甘棠燒鵝

营业中

休息中

朋友為了食燒鵝，特地約我哋去南華會打保齡😂同一般金錢雞有少少唔同，上面係雞肝、中間夾塊馬蹄、下面係肥肉，食落爽爽哋冇咁油膩。略嫌唔夠蜜汁，甜啲更好。隻鵝本身唔肥，只有少少肥膏。肉質嫩滑，醃料唔會蓋過肉味。近脾部位啲皮仲係少少脆已經好少地方食得到我懷舊菜式。魚肉加豆腐一齊蒸，雖然上面有果皮絲，但魚肉仍有腥味；豆腐偏硬，同我兒時用嚟撈飯的質感差好遠。朋友唔想食叉燒，所以叫咗燒腩仔。普普通通，啲皮唔係特別脆。問我會唔會再嚟？如果專登就唔會，因為價錢貴，又唔係特別好食。下次有機會多幾個人或會試吓琵琶鵝，見隔離枱食幾靚

個人建議燒鵝同叉燒二選一就好啦，兩樣菜一齊點真係漏，基本食兩舊就已經滯到食唔落我就建議大家揀叉燒，好送飯，不過肥叉燒好似話要提前預訂先有，燒鵝唔係話唔得，真係太肥膩，食唔慣

同幾個F行完街街，有朋友提議話嚟甘棠，甘棠最出名係燒鵝，嚟到唔洗講嘢，肯定叫返隻燒鵝啦話係新鮮出爐，但係食落唔多脆口，真係令人大失所望，肉身都係麻麻哋，整體感覺都算OK嘅，但係就唔係好值得呢個價位囖

做完嘢霖住試下一直想試嘅甘棠，叫咗份陳皮燒鵝，肉汁多，不過皮唔夠脆，唔夠入味，同埋果陣果香覺得怪怪哋。叉燒就係夠水準嘅，又厚又鬆化，一到起落，絕對值得一試。不過性價比就見仁見智啦

燒鵝太肥膩，基本上食兩舊就已經滯，啲皮筷子一夾落去好多油，叉燒反而可以食多幾舊啲例湯太鹹了，唔知係落得鹽多定係味精多我覺得碟油菜炒得幾滿意，同埋建議燒鵝最好堂食，打包返去之後凍咗就唔好食

連續兩年，打電話訂燒鵝，講好時間攞燒鵝。連續兩年嚟到，都係話俾你聽冇燒鵝，叫你等半個鐘頭至一個鐘頭以上！如果冇得訂燒鵝，為何會有得訂燒鵝呢？如果各位需要訂燒鵝，最好不要在這裏訂。Walk in有就有，唔好有期望！

啲夥計眼角真係高，個場明明都唔係好爆，叫幾次都冇人理，難得嚟到就好晦氣咁問你食乜好似趕住時間轉場Happyhour咁。之前人地話甘棠服務跟唔上，今日一見果然名不虛傳，咁樣搞食龍肉都冇味，

燒鵝頭斬得麻麻，碎骨稍微多咗少少，汁水唔係好夠雞潤好鞋唔夠嫩滑，叉燒就幾好，完全係我鐘意嘅口味打包個燒鵝走，唔知係咪包裝果時唔小心，成個打包盒都係油，返到去先發現- -，瞬間冇晒食慾

服務員有冇咁大支嘢，order個鹵水鵝肝話賣晒，問佢要幾時嚟先有得食佢話叫我早啲，咁早啲即係早到幾點又唔講，問下有冇其他推薦又掟張菜單過嚟叫我自己睇，大佬如果我有心水就唔洗問你啦係嗎？

甘棠燒鵝係以創辦人甘先生同燒味師傅棠哥命名。甘先生是鏞記甘氏家族的一份子，棠哥則是舊時鏞記酒家的燒味部師傅，延續了鏞記的質素和要求，出品自然不在話下。我已經回訪過甘棠數次，尤記得初次拜訪時品嚐的甘一刀叉燒，簡直震撼了味蕾。😮甘棠的叉燒，採用了西班牙黑毛豬製成，肉香更為突出。而🔸甘一刀叉燒🔸則選擇了肥瘦相間的部位，厚約5釐米，燒得外焦內嫩，邪惡至極。每一口都充滿油香，不用太多咀嚼就融化於口中，是一試難忘的口感與味道。甘一刀叉燒，是暫時吃過最好的叉燒，即使一些摘星的米芝蓮中菜廳，也未必去到如此水準。但一塊就剛剛好，多了就會膩🤣除此之外，🔸琵琶鵝🔸也是令人振奮的一道菜式。琵琶鵝以特別的方法燒成，呈上碟時鵝身打開，鵝頸翹起，恰似一把琵琶，故此命名。琵琶鵝的皮比一般燒鵝皮來說更為香脆挺立，那程度簡直如薯片一樣！肉質也是嫩滑，十分出色。嚐過鵝肉，來到甘棠必須要試的還有🔸一品鵝雜煲🔸。鵝雜煲叫價不菲（與一隻燒鵝差不多價錢），但值得一試。煲內有鵝腸、鵝紅、鵝肝、鵝翼等材料，燜煮過後與醬汁融為一體，如果愛豬紅的朋友，你一定會愛上鵝紅，因為它的口感十分順滑，說不出的美妙的感覺。不過鵝肝稍微失色，長時間烹煮

服務同其他負評一樣，亦即係冇服務，服務員會對你視而不見，買外賣會容許後面既師奶打尖，食物就普普通通，而且地點非常之唔方便，其實好食既地方大把，唔一定要搵哩間餐廳

家中兩位六月之星生日，超過兩個星期前已訂好甘棠燒鵝。知道餐廳地方有限，早一日已經特登打電話去confirm 張枱，仲問有什麼餸要預訂，仲知道切餅費是$50。點知。。。。今晚已經提早到場，佢哋話我哋唔係用所留嘅電話號碼confirm, 就話我哋冇confirm，完全唔肯承認錯誤，話唔係佢哋嘅問題，又無盡力安排方案！其實餐廳地方幾大一眼見曬，發生咗咁不幸嘅事只能夠慨嘆一句唔好運，但係餐廳經理一d歉意都冇，仲怪我哋話用訂枱電話搵唔到我哋，但係我哋明明就confirmed 枱！根本就係佢哋內部溝通有問題。呢啲咁嘅服務質素及態度，啲嘢幾好食都無用，更何況我哋未食過，都唔知啲嘢係咪真係咁好食

今日同太太星期日嚟食午飯, 諗住叫兩個例牌燒味食豪啲. 叫咗鴨胸例牌, 點知嚟咗個 鴨背例牌 落單錯咗, 話即刻換畀我, 跟住就冇曬蹤影. 食完叉燒 食曬碗飯 同撈麵 都仲未到 同經理吹咗好多次. 佢都話吹緊廚房 落咗單 40分鐘 都斬唔到碟鴨胸例牌. 廚房好似好忙, 但係不停出啲外賣嘅單 其實係咪應該照顧咗 堂食嘅人 先至照顧外賣呢? 見到無了期等候 , 最後頂唔順 取消 鴨胸 埋單走人. 經理一啲唔好意思都冇. 好失望. 啲嘢係好食, 但收得咁嘅價錢, 服務水準真係不合標準.

OMGthe char siu is the best in Hong Kong so farI can eat this dish ever single day All the food taste really good 喺南華會入邊不過入去食飯唔使會費

💥鏞記師傅名不虛傳🫶🏻📍甘棠燒鵝｜銅鑼灣📍人均消費 $ 5 X X#CL銅鑼灣 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️同事聚餐最後揀咗去遠近馳名嘅甘棠燒鵝💗準備一齊膽固醇超標🤣🤣💟甘一刀肥窿叉燒 $180一人食到一舊🫶🏻真心好脆好肥同埋有bbq黑邊😝男同事話勁好食，女同事就覺得太肥膩，👧🏻就覺得好間唔中食一次係唔錯，係比平時嘅叉燒香口💟西班牙豚肉叉燒 $150呢個係薄切同上面既肥窿叉燒 好大對比😋呢款食落口勁淋身比較重豬味👍🏻女同事投哂呢個票😂💟滷水法國鵝肝 $100 （2片）平時鵝肝都係食開西式整法，呢度既鵝肝都尚算入口即溶，但比起西式就有啲失色🥹💟燒鵝全隻 $630估唔到會有由棠哥送上獅頭鵝整隻過黎比我地影相打卡先😝跟著再拎番入去切😍隻鵝少肥啲皮好香好脆，淨係食肉又唔會鞋口痴身，大推薦👍🏻💟枝竹火腩炆斑頭腩 $280呢個係喜出望外嘅，估唔到除咗燒味之外，魚都咁出色😎班頭腩炸得脆卜卜，汁夠乾身，仲有勁滑豆腐同吸汁腐皮😊🤟🏻不負責任點評好味道🌕🌕🌕🌕🌑性價比🌕🌕🌕🌑🌑回頭率🌕🌕🌕🌑🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️