畢打奧餐廳

营业中

休息中

-間唔中行過呢間餐廳， 門口好似酒吧咁。 今曰lunch 終於入去一試食咩喇。 環境有懷舊feel， 坐得算舒服。Menu算多選擇。同朋友仔叫咗2個餐share 食。羅宋湯 我鐘意有少少辣味嘅紅湯， 更加飲到蔬菜+ 蕃茄嘅味道。周打魚忌廉湯出爐麵包超好食， 仲好食過麵包鋪嘅包。新鮮沙律套餐 - 吉列新鮮豬扒拼炸魚沙律（$73）炸魚好食到， 想食多塊 飯意粉套餐 - 牛魔王焗飯（$73）［咖哩牛腩片黑椒牛仔骨］即磨咖啡冇冰凍檸茶好有心思， 唔怕放得耐，而變到淡曬冇味。==========適雅餐廳地址：上水符興街35-39號

—多人嚟真係要book枱焗香草包外皮焗到少少脆 切開一半塗牛油即時被鬆軟微暖嘅麵包嗦哂羅宋湯煲到腍哂嘅蔬菜 夠哂味燒德國咸豬手配意粉($85)豬皮少脆煙韌 雖然嚿骨幾粗下但都切到好多肉 同埋好骨膠原 仲有酸菜意粉撈咗蒜油 好香 就咁食都唔錯紐西蘭西冷牛扒配意粉($83)試咗同事個西冷 都有肉味同唔太肥凍檸茶冇落冰 原杯擺入雪櫃夠哂凍又唔會溝稀咗—————————————————適雅餐廳 Better Ole Restaurant上水符興街35-39號

原諒我咁遲先寫食評，最近真係好忙😂情人節冇book位又想出去食，近近地揀左間餐廳慶祝，好在餐廳好識做，為因應情人節，專登將枱拆開兩張兩張咁方便情侶入座，但如果係一家人果日去食就要等耐好多。入到去，間野本身燈光暗暗地，而且因為佢本身係間bar，果日佢又加左枱，所以我地當日被分到張高身嘅枱櫈，好有feel。餐湯例牌紅湯白湯冇咩特別，主菜我揀左魚，男友揀左牛扒，配菜都係揀左薯菜。男友叫左4成熟牛扒，不過佢都係覺得熟過頭，但佢係食嘅過程一路係咁讚個牛扒汁好好味！我揀嘅魚就好特別，面頭有一堆好似炸粉嘅野，魚扒本身質地比較實，感覺唔似食緊魚。特別一讚配菜南瓜非常之好食，焗薯撈埋醬都唔錯！遲來的情人節快樂！

適雅餐廳係好有氣氛嘅西餐廳，上水黎講好少有呢類咁有氣氛嘅西餐廳，好多人都鍾意去呢度吹水睇波，每逢世界盃都會滿曬座，因為又可以飲酒又可以有好多部電視劇睇波，一大班人睇特別好氣氛！呢度啲晚飯都唔錯，燒德國咸豬手同埋新西蘭西冷牛扒，價錢都算幾經濟實惠，都係80幾蚊，大件夾抵食。略嫌咸豬手個皮炸得硬左少少，𡁻得有啲辛苦，如果黑椒汁可以辣返啲就更加好！好多肉食唔係淨係我排骨。西冷牛扒就幾好，唔會太乾，keep到啲肉汁，唔錯！

住了上水幾十年.出名的西餐廳得粉嶺雅仕上水適雅.在80/90年代已算係大時大節..即是聖誕節食聖誕大餐一定小不了！直到現今粉嶺雅仕已轉手.但適雅依舊保存童時氣味.扒餐依靠美味.肉汁鮮厚.牛肉可口。

喺上水附近收工就到處搜尋下美食，不過都成9點，好多餐廳準備關門或者Last Order，但是好好彩俾我哋經過見到一間酒吧餐廳-適雅餐廳仲未收，就入去試吓晚餐。酒吧餐廳門口以木為主，裏面嘅燈光比較暗但富有情調，而且位置寬躺。我們一行三人，店員就安排梳化位置俾我哋，坐得非常舒適。餐牌多款食物選擇，主打鐵板餐，另外還有各款新推出飲品，我們就試了新鮮滾熱辣的凍水果茶。凍水果茶好大杯，驟眼睇已經見到不同款式嘅水果，包括橙、蘋果、菠蘿片等，飲一啖茶味香濃，味道好Fresh。不得不推介這裏的焗法國田螺，我們叫了半打都唔夠食，因為田螺質感好林，薯蓉非常入味，可以話好好食嚟形容！大愛！真係食過返尋味。主菜的16安士安格斯T骨牛扒，叫了七成熟，賣相非常有份量，牛扒有我手板再大啲，切落去中間呈現粉紅色，牛肉肉質鮮嫩，而且牛肉味道濃郁，配以白飯、黑椒汁一齊食更加滋味。而且餐湯加$29就可以轉酥皮龍蝦湯，龍蝦湯好香濃，食到好多龍蝦肉！最後還有避風塘雞翼，外脆內軟！朋友叫了凍奶茶、熱華田以及酒吧發板的雞尾酒，雞尾酒味道不錯，好易入口。最後埋單都只係$780左右，這個價錢已經食到飽肚出門口，而且每款食物質素高，感覺

夜晚同一班北區朋友晚餐 去左舊墟開業多年既英式特色扒房裝修非常之80年代 Set Dinner叫左新西蘭西冷牛扒 | $ 129美國肉眼扒 | $ 156再加配左沙律 同轉左杯超大杯水果茶跟餐有湯 包另外小食叫左魷魚穌 幾大份 唔係只係炸粉到10點幾時候 有爆谷供應食完一兜後 店員再refill

好不容易先到星期五，最好就出黎同朋友吹下水，放工都成九點了，咁夜又想搵間坐得耐啲嘅地方，就黎左適雅餐廳，貪佢係酒吧，有野食又有野飲，最好係零晨先打烊嘛，啱哂夜鬼。餐廳內環境都不錯，昏暗燈光很有情調，雖然客人很多但也不算太吵鬧，很適合談天。落單後餐廳先送上餐包，微溫的呢很鬆軟。水果茶(+$19)見餐牌上有特價的水果茶，19蚊大大杯又試下先，濃濃的果香帶著強烈的薄荷味，好清新的飲料，而且不太甜，不錯喲～呵呵，至愛酥皮湯，當然要點啦。酥皮龍蝦湯(+$29)加29蚊就有大大個酥皮龍蝦湯，酥皮香脆牛油味重，好正，龍蝦湯蝦味十足極鮮味，好飲！飲完呢個湯都飽左一大半，哈哈，飽肚之選啊。又係酥皮湯？係呀～因為朋友點個份主菜有酥皮周打魚湯送㗎。酥皮周打魚湯酥皮同樣香脆，周打魚湯比龍蝦湯來說味道淡一點，但也很creamy好飲，把酥皮擢進湯裏混著吃好好味，滿足滿足～焗法國田螺(+$55)店員推介的餐廳名物焗田螺，超香的蒜蓉味，聞到都流口水啊。螺肉有著濃郁的蒜蓉同牛油味，還有香草，味鮮爽口，下層的薯蓉吸飽醬料也好棒。法式雜菜沙律(+19)好像點得太多肉又加一份沙律，沙律菜新鮮爽脆，酸酸的醬汁很開胃，而且生洋蔥

講真呢間開左好多年!係好有特色既扒房!睇波日子就好多人!!!上水真係冇乜地方可以俾好好聚首一堂!坐得耐都唔會俾人趕走食既野又唔差!!! 仲要係勁抵食!!!! $99食扒 上水邊到搵啊!~~ (大家樂HAHA)--餐包係芝麻包 外脆內軟!!!!本身以為好硬 點知切落去 出面好脆 入面好軟熟！蒜蓉包(+$5/1塊)  個包熱辣辣 真心好香蒜味 同好脆!!!--餐湯係羅宋湯酥皮焗龍蝦湯 (+$29)龍蝦湯好香 味道勁濃 係!好!鮮!濃滑細膩! 不過酥皮唔夠脆 但食得到香酥味~--我最鍾意食呢度嘅鐵板香草焗羊扒 （$159）焗羊扒會配搭迷迭香焗到好入味 羊肉唔會酥 好淋!!我地仲拼左大蝦 (+$36)真係好新鮮! 好鮮甜~--碳燒安格斯T骨 $249扒中之王 有16安士!五成熟最好! 切既時候無血水但勁多肉汁 肉質好soft~充滿牛味拼左大啡菇(+$19)  乾身但香又juicy!!薯菜有瓜 小薯仔 蕃茄~薯仔落左咖哩粉煮 所以有D辣...唔係個個中意~--焗法國田螺 (+$55)蒜+牛油好香螺肉都好肥厚底下既薯蓉吸收曬牛油的精華 好香 好食!杯水果茶夠兩個人飲 唔會好甜 啲生果好fresh!

呢間位於上水符興街的懷舊西餐廳，店內裝潢用、皮製木椅、霓虹光管，海報裝飾等元素，完美將八十年代的扒房呈現眼前。餐廳環境寬闊，氣氛不錯。睇睇餐牌，餐廳以海鮮及扒類做主打，必食自家熟成牛扒，肉眼、T骨、任君選擇。先上香脆芝麻餐包，鬆化無比。鐵板香草焗羊扒 （$159）經典西餐菜式焗羊扒，配搭迷迭香等香草焗好入味。羊肉不太羶，薯菜配搭西蘭花、小薯仔、南瓜。卡邦拿闊條麵（ $106）醬汁係卡邦拿意粉的靈魂，加入忌廉的卡邦拿十分幼滑，芝士和蛋汁掛滿在意粉上，夠晒creamy。闊條麵軟硬度適中，口感柔滑。煙肉和蘑菇份量很多，增添惹味。晚餐加$29就可以升級做酥皮龍蝦湯。龍蝦湯味道濃厚，如果個酥皮焗多一陣，更鬆化就更完美。焗法國田螺（$55）田螺上鋪完香草，十分惹味。香滑的薯蓉吸盡田螺的精華。超大杯的Hoegaarden Rosee $58餐飲加多$19可以轉Fruit Tea，入面有好多水果，抵飲。總括黎講，呢間係一間又懷舊又有格調的酒吧餐廳，最重要是不限交枱時間，可與好友在輕鬆嘅環境下聊天。

今晚同老婆去左舊墟附近搵食，平日夜晚比較少內地人，所以啲餐廳都會有位。行行下老婆就話想去間好耐無食過既餐廳，有扒食的。第一次黎呢間鋪比我個feel好似英式舊餐廳，有3分1間鋪做左酒吧。枱都有好多張，而且上菜都唔慢，繁忙時間都可以黎碰碰運氣。先黎兩個餐包，個包熱辣辣好新鮮，摸落個面以為好硬，點知用刀一切，原來個面好脆入面好軟熟！餐湯係羅宋湯同龍蝦湯，羅宋湯有色有味唔算辣，並唔係稀框框淡而無味的。龍蝦湯好香，味道濃得黎又唔係咸。老婆就要左杯水果茶，好大杯夠兩個人飲，唔係好甜，應該係靠入面啲生果出味，好fresh！我就要左杯紅酒一陣食扒，杯酒唔澀易入口。焗法國田螺，用蒜蓉一齊焗令到啲螺肉好好味，而且肉好爽口。西冷牛扒拼大啡菇，牛扒要左5成熟，切既時候無血水，但食落好juicy。個菇煮得唔乾，又香又多汁。薯仔應該落左咖哩粉一齊煮，所以好香咖哩味。香草焗鱸魚，鱸魚上面滿佈香草同蒜蓉，但食落味道無想像中咁濃烈，恰到好處。

今晚來到上水符興街的西式酒吧。晚餐以扒類為主打，啤酒選擇多。一於一人一個扒餐。碳燒牛扒套餐- 厚砌牛仔骨 $199 12安士的厚砌牛仔骨，果然份量十足。七成熟剛剛好，肉厚多汁，肉味濃郁，入口嫩而不膩。包圍著牛仔骨的膜爽口肉甜。咁大塊肉再配埋意粉, 很有飽足感。 套餐奉送酥皮焗周打魚湯鐵板牛柳 $166小巧的8安士牛柳，雖然沒有牛仔骨份量的大，但味道絕不遜色。脂肪分佈平均，口感更軟嫩，有嚼勁。黑椒汁味濃得嚟唔會蓋過香濃牛肉味。揀配薯菜, 係香甜的南瓜和薯仔。餐湯升級酥皮龍蝦湯 +$29餐包轉蒜茸包 +$5好香蒜茸味，又香又脆。Hoegaarden Rosee $58

喺上水有歷史的餐廳越來越少，適雅餐廳係唔少北區人由細食到大的西餐廳。「畢打奧」依個名比餐廳中文名「適雅」更多人識。晚餐價格豐儉由人。每逢有波睇的日子，特別熱鬧。平日同三五知己嚟飲返兩杯都唔錯。焗法國田螺（半打）+$55牛油溶於螺肉中，螺肉肥厚軟滑。底下的薯蓉吸收螺肉和牛油的精華餐包係非常香脆的芝麻包，外脆內軟，有驚喜。碳燒安格斯T骨 $24916安士的脊骨肉係扒中之王，五成熟最完美。入口滿佈肉汁，肉質柔軟，牛味濃郁。近骨的部份充滿油香，滋味無窮。跟餐包括酥皮焗周打魚湯，入口濃滑細膩，不過今天的酥皮不夠酥脆。三文魚扒龍蝦汁 $136 三文魚扒外層香脆，肉質結實，加入鮮中帶鹹的龍蝦汁為三文魚扒增添美味。伴碟的薯菜都同樣美味，南瓜又香又甜。食西餐加一碗美味的酥皮龍蝦湯，充滿回憶的味道。龍蝦湯味道香濃，入面加入蝦肉粒。配埋香脆的芝麻包，令人回味。（餐湯升級 +$29）Fruit Tea潮流興飲水果茶，今晚唔飲啤酒，飲茶。水果茶內容豐富，味道係自然的水果味，新鮮菠蘿、提子、火龍果...填得滿滿的。跟餐只係加$19（原價$50）。

難得約埋班fd飲野 緊係搵返老地方飲！不過真係好耐無黎 多左好多花款野～個避風塘雞翼同口水雞翼尖真係無得輸 好出色入味！水果茶都吾錯係茶味再出d會仲正十心薯條新鮮熱辣辣！正

去完深圳返來香港上水，想同班friends一起食個宵夜，再飲返幾杯。發現這間位於上水的酒吧，裝修懷舊，環境好relaxed。點左一份烤德國豬手，皮好脆，肉嫩，溫度剛剛好。仲點了一份西冷牛扒配大啡菇，製作用心，有條籤寫住medium done，好得意。令人意想不到的是，跟餐可搭配水果茶，適合唔飲酒的同行朋友。而且水果好豐富，媲美大陸喜茶，價錢仲唔貴。整體感覺唔錯，閒日可以再來試下佢地的set dinner。