畢打奧餐廳

营业中

休息中

今天去了一間懷舊扒房，裏面有很多懷舊的裝飾品，一進到門口已感覺到古色古香的氣味，燈光暗暗的，有一種浪漫的效果，他的座位數目非常多，枱之間的距離都非常合適我們三五知己或男女朋友去談天，晚上還可以和朋友一起去睇波剝花生飲啤酒。我們進店後餐牌上有很多選擇，有的是扒類、意粉類、飯類、還有送啤酒的小食類。我們兩點到有下午茶當中包括以下：意粉一碟****飯一碟****甜品沙律和水果****還有魚塊配薯條*****田螺配薯蓉*****飲品點了一杯熱檸水和凍檸茶5*最喜愛

聽朋友講呢間開左好多年都冇入去，就同佢地一齊入去試試。環境唔錯，幾個朋友就算唔食野，入黎飲返杯吹下水玩下啤牌都幾好。我地叫左德國豬手、西冷牛扒、畢打奧沙律、卡邦尼闊條麵同焗田螺（最後兩樣唔記得左影相）。另外每人叫左杯啤酒啤啤佢，我就叫左Hoegaarden Rosee。個人覺得最正既係德國豬手，皮夠脆，正，佢配既嗰個意粉都好味（可揀薯菜）！西冷叫左五成熟，熟度岩，但最衰有條筋，如果唔係都幾好。呢個沙律咩都有d，火雞、燒牛肉、好似午餐肉既肉，仲有一d一般沙律都有既薯仔之類。火雞肉唔鞋，燒牛肉唔韌，但”午餐肉”朋友話咸。闊條麵都好食，成日覺得卡邦尼share食最好，因為一個人食一碟卡邦尼真心漏田螺我就唔食既，但朋友就讚既。所以整體野食都唔錯，入開黎搵佢地都可以返兜下

呢間位於上水的舊式酒吧餐廳,次次經過都好多人,今次終於有機會來試下,呢到氣氛非常好,懷舊既感覺令人放慢腳步,好放鬆!！因為是中午的關係,點了一個二人下午茶餐,賣相非常精美可愛,好適合女生來這邊談談天,打下卡放上網,食物種類有很多,兩個主菜,有飯和意粉,小食都有幾款,我最喜歡都是炸魚薯條,炸得剛剛好,外脆內軟的,竟然還有甜品,是個士多啤利蛋糕,精緻得捨不得吃,蛋糕不會太甜很鬆軟,還有兩杯飲品,這麼豐富都只是$119,非常抵!!

餐廳裝修好有味道,有以前既懷舊風格,一邊係餐廳一邊係酒吧區,因為假日既關係都好爆,我地首先叫左半打田螺同酥皮焗龍蝦湯,個田螺食落去好特別,好夠蒜蓉味,食落去熱辣辣,保證係新鮮即焗的,睇下仲鋪滿薯蓉,而酥皮焗龍蝦湯都有返咁上下水準,個酥皮好香,而龍蝦吾會太咸,仲有龍蝦肉好新鮮,除了湯和小食,下午茶餐都好正,主菜同小食都有,仲有埋甜品,真係食到超飽,野食做得好有誠意,如果中午來又會覺得呢到好似CAFÉ,真係好正!!

為慶祝朋友生日，就去到上水請客，經過一間客人快要爆滿的餐廳，好奇地就望一望門口的餐牌，覺得幾啱食，急不及待就進去了。酒吧餐廳燈光昏暗，都頗有情調，而且大概晚上9點10點客人都開始多了，又有得睇波、又有得飲酒、又有得食嘢，難怪咁多客人幫襯。朋友叫了啤酒🍻，我就不太飲，就點了雜果賓治，甜度適中，而且仲飲到果肉。先叫了一份燒牛肉沙律🥗，原來好大盆，簡直足夠我們四人份量。蔬菜很爽口，味道新鮮，配菜的番茄和青瓜同樣新鮮美味。逢親食西餐我都會食羊肉，真係正宗的羊肉控，所以點了一份鐵板香草焗羊扒。羊架有三枝，面頭鋪滿酥皮粒粒，羊肉肉質鮮嫩，中間帶一點粉紅色，好香濃嘅羊味道，但是一點都不騷，好好食！朋友就叫了好有份量的牛扒，他也大贊很好吃。最後睇完一兩場波，個肚都好飽了，帶一點醉意回家，真係人生一大樂事。

朋友推介上水有一間酒吧餐廳，食物質素高，連咁嘴刁嘅朋友都話好食，一於去試吓。原來酒吧餐廳嘅空間很大，一邊係有酒吧吧枱，令一邊則是餐廳的正門，門口可以泊車，揸車人士非常方便。來到必定要一人叫一杯啤酒爽一爽喉嚨吧，我就叫了Hoegaarden，朋友就叫了Asahi，都好大杯啊！餐牌多款食物選擇，樣樣都想試吓。不得不推介這裏的焗法國田螺，我們叫了半打都唔夠食，田螺質感好林，薯蓉非常入味，可以話好好食嚟形容！大愛！真係食過返尋味，之後再encore一份。避風塘雞翼賣相吸引好大隻，雞翼外脆內軟，肉質好新鮮。主菜的16安士安格斯T骨牛扒二人餐，另外+$36拼大蝦，最後叫了兩隻大蝦，大蝦肉質爽口彈牙，正！牛扒🍤叫了七成熟，賣相非常有份量，牛扒有我手板再大啲，切落去中間呈現粉紅色，牛肉肉質鮮嫩，而且牛肉味道濃郁，配以白飯、黑椒汁一齊食更加滋味。套餐加$5還有即叫即炸的薯條🍟，點一點茄汁更加好吃😋。餐湯加$29就可以轉酥皮龍蝦湯，龍蝦湯好香濃，食到好多龍蝦肉！埋單只係$1372，四個人食都很飽肚，而且每一款食物都很好吃，一定會再encore。

上水有很多餐廳，但最近中午發現一間懷舊西餐廳連酒吧於上水的符興街位置！ 原來己有60年歷史了！ 好奇的走進去了！ 入座吧枱位置，有電視可觀看足球賽事。 環境可容納多人，不會擠在一起👍🏻套餐包括鬆化餐包，多料蘿宋湯，材料沒有攪碎了，有口感。 點了一份西令牛扒套餐 （HKD 92) ，扒微熱。份旺適中，扒中心處理得宜，仍是粉粉紅紅，很嫩口、Juicy. 午餐套餐有4款選擇有，價錢由 HKD 55 - 59，在人流旺地方，價錢很划算！每日Happy Hour 時段有HKD 48 大杯生啤！

今日因工作關係所以嚟到上水， 做完嘢之後喺上水行一陣商場， 然後喺附近搵下嘢食， 發現有間酒吧餐廳， 餐牌有個田螺牛扒餐望落幾啱食，所以入去試下。 餐廳環境都幾舒適， 裝修有英式酒吧嘅氣氛。羅宋湯和酥皮龍蝦湯羅宋湯幾足料， 番茄和牛肉味都幾濃。好耐冇飲過酥皮湯見到呢度有得叫 ，所以order咗個嚟試下， 個酥皮幾脆身， 好香牛油味， 龍蝦湯 嘅蝦味都幾濃， 加埋酥皮一齊食超正。焗法國田螺田螺用咗蒜蓉來調味， 啲蒜油嘅味道入曬落田螺度， 好香。紐西蘭西冷牛扒牛扒叫咗五成熟， 牛扒嘅面層煎得好香口， 肉質 幾嫩， 配菜都幾有心思做， 個蕃茄係加咗芝士嚟焗。香草焗羊扒煎香嘅羊扒加咗麵包糠和香草混合再焗而成， 有羊味得嚟又唔騷， 有肉汁， 個混合香草焗到脆口。水果茶紅茶底加入咗多款水果， 味道幾清新。

✨呢一間適雅餐廳又名畢打奧餐廳(BETTER’ OLE )，喺上水火車站行幾分鐘就到，一入到去就見到個裝修都幾骨緻，坐低無耐就有人嚟招呼我地，介紹有咩特色菜俾我地。✨餐牌✨燒牛肉沙律呢個沙律做前菜都唔錯，清新開胃，牛肉薄薄地唔會膩。✨二人特級T骨套餐個T骨真喺大塊到你唔信，喺有32安士咁重，我地幾個人食咗好耐都未食完，肉質幾新鮮，軟腍度適中，好香牛肉味，另外我地再加拼咗大啡菇，好juicy！✨紅酒燴羊膝餐我友人就最中意呢味菜，因為夠酸甜開胃，賣相又唔錯，中意食羊肉嘅朋友們一定中意！✨焗法國田螺大大肥美嘅田螺真喺好正，油香感唔錯，外皮都脆脆地，又好味又有口感，仲有吸曬田螺油嘅薯蓉，十分香口。✨餐包✨穌打龍蝦湯/穌皮焗周打魚湯

依家上水人流多咗，我都比較少去呢區行街食飯難得今日探完朋友，就喺附近搵咗間餐廳食埋飯先走呢間餐廳除咗食西餐，仲有個大酒吧，所以就算唔食飯都可以喺度飲下酒傾下計見佢有個田螺套餐，就揀咗一個嚟試下除咗扒餐之外，仲有海鮮餐、沙律餐等等，選擇算係幾多同屋企人一人一份餐，個湯我揀咗羅宋湯屋企人就特別啲，揀咗酥皮龍蝦湯酥皮新鮮焗，再加上湯入面食到有少少龍蝦肉，所以個湯好鮮甜其實田螺餐嘅頭盤可以揀沙律，不過好少餐廳肯 咁有心思用田螺做頭盤，所以點都要捧場試下以頭盤嚟計，肉質算係豐厚， 下面墊咗薯蓉底餐單唔係平時嘅豬仔包，呢種餐包一定要熱辣辣食先好味，凍咗就會硬曬，所以呢款包一上枱我哋就即刻食咗佢主菜揀咗牛扒意粉牛扒偏熟少少，不過食落都唔會韌，肉味夠濃意粉烚得啱啱好，我唔鍾意食太淋嘅意粉，呢度嘅意粉硬度我覺得ok屋企人揀咗羊架羊架味道唔太騷，加咗好多蒜蓉喺上面，味道唔錯雖然係鐵板上，但係啲羊肉依然都好嫩滑跟餐有個水果茶，呢杯茶真係分量十足入面除咗本身嘅茶底，另外仲加咗提子、火龍果、西柚、檸檬等等嘅水果，十足十一個飲得嘅水果盤如果想睇住波食飯，呢度都算係一個唔錯嘅選擇

呢間餐廳俾我感覺好懷舊，裝修同燈光都有舊式西餐廳既感覺，更特別既係有多部電視機俾人睇波，確實係一大賣點！講返食物，餐廳做緊推廣既呢個‘田螺牛扒套餐’就真係抵食喇，三粒焗田螺大大隻，肉質幾彈牙，配上幼滑薯蓉，雖然賣相差少少少，但勝在味道ok~ 主菜係西冷，朋友怕生，order左全熟，所以有啲難咬，但其實牛味好濃，配上燒汁都好夾，意粉都煮得有水準，口感煙韌又有彈性！另外，朋友推介呢個‘紅酒燴牛脷’真係幾得，牛脷爽口又夠腍身，煮得好真係好花工夫，紅酒份量剛好，加強左牛脷既香味同味道！兩個餐都可以揀羅宋或忌廉湯，忌廉湯有龍蝦肉，幾香濃！

好耐一次嘅family day，聽朋友推薦，最終我地就揀咗呢間位於上水火車站附近嘅扒房，十分方便👍🏻餐廳都幾大，裝修喺好classic嘅酒吧扒房設計，聽經理講原來呢間餐廳已經有幾十年，主要做開熟客生意，所以真係識食嘅先會黎👍🏻二人特級T骨套餐$400呢個餐相當抵食！配有2人份嘅出爐餐包、穌皮焗周打魚湯及餐飲，仲有勁大份嘅32安士厚砌安格斯T骨牛扒配飯/意粉/薯菜！為求確保肉質係最新鮮嘅，呢個餐每日限量供應4-5份。32安士果然大份！有兩個我嘅面咁大，而且仲好厚，目測都有4-5cm厚😂由於太厚嘅關係，T骨邊位會比較生一點，所以食到咁上下可以order廚房再焗多陣，咁就會平均地熟。紅酒燴羊膝餐 $149羊膝平日比較少見，成條大骨相當有氣勢，多汁軟稔肉質，好滑👍🏻配紅酒汁入味又開胃，食極都唔膩😋燒牛肉沙律 $119估唔到牛肉都可以做沙律，薄薄嘅燒牛肉配沙律，感覺特別清新😋做前菜一流焗法國田螺 $55半打其實呢間餐廳做田螺菜式已經有40幾年歷史，所以田螺都係最令我眼前一亮嘅一道菜。田螺有別於平日食開嘅，好肥美大隻，焗到外皮脆脆地，油香味濃，墊底嘅薯蓉索曬啲油，勁香！餐包係即時出爐嘅芝麻包，芝麻

餐廳除了食品本身質素外，「食環境，食氣氛」都好緊要！呢句說話令我有深體會，來到上水竟然搵到一間食西餐的酒吧！餐廳有兩邊，其中一邊則有酒吧區，故可摸摸杯底喝番杯酒。周末關係，少不免很多朋友相約三五知己吹水。酒吧餐廳好處是不限交枱時間，而今次單純地想試試這裡的牛扒。餐湯必然是至愛的羅宋湯，什菜很多，湯頭有微辣，酸酸甜甜，味道剛好！餐包也不普通，是法式小包，搽上牛油，是絕配！沙律杯也不錯啊！主角來了！新西蘭西冷牛扒，八成熟，肉汁濃郁，多汁， 質感豐富！仲有大啡菇,好好味! 真心推介!美國肉眼扒， 八成熟，扒中心有香口脂肪，肉味同樣濃郁。就是在chill 的心情下度過一個晚上!

適雅餐廳 (上水)上水符興街35-39號喺上水唔知食乜好 可以試吓哩間扒房餐廳環境大 有兩區域 一邊酒吧 一邊西餐廳燈光昏暗 同樣有懷舊格調有紀念日或者約會係適合之選Menu吸引 好多都想試 但奈何人就得兩個左揀右揀 侍應見我哋咁心大心細主動嚟推介主食 終於揀到：酥皮龍蝦湯一開頭嗰啖唔太習慣會覺得太有鮮味 頂唔順慢慢飲落覺得鮮甜 正而且酥皮湯不嬲都無得輸有點龍蝦肉粒 好滿足焗法國田螺侍應話田螺係佢哋餐廳好出名必叫之選 跟餐都係加$55將田螺撩出後 再加一啖薯蓉附送真係覺得半打太少 想要夠一打鐵板牛柳配薯菜7成熟對我嚟講就啱啱好好重牛味 而且啖啖肉汁肉淋 易入口 唔會好似食香口膠咁薯條非炸 以油去炒 較有咬口牛柳兩塊 配上蒜蓉汁 好味道燒徳國咸豬手皮脆 肉質算較硬身舊豬手切到好多肉出嚟多啲軟骨位 有骨膠原配蒜蓉汁好香 咁大舊豬手好飽肚什果賓治食完成餐飯再叫杯什果賓治成餐飯 係芬達嘅味道下 完滿地結束

住上水的人對這間餐廳應該不會陌生，原來這間餐廳已有四十幾年歷史，搬到嚟這區都有20年，主要都是做街坊生意，是間性價比高的餐廳 。今日我地一行2人，叫咗個酥皮周打魚湯，厚砌牛仔骨，畢打奧經典咖哩雞，焗法國田螺，同埋凍水果茶。先講這個酥皮焗周打魚湯，酥皮焗得鬆脆可口，配合湯和豐富的材料一起用，特別美味。畢打奧水果茶， 特選錫蘭紅茶葉混和秘芳方香料和時令水果一同泡出獨家味道。這道頭盤是法國焗田螺，利用酥香的牛油滋潤螺肉，當爐火把牛油熔於肉中，螺肉變得甘香軟滑，入口香酥，再伴以香脆軟滑的薯茸，半打田螺很快就KO了😂畢打奧經典咖哩雞，雞同薯仔份量也不少，辣度剛剛好，配飯一流！跟住嚟咗個厚切牛仔骨，我叫咗七成熟， 送到來好香，有驚喜喎， 牛肉味濃，鮮嫩又多汁，推薦。👍餐廳裝潢有懷舊酒吧feel,用來打咭也不錯。