瓏門冰室 (已結業)

讲开尖沙咀食常餐既地方，一定会数到珑门冰室。位置于金马伦道，位置几方便。其实以前各区都曾经开过好多分店，但而家净返呢间，希望佢仲挨到下。由早上七点到十一点半都有早餐供应，主要分为双𩠌面餐、芝士玉子餐、欧陆滋味（姐系扒餐）同常餐。今次去到叉烧卖晒，最后拣左雪菜肉丝汤米线 配 炒蛋白、芝士肠、奶酱厚多士（$39）。炒蛋白仍然系咁大份，有时食下净蛋白感觉好似健康啲。奶酱多今次烘得㶶啲超香口，不过就唔算太多花生酱同炼奶馅。主菜黎讲我最钟意瘦叉，其次系雪菜肉丝，以前既雪菜系好青绿既新鲜菜整既，今次既雪菜就变左普通，好想食返之前𠮶种。面底可以免费转通粉/意粉/米粉/公仔面/米线，无论边种都系偏淋，如果想食硬身啲记得扬声！珑门既早餐选择系好多选择同好大自由度，主菜、配菜钟意点转都得，间中都好enjoy呢种自由！…查看更多

由于之前试过下午茶好多选择，又觉得几好味。所以谂住今日去试，点知坐低后餐牌得三送饭同埋大约六款下午茶餐选择非常少，再问服务员，佢答餐牌有就有，冇就冇得呢啲，其他三文治，汤面咁基本嘅下午茶食物完全冇得食。谂住坐低左费事起走好似唔系几好，最后拣无可拣之下叫咗碟鸡翼炒乌冬，黎到冇镬气鸟冬白色冇色水，但识落几好味因为好重味精，真系任何一间茶餐厅都好睇同好食过佢，谂住杯冻柠茶少甜应该冇问题啦，点知一样难饮到爆，来到系冻柠茶多甜，想叫侍应换过但全场冇人，要行出去水吧换，一次算了唔会再帮衬啰。另外三𩠌饭份量少，任何一间三送饭店都俾佢好食。话说乌冬嘅味精重到我夜晚都好口渴…查看更多

平时同女朋友出开尖沙咀 谂唔到食咩 就系佢 今日行街行到攰攰地 就入黎食个early dinner48蚊! 抗疫套餐 系哩个时候食 真系够哂Feel呀! 晚市又冇得食 工都可能就黎冇得返吉烈猪扒餐蛋饭货真价实 大大块吉列猪 仲大过我块面呀差D靓仔太阳蛋一只厚切午餐肉半块仲有诚意调配既浓厚甜豉油 真心高质吉列猪够哂脆口最后仲要连汽水加冰分开上 48蚊 尖沙咀咁既价真系有今生无来世之前另外都以经试个吉列鱼柳 质素一样无得顶趁疫情价真系要食多几餐 虽然可能有排都完唔到 真系有排食…查看更多

珑门虽然而家剩返一间尖沙咀店，但都算系一间几唔错嘅早午餐食店。之前同附近工作嘅朋友约食午饭，黎左呢间位于金马伦道嘅珑门冰室。睇睇餐牌，好多选择，望落有平有贵咁，但其实佢嘅食物都系比正常茶记贵。因为午市都多人帮衬，人手又比较少，睇得出餐枱唔系话好干净，但值得一赞嘅系有齐消毒液同餐纸畀客人自己清洁对手同枱。1. 珑门极上牛肉饭上枱第一个反应系觉得份量比预期少，明明唔系焗饭，但用个焗饭兜装，而个焗饭兜又比普通茶记细一个码。不过，食落口系好味嘅。牛肉嘅比例比白饭多，食落就好似食紧日式牛丼咁，d牛煮得啱啱好，唔烂，有烧汁味。2. 茶走呢杯茶走做得好出色，炼奶同红茶嘅比例好好，唔会太甜太溜，亦都好滑好香！埋单每人58蚊，个人觉得呢个份量同个价钱唔太成正比，有少少偏贵左，但又唔觉得食材比较好，如果价钱平返少少，将会系一间好好嘅港式餐厅。…查看更多

特登同女朋友去试 龙门冰室独有「红豆西多」。据我所知只此一间有此特色食物，所以令我特别兴奋。下午茶时段来到，叫了一份「蛋冶、热奶茶」，另一份 「红豆西多」加红豆奶茶，自制红豆宴。蛋治正常水准，炒蛋嫩、面包软稔。热奶茶冇问佢好唔好饮。「红豆西多」看上与正常的西多外貌无分别，但一切开，见到大量红豆蓉成半涌状态，红豆粒软稔，甜度适中，加上暖暖的炸面包一同放入口就成为超邪恶嘅美食，而且口感软绵绵令人不禁一口一口地将它放入咀巴，超正！「红豆奶茶」红豆够多又绵、奶茶浓香够滑，有水准。吃了一顿令我感到超开心嘅肥仔餐。…查看更多