瓏門冰室

瓏門雖然而家剩返一間尖沙咀店，但都算係一間幾唔錯嘅早午餐食店。之前同附近工作嘅朋友約食午飯，黎左呢間位於金馬倫道嘅瓏門冰室。

睇睇餐牌，好多選擇，望落有平有貴咁，但其實佢嘅食物都係比正常茶記貴。

因為午市都多人幫襯，人手又比較少，睇得出餐枱唔係話好乾淨，但值得一讚嘅係有齊消毒液同餐紙畀客人自己清潔對手同枱。
1. 瓏門極上牛肉飯

瓏門極上牛肉飯

$58

上枱第一個反應係覺得份量比預期少，明明唔係焗飯，但用個焗飯兜裝，而個焗飯兜又比普通茶記細一個碼。
不過，食落口係好味嘅。牛肉嘅比例比白飯多，食落就好似食緊日式牛丼咁，d牛煮得啱啱好，唔爛，有燒汁味。
2. 茶走

跟餐

呢杯茶走做得好出色，煉奶同紅茶嘅比例好好，唔會太甜太溜，亦都好滑好香！

單據

埋單每人58蚊，個人覺得呢個份量同個價錢唔太成正比，有少少偏貴左，但又唔覺得食材比較好，如果價錢平返少少，將會係一間好好嘅港式餐廳。