瑞記咖啡

流心燶邊蛋加上即叫即煮公仔麵～• 公仔麵：即叫即煮，麵身帶微微煙韌，吸晒湯底鹹香，入口有種熟悉的懷舊味。• 流心燶邊蛋：外層煎到焦香脆邊，蛋白帶少少焦香苦韻；一切開，蛋黃流心爆漿，濃稠香滑，混入麵湯即刻升級。• 湯底：簡單調味，鹹香中帶蛋香，焦脆邊的油脂滲入，令湯更有層次。最後加杯香滑的熱奶茶，滿足！本想加多件西多士，可惜昨晚吃得太飽，下次再食。#煎蛋公仔麵#熱奶茶#瑞記咖啡 (上環)地址: 香港上環皇后大道中345號上環市政大廈2樓熟食中心17號舖電話: +852 28508643…查看更多

一直諗特別西多士一定諗瑞記，因為特色煮法令人難忘，但限於營業時間真係非一般打工仔可以再臨對上一次食可能都已經幾年前的事了，今日難得放假專程試試，點知一望menu比佢嚇親，一份西多士冇餡既竟然加到$33，飲支奶茶就$22，所以一份西多飲埋奶茶竟收到$55，依個價錢應該冠絕香港但依份西多係冇餡，坐街市檔，冇景冇服務冇打卡位，不過相信老細都半退休打算盡賺埋佢執笠，反正有小紅書點都呃到大把水魚光臨，但作為香港人依個價，應該不了，以後西多士唔會再提瑞記了…查看更多

去咗瑞記食咗幾樣佢哋嘅招牌菜，簡簡單單，但幾好食。腸蛋麵就係嗰種你食過會記得嘅味道，麵唔會太腍，腸仔同蛋都煮得啱啱好，冇乜花巧，但夠晒地道。蛋牛治都唔錯，牛肉唔鞋，蛋煎得啱，麵包脆脆地，整體幾夾，食落舒服。西多士就係茶餐廳必食嗰種，外脆內軟，唔會太甜，啱晒配杯奶茶。樽仔奶茶都幾穩陣，茶味夠，奶味唔會太搶，飲完幾滿足。整體嚟講，瑞記係一間你會想再返去嘅地方，唔係因為有咩驚喜，而係有種熟悉感，幾親切。…查看更多

呢間位於上環熟食中心嘅茶檔有60年歷史，今次嚟到上環終於食到呢間嘅馳名西多士，小編表示有驚喜✨(⁎⁍̴̛ᴗ⁍̴̛⁎)✨西多士 $33推薦度：9.3/10多士好軟熟同時有微脆嘅口感，炸到外脆內軟，多士配搭煉奶同牛油好邪惡，多士係煎唔係炸，同平時食開嘅西多士有分別，小編認為煎多士幾驚喜🤲🏻✨蛋牛飽 $23推薦度：8.5/10份量幾大，烘底麵包夾住蔥花炒蛋同鹹牛肉好加分，麵包偏重蔥味，鍾意食蔥嘅人必試😛✨樽仔凍奶茶 $22推薦度：9.2/10茶味夠香濃，奶茶好滑身，樽仔奶茶夠凍，好適合夏天飲🤤！…查看更多

瑞記咖啡冰室位於上環街市熟食中心入面不單係熱門嘅遊客餐廳，同樣係唔少港人心目中的老字號回憶。熟食中心環境稱不上舒適，但一班人坐摺櫈用木枱，係買少見少嘅港式情懷💝熟食中心每日都會洗地，好幾次臨收舖去都撞正佢地清潔，相信衛生都有做足👀╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ ▶ ∗︎*ﾟ西多士傳統正宗嘅西多士！！！對比常見嘅茶餐廳西多士，冇左中間嘅花生醬夾心，取以代之可以食到又濃郁又香甜嘅蛋香！！煎嘅西多士相對冇咁油膩🤭外層微脆，內裡非常軟綿綿！口感順滑，停唔到口🤩！！！▶ ∗︎*ﾟ樽仔奶茶用舊式傳統嘅樽仔飲，特別有風味～奶茶茶底係我飲過數一數二嘅香濃，奶味相對冇咁突出，不過就好絲滑🤤一樣推薦！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴ 大家都力求創新，所以食物都有唔同變化，傳統味道就越嚟越少。希望呢種味道唔會消失，可以一直食到我的comfort food🫶🏻…查看更多

剛好在附近辦完事情後想tea 一tea， 想起這家店，便慕明上嚟試試，點了樽仔奶茶和餐蛋治這兩樣茶記必備的名物，結果令人失望，衹因蛋不香不滑，奶茶唔夠香濃，飲品和食物 真是普通過普通，性價比較低，名過其實，不值得專誠來試…查看更多

瑞記咖啡係上環街市一間歷史悠久好有舊香港風味嘅茶檔☕️🇭🇰有名西多士更被傳媒評為十大必食西多士?🤩✿西多士有別於常見嘅西多士做法😋平時多以沾滿蛋漿後炸至金黃色,放有花生醬/糖漿🥜🍯而瑞記做法是把兩塊方包加入蛋以煎的方式製作,再淋上滿滿煉奶🍼🧈食落鬆軟好有蛋香味🥚吐司邊位帶微微燶邊脆口🍞但稍為覺得整體頗油✿蛋牛包是烘脆嘅長型餐包🥖包感外脆內軟入面夾有蔥花牛肉蛋🥚不缺牛油香🧈簡單經典好食👅✿鲜牛麵味道正常發揮🍜牛肉煮得剛好,食落幾爽口🤓牛肉份量都也不少✨✿樽仔奶茶特別在於形式上是以玻璃樽呈現飲落奶茶夠絲滑,但略嫌茶底唔夠濃,甜度亦偏甜(甜度固定)🤓雖然用料簡單♨️但這香港地道懷舊茶檔總是別有一番風味❤️💫西多士 French Toast $33蛋牛包 Corned Beef and Egg Bun $23鲜牛麵 Beef Noodles $33樽仔奶茶 Bottled Iced Mike Tea $22…查看更多

食得多西式咖啡店，今日就食返間位於上環街市既本土港式咖啡店「瑞記咖啡」西多士唔係平時浸滿蛋漿後再攞去炸個款西多士，呢款係以煎既方式，雖然口感無咁油膩但蛋味欠奉，淋上滿滿既煉奶，但我都係較喜歡糖漿既配搭多d蛋牛包烘脆左既包皮外脆內軟，雞蛋+咸牛肉+蔥花，熱焫焫，又香又好食樽仔奶茶奶茶我真係少飲無咩研究，茶味香濃，奶味唔算好重，甜度亦都無我想像得中咁甜，幾好飲喎上環街市地方狹窄，枱亦都唔多，加上湧現左大量小紅書既人黎朝聖，蛋牛包同奶茶係不錯，但個西多士有d失望，其實香港都仲有好多地方有呢個質素既，去一次就好了…查看更多

西多士 $32  呢款西多士散發住濃厚嘅蛋香，明顯用咗好多嘅蛋漿製作。佢係用煎嘅方式，比起油炸健康好多，口感都更加酥脆，完全唔油膩。再加上豐富嘅煉奶，奶香四溢，令人十分滿足。🍴腸蛋麵 $33  呢道腸蛋麵完美呈現咗傳統茶餐廳嘅味道。特別要留意，麵入面藏咗一小包麻油，記得食之前加埋去，以增添風味。⚠️蛋牛治 $22  呢款三明治帶有淡淡嘅芝麻香同牛油香，餡料份量都好足，真係可以食飽肚。樽仔凍奶茶 $20  呢杯凍奶茶茶味相當濃郁，對於鍾意甜味嘅朋友嚟講，可能會覺得有啲唔夠甜。不過，呢杯真係好地道嘅港式凍奶茶，值得一試。🥤…查看更多

樽仔凍奶茶 $20茶味比重較多嘅奶茶。對螞蟻人嚟講甜度就可能唔夠，但係一杯好港味嘅凍奶茶。🥤西多士 $32好有蛋香，一定係佔滿蛋醬🥚。似係用煎嘅形式，比起油炸少好多眾惡感，仲有脆脆口感。一啲都唔油膩，會俾好多嘅煉奶，充滿奶香，十分滿足🍴！蛋牛治 $22包有少少芝麻香，仲有啲牛油香🧈，餡嘅份量都俾得好多，絕對可以食飽肚。腸蛋麵 $33傳統茶記嘅味度。記得留意麵入面會藏會一細包麻油，記住落呀⚠️！**值得一提，同店員落得嗰陣佢哋唔會mark底，聽完就即刻入去廚房講。全程冇mark過任何嘢，但到埋單嗰陣又真係記到又計得啱😲！！…查看更多

原本日日假期諗住過去試吓網上係咁嘅瑞記咖啡 。點知換來嘅係，浪費時間 真未去過特登去 奶茶變做清補涼 牛肉麵啲公仔麵好似糊仔咁唔知煮咗幾耐 總之好難食香港地嘅奶茶都好過佢…查看更多

瑞記屹立香港超過半個世纪，香港懷舊風味，出名的樽仔奶茶，香煎西多士被傳媒評為十大必食西多士食店。聞名已久，多次星期日經過都是休息，今次星期六终於試到了。店舖上貼有红對聯寫着奶茶稱霸，咖啡稱皇。下午茶時段咖啡巳經沽清，只有奶茶同鴛鴦。每枱都必叫西多士，配樽仔奶茶，加一個鲜牛麵。鲜牛麵很快已到，但牛肉有些少韌，麵質入口不夠爽滑。慕名而來的樽仔奶茶，又不似预期，只是無冰，保持原汁原味。邪惡的香煎西多士＄32- 似油浸西多士，麵包滲着不停番煎西多的油味，難道這個味道就是神级煎西多士的味？上枱已立即食西多士，食了半份，餘下的已經是油浸透麵包西多即叫即煎，店員忙碌，order 不停，可能令水準有差别。服務方面，毋庸置議…查看更多

呢間係一間喺上環熟食中心好出名嘅茶記😛 幾有本土特色☺️🌟🥞西多士 $29呢個招牌西多士同出面嘅西多有啲唔同，雖然冇咁金黃色同冇花生醬，但係食落蛋香味就更加香濃，面包質地係帶少少脆但更加突出嘅係面包嘅軟熟，加埋煉奶甜甜哋又冇咩負擔，忍唔住一啖接一啖😋🌟🧋樽裝奶茶 $18我覺得好飲嘅港式奶茶最重要嘅特色係茶底香而且絲滑，呢度嘅奶茶兩樣都做到，熱熱哋嘅天氣下飲到咁香濃又凍嘅奶茶好正😚🥪蛋牛治 $20呢度特別用左蔥蛋超香，加埋碎牛嘅鹹香同烘脆左嘅多士，雖然餡料唔算厚身但係都好滿足☺️📍瑞記咖啡 上環皇后大道中345號上環市政大廈2樓熟食中心17號舖🍽️ 7.8/10…查看更多

午餐時間，可能人手不足吧，等座位大概要10-15分鐘，等下單要5-10分鐘，再等東西上桌要10分鐘，所以不太適合趕時間的上班族。《樽仔奶茶/咖啡》因為本身是凍的，沒有加冰，所以喝到最後也不會變淡，好喝。《鮮牛肉蛋麵》其實味道不錯，只是沒需要特地來吃（尤其是要排隊的話）。《西多士》很鬆軟，不會太油，用上煉奶，不會太膩。可是比起煉奶，我還是覺得傳統的糖漿更好吃一點。麵包沒有整個沾上蛋漿，如果不是有煉奶，其實有點乾了，而且味道上沒有什麼層次。…查看更多

印象中上環熟食中心有間嘅西多幾出名今日去開上環做嘢lunch就去食吓.1點幾去到，有位即坐原本想叫鮮牛肉麵食，但已經無晒咁就叫咗呢度招牌嘅西多士同凍樽仔奶茶.發現呢度都幾貴，近年應該加左唔少價..西多士($32) 凍樽仔奶茶 ($20)埋單已經$52再去OpenRice睇餐牌2月頭比較呢兩樣都分別加左$2至$3….論味道質素，西多士練奶好足多士面都痴左啲黑色一點點鑊窿而且份量都偏細，當小食都唔係好夠而奶茶味道正常，只係好在係樽仔唔會溶冰.環境來說熟食中心衛生一定偏差.總結來講，遊客唔介意價錢可以去試吓本地人就唔係好值我會選擇去大快活食個下午茶西多士配熱飲都係$28 加埋凍飲都係$3x 味道都好唔錯添🤣…查看更多