生記山西刀削麵

营业中

休息中

適逢今日早收工還掂今晚無野搞就同成班同事入元朗覓食醫下肚先啱啱食完個媽媽格仔餅之後其實都飽飽地但有地膽同事繼續帶我地食好西唯有行多陣街先啦行到9點幾終於到我地既落腳點其實呢間以前都有聽過呢間啲刀削麵唔錯還掂今日難得黎到元朗一於試下先！我叫左個麻辣手撕雞炒刀削麵可以因爲自己鍾意食辣既關係佢真係炒得好香麻辣味香而不膩已經加哂分同埋有麻香既手撕雞以及配菜一齊炒有恰當比例果然無介紹錯另外我地都有叫幾款小菜有椒鹽豆腐, 口水雞, 同埋蒜泥白肉椒鹽豆腐即叫即炸唔會話上枱時凍哂而且入口即熔同鬆化口水雞係呢度既招牌菜同樣地佢個辣汁香得黎又唔會食到啖啖油而蒜泥白肉個腩肉既脂肪比例剛剛好唔會話啖啖油而且配上同樣既麻辣汁真係無得輸一人一碟麵加三樣餸6位平均一個90蚊度價錢尚算合理

終於拜完年由大陸番泥香港 即刻去左元朗搵男朋友睇戲食飯年初三其實卸有好多鋪頭未開 行來行去最終都係去左食刀削面今次已經係我第二次泥食 每次行過都心郁郁我男朋友叫左手撕雞刀削麵 手撕雞本身已經十分惹味 配埋鋪頭自家辣醬就真係冇得彈湯底好濃郁 刀削麵份量好多 一定夠曬飽我就叫左燕餃冬菇刀削面燕餃皮好薄 細細粒啖啖肉好正 冬菇就好細粒 但都幾入味～但由於係雙拼 燕餃同冬菇都係得三粒 有啲唔係幾夠喉提提大家 新年期間要收加一 平時就應該唔洗同埋如果唔夠辣 係可以問佢地拎

生記嘅刀削麵係餓jj嘅comfort food, 寂寞嘅時候就會搵佢慰藉，就係貪佢夠旺場，總要搭檯，感覺好似有人陪咁囉好彩今日拉左個朋友黎同我食，兩個麻甩仔一於一齊食碗麵天氣咁熱餓jj唔想食湯麵，就叫左撈麵配料有豬大腸，手撕雞，叫左小辣～ 手撕雞值得一提，唔好見佢白雪雪乾爭爭，其實好入味！拉麵條口感一流，份量超多可惜小辣係完全唔辣，有點美中不足朋友都係叫手撕雞，都係小辣，餓jj偷飲佢一啖湯，好似辣過我個撈麵...唔公平呀刀削麵係新鮮手制，食得出果份誠意見到其他食客好多都叫小菜，餓jj見到都好想試下次一定要試呀！

今日約了朋友行山 出發前決定去吃很久沒有光顧的刀削麵！ 每次去元朗也會有衝動進去吃那寬寬而且煙韌的手工刀削麵 這次叫了香茅豬扒和豬軟骨刀削麵 熱騰騰的湯底帶著香辣撲鼻而至 襯托得麵格外飄香非常喜歡中式的麵碗 帶出濃厚中國風 叫了微辛辣的我試試湯底 感覺有種貨不對版的心情 湯頭太淡 辛辣味與湯底像兩個陌生人相遇 有點尷尬再試刀削麵底 我覺得煙軔度是足夠的 但應是煮得火喉太過 整體偏軟 比起之前吃的少了驚喜和滿足 希望下次來時可以找回從前的味道🙂

此店於元朗應算是薄有名氣，加上川菜大行其道,呢間店做水煮魚呀⋯⋯酸菜魚呀⋯⋯做到好旺場，難得星期日去到即時有位，坐位唔見得會好迫既，好,三人行，三人都不好辣，叫了尖椒皮蛋對於不太食辣既人黎講，辣度ok既，係入口麻，到喉嚨辣果種。炸饅頭唔使講la，做到新鮮熱辣就ok。咁呢樣嘢做到既唔⋯魚泡唔un夠肥美，但辣到真係發滾，所以自問真係無本事挑戰，投降。餃既味道可以，皮有煙un感覺但真係厚得滯，一件起，就兩件止呢碟刀削麵個人好鐘意，炒得都算乾身，面質煙un就不在話下，不過其實都要鐘意食濃味既，先會食得暢快，否則可考慮食湯既會較好。總括唔算好平但都唔算貴份量見得人，味道都係偏濃（川菜ma）都食得過既

琴日上左大陸試酸菜魚唔好食🙈今晚再同屋企人響元朗搵黎試，黎到生記之前都想試好耐，一路都係叫刀削麵食未試過其他，就叫左個細酸菜魚小辣同粉皮食啦，粉皮方面就覺得一般，見到咁紅初頭都驚勁辣，好彩得個樣🙈不過就好油啦。等多一陣，主角出場🤔第一下鍾意佢熱辣辣上枱，都值得加分！因為大陸食果度無ge，之後食落覺得都唔錯🤔鍾意夠酸同小辣，最後發現粉絲👍🏼唔錯，不過咁大盤🙈兩個人食唔灑，應該多d人食會更加好，可以再試多d

行完山係大棠出番黎元朗，餓餓地就諗住搵間有麵食既餐廳。行行下黎到大馬路呢邊，醒起呢間刀削麵之前經過好多次都未試過，就入去試下。叫左日式野菜撈刀削麵，有芽菜、椰菜、紅蘿蔔絲、青椒、番茄，有番茄因為我揀左番茄汁，另一個選擇係麻辣汁。btw 番茄汁好出色👍加埋個醋，酸酸地好開胃 刀削麵好有咬口，煮既時間拿捏得好，份量足而味道夠，不過油左少少，雖然全部係菜，但都算重口味。整體黎講唔錯！

本人係非常喜歡食麵的，無論係咩麵都鍾意食，咁有日行過ｅ間野，見到招牌係刀削麵，心諗香港地都好少ｅ類舖頭，於是就入去試下啦。望完個餐牌，見到有手拉拉麵，重正，於是我就叫左個牛肉炒拉麵啦！拉麵，到左，牛肉就係得面果幾舊，聞落去就好香啦，咁就試下啦，第一啖，麵質好彈牙，佢每條麵條粗幼都唔同，好明顯係手拉呀，手拉拉麵香港真係比較少有！食落去就感覺到味道濃左少少，都有ｄ味精，但係都唔錯，ｄ牛肉都煮到硬左少少，相信我下次好快會黎試佢個湯麵。

媽咪中意食刀削麵，之前食過一次都幾好，就再黎食啦。今次，非常失望。唔會再黎幫襯！叫左湯麵同撈面，兩者都係鹹！除左鹹，真係食唔到其他味！好像食緊鹽咁。連d 肉都無味撈面叫小辣，都無咩辣味。另外叫左個酸菜魚，用既係大頭魚，都幾多骨，好重味精，屋企人食完翻屋企要不停灌水。$168 食呢盆野，真係唔太抵食叫碟小菜，等一個鐘都未黎，唸住取消，直接買單。個阿姐仲要惡過你。不過食呢d 都無要求服務態度，今次餐飯都係經過餐廳廚房，在入後巷食，環境就真係一般。

元朗，出名美食多。但今日卻走進了一間又貴又難食，仲要無衛生既餐廳。初時被刀削面吸引左入黎，叫左個下午茶，香茅豬扒刀削面，熱檸水。碗面上黎既時候，豬扒得4小塊，一塊仲連住個大骨。以$36喺元朗下午茶既價錢，唔抵食!心諗，如果好味都算。點知食食下發現條生菜有條頭髮(希望唔係其他毛髮)夾雜住，當堂咩胃口都無晒。連衛生都沒有的餐廳，不要光顧!

麻辣野真係食極都唔厭，今日就黎山西風味！入到舖頭已經聞到好香麻辣味!雞翼撈刀削面次次都唔記得叫佢走青瓜同蘿蔔絲呢兩絲都係無煮過就甘刨完上碟，我接受唔到雞翼新鮮炸起，但味道無特別。 叫左小辣，真係好欣賞隻辣醬， 小辣已經好麻好辣絕不欺場。 刀削面都有一定長度唔會碎濕濕，我中意面條厚有口感！但講真食完都幾口渴， 應該落左唔少味精撈刀削面另外會有個湯， 味道同清水無分別。我唯一諗到就係如果辣得濟， 拎黎浸一浸吧啦跟餐送阿華田

嘩嘩嘩！刀削麵係我既至愛，咁岩做野經過就試下啦～ 原來生記有四間分店！我叫左雞翼刀削麵餐，$36 包一杯野飲。落單後五分鐘來左個面，叫我食住先，雞翼後上！ok. 慢慢品嘗，超好味，軟硬度適中湯汁好食但個雞翼等左我四個字，我碗野都差唔多食哂先來，仲要好瘦的，無咩肉，不過味道係好既，烤得好入味。比好評係比碗麵咋

曾到訪山西晉城2次，那是明清時期古城，山西地貧，種不出，牧不來，只能經商，久之有了晉商的名號。山西菜就是缺乏資源下發展出來。刀削麵可算是山西特產，甚是懷念。香港少有山西菜餐廳。生記是其一，多年前發現，初時只有一家，現增多2間分店。人說分店多，味道差，看來此店走不出這定律。現在的手撕雞刀削麵，減去往日風味，湯淡，中辣不辣，麵削得厚而無味，手撕雞亦如白焯。反而，雞翼撈刀削麵還好，撈汁有味，但不搶風頭，雞翼炸得好，外脆內熟。送餐飲，但量少。另有口水雞，不辣不辣，口中嚐甜，懷疑下了砂糖。幾許山西風情，只能回味。*座位改成無椅背，坐得辛苦**地下痴立立

今日又入元朗覓食大概兩點鐘到元朗，可能過左午飯時間，無需等位直得一提既係：呢度既刀削麵每碗都係客人order完，師傅即削的今次我點了手絲雞湯刀削麵，男友點了中辣豬扒炒面麵無疑係好食既每條面既粗幼都不同，有d厚有d薄，麵條灣灣的。好煙un同彈牙個湯就略喊，但加埋d菜同配料，好香口美中不足既係個雞肉無咩味。個炒面一上到台已經聞到炒香味，好吸引因為唔係好食得辣既關係，我只係食左淡麵，麵條好爽好好味～配埋佢炒香既味道～令我流口水平均50蚊一個人連埋杯野飲，性格比高個麵係人手削/拉 已經值

是晚練歌前醫醫肚~未去過山西,但一直都好中意刀削麵今次朋友帶我來元朗大馬路呢間正宗山西麵試試未去先開飯~同朋友叫左2款特別嘅做法試試我叫的是炒刀削麵肥腸炒刀削麵 $40呢款幾特別，逢係炒野都考師傅個擭嘅火候~呢種適5適合咁煮，係得嘅~食落由於麵厚，5會吸左好多油，都係沾了點在面上，炒得金黃色肥腸好夾，帶出濃味嘅配搭！朋友個款係乾撈,叫的是 紅燒骨乾拌麵 $38,呢款就麻麻地適合咁做， 吸5到d汁，而紅燒骨乾乾地食有點怪，下次叫返濕麵