瓏門冰室

難得嚟到唔洗排隊🥺入座後可以慢慢同朋友傾下計，欣賞吓牆上嘅畫同擺設，等食物嚟，因為鐵板餐要花多啲時間！星級雜扒 $105西冷扒、雞扒、英式腸、煙三文魚、炸帶子配飯西冷扒勁大塊，肉質鬆軟腍又入味😋雞扒肉質嫩滑，都喺好大塊😂要另外搵隻碗仔盛著塊扒🤣成個餐份量好多好飽肚☺️☺️細肚仔可以share一個，然後叫個菜😂紐西蘭羊架拼香草腸 $105店員話好少人叫呢款餸😂鐵板上枱時仲熱辣辣，快手淋汁先得🤪🤪羊架2大塊，勁大舊肥膏都好軟熟🤤其中一塊較腍，有少少羊羶味，底部喺脆脆薯條，仲有蕃茄同西蘭花，中和返油膩感覺👍🏻芝士焗西蘭花 $30西蘭花應該喺過咗一過滾水再焗芝士，芝士好香軟，而西蘭花好爽口好清嫩😂…查看更多

同男朋友行完歷史博物館好肚餓，於是四周圍搵下有冇啲咩食……經過呢間餐廳，見到好多人喺度排隊！！仲要排隊嘅全部都係講廣東話，呢個情形喺景點遊客區嘅尖咀係好罕見嫁；而且香港人出咗名識食，所以咁多香港本地人都黎排隊嘅餐廳，相信一定係好值得推介！入到餐廳，發現真係除咗食物好好味之外，啲店員仲要好有人情味，播嘅音樂仲要係本土音樂～成個感覺好有「香港精神」，真係抵老闆咁好生意如果想體驗下地道嘅香港風味，支持本土餐廳，真係值得嚟呢間！好多雜誌都推介「流心奄列餐」，咁嚟到呢度冇理由唔嗌佢！配搭嘅汁方面，見到有「龍蝦汁」（好少餐廳有龍蝦汁揀㗎），我哋就揀咗佢。結果出到嚟，估唔到超級有驚喜！因為龍蝦汁嘅味道同蛋好夾啊！龍蝦汁有鮮甜嘅味道，但濃郁得來又唔會搶咗蛋嘅味道！ ！ 如果嗌呢個餐，10分推介揀龍蝦汁！（我哋嗰日食食下，就聽到龍蝦汁賣晒，真係好搶手！）另外，我哋仲叫咗「龍門三扒」，有牛、豬、雞扒。睇吓下面張相，真係份量超級大！ ！ ！當我地食完牛扒，再食埋個豬扒，剩低嘅雞扒同薯菜，仲可以做一個完整嘅雞扒餐！（笑）所以係一份扒餐嘅價錢，食咗三個扒餐！仲要係尖沙咀區， $70食三個扒餐，真係講出黎都無人信！值得一提嘅係，雖然佢價錢咁平，但扒餐質素一啲都唔hea！無論係牛、豬、定係雞扒，雖然份量大，但廚師仍然控制個火候得非常好無煮老到，啲肉質仲係好嫩口！特別係個雞扒，真係要讚一讚，厚皮燒得好靚。我平時唔識雞皮，都忍唔住食咗。最後值得提一提嘅係，佢嘅「菠蘿冰」，原罐七喜上得黎，仲要係俾足半杯菠蘿！一路飲嘅時候，一路就食到啖啖鮮甜菠蘿！真係勁好飲！咁好味都係加$7咋！我哋另外仲嗌咗「芝士焗西蘭花」（本身係嗌「黑松露芝士焗雜菌西蘭花」，但又係好快賣曬），同「奶茶紅豆冰」。前者好適合鍾意芝士嘅朋友；後者嘅味道好配搭。哩兩道嘅味道其實都唔錯整體嚟講，呢間餐廳嘅性價比好高， 10分推介！…查看更多

今日在尖沙咀逛街，又到晚飯時間，行經龍門冰室，覺得經濟又啱食，便入座了。我們被安排坐卡位，坐位寬敞舒適。我們點了兩個晚飯套餐，有三種類別，價錢會因類別而有所不同。每款套餐都配有餐湯，多士，小菜，白飯和餐飲，都只係七十元，真心覺得佢抵食。餐湯很大碗呀，濃稠度適中，不是普通忌廉湯，有粟米粒和蜆。烘厚多士呀，竟然是這麼大份。很惹味，調味恰到好處，最怕一味得個咸字，而且牛仔骨軟腍不嚡口，師傅還加上三色椒作點綴食肉當然要有菜啦，叫一煲什菜煲就啱曬了。很大煲呀，蔬菜新鮮翠綠，味道清甜。有很多蜆肉，使上湯更鮮甜。雞翼炸至金黃，外脆內嫩，外層有蜜糖汁，去一去油膩感我們就連小食都係菜新鮮熱辣焗起，很翠綠爽脆芝士如果再多啲會更吸引。再加上一杯熱鮮奶和椰汁紅豆冰，真係很飽，我們其中一個餐更要走飯呢…查看更多

突然好想食茶餐廳，所以就入左黎了。其實都無咩特別期望啦，點知又真係幾好食😂。因為朋友係魚素食，所以就只係會食海鮮同齋。我地一齊叫左個紅燒汁鮑魚仔茶餐同埋一個至尊海鮮鐵板。我地仲心諗，邊會真係有鮑魚，點知真係有，仲幾大隻，仲要有五隻！同埋，又軟身又入味！個公仔麵啲湯可能因為有啲鮑魚汁，變得好鮮味，我唔小心連湯都飲埋。麵係較熟，我覺得岩岩好！仲有個蛋，因為我比較鐘意較熟嘅蛋，所以佢個炒蛋岩晒我！仲有個湯好似真係用金寶湯煲出黎嘅，咁成半咪好貴？個至尊海鮮鐵板好足料，3隻青口、4粒帶子仔、4舊大蝦仲有魚。黑椒汁好傳統，我好耐無食過港式黑椒汁突然食返又覺得好好味。鐵板夠熱，係渣渣聲嘅。伊間餐廳加3蚊可以飲到Arabica 豆嘅latte，咁就一試啦。味道又唔差喎，偏nutty，同埋加3蚊好平。我地另外叫多個芝士焗西蘭花，西蘭花有汆燙過再焗，幾腍，所以覺得幾好食。值得一提，有個高高瘦瘦嘅哥仔好好服務。我想要杯溫水，佢突登向杯熱水入面加左三粒冰俾我，又真係整到室溫，個人笑得好誠懇！總結：強推鮑魚公仔麵。真係無違反商品說明條例😂。好抵。…查看更多