瑞記咖啡

营业中

休息中

剛好在附近辦完事情後想tea 一tea， 想起這家店，便慕明上嚟試試，點了樽仔奶茶和餐蛋治這兩樣茶記必備的名物，結果令人失望，衹因蛋不香不滑，奶茶唔夠香濃，飲品和食物 真是普通過普通，性價比較低，名過其實，不值得專誠來試

瑞記咖啡係上環街市一間歷史悠久好有舊香港風味嘅茶檔☕️🇭🇰有名西多士更被傳媒評為十大必食西多士?🤩✿西多士有別於常見嘅西多士做法😋平時多以沾滿蛋漿後炸至金黃色,放有花生醬/糖漿🥜🍯而瑞記做法是把兩塊方包加入蛋以煎的方式製作,再淋上滿滿煉奶🍼🧈食落鬆軟好有蛋香味🥚吐司邊位帶微微燶邊脆口🍞但稍為覺得整體頗油✿蛋牛包是烘脆嘅長型餐包🥖包感外脆內軟入面夾有蔥花牛肉蛋🥚不缺牛油香🧈簡單經典好食👅✿鲜牛麵味道正常發揮🍜牛肉煮得剛好,食落幾爽口🤓牛肉份量都也不少✨✿樽仔奶茶特別在於形式上是以玻璃樽呈現飲落奶茶夠絲滑,但略嫌茶底唔夠濃,甜度亦偏甜(甜度固定)🤓雖然用料簡單♨️但這香港地道懷舊茶檔總是別有一番風味❤️💫西多士 French Toast $33蛋牛包 Corned Beef and Egg Bun $23鲜牛麵 Beef Noodles $33樽仔奶茶 Bottled Iced Mike Tea $22

食得多西式咖啡店，今日就食返間位於上環街市既本土港式咖啡店「瑞記咖啡」西多士唔係平時浸滿蛋漿後再攞去炸個款西多士，呢款係以煎既方式，雖然口感無咁油膩但蛋味欠奉，淋上滿滿既煉奶，但我都係較喜歡糖漿既配搭多d蛋牛包烘脆左既包皮外脆內軟，雞蛋+咸牛肉+蔥花，熱焫焫，又香又好食樽仔奶茶奶茶我真係少飲無咩研究，茶味香濃，奶味唔算好重，甜度亦都無我想像得中咁甜，幾好飲喎上環街市地方狹窄，枱亦都唔多，加上湧現左大量小紅書既人黎朝聖，蛋牛包同奶茶係不錯，但個西多士有d失望，其實香港都仲有好多地方有呢個質素既，去一次就好了

西多士 $32  呢款西多士散發住濃厚嘅蛋香，明顯用咗好多嘅蛋漿製作。佢係用煎嘅方式，比起油炸健康好多，口感都更加酥脆，完全唔油膩。再加上豐富嘅煉奶，奶香四溢，令人十分滿足。🍴腸蛋麵 $33  呢道腸蛋麵完美呈現咗傳統茶餐廳嘅味道。特別要留意，麵入面藏咗一小包麻油，記得食之前加埋去，以增添風味。⚠️蛋牛治 $22  呢款三明治帶有淡淡嘅芝麻香同牛油香，餡料份量都好足，真係可以食飽肚。樽仔凍奶茶 $20  呢杯凍奶茶茶味相當濃郁，對於鍾意甜味嘅朋友嚟講，可能會覺得有啲唔夠甜。不過，呢杯真係好地道嘅港式凍奶茶，值得一試。🥤

樽仔凍奶茶 $20茶味比重較多嘅奶茶。對螞蟻人嚟講甜度就可能唔夠，但係一杯好港味嘅凍奶茶。🥤西多士 $32好有蛋香，一定係佔滿蛋醬🥚。似係用煎嘅形式，比起油炸少好多眾惡感，仲有脆脆口感。一啲都唔油膩，會俾好多嘅煉奶，充滿奶香，十分滿足🍴！蛋牛治 $22包有少少芝麻香，仲有啲牛油香🧈，餡嘅份量都俾得好多，絕對可以食飽肚。腸蛋麵 $33傳統茶記嘅味度。記得留意麵入面會藏會一細包麻油，記住落呀⚠️！**值得一提，同店員落得嗰陣佢哋唔會mark底，聽完就即刻入去廚房講。全程冇mark過任何嘢，但到埋單嗰陣又真係記到又計得啱😲！！

原本日日假期諗住過去試吓網上係咁嘅瑞記咖啡 。點知換來嘅係，浪費時間 真未去過特登去 奶茶變做清補涼 牛肉麵啲公仔麵好似糊仔咁唔知煮咗幾耐 總之好難食香港地嘅奶茶都好過佢

瑞記屹立香港超過半個世纪，香港懷舊風味，出名的樽仔奶茶，香煎西多士被傳媒評為十大必食西多士食店。聞名已久，多次星期日經過都是休息，今次星期六终於試到了。店舖上貼有红對聯寫着奶茶稱霸，咖啡稱皇。下午茶時段咖啡巳經沽清，只有奶茶同鴛鴦。每枱都必叫西多士，配樽仔奶茶，加一個鲜牛麵。鲜牛麵很快已到，但牛肉有些少韌，麵質入口不夠爽滑。慕名而來的樽仔奶茶，又不似预期，只是無冰，保持原汁原味。邪惡的香煎西多士＄32- 似油浸西多士，麵包滲着不停番煎西多的油味，難道這個味道就是神级煎西多士的味？上枱已立即食西多士，食了半份，餘下的已經是油浸透麵包西多即叫即煎，店員忙碌，order 不停，可能令水準有差别。服務方面，毋庸置議

呢間係一間喺上環熟食中心好出名嘅茶記😛 幾有本土特色☺️🌟🥞西多士 $29呢個招牌西多士同出面嘅西多有啲唔同，雖然冇咁金黃色同冇花生醬，但係食落蛋香味就更加香濃，面包質地係帶少少脆但更加突出嘅係面包嘅軟熟，加埋煉奶甜甜哋又冇咩負擔，忍唔住一啖接一啖😋🌟🧋樽裝奶茶 $18我覺得好飲嘅港式奶茶最重要嘅特色係茶底香而且絲滑，呢度嘅奶茶兩樣都做到，熱熱哋嘅天氣下飲到咁香濃又凍嘅奶茶好正😚🥪蛋牛治 $20呢度特別用左蔥蛋超香，加埋碎牛嘅鹹香同烘脆左嘅多士，雖然餡料唔算厚身但係都好滿足☺️📍瑞記咖啡 上環皇后大道中345號上環市政大廈2樓熟食中心17號舖🍽️ 7.8/10

午餐時間，可能人手不足吧，等座位大概要10-15分鐘，等下單要5-10分鐘，再等東西上桌要10分鐘，所以不太適合趕時間的上班族。《樽仔奶茶/咖啡》因為本身是凍的，沒有加冰，所以喝到最後也不會變淡，好喝。《鮮牛肉蛋麵》其實味道不錯，只是沒需要特地來吃（尤其是要排隊的話）。《西多士》很鬆軟，不會太油，用上煉奶，不會太膩。可是比起煉奶，我還是覺得傳統的糖漿更好吃一點。麵包沒有整個沾上蛋漿，如果不是有煉奶，其實有點乾了，而且味道上沒有什麼層次。

印象中上環熟食中心有間嘅西多幾出名今日去開上環做嘢lunch就去食吓.1點幾去到，有位即坐原本想叫鮮牛肉麵食，但已經無晒咁就叫咗呢度招牌嘅西多士同凍樽仔奶茶.發現呢度都幾貴，近年應該加左唔少價..西多士($32) 凍樽仔奶茶 ($20)埋單已經$52再去OpenRice睇餐牌2月頭比較呢兩樣都分別加左$2至$3….論味道質素，西多士練奶好足多士面都痴左啲黑色一點點鑊窿而且份量都偏細，當小食都唔係好夠而奶茶味道正常，只係好在係樽仔唔會溶冰.環境來說熟食中心衛生一定偏差.總結來講，遊客唔介意價錢可以去試吓本地人就唔係好值我會選擇去大快活食個下午茶西多士配熱飲都係$28 加埋凍飲都係$3x 味道都好唔錯添🤣

太晏起身又乜都冇食，反正出開對面海，所以順道同朋友食個下午茶。小妹耐唔耐就會去呢度拜訪下🤣🤣 個西多士真係冇得輸😋😋特色係塊麵包用蛋汁煎香而唔係烘，所以外層帶點焦燶，麵包咬落去係綿軟，再加上大量嘅鍊奶，真係食唔停咀。另外，樽仔奶茶亦都係呢度嘅signature! 甜度略甜但茶膽味超濃，有助調減甜度感！鮮牛米味道正常發揮，唔特別，只係太肚餓先叫碗同朋友share。 👉🏻溫馨提示: 心急/趕時間人士勿去。因為人手有限，製作需時，特別係星期六，舉晒手都冇人同你落單🤣🤣

瑞記咖啡是我香港人的心頭好。這家位於上環的咖啡店，一直以來都是我們的必訪之地。這次我品嚐了他們的經典菜品，包括腸蛋麵、蛋牛治、西多士和樽仔奶茶。腸蛋麵，作為瑞記的招牌之一，總是令人懷念。彈牙的麵條與鮮美的腸仔和蛋，營造出濃郁的港式風味，每一口都令人滿足。蛋牛治是我個人的至愛之一。烤得香脆的麵包包裹著多汁的牛肉和蛋，搭配上特製的醬汁，完美地展現了港式經典美食的魅力。西多士看似簡單，但每一口都帶給我濃郁的幸福感。金黃酥脆的外皮包裹著濃郁的奶油，讓我回味無窮。最後，一杯樽仔奶茶作為這頓美餐的結尾，無疑是最完美的選擇。茶香濃郁，奶味濃厚，彷彿把我帶回了家鄉的味道。總的來說，瑞記咖啡不僅提供了美味的食物，更帶給我們香港人一份懷舊和親切的感覺。這裡不僅是一家咖啡店，更是我們的記憶和情感所在。

肯排隊先好嚟😂只值得食一次星期四12:15pm到餐廳，當時只有5-6位客人，唔使等位，即時落單後，西多士同奶茶10分鐘內到，但個蛋牛包就等左50分鐘😪唔等得真係唔好去🍞 西多士 💰$29西多士唔係平時沾左蛋漿去炸嗰種，兩塊方包有烘底，麵包底下會有啲煎蛋喺度，切開6件，再落煉奶，西多士係特別既，有別於平日見到嗰款，即刻食都仲會脆脆地，但係放多一陣就已經淋晒，$29嚟講性價比一般🥪 蛋牛包 💰$20等咗50分鐘先有，餡料好夠，麵包size唔細，但麵包皮唔脆，隻蛋煎得太燶有浸燶味，同想像中有落差🧋 樽仔奶茶 💰$18奶茶夠滑，茶味係有但唔夠濃，甜度偏甜，價錢都唔算貴整體嚟講所有野食都唔驚艷，食一次就夠😎

平日lunch黎上環街市搵野食😆 12點半左右黎到 咁岩有位～ 1點係高峰時間 需要等位.餐牌選擇唔多 但大部分人都係一心黎食西多同樽仔奶茶😝.｜樽仔凍奶茶 $18樽仔好有特色又好香港😆 味道香濃 茶底好飲係無加冰既凍奶茶 飲到尾都係咁濃味🫶🏻.｜西多士 $29見好多人推薦 所以一定要試下～ 好多煉奶 有蛋香 外表脆脆但食落鬆軟☺️ 不過我都係鐘意有花生醬既西多士多啲.｜鮮牛麵 / 腸仔餐肉麵 $30 比較失望 因為麵質好淋 鮮牛唔嫩滑 比較厚同韌 可惜🙁

原本聽人講話呢間餐廳奶茶好飲，我就過去唸住試下佢杯奶茶，去到完全冇人理，等左好耐有呀姐行過 問過佢好多次落單 完全吾理。 一係叫你等等等 話好忙好忙。 再一陣我話我買杯奶茶好快。 佢問我外賣定向度飲 我話我叫完向度飲。佢冇答我野。 已經火火地。過多陣再問呀姐 我要支奶茶。 佢話凍奶茶賣曬冇曬啦。我話禁算，我要熱都得， 點知呀姐吾理我，禁岩後面果台叫野食 佢叫凍奶茶，呀姐又幫佢落。 我問佢 。點解佢落就有我落你話冇。 佢話你吾係向度食冇得你叫。 走啦。 我真係火都黎。真係吾好話啲人點解吾向香港消費，啲服務態度禁樣。你叫人點支持。就算你奶茶更好飲服務態度禁 都吾會幫襯。