申子居酒屋

营业中

休息中

位於旺角黑布街的日式居酒屋💛。申子居酒屋是我所認知為數不多，不用扮作中立，可以光明正大地表明立場，而仍一直人氣高踞不下的高質居酒屋。人氣之所以爆燈，撇開其他紅橙黃綠青藍紫的因素，穩定的食物質素及有禮的服務態度絕對是原因之一！尤其是經過這幾年的各種紛爭及輿論的洗禮，走出半生歸來仍是少年💛，這份骨氣，已經足以值得大家的尊重。餐廳樓高兩層，主要用餐位置集中在二樓，餐廳光線昏暗但座位之間算寬敞，用餐時不會過於擠迫；另外，餐廳人流很多，坐無虛席時熱鬧非常，充斥嬉笑聲，大家彷彿都躲進了在這個暫時的防空洞把酒言歡，氣氛很是濃厚。 ⋆_____ᴛᴏᴛᴀʟ ᴏʀᴅᴇʀ______⋆° 水母刺身 $88° 極上鹽燒牛舌芯 $128° 廣島蠔鍋 $158° 海膽炒飯 $238° 軟芝士黑豚串 $48° 手作免治雞肉棒 $68° 柚子乳酸梳打 $68  ___⋆ ⋆ ___° 水母刺身 水母刺身晶瑩透亮，口感彈牙爽脆，有點像更Q彈的海蜇；雖然味道本來較為清淡，但蘸上柚子醋味道酸甜開胃，作為前菜非常滿分。°  極上鹽燒牛舌芯申子之必食菜式之一，每次必點! 牛舌外脆內軟，入口即溶，味道非常濃郁! 而且相當具有口感

申子居酒屋（Mong Kok）小編二訪嘅旺角居酒屋🏮 餐廳日式裝橫 同埋有好多港人回憶💭 係同朋友聚下嘅不二之選☺️☺️⌖ 時令鯖魚🐟💰$248時令刺身揀咗由日本直送🇯🇵 平時比較少食嘅鯖魚 擺盆好靚✨ 刺身一共有12塊 食落魚質好滑 好新鮮😉😉⌖ 特製關東煮🍢💰$108湯底用咗無激素雞白湯 飲落濃郁😗😗 有五款配料 包括白蘿蔔、蒟蒻、竹輪、年糕福袋、魚板🍥 份量都幾足 食完已經幾飽肚😛⌖ 洋風雞肉卷🐔💰$148哩款燒物其實係雞脾肉 中間夾有紅蘿蔔🥕同埋好似筍嘅蔬食 口感幾特別🤔⌖ 唐揚脆雞🐔💰$128熱辣辣食都不錯🔥 脆口外皮 肉質OK😌 隔離仲有一大碗沙律醬配😙😙⌖ 荔枝乳酸梳打💰$68清爽解渴之選🤣🤣⌖ 西尾抹茶凍鮮奶🍵💰$58用左3.6牛乳製成🥛 飲落濃滑 抹茶味好出😎😎～☻ 回頭指數：7/ 10

完全好似受騙🤦🏽‍♂️侍應有推介，買極上、另一個就半價。見價錢都唔平around $278 一個Lunch，咁我就諗住lunch食經濟啲，叫兩個$1xx定食（如圖上）嗌咗個鰻魚玉子、同豬軟骨定食，鰻魚都唔錯，豬軟骨就一般般。到埋單時候見到張單$588，我就問吓點解，個經理就同我講，餐牌上係半價後嘅價錢，如果你嗌兩個嚴選Lunch 就兩個都要正價，原來正價係$238，我就好奇問正價係$278 ，但係點解收$238，佢話之前有客反映過話貴所以收平啲😵😵收錢又唔係餐牌上價錢，又唔係收正價。都唔知呢間嘢想點🤦🏽‍♂️🤦🏽‍♂️唔知係佢講得唔清楚、又或者係我隻眼有問題，真係唔會有下次，多謝晒

有時出旺角唔知食咩好就會去申子食我all time favourite 海膽炒飯😛🥢蓬松玉子 $108玉子燒夠濕潤 切開都仲係流心 我仲加左啲落炒飯撈埋食😋😋😋🥢唐揚脆雞 $128脆雞炸得岩岩好 好juicy幾好食同埋個沙律醬係有切粒蛋白 幾有心機🥢極上鹽燒牛舌芯 $128坊間好多牛舌都燒到乾曬 成日中伏 但申子既牛舌試左幾次都好穩陣😗🥢海膽炒飯 $238每次都一定要嗌既海膽炒飯! 濃郁湯頭煮既炊飯再炒返啲鑊氣出黎 粒粒分明 再加埋蟹籽飛魚籽 每啖都脆卜卜 好好食🥰🥂波子汽水 $48🥂巨峰乳酸梳打 $68

之前已經喺銅鑼灣食過一次 #申子居酒屋🏮今日喺旺角見到有分店就即刻去咗😝 今次坐上層 餐廳環境比較昏暗 座位闊落😚鹽燒牛舌心 ＄128🐮牛舌控係要必食 牛舌粒非常厚😍 入口彈牙 完全唔韌 沾上柚子胡椒一齊食 味道更出😘石燒西冷扒 $218🥩西冷扒都好高質 熟度啱啱好😚唔知係咪用石燒嘅關係 所以燒出嚟牛肉味好香濃🥳廣島蠔鍋 $158🦪足料肥大既廣島蠔 食落軟滑Creamy廣島蠔嘅數量都好多😋😋好抵食 必食🥳明太子芝士山藥 $68🥔平時好少咁樣食山藥 估唔到食落係咁有驚喜咬落係屬爽口既口感 配上明太子同芝士非常開胃👏🏻*餐廳立場並不代表本人餐廳：申子居酒屋地址：旺角黑布街74-76號藝興大廈地下1號舖#申子居酒屋 #居酒屋 #香港居酒屋 #旺角#旺角美食

上次試完銅鑼灣分店一試難忘，今次近少少去旺角分店，旺角分店同樣人氣爆登，全場滿座。極上鹽燒牛舌芯每粒牛舌芯有厚度，燒至微微焦香，咬落口有彈性，入口好軟腍，旁邊有岩鹽同柚子胡椒，個人覺得落少少檸檬汁同埋岩鹽更好味。申子新卷壽司飯團卷住炸魚皮，上面用吞拿魚蓉、海膽、三文魚籽，鮮味十足，口感豐富。海膽炒飯一開蓋已經聞到陣陣香味，配料有海膽、魚籽、櫻花蝦，飯粒粒粒分明，呈金黃色，炒得乾身。關東煮用咗無激素雞白湯底煮，入面有日式魚片、蒟蒻、蘿蔔、野菜餅，食完暖笠笠。西尾抹茶凍鮮奶西尾抹茶顏色更鮮綠，澀味少，再用埋3.6牛乳沖泡，入口特別順滑，奶香味濃。茘枝乳酸梳打味道酸酸甜甜，荔枝味清香，飲完個人好清爽。

呢間小店主打多款日式料理，門面裝潢低調，店內有兩層，空間唔算好大，以黑色木系為主調，燈光黑暗，私隱度高，環境優雅，充滿居酒屋嘅氣氛～ 吉列三重芝士千層豚肉，淨係聽個名已經覺得好吸引，即叫即整，需要耐心等候一段時間，上枱時熱辣辣，香氣四溢，外皮炸至金黃酥脆，豚肉肥瘦適中，嫩滑多汁，配埋滿滿嘅邪惡芝士，整體層次分明，口感豐富，建議多人開心share😛火灸壽司有六小件，一口一件，三款各二，肉質新鮮，油油甘香，入口溶化，值得一讚嘅係飯量唔多，唔會蓋過肉嘅香氣，而且夾起都唔易散開，滋味無窮，值得一試👍🏻關東煮採用無激素雞白湯，飲落健康又暖胃，估唔到配料咁豐富，有QQ嘅年糕福袋、蒟蒻、竹輪卷、魚蛋同清甜嘅白蘿蔔，全部都吸飽湯底嘅精華，超級入味，加上用咗五顏六色嘅竹籤去串連，打卡able又好食，性價比幾高～ 主食有油揚腐皮蕎麥麵，熱嘅比較少食，反而幾有驚喜，麵條軟滑，硬度適中，超級掛汁，配埋大大塊嘅腐皮就最合適不過了！串燒係豚肉金菇卷同日本大蔥，前者調味恰到好處，豚肉半肥瘦，咬落juicy，燒完都唔乾、後者清新解膩，唔錯🤭

✨蓬鬆玉子 Tamagoyaki玉子嫩滑，質感蓬鬆，蛋味香濃，配上芝士、沙律醬及大版燒醬，充滿和風味。✨極上鹽燒牛舌芯 Saltyaki Superior Beef Tongue厚切牛舌芯，爽口彈牙，鹽燒惹味。✨日式雞鎚花蝦 Japanese Fried Chicken with Sergestid Shrimp金黃色的雞鎚表層沾滿花蝦，份外酥脆。✨海膽炒飯 Fried Rice with Urchins炒飯包含海膽、三文魚籽、蟹籽，口感層次豐富。✨鹽燒雞翼 Saltyaki Grilled Fresh Chicken Wing ✨白桃酒✨白真弓純柚子酒

💛 如果想喺九龍搵高質嘅居酒屋，申子絕對可以滿足到你😁💛 今次係我第二次嚟，今次坐在上層，環境比較昏暗，但都算好坐的☺️💛 海葡萄冰菜沙律 $148好耐冇食過海葡萄啦！一見到就即刻想嗌🤣海葡萄同冰菜都係爽口類，淨係食海葡萄會食到海水嘅天然鹹味。配埋蕃茄仔, 蘿蔔, 麻醬，非常開胃！💛 極上鹽燒牛舌心 $128我覺得呢個係必點！😍 牛舌粒非常厚🥹 口感彈牙，完全唔會韌👍🏼 牛肉味同油香都充分。伴碟有柚子胡椒, 海鹽,同醃菜，加埋牛舌粒一齊食，將味道提升到更高層次😁💛 申子新卷 $248好想食卷物！所以嗌咗申子新卷。上面係吞拿魚蓉同魚子，卷物入面包住脆魚皮，食落口有多重口感😋💛 海膽炒飯 $238熱辣辣海膽炒飯~ 用上加拿大海膽，個人來講都係鍾意食日本海膽多啲🙈 炒得粒粒飯香，夠乾身👍🏼 除咗海膽，仲有魚子, 櫻花蝦, 飛魚子, 本菇, 迷你帆立貝，好豐富☺️

🍻呢間居酒屋真係好受歡迎，應該係香港人都識！樓高有兩層，黑暗木系風格，燈光偏暗，就算唔化妝黎都唔驚，可以放鬆咁飲酒食野！🥚嘅蓬鬆玉子（$108）好軟綿綿，口感好滑，蛋香同芝士味十足，真係好好味啊！🐮極上鹽燒牛舌芯（$128）口感超級彈牙，有啲似牛柳粒，但係牛味更香濃惹味！真係一啖接一啖，停唔住啊！🦪廣島蠔鍋（$158）啲蠔好新鮮，有6隻，啱啱煮好時蠔肉仲係微微彈牙，配埋啲湯汁，真係好鮮甜！🐟池魚兩食（$398）刺身拼盤精美，廚師刀功一流，薄切至晶瑩剔透，入口好鮮嫩呀！🥢二食既炸天婦羅外層酥脆，紫蘇葉包住魚肉，特別香特別好食！不過要趁熱食，先保持最佳口感！🍹飲品方面，我試咗佢哋嘅白真弓純柚子酒（$78）同埋荔枝乳酸梳打（$68）柚子酒好易入口，梳打清新爽口，飲完之後仲覺得胃口好左！

雞肉卷有驚喜！海膽炒飯香口！終於食到網上超級Hit的申子居酒屋🏮，每一道料理味道都具特色，雞肉卷口感好特別，回味無窮🫶🏻. ◮海膽炒飯 $238 • ⁸ ⁄ ₁ ₀ 🎖️飯粒粒分明呈金黃色，有海膽、魚籽、櫻花蝦，炒得香口乾身，微微海膽味😇. ◮極上鹽燒牛舌芯 $128 • ⁸ ⁄ ₁ ₀ 6 小塊厚身牛舌，鹽燒入味，爽口嫩滑. ◮汁燒蒜片牛柳粒 $128 • ⁷ ⁄ ₁ ₀ 燒汁配牛柳好Juicy，算嫩滑，送飯一流. ◮洋風雞肉卷 $148 • ⁹ ⁄ ₁ ₀ 🎖️外表係厚雞皮，包住雞肉，再包裹牛蒡和蘿蔔，新穎而有好味！. ◮汁燒活白鱔 $88 • ⁸ ⁄ ₁ ₀ 🎖️外皮燒得焦香，白鱔好厚肉😚

小編7個月之前去過銅鑼灣分店，一直念念不忘他們嘅和牛燒同汁煮左口魚裙邊，今次再嚟，當然要試吓啲新嘢。◇ 水母刺身水母刺身唔多見，每次見到都一定叫，貪佢煙韌爽口，水母本身味道清淡，加上酸醋醬汁好開胃◇ 日式雞鎚花蝦外層樱花蝦炸到金黃色，入口非常香脆，特色係將墨魚滑包住雞鎚，有雞肉香滑之餘又有墨魚滑嘅彈牙，沾上沙律醬味道更佳◇ 拖羅蓉脆米餅將拖羅打成蓉仍不失鮮味，夾脆米餅可豐富口感，賣相亦好靚，色香味齊晒◇ 蓬松玉子日式料理係可以將簡單嘅玉子千變萬化，這碟做法將蛋漿同芝士混合，捲疊成蛋卷呈長條形，加上燒汁同沙律醬，因芝士份量不多，作用只係多點芝味令味道豐富，整體味道獨特，怪不得係招牌菜◇ 鮮蟹肉粥居酒屋都有粥食，好特別，仲要係蟹粥，立刻叫，用木製鍋上枱好有霸氣，打開盍陣陣蒸氣散出，溫度保持熱辣辣，蟹肉唔係蟹柳而係真蟹肉，整碗粥特別鮮甜，仲有蝦子，鮮上加鮮◇ 關東煮關東煮用無激素雞白湯，湯底清甜健康，而材料好豐富，有年糕福袋、白蘿蔔、蒟蒻、魚板等等，材料入味

呢間旺角居酒屋好有居家親切既感覺, 帶朋友來食過不下五次, 每次既食物質素都維持好好, 而且每日都有時令食材menu (e.g. 刺身/ 炸物), 所以次次都有驚喜! ⏩吉列千層豚肉卷 (三重芝士) ($253)每一舊吉列豬都分配到好洶湧豐富既芝士內涵，配上沙侓醬或大阪燒醬又綜和左佢酥炸既油膩感覺。鐘意無咁重口味既朋友，可以另外試吓佢哋既吉列蘋果豚肉卷，一樣咁酥香但多左份清甜微酸既味道呢！⏩火炙壽司 (六件) ($215)無可挑剔既壽司，質素等同高級日本餐廳！

申子居酒屋一開始系旺角，後期去到銅鑼灣都有了，兩個地點同樣方便。今次系二訪喇，去旺角店，環境比銅鑼灣店細，同時亦安靜好多。✿ 日式雞鎚花蝦 $118好耐冇食雞鎚🍗一食雞鎚一定諗起某間快餐店🤣好多櫻花蝦喺表面，炸得金黃香脆，裡面蝦膠實在。✿ 極上鹽燒牛舌芯 $128牛舌不嬲喺吾同居酒屋好受歡迎，仲要系牛舌芯🐮入口重鹽燒味及油香，牛舌芯非常有嚼勁，會令人想一食再食😋✿ 蓬鬆玉子 $108連玉子都好食過人💛玉子部分好滑，表面有大量沙律醬加日式醬汁🤍🤎內層充滿芝士🧀️同埋蛋香🍳同一般雞蛋卷吾太一樣，當然所講嘅吾太一樣系更好食🤤✿ 海膽炒飯 $238海膽炒飯相信冇人抗拒到🤤炒飯有海膽、三文魚籽、蟹籽，海膽好新鮮🧡同其餘幾樣配料撈埋一齊味道豐富。份量吾少，兩個人食吾曬呢。✿ 巨峰/ 荔枝梳打 $68用啤酒杯裝住🍻更有日式風味😆兩杯都吾太甜。

喺旺角想食居酒屋 申子應該係不二之選😌自從銅鑼灣店開咗 對大家都更方便 我就兩邊都會去 因為餐牌中每邊都會有各自嘅限定✨今次再度歸來旺角店💁🏻‍♀️▪️真鱸刺身揀款刺身開下胃 喺推介嘅黑板見到有日本真鱸🐟好少喺出面嘅食店見到有 一份有12片 好鮮甜 最鐘意個質地夠爽口▫️極上鹽燒牛舌芯每次必點🐂佢哋嘅牛舌芯處理得好好 厚身得嚟入嚟好嫩滑軟稔 簡單以鹽燒已經好惹味 ▪️蓬鬆玉子算唔算係申子嘅招牌之一呢🤔我見差唔多每枱都會叫 玉子中間係半熟狀態 好鬆好軟 配上蛋黃醬/燒汁/芝士🧀簡單而滿足▫️關東煮配料有魚餅/蘿蔔/竹輪等等 每樣有2件 食完都幾飽🤰🏻不過都無阻我飲埋個湯 湯底係好清甜嘅雞白湯 勁好味 所以配料索咗啲湯汁都好出色