畢打奧餐廳

营业中

休息中

應該係上水最有歷史既酒吧餐廳，間中都會黎食食下晚餐兼飲返杯同睇下波～1️⃣三文魚扒龍蝦汁（$136）5吋長既三文魚扒，焗既時間剛好，外面脆脆地，入面仲係軟身既新鮮三文魚！👍🏻👍🏻仲有紅蘿蔔同翠玉瓜伴碟，幾健康！意粉用左香草同牛油去炒，好香～炒完既意粉依然有嚼勁，所以我黎親都叫意粉～2️⃣香草焗海鱸魚（$146）海鱸魚面鋪滿香草同麵包糠一齊焗。雖然材料好簡單，但魚好嫩，味道亦好香口！😋😋

朋友點明餐廳選址去粉嶺火車站 或 上水 食西餐日本野或者打邊爐一搵之下先發現原來北區都好多日本餐廳不過集中喺聯和墟咁今次都係食西餐啦 反正我未黎過。。拎住google map 由上水火車站行過去大約五分鐘左右喺個分叉路口位置 唔難搵餐廳表面個感覺真係幾老派不過明明都係七點幾 周圍環境都比較黑加一枝燈柱喺道 就顯得周圍都好靜入到去坐低 朋友就問係咪有happy hour職員話要坐吧枱先有？？？竟然有枱嘅限制？！咁唔緊要 照過去囉 反正邊道都一樣我地啱啱企返起身行過去然後另一位員工話我地食野 坐返另一邊都可以做返happy hour比我地不過野飲跟餐係再平啲？？？即係其實有冇枱嘅限制。。？餐廳內部都好大 分左三個area 一邊係吧 好似範圍好細一邊係餐廳 即係我地身處嘅位置另一邊係個紫黑色昏暗嘅環境 唔知係冇開定係有啲咩特定用途因為醉翁之意在聊天所以當時都冇咁留意有咩食而家先知有得加甜品一陣餐包就到個樣成舊石咁( ´▽｀) 少少乾身 牛油自己搽好似有得加錢轉蒜蓉包 不過冇特別想食就冇加跟餐嘅啤酒係特價 大杯生啤但好似同平時出面飲嘅味有少少出入朋友話可能係個紅湯辣辣地有少少影響對唔住我個紅湯

I have heard about this place due to its rich history (claims to be one of the oldest bars in HK). Happened to be in the area and I knew I had to pop by. The place was busy on a Sunday afternoon. Staff were friendly but frantic - lots of rushing around and shouting. When I asked for the bill, they just told me the total without giving me a receipt to check. Almost felt like I was at a cha chan teng. Hygiene could be improved - I noticed some of the cutlery and plates were not completely clean. E

//上水郊遊前嚟呢間歷史悠久嘅西餐廳食晏，經過幾次，感覺門外裝潢都有啲懷舊，入到餐廳有種返返去七八十年代嘅感覺。😂就似去歐洲旅行，絕無誇張。.//午市套餐，價錢都算合理，選擇唔算太少。.//選擇咗全日午市套餐，包餐包及餐湯，我選擇咗忌廉湯，我見隔離枱有人加$29升級為焗 酥皮龍蝦湯，都幾抵同吸引，如果唔怕太飽嘅朋友可以考慮。😜.//「新西蘭西冷牛扒」$96跟意粉，五成熟。🍽：牛扒非常好食！😋有炭燒香味，肉質鮮嫩，有鮮甜味道，值得推介！.//「燒德國鹹豬手」$99 跟薯菜🍽：呢個不過不失，同其他德國餐廳食嘅都差唔多，豬手唔算太大，因為比較肥膩，建議唔需要加意粉同飯，配薯菜就啱啱好。 .//餐廳好適合情侶，好有氣氛同情調。😉

野食cheap到爆，間餐廳好睇唔好食。牛扒叫五成黎左八成，仲要又鞋，多根到痴線完全冇牛味，食左一舊已經放棄左。另外叫咗個焗豬扒飯，首先賣相已經極差一pat茄汁就咁撻上去，相都唔想影。乜配料都冇，就咁茄汁+豬扒+飯就完，都算了試左一啖個茄汁，仲難食過樽裝果隻茄汁…個豬扒冇乜問題，還好。個炒飯底完全唔似炒過，又水又冇味。唔記得講個白湯，都多蘑菇，但冇忌廉味，好似飲緊忌廉湯但又好似唔係咁。成餐飯比較好食嘅係個餐包…總結 完全唔值呢個價錢，真係食大家樂都好過食佢！

生日飯去食，緊係開開心心食，因為食物沒有問題，所以再去食，5點幾入去緊係Happy hour先, 咁staff問飲野定食飯，當然係飲野同食飯，野食一點都冇問題，但staff好有問題，到最後埋單時才發現原來要飲happy hour係要坐bar枱個邊，我地共飲了6杯，有2杯話跟餐（49蚊）所以係平左，所以有4杯係比82蚊一杯（7點30分埋單），但小心佢地原來放左係枱上面餐牌仔有講wor，生意係咁做（古惑）係要坐bar枱先叫happy hour，咁樣叫人點再去呢！再好的食物呃人就唔使唸。

放工去食西餐 去左上水平時其實都食開呢間 今日再去 果然質素一樣都係咁正講下環境先 外表好似bar咁 但入到去都係酒吧咁嘅樣 但係西方鄉村果種酒吧feel 由木而成嘅環境咁同時佢個燈光半光半暗 又有少少粉紅嘅招牌燈 成件事令到個氣氛好舒服叫左個西冷牛扒配飯加大啡菇同埋咸豬手配飯咁先講下上菜先 會有湯 有麵包先嘅湯就正常發揮啦麵包 就即叫即回焗 上到黎都係熱嘅 今日係轉左個包嘅種類 變左芝麻包咁嘅包 好似煎堆嘅味 但冇煎堆咁油 好食嘅 簡單講就芝麻味重 勁脆西冷牛扒 好好味 嫰 肉味少左d 不過西冷係咁 大啡菇 老實講 其實係出面間間西餐廳嘅味道都差唔多 都係超重菇味 因為都只係食食材本身嘅味咸豬手 外皮超脆 內皮好"膠" 肉少左d 如果個醬係配酸嘅醬 比如芥末 我會覺得更好 因為減膩而飲品叫左凍檸水 驚喜嘅係估唔到佢咁樣上比我 免卻左我叫少冰 同埋糖水甜度自己加 都係叫暖心安排啦服務方面非常好 收碟快 叫侍應舉幾秒就有人理價錢呢個價位(兩人大約食左三百尾四百頭嘅價錢)相當合理 會不斷再黎食

一家人午飯，有人提議去歷史攸久的適雅餐廳，於是一試。我以為之前曾到訪，原來係店有相似。一踏入店鋪就知係港式老牌西餐店，懷舊裝修好有英倫風。點了多種假日午餐，有咸豬手，三文魚沙律，西冷牛扒等，跟餐有湯，餐包及餐飲。餐包小小的，面有白芝蔴，口感軟熟，十分出色。忌廉湯亦非一般的罐頭，湯面加上忌廉，有誠意。西冷牛扒叫了七成，出品剛好，牛扒夠厚有牛味，意粉亦加上香料，增加層次。餐飲原杯冷凍，有茶味，整體用餐經驗色，香，味俱全！推介。

難得晚上約埋一次就去左間氣氛幾好嘅bar and restaurant，門口細細，睇唔出裹面都好大。餐廳分開兩邊，一邊吧枱。叫左dinner set牛柳配薯菜，餐湯加錢轉酥皮龍蝦湯。牛柳份量正常，味道唔錯，但可能餐廳冷氣比較大，食物好快就凍。薯菜有翠肉瓜，燒咖哩薯仔，好香薯味，燒得香口，燒南瓜，偏甜但好好食。飲品加左錢轉生啤，係hoegaarden rose!餐廳氣氛真係唔錯，好適合同朋友一齊人慢慢傾下計，飲下野。

限聚之下，把握下午仍可以二人飯聚的時間，三人分兩枱的機會，跟美國回來的朋友來個下午茶食好西。 選了這間西餐廳連酒吧的雅適餐廳，過了一個愉快的下午。星期日的Menu也有很多選擇，而且睇落價錢也吸引。 假期feel 的牛排配啤酒，好正！大熱天時，要飲下啤酒，朋友跟負責人研究桶裝跟樽裝的味道，負責人好仔細介紹桶裝好飲好多。平時總不會兩款同時來比較，今次學到野這裡的龍蝦酥皮湯，有驚喜。 我平時好怕市面有些味道好稀薄的龍蝦湯，但這湯用龍蝦之餘，也有用魚及蝦的海鮮來煮湯，味道是有海鮮的湯底，所以特別鮮甜及濃味。酥皮好酥脆，非常好食。喜歡濃味的朋友必試。蒜蓉包也好香脆，而且好大塊，這個很想encore. 小食要了半打焗法國田螺，田螺大隻，味道有好香的香草味，要讚。 薯蓉也很香滑。朋友選了香草焗海鱸魚，這個份量合眼緣，而且魚肉也很嫩滑。 可以一下就KO 了的選擇。個黑椒汁要讚，特別濃又夠辣，我用了來點脆脆薯條食。我這個牛魔女當然選了新西蘭西冷牛排啦！5成熟真是剛剛好，顏色靚到令人賞心悅目。好有牛味及好juicy. 廚師有料到而個拌菜沙律的醬汁是芥末醬做的，很配搭，好味道。食完主菜，又繼續啤酒

晏晝嘆完金都點心返屋企再訓，訓醒六點半到晚餐時間喇！豬一般的生活，訓飽食、食飽訓，夫復何求，人生一樂也！出乎意料好多食客到此晚飯，被叔叔嬸嬸、阿婆阿伯重重包圍，您地可否靜少少，講說話細聲一點呢？真係非常騷擾十分吵耳，我想安安樂樂清靜地享用佳餚。牆壁掛著幾十年前畢打奧適雅餐廳門口照片勁有趣，仲有剪報都好得意！藍妹生啤，飲得日本啤多，試試陀地啤吧。忌廉蘑菇湯，厚杰似汁可以撈意粉食，罐頭味濃。Asahi 朝日生啤，曉奧指定生啤，還有麒麟都係。焗法包，熱到燙手香噴噴，被深深吸引著。難得牛油能夠完全溶掉讓麵包吸引透徹，使我不愛包的都食指大動，狠狠地咬下！外脆內軟，濃厚麵包味道，牛油咸香幼滑，真係好好味。焗芝麻餐包，打開好似百香果！熱辣辣將牛油迅速溶掉立即吸收，脆卜卜的包皮芝麻香口，包肉綿綿像乜墳。焗脆包，比起以前凍冰冰麵包好食百倍有驚喜！微暖塗上滿滿略溶牛油，香脆包皮配嚥韌包肉，麵包味出眾跟牛油咸香撞得精采絕倫，小有地給我兩啖吞晒落肚。焗餐包，一向走包的我面對如此燙手外脆內軟香噴噴麵包，不得不心動！整磚牛油塞入，耐心等候溶化被吸收，半件入口趙得不亦樂乎。發現麵包經常轉款，唔係次次一樣架喎。羅宋湯

系香港禁食前既最後一刻,第一時間諗到既係,我一定要拆返餐勁既。有咩係堂食至會好食,又有可能有排都食唔得返既味道同環境?---我第一時間諗到上水畢打奧畢打奧隻豬手畢打奧既羊扒畢打奧杯特飲仲有佢個真係餐湯既白汁湯Lee個moment. 我要.......食呀!坐言起行,唔食飲恨!最後一個堂食午餐,我選左佢既香草焗新西蘭羊扒、德國咸豬手,果然我無選錯。食物品質一流,服務員的服務更加係超好,上菜又快餐廳乾淨企理

同朋友嚟到上水舊墟食嘢，想搵間坐得耐啲，又可以傾吓計，依間都係唔錯嘅選擇👍🏻👍🏻(雖然佢開個位置好奇怪，完全同隔離嘅野都唔match 😂)餐廳個裝修都幾靚，有點西式懷舊嘅味道。我好鍾意呢一個整麵包同咖啡嘅位置，雖然有啲晒位，但一種酒店自助餐嘅感覺，成件事高級左👍🏻我叫咗個下午茶餐，估唔到下午茶餐有湯飲，呢個忌廉湯，個奶味幾濃，飲完就好飽了😂佢個湯仲配呢個蒜蓉包，個蒜蓉包真係好好食😋超級香脆，配埋個湯一流👍🏻👍🏻仲嗌左個小食- 薯蓉焗田螺😍😍蒜蓉味極濃，勁好食！ 不過油咗啲最後我叫咗呢個黑椒牛柳絲炒意粉，真係好茶記😂諗住喺間西餐廳度試吓西餐廳風味嘅黑椒牛柳絲炒意粉，不過有啲失望😢雖然份量好多，但係配菜同牛柳都好少，啲牛柳又太韌，仲要唔係好入味🙈🙈茶餐廳嗰啲仲好食😢整體來說都OK嘅，不過不失👍🏻氣氛同前菜都幾好食👍🏻👍🏻同朋友嚟呢度食，傾吓計咁，都幾舒服👍🏻👍🏻不過下次嚟到呢度都係叫返啲扒好啲🙈🙈

喺上水開業多年嘅懷舊西餐廳，想鋸扒食一定喺去畢打奧😆😆😆呢間裝修懷舊，充滿港英時期味道，牆上都有好多上世紀中鋪頭嘅相片嘅鋪頭，係北區數一數二出名嘅西餐廳，咁多年嚟都屹立不倒，睇嚟呢間餐廳有一定嘅水準或者過人之處。餐廳分咗餐廳區同酒吧區，環境舒適，燈光都好有氣氛，唔太光唔太暗。啲櫈最近翻新完都好坐咗，感覺乾淨咗好多。侍應都好有禮貌，老闆親切，成間餐廳人情味濃厚。我同幾位朋友食晚飯，等緊齊人嘅時候點咗個蒜茸焗荷蘭腸小食，一上枱好香好重蒜茸味😆，同埋好多薯蓉。之後再點咗塊大T骨扒、卡邦尼闊條麵同鐵板香草焗羊扒。附送嘅餐湯點咗是日餐湯周打魚忌廉湯，湯料豐富，魚肉大大舊，好多蔬菜粒。朋友點嘅酥皮龍蝦湯同酥皮海鮮湯都唔錯，味道濃郁，酥皮焗得啱啱好。雙面蒜茸包焗到金黃色，咬落好脆。蒜茸焗田螺賣相都唔錯！卡邦尼闊條麵個汁好濃稠，好有忌廉同芝士味，配料都好足，大大塊菇同煙肉。羊扒上面啲炸蒜好鬆脆，肉汁豐富。大T骨配埋間餐廳自家製嘅醬汁真係絕配，牛扒肉質嫩滑，一啲都唔膩。跟餐$19可以配水果茶、青檸薄荷梳打同西瓜汁。水果茶勁足料！薄荷梳打勁多薄荷葉，好似飲緊mojito咁！呢間餐廳無論係食物定飲品都真係一

係openrice見到適雅餐廳ge超大T骨扒就一直都好想黎試下，今日終於有機會約埋幾個朋友一齊黎撐檯腳。一入到門口，燈的光度五強，好舒服溫馨，好岩情侶食燭光晚餐，加上周圍ge燈牌，有種好old school ge feel。我首先叫左酥皮龍蝦湯，酥皮同湯mix埋一齊食，真係好正，酥皮吸曬湯ge味，好過癮。餐廳有五同飲品，除左普遍ge檸茶咖啡，仲有五同ge生啤，手工啤同調酒，加上有冇酒精ge特飲，我地叫左水果茶，青檸薄荷蘇打同水果汁，加19蚊就有，水果茶大大杯超抵飲，果汁酸甜，薄荷青檸蘇打飲落去好透心涼~適合曬hot summer然後叫左蒜香羊扒，肉質好滑，加埋d煎香左ge蒜蓉，配埋薄荷汁，味道一流，羊肉五會好臊。壓軸ge超大T骨扒冇令我失望，成塊扒仲大過我塊面!咬落去十分juicy，建議叫3成/5成，我配左蒜蓉汁，依間餐廳ge蒜蓉汁好好食，好撈得飯，牛排五洗點汁都已經好夠味，保留牛ge原汁原味。最後，如果食飽之後，仲可以去隔離ge酒吧區飲返一兩杯，同朋友傾下計，氣氛又好，係一個五錯ge選擇