮味，簡單卻令人滿足。蒜蓉粉絲蒸開邊蝦讓人愛不釋口，蝦肉新鮮彈牙，搭配蒜蓉和粉絲，味道濃郁，每一口都充滿驚喜。桂花園肉菊花茶夠多桂圓肉，而且香甜與桂花的芬芳，菊花味交織，滋潤又清新，完美結束一餐。百川薈的服務態度讓人印象深刻，員工親切有禮，細心周到，讓每位食客都能感受到賓至如歸的感覺。無論是與朋友聚餐還是享受輕鬆的下午茶，百川薈都能為你提供一個美好的用餐體驗，絕對值得一試！…查看更多

餐廳開喺佐敦鬧市嘅中心，而且餐廳舊寬闊空間好大食客同埋食客中間有足夠嘅空間。餐廳有家常菜、亦都有川菜、雞煲、烤魚。種類非常豐富，包羅萬有。蒜蓉烤魚|新鮮桂花魚 $288 烤魚嘅材料方面好豐富，有蓮藕、蘿蔔、大豆芽、椰菜花。桂花魚嘅外皮非常之香脆而且蒜蓉嘅味道好突出，而且可以迫走魚腥味。而魚肉仍然非常嫩滑，同埋冇烹飪過頭。而且桂花魚嘅魚質非常細膩，而且因為佢係屬於單骨魚類，所以起骨非常容易。手切安格斯肥牛（細）$168打邊爐點可以冇肥牛㗎，食埋大理石油花紋嘅肥牛就更加滿足。油脂分布非常平均，而且好豐富。口感非常軟滑，牛味好醇厚，纖維非常細膩。油麥菜$28 打邊爐嘅時候加埋油麥菜，將啲湯汁全部鎖住。而且食完肉之後食蔬菜可以refresh下個口腔食落去冇咁滯。白飯$8 …查看更多

最近我同朋友去咗佐敦嘅「百川薈」，發現咗個寶藏地方，由地鐵站出口行過去只需1分鐘，位置方便，環境亦好坐，冇限時。我試咗佢哋嘅「百川秘制雞煲」，我叫咗半隻，少辣。雞煲裡面用咗好多香料，有大量芫茜，我個人好中意，如果唔中意可以就芫茜。味道好入味，雞肉煮得非常嫩滑，咬落去Juicy到爆，完全冇干柴嘅感覺。少辣嘅選擇亦好適合我，辣味剛剛好，唔會遮蔽到雞肉本身嘅味道，搭配埋啲配菜，真係好開胃！接住我試咗「手切安格斯肥牛」。雞煲加湯打邊爐。呢個牛肉口感滑溜，肉質鮮嫩，切得好薄，煮嘅時候一啲都唔韌，簡直係牛肉愛好者嘅最愛！打邊爐點可以冇肥牛。另外，我叫咗「娃娃菜」，蔬菜搭配煲入面嘅湯汁，令人覺得食得好健康。食完主菜後，食啲蔬菜真係好開胃，唔會覺得負擔。再嚟小炒，就係「豉油皇中蝦」，呢個蝦煮得正好，鮮味十足，搭配豉油嘅香氣，味道濃郁。蝦肉滑嫩，完全冇腥味，真係一口接一口，無法抗拒！佢仲要剪咗殼，唔洗用手，用口都剝到，好方便。蝦好彈牙，係新鮮蝦，蝦頭有膏，鮮味十足，好食，推介👍👍整體嚟講，「百川薈」嘅食物質素高，服務態度友善，次次叫員工幫手換碗碟，針水都好快水，態度好好。環境輕鬆，唔限時，非常適合朋友聚埋一齊食飯。大家不坊考慮下，留港消費。…查看更多

今天，我和老婆來到佐敦的百川薈，專注於粵菜和川菜的美味餐廳。首先，我們點了百川秘制雞煲，選擇了半隻，微辣的口味讓人感到恰到好處。雞肉鮮嫩多汁，搭配秘制醬汁，風味十足。我們還加了一碟手切安格斯肥牛，牛肉的鮮美與雞煲的濃郁相得益彰，讓這道菜更加豐富。接下來，我點了豉汁蒸鯇魚飯，魚肉鮮嫩，蒸得恰到好處，搭配豉汁的香氣，令人垂涎。餐中我還點了一杯凍檸檬茶，清爽的口感讓整個用餐體驗更加愉快。老婆則選擇了肉燥香茅豬頸肉飯，飯上鋪滿了香噴噴的豬頸肉，肉質鮮嫩，香味四溢。她搭配了香滑的奶茶，讓整頓餐點更加完美。最後，我們還點了招牌豬扒作為小食，外脆內嫩，豬扒的肉質鮮美，讓人一口接一口。整體而言，百川薈的餐點不僅味道出色，還能充分體現粵菜和川菜的精髓，是一次愉快的用餐體驗，絕對值得再次光顧！上午11:21…查看更多

今次同大家share一間係佐敦好抵食嘅餐廳：百川薈，冇花巧裝修，但食物質素真心交到貨，街坊價錢食到高質料，開心！必試百川秘製雞煲（半隻都夠2-3人食！）叫咗微辣，超級足料，花椒八角有齊晒！一上枱煲多一陣就食得～店員仲會幫你搞下佢等佢唔會黐底，雞件嫩滑得嚟超入味，醬汁微辣帶甜，最後加湯打邊爐都正！手切安格斯肥牛睇到啲雪花紋就知冇呃人！淥8秒入口，牛油香爆出嚟，肉質鬆化唔韌，重點係$168呢個質素真係抵到笑～鮮蝦水餃一碟八隻，兩個人有少少多，不過好好食！裡面有木耳同蝦，完全無偷工減料～黃金芝士蝦丸食依個真係要小心啲，餐廳新鮮炸出嚟，慢慢咬落去芝士流晒出嚟，邪惡到不得了！最後加個生菜，又係大大碟，索晒啲精華湯底，飽到上心口都係人均$200左右，大件夾抵食！…查看更多

泡椒酸菜烤魚 $238一上枱就聞到陣陣泡椒同酸菜嘅香氣魚肉我地揀左新鮮鱸魚，條魚超級大條唔再講，仲輕微炸過個外皮好香之餘，但係魚肉一啲都唔鞋，上枱時煮到剛剛熟，入口嫩滑唔腥，仲吸盡湯底嘅精華🤩酸菜爽脆，泡椒嘅麻辣後勁慢慢滲出，愈食愈上癮！底層仲有芽菜 椰菜花 蓮藕 娃娃菜等配料撈埋湯汁送飯一流 淨係食完個烤魚已經飽到七成蒜蓉開邊蝦煲仔飯 $85蒜香爆棚，蝦肉彈牙😻開邊蝦做煲仔飯，又係坊間少見 點都要試一試煲仔飯一揭蓋，蒜蓉香氣圍繞着全場開邊蝦鋪滿飯面，蝦肉新鮮彈牙份量又多蒜蓉炒得金黃，豉油食得出係調製過，鹹甜十足，撈勻飯粒一齊食，香口到停唔到口飯底有大量飯焦脆脆哋，加埋蝦油滲入去，呢個我比100分！！！！豉油王爆大鱔條 — 呢個推薦指數都係爆棚！！$188 有足足半條鱔 每一嚿肉都超級大超級滿足 我係第一次喺香港餐廳食到呢個菜完全諗唔到白鱔，除咗豉汁同就咁煎之外，可以用呢個做法超有驚喜超好味鑊氣十足，外脆內嫩鱔條炸到外皮脆卜卜，內裡肉質仲係勁嫩滑！豉油王調味鹹甜適中，帶少少蜜糖香，食落完全唔膩配料嘅洋蔥同青椒炒得爽脆，整體鑊氣夠，又夠咸口，送酒一流 呢個我要比1000分🥹唔建議咁好食冇人知百川薈嘅菜式夠哂鑊氣，尤其係泡椒酸菜烤魚同蒜蓉蝦煲仔飯，酸辣鮮香樣樣齊，適合一班朋友share食。環境乾淨，服務都幾快手，係一間值得encore嘅川粵fusion小店！ …查看更多

發現一間寶藏店舖，佢就係百川薈啦！同大家介紹一下呢間寶藏店舖啦今日主要同大家介紹兩項菜式，分別係 招牌菜-百川秘製雞煲 同埋 烤魚-鮮桂花魚（每項菜式都會評分最高分為5粒星）$168 半隻 招牌菜-百川秘製雞煲几乎每次嚟食都会嗌个鸡煲，呢間店嘅招牌菜-百川秘製雞煲，超好食肉質好紮實，瘦而不柴，成煲雞煲有八成都係雞，而有兩成係配菜，一啖肉一啖菜，超滿足辣得超過癮又刺激如果呢間店食一定要先點個雞煲推荐指数:⭐⭐⭐⭐⭐$288 烤魚-新鮮桂花魚出去買條桂花魚都要成百几蚊，喺呢度食加埋啲配菜先$288，啲魚又好食超正！又抵又好食，魚嘅配菜比雞煲仲多，配菜有蓮藕、蘿葡、大豆芽、福花菜可以話系人手一盘烤魚推荐指数:⭐⭐⭐⭐⭐味道:服務態度:環境:衞生:…查看更多