畢打奧餐廳

去得上水，除咗掃水貨🫢一定要嚟畢打奧！環境舒服，而且侍應服務態度周到見到隔離枱慶祝生日，都會唱埋生日歌，氣氛係十分之好之前嚟畢打奧都會嗌3成熟嘅肉眼扒今次就試吓新嘢先魚魚配檸檬蒜茸牛油汁食材嘅質素固然稱得上新鮮惟當日嘅檸檬蒜牛油汁味道尚需改善食落較淡而且配魚魚，略為感到油膩雖然醬汁係配角，但相信運用得好，係可以起到點睛作用但整體而言，我都中意ge，如果食厭咗牛扒，試魚魚都係一個特別嘅體驗。薯蓉焗田螺呢個係呢度必食！必食！必食！唔需要形容太多去到坐低嗌田螺你就一定會回味無窮！…查看更多

今日午後同母親大人入嚟上水行行食食，下午茶時段嚟到呢間位於符興街既畢打奧餐廳，因為今日係紅日，所以冇下午茶供應，我同母親大人只好每人點個午餐，佢點咗個芝士焗海鮮飯，我就點咗龍蝦汁海鮮燴意粉。每人都有個忌廉餐湯同埋餐包，正正常常，係好飲既。我個燴意粉份量我就覺得少咗d，但海鮮配料好足，意粉略嫌少咗d，可能太好食關係，意粉加d檸檬汁令到個意粉好開胃，食慾大增。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

今日同屋企人試咗呢間位於上水西餐廳，晚市套餐相當抵食，$200有找已經有齊餐湯、餐包、主菜同飲品。經典羅宋湯率先上桌，絕非普通餐湯。湯體濃稠豐盈，牛肉、椰菜、紅蘿蔔等材料熬得軟腍入味，酸甜度平衡得恰到好處，微辣的尾韻非常開胃，瞬間喚醒了味蕾。主菜方面，美式什扒餐份量驚人，是肉食者的終極挑戰。一盤集齊了豬扒、雞扒、牛扒、香腸及煙肉。豬扒經秘製醬汁醃漬，燒烤後焦香撲鼻；雞扒肉質異常嫩滑，鎖滿肉汁；切開香腸時「啵」一聲，肉汁四溢。相比之下，肉眼扒餐則展現了對單一食材的極致追求。我們選擇了七成熟，廚師的火候控制堪稱完美。外層帶著誘人的炭烤格紋與焦香，切開後是誘人的粉紅色，肉汁被牢牢鎖住。無需過多醬汁，僅撒上些許海鹽，便能品味到安格斯牛肉的濃郁本味。飽餐一頓後，以心太軟作結，用叉子輕輕劃開心太軟，濃醇的朱古力漿如熔岩般緩緩流出。溫度掌控精準，朱濃而不膩。最精彩的莫過於將冰涼的雲尼拿雪糕、溫熱的朱古力漿一同送入口中，冷熱交織，口感層次豐富得令人感動。整體而言，環境舒適，服務周到，上菜速度快。以呢個價錢來說，食物質素超出預期，絕對會再encore！值得推薦俾想平平地食個高質西餐嘅朋友。…查看更多

今日約咗個朋友喺上水食飯，想食西餐就試咗呢一間。叫咗午市套餐嘅牛柳跟薯蓉，另外再加錢叫咗隻八吋長大海蝦同埋太陽蛋，整體黎講有驚喜！塊牛柳叫咗五成熟，切開仲係粉嫩嫩，咬落去鮮嫩多汁，肉味夠濃又唔韌，水準唔錯。海蝦大大隻，爽口彈牙，簡單用蒜香牛油煎過，夠晒惹味。太陽蛋煎得靚，蛋黃流心撈埋牛柳一齊食，更加香滑。至於個薯蓉亦係亮點之一，打得好幼滑，奶油味好出，食落香濃Creamy，同牛柳好夾。如果個汁可以再濃郁多少少就更加完美。整體來講，材料新鮮、配搭得宜，份量都夠飽肚，以呢個價錢算係中上水平，如果去開值得再encore！…查看更多

#20250814 🤍📍 #畢打奧餐廳 @better_ole 上水符興街35-39號地舖 🍽️粉嶺和豐街22-26號地舖➖➖➖➖➖➖➖➖➖➖➖➖➖➖➖➖➖ 🥢 #酥皮龍蝦湯 +$36💭 呢個湯同個豬手係一個套餐，本身跟既係普通餐湯，不過可以加錢轉佢做酥皮龍蝦湯或者酥皮周打海鮮湯，龍蝦味好濃，酥皮都好香牛油味，係略嫌個味道偏咸，一個人飲晒有啲難搞🦞.#燒雞泡魚乾 $99💭 趁未齊人叫尼食住過下口癮都唔錯，食落無咩特別，就係平時想像到既味道，側邊仲有放左兩粒青瓜同啲少少沙律菜，咁就無左半隻碟既位，係幾揦脷🥶.#避風塘雞中翼 $69💭 講到唔抵又點只個雞泡魚乾，呢個雞翼都一樣技倆，4個人尼食都分唔到一人一隻，然後個底就全部都係薯角😥至於味道就正常，辣粉既味有啲太過，無左避風塘應有既惹味🐔.#焗法國田螺 $79💭 呢個份量終於正常返，原隻田螺比埋專用叉咁食有啲高級，香草同蒜既咸味可以撈啲薯蓉尼食中和返，而且價錢都合理，結果覆桌多左一碟tim😂.#燒德國咸豬手 $159💭 豬手算係佢地既招牌菜，原隻上要自己切，個皮有少少硬，不過底下係充滿骨膠原都幾好味🐷其實呢間野主要應該sell情懷，見佢社交平台有好多舊相，餐廳環境都保留左五十年代果種英式味道，尼打下卡都唔錯🇬🇧.#上水美食 #🐷在上水 #粉嶺美食 #🐷在粉嶺 #🐷_食 …查看更多

今日lunch time 又嚟到畢打奧,其實呢度都算係我同幾個同事嘅中午食堂,係呢一年間平均每星期都食2至3次,一直都好鍾意呢種懷舊風格,價格公道,食品唔差,尤其係酥皮龍蝦湯,必點item. 服務一直都係中規中矩,不過今日所發生嘅事情令我不吐不快,中午喺門口等咗一陣,眼見餐廳十分繁忙,帶位妹妹亦十分細心有禮👍🏼,全程用餐同往常一樣,食飽感覺非常滿足,到埋單嘅時候問題就出現,其實呢個情況唔係第一次發生,收銀嘅短頭髮女仔十分之冇禮貌,已經唔係第一次了,佢嗰種態度令我哋覺得埋單要求佢咁,點解每次埋單都要受她的氣？真係無語,希望貴公司能正視及改善這問題,呢次都係我第一次喺網上平台留言！…查看更多

今日上水行山，完畢後再次嚟到符興街呢間畢打奧餐廳食晚飯，繼上次母親點了個芝士焗海鮮飯幾好食，今晚我便自己又點番呢個焗飯。晚餐比午市要貴多30幾蚊，等咗15分鐘個焗飯就送上。呢個芝士焗海鮮飯有好濃郁既一士汁，配料都好多，有蜆，蝦，魚，鱿鱼。每樣海鮮都好味，整個飯都焗得好出色。[米饭]口味：🥚🥚🥚🥚[薄荷]环境：🥚🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

今日下午同母親嚟到呢間位於上水符興街既畢打奧餐廳食午餐，午餐時段都坐滿7成人。有店員帶位入坐，坐低睇下餐牌，手機落單，母親點咗個海鮮焗飯而我就點咗個畢打奧焗豬扒飯。先嚟個羅宋湯，好濃郁好好味，應係我飲過既羅宋湯頭一，二位。豬扒飯個汁酸酸甜甜，好開胃，炒飯底好乾身粒粒分明，豬扒炸定唔係即炸既，有d失望，但肉質還可以，口感豐富。整體滿意。[米饭]口味：🥚🥚🥚🥚[薄荷]环境：🥚🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

在上水想找一次地方方便聊天及吃東西，所以就選到這裏，中午氣溫已經三十幾度，所以就不四處再亂跑。第一次進來，想不到真的是酒吧裝修，就是拍照好看一點。我們分別叫了兩個午餐，價錢都是茶餐廳都一點點，所以覺得實惠，畢竟這是西餐，出品亦包括了一些擺盤，配菜份量亦十分足夠。相對意外的事飲品用了外賣杯，由於本來已提供白開水，所以用餐後直接把飲料拿走繼續喝，所以這個體驗是不錯的。我吃的咖哩雜菜，份量也覺與其多，咖哩味道和茶餐的不盡相同。整體感覺良好，無論是一個人或和朋友一同，都可以選擇再來，特別是午餐相對優惠。…查看更多

友人介紹，宵夜去左依間餐廳食野前菜叫左個田鏍，有6粒，薯蓉做底。粒粒都飽滿，唔過火位，好食juice,薯蓉都好滑，唔係湊數交功課既貨色然後叫左個m5和牛扒，跟餐有飲品，餐牌話有湯，但去到話咁夜無，少失望。餐飲叫左凍檸檬茶，茶飲得出放左係雪櫃有一定時間，有澀味，茶色水混濁，係無期望之中仍然失望。牛扒叫左5成熟，煎封得唔錯，好食，配菜叫左薯菜，出奇地薯菜竟然係比薯仔，而唔係急凍既炸薯角，薯仔淋得黎唔粉，好食，有誠意。因為本身諗住有湯叫左個蒜蓉包，我會講係食完有記憶既味道。唔油但好香蒜蓉味，焗得好脆又無過火位，一上枱就食左所以唔記得影相其次叫左杯mango 味既啤酒，對得住個價錢有餘，鐘意甜味啤酒可以一試最後想食多少少野，叫左個99蚊既西冷牛扒。待應無問到幾成熟同咩汁。最後上左七成黑椒汁。咁一定無和牛好食，七成熟都唔係我地食開，但都唔係話差既…查看更多

母親節我們都冇訂位，三個人6：15pm就黎等咗取飛，半小時可入座，門口接待個女仔，有禮貌又做到野座位不算寬敞，但空間都足夠舒適，燈光昏暗有情調掃碼點餐快而準，網頁算清晰唔難搵上菜速度正常，今日特別日子，仍有效率，不需等候太奈先至有得食羅宋湯夠熱，略稀，有少少菜，整體好飲ok麵包仔夠暖，有質感肉眼扒七成，兩邊煎得夠香，肉質唔錯，有牛味又唔會太乾太un煎魚柳表面煎得幾香，肉質唔差，味道淡淡的德國咸豬手，份量十足，皮脆，肉香炸薯條好脆好食，焗薯ok畧唔夠香肉眼（8/10）魚（8/10）豬手（8.5/10）價格合理，服務員工作高效率有禮貌餐後仲有經理詢問食客嘅用餐體驗，有heart…查看更多

預祝母親節，由女婿揸車由葵芳遠赴上水，第一次試食畢打奧餐廳。餐廳裝修英式懷舊設計，一邊主打酒吧，另一邊西餐，觀察所見食客有情侶朋輩或有老有嫩或一家大細，客路甚廣。招牌菜有牛扒和焗豬扒飯，水準佳。牛脷厚薄適中但略嫌過“淋”。火焰雪山(甜品)價錢不高，還有專人侍候和代拍照打卡，如果適逢有客人生日，侍應們和其他食客會同唱生日歌祝賀，令現場氣氛熱情高漲。另一誠意讚點是餐具溫度暖暖的，感覺乾淨衞生。改善地方是餐飲款式太行貨，質素“不合格”！舉例凍檸茶不凍又冇檸檬味，如果選用特式飲品甚至餐酒，加錢亦大有客路啦！整體餐廳的性價比高，人均消費約200蚊。…查看更多

第一次食呢間舊式豉油餐廳午餐時間叫咗一個西冷牛扒，跟一個湯一個麵包，一杯嘢飲+9 薯仔沙律+9 蘑菇汁結果冇錯不過有些喜出望外薯仔沙律 》雜菜薯仔沙律蘑菇汁 〉蕃茄汁加類似雞髀菇個湯OK…查看更多

今天與友人到上水辦事，經友人推薦預訂到訪試試😄。12pm踏入餐廳已有8成入座率🤣，暗黃燈光，密集的座位，中間是茶水吧，右邊是酒吧枱和收銀，周圍滿佈TV，的確是睇波好地方，濃濃的懷舊氛圍。Lunch set 👉soup+bread+main course+drinks~~羅宋湯濃郁，麵包有麥香，咖啡正常(因人客太多，咖啡杯趕不及洗，以紙杯奉上😂)💥薄切牛仔骨扒+薯菜+蒜蓉汁>>>有口感，有牛肉味💥燒春雞(半隻)+薯菜+芥末>>>燒烤剛好，味道正常，薯蓉太鹹😅，另附上手套供客人使用，十分細心。值得一讚服務員態度良好，我要求熱水，她便放下小壺給我添加，雖然人流不绝，但仍勤快照顧客人所需👍。…查看更多

能在比我還老的英式pub, 以$79 吃到滑嫩的豬柳午餐，以$139 吃到outside burnt medium rare 的牛扒午餐，what more do you want? 令人回味無窮的是濃到刺鼻、蒜香久久不散的自家製白色醬汁，配肉類蔬菜薯蓉都是無敵，淨吃也不輸。小瑕疪是枱不平，要自己用可能在地上過了一夜的杯墊把枱「擺平」，發現原來飲管套也可能躺了一夜。好容易静下來喝美味的羅宋湯時，卻發現沒牛油刀，麵包是好吃的，但用尖的扒刀抹牛油，真的不太容易。…查看更多