王子廚房

营业中

休息中

今次黎到位於屯門彩華花園既「王子廚房」餐廳主打印度菜同時有pizza，意大利粉，咖哩等多國菜式亦有酒類飲品供應🍻餐廳地方企理環境闊落舒適食物方面：⭐️butter chicken ：咖哩味有濃帶甜適合唔食得辣既朋友雞肉入晒味😋肉質鮮嫩⭐️印度烤餅：共三大塊烤到表面脆內軟😍食起黎煙煙韌韌印度烤餅沾上咖哩汁一齊食十分配搭🤩👍🏻⭐️墨魚汁海鮮意大利飯獨特的墨魚汁配上鮮魷魚，蝦及車厘茄墨魚汁味道獨特而飯粒軟硬恰好 整體不會太乾或太濕份量屬大份 好夠食😋總體食物質素唔錯 價錢合理服務態度OK😊亦都可以比客人坐低慢慢傾計👍🏻冇限時 唔趕人這間餐廳值得再encore🥳

今日好開心同屋企人去咗屯門嘅一間餐廳，呢間餐廳食物好特別，主要有印度菜，真係好好食呀，呢一間地方位置於屯門站附近搭巴士只要3分鐘，就會到達呢一間餐廳真係好方便呀，我適合一家大細同朋友嚟聚餐啊，好好啊，雖然要講英文，但係佢都會好錫蔡有咩食，介紹，仲要有笑容有禮貌，服務質素好高，而且呢度嘅食物嘅種類都好多，有唔同嘅咖喱，都有唔同嘅套餐，價錢經濟實惠，所以所以呢一間餐廳好抵食，而且呢度嘅空間都好寬敞，裝修唔錯，好舒服，而且地方好寧靜，真係好適合啲朋友嚟食飯傾偈，而且呢度嘅飲品都好特別，有唔同嘅款式，唔似出面嘅餐廳咁普通，我哋叫咗個四人套餐，佢哋講吼餅，真係好出名，撈埋啲咖喱汁，真係好好食，配搭一流，所以如果想試吓屯門嘅印度菜，一定嚟呢間呀！

📍位於置樂既一間咖喱東南亞餐廳之前就食開佢前面個間屯門咖喱屋今次就試下佢😋😋佢晏就都有set lunch 湯+主菜+飲品附近有唔少學校，所以都有標學生價👍🏻呢間就相對比較多款式，除左咖喱之外仲有其他東南亞食物，e.g 卡巴、薄餅、餡餅等等，都系d fusion菜🫶🏻前湯⭐️⭐️⭐️⭐️一飲去就會奉上一配湯，湯較為濃稠，味道似蘑菇忌廉湯，唔會飲落太鹹/好重味精咖哩羊配煎餅⭐️⭐️⭐️⭐️羊唔會好蘇，見到佢咖喱既texture同平日普通茶餐廳唔同，較為杰身，系正宗印度咖喱👍🏻配菜有幾舊薯仔同菜望落以為煎餅，好似好少，但係食食下都幾飽‼️煎餅食落有少少甜味，重點佢都唔會太油‼️‼️‼️👍🏻👍🏻👍🏻👍🏻用手撕開食，都唔會話食到隻手油淋淋👍🏻點埋咖喱一流👍🏻咖哩唔辣，可能叫佢加少少辣會更加香👍🏻Banana Lassi ⭐️⭐️東南亞特色飲品好奇Lassi 系咩，所以就叫咗黎試吓味道比較甜，香蕉味都重比較濃稠，似milkshake(?)如果鍾意飲甜嘢，或者香蕉奶嘅朋友應該會鍾意但由於個人喜好鍾意飲太甜嘅嘢，所以就麻麻地但下次我會想試拉茶😋見到其他食客都有叫👍🏻

我諗好多人，隔籬嗰間咖喱X好出名，但係好少人會行前兩步試吓呢一間王子廚房。有時食晏嘅時候經過見到，鼓起勇氣入去試一試！估唔到個味道好食過隔籬嗰間好多！環境乾淨同埋好光猛！每一個咖喱已經除餐，可以揀要白飯或者脆餅或者烤餅（nana)如果想食一般餐廳嗰種比較油啲嘅餅，嗰隻係叫脆餅😂而烤餅係成塊麵包咁樣，仲有少少甜味，相對冇咁油，感覺係健康啲嘅！咖喱雞入面都有五至六件雞！🐤仲要都好大件！咖喱係唔辣，所以小朋友都食得，同埋佢個咖喱有落啲薯仔去煮，會比較濃厚一啲💕除餐仲要有杯凍檸茶！！$52真係無敵！強烈建議大家都試吓呢一個咖喱海鮮！一嚟到嘅時候，個砵仲好熱，成碗咖喱都好似啱啱煮滾咁樣！尼隻咖喱同咖喱雞嗰隻有一啲唔同！呢隻濃海鮮嘅鮮味，同埋甜味，食落去香口好多！

置樂除咗有間XX咖喱屋之外，附近仲有一間由真正印度人主理嘅印度餐廳🇮🇳🇮🇳🇮🇳環境乾淨光猛企理，可能係平日晚市關係，只有兩三枱客人。😢😢😢嚟到印度餐廳點可能唔食咖哩烤餅，諗都唔使諗直接order 🙋🏻‍♀️原來仲有餐包同餐湯跟👍🏻法包新鮮烤就是脆！每一啖仲脆過食薯片👍🏻👍🏻👍🏻印度餐廳經常出現嘅洋蔥胡椒湯，味道濃郁質感偏水，啱啱好唔會覺得heavy 👍🏻👍🏻🙈主角出場！咖哩牛($95)配香蒜烤餅($22)咖哩香而不辣，吃得出配料很多，味道豐富。烤餅份量很大，$22十分抵食😋烤餅咖哩！絕配！牛腩及薯仔都好夠淋夠入味。仲有好多舊添👍🏻👍🏻👍🏻👍🏻味道如何就用呢張相代表一切👍🏻👍🏻👍🏻👍🏻

第一次食印度料理，每一道菜都非常美味，還有送蘑菇湯，都非常好飲，以為印度味道同香料會好濃味，原來唔係喎，味道非常之啱啱好，環境可以，需要位置就偏咗少少，都係做街坊生意

之前都食過王子廚房嘅lunch set，個陣已經覺得好驚豔！因為佢又抵食，選擇又多，都有好多附近嘅學生嚟食。雖然嗰個位成日都好似唔多人經過，但係原來無論係午市時間定係晚市時間都係好多人食！今次係我第一次同一樣好鍾意食多國菜嘅朋友嚟食晚市，果然依舊出色，食過返尋味！好彩我地嚟得早，唔算好多人～ 坐咗10分鐘左右啲人陸續入嚟，到走嘅時候餐廳唔單止坐滿晒，甚至有幾家人係出面等位，建議大家可以早啲到～入到去點完餐之後，侍應就上每人一碗餐湯，甜甜地又有啲胡椒味，又有啲似忌廉雞湯，唔會好鹹；同埋仲有一塊牛油蒜蓉包。我地嗌咗一個印度香料羊肉飯、半份豬肋骨同一個自家製印度雪糕～呢個羊肉飯真係好好食！！！我同朋友由食第一啖到食完都不停讚佢：「真係好好食！！」首先，個飯係用印度長條嘅去煮，加埋香料，加埋又香好軟腍。雖然我鍾意再乾口啲，但係呢個軟腍完全無問題，加埋啲汁真係好好食！然後加埋佢嘅羊肉比好多！每啖飯都有羊肉！羊肉好腍！好入味！重點係唔羶！如果係驚羊羶嘅話，可以放心，佢真係唔羶～飯上面仲有啲好似豆腐質地嘅芝士～ 食落層次好豐富～佢嘅份量好多，兩個人食都超夠飽！ 至於佢嘅豬肋骨都係多大份！！嗌咗半份2

餐廳位置同地鐵站有啲遠，唔住開屯門未必識去。 同朋友喺屯門西鐵站搭K51巴士到達。餐廳職員主要用英文溝通，途中都會問下食客意見，態度誠懇！💆🏻‍♀️👍🏻一坐低都未叫嘢食就有蒜容包同埋餐湯。餐湯係重胡椒味嘅粟米湯，未嚟主食前，有嘢落肚剛剛好！😆第一樣嚟嘅係羊肉炒飯，唔好睇佢個碗好似唔算大，我同朋友兩個女仔食都食唔哂！飯粒乾身，好好食。配搭埋好入味嘅羊肉仲有芝士碎，非常開胃。加上唔算好辣，平時食開十小辣都唔怕！第二樣係手掌咁大嘅豬肋骨！超級推薦。加埋薯角，食完真係心情大好！最後同朋友貪得意叫咗個印度雪糕，雪糕嚟到仲係非常冰嘅狀態，所以要琢下佢先食到！雪糕好香開心果同豆寇味，配搭碟上嘅果醬，酸酸甜甜，係呢餐完美嘅總結！🥹

呢間餐廳係屯門友介紹㗎，話係抵食又有質素嘅fusion菜，要食咖哩都唔使出到尖沙咀咁話。今次可以試下啦。聽講餐廳主理人係尼泊爾人，因為相同宗教信仰，佢地飲食文化多受印度影響，主食咖哩，所以咖哩都好出色㗎。午餐餐牌都有幾多選擇，有特色咖哩，薄餅，意粉，烤餅等，仲包餐湯同飲品，價錢合理。餐湯係蕃茄蛋花湯，唔需要太多料，已經好夠味，味道酸酸的，非常開胃。土耳其烤雞肉卷，入面嘅雞肉非常多，而且滑，仲有好多生菜配料，加埋特有嘅沙律醬，整個雞肉卷好jucy，口感非常紮實，非常飽肚。西班牙燉海鮮配烤餅(naan)，一上枱，我嘩左一下，真係新鮮滾熱辣，湯係碟上面仲翻滾緊，香味撲鼻，入面嘅大蝦，青口，魚塊熱辣辣，特別惹味。烤餅鬆軟，又吸汁，兩者加埋一流。估唔到午餐份量多，價錢相宜，真係好抵食。另外主理人會出來同食客傾下計，介紹一下，感覺好親切，成餐飯都食得好舒適。下次再黎食佢嘅拿手咖喱先得

今日入咗屯門返工，收工同同事搵啲嘢食下，同事帶咗我去置樂附近，一間主要食咖喱Pizza嘅餐廳，因為佢話呢度嘅咖喱又香味道又正，所以即刻去試吓。王子餐廳，餐廳主打去食pizza同咖喱，正宗尼泊爾人主廚，有豐富嘅經驗，可以食到正宗咖喱。餐廳地方雖然唔係好大但係裝修得好整潔，坐喺度望出外邊感覺都幾舒適。坐低廚師先送上蒜蓉多士，蒜蓉味道非常之香，加上熱辣辣特別香口。椰汁咖喱雞配原味烤餅，咖喱汁味道非常之香，食得出有好多香料，加上椰汁味嘅配搭，香辣得來又唔會太過龍，咖喱雞好入味，完全吸收晒啲咖喱嘅香味，每一啖都食到咖喱嘅香味，重點就係個烤餅，烤餅燒到啱啱好脆卜卜，配埋咖喱汁一齊食真係一個享受。奶油煙肉意粉份量都好多，而且賣相都好吸引，意粉上面鋪咗一層芝士粉，最啱就係我呢啲鍾意食芝士嘅人，加上煙肉嘅鹹香味，味道層次好豐富。意大利粉都煮到啱啱好，軟硬度適中，食落去有口感煙煙韌韌。估唔到奶油令到意大利粉更加香滑，味道更香濃。真係好鍾意食佢呢個意粉。食咖喱最緊要係點返杯啤酒，收工嘅時間食到咁好食嘅美食又可以將個人放鬆一下，真係好正。

蛋花蕃茄湯家常便飯口味,沒甚特別。放少許黑胡椒粉提升味蕾,來開始今餐未嘗不可。☺️印度香料炒飯採用傳統印度米。長身,幼幼的,每口咬落去都有少少硬硬的質感。從這碗飯可認識印度人用香料的多樣性,色香味相配搭。比起幾個月前喺尖沙咀食的一間傳統印度咖哩菜館又有啲唔同。不妨一試。香蒜烤餅底部烤得乾、脆、很煙韌。面頭灑滿蒜蓉,好香。不知是否利用土爐製作就是這樣的好味呢?此烤餅不要淨食,我建議大家放咖哩汁上去一齊食。會更加容易分別到兩款咖哩汁的味道。好食,必試。芒果咖哩雞芒果味不算突出,偏有少少甜,微辣。可以說大眾化,容易入口。雞件肉質有少許煙韌。跟另一款咖哩魚味道是不同的,根據個人口味選擇。這間店舖的廚師我相信是印度人來的。咖哩魚魚肉綿滑幼細。不知是否一經油炮之後就跟咖哩汁一同煮。味道很混和。這款咖哩是少許鹹的。跟另一款咖哩雞味道不同,不辣。若要二選一,我會揀咖哩魚。夾薄餅以及飯,我發現我用魚的咖哩汁多。好好味,又係必食。烤羊肉捲我們選擇了薄荷汁。整件烤卷約十吋長,分開兩件用錫紙包裹。一直都是暖笠笠的。羊肉餡料沾有一半。保留了羊的騷味。每一口都有羊肉入口。烤餅皮薄,值得一試。

呢間係由印度老闆主理嘅fusion 菜，餐廳位於屋苑地下，環境幽靜，有落地玻璃，自然光透入黎，配埋印度嘅音樂，坐得好舒服。😌義式香料蕃茄蛋花湯一坐低餐廳就送咗碗餐湯烤羊肉卷🌯羊肉一啲都唔乾，食到羊嘅羶味，菜同羊肉嘅比例係1:1，用料十足。醬就揀咗薄荷醬，味道酸酸地，少少薄荷味，加埋適量嘅生洋蔥好開胃。食到最低都仲有好多醬同埋羊肉，好足料。👍🏻香蒜烤餅🫓食到naan 真係用土窰黎焗。個低好脆，同較薄身，少啲麵包感，口感煙韌。加埋咖喱汁都唔會淋晒。同其他餐廳唔同，naan上邊鋪咗蘿蔔蒜蓉芫荽碎。芒果咖喱雞🥘一食就食到生果嘅酸甜，微辣，好fresh。咖哩汁入面見到有芒果粒，但芒果味不是太突出，雞就過熟咗少少。整體個咖喱汁都好特別。咖喱魚😋😋😋魚塊好諗，入口即溶。魚塊外面都係炸過一次先落咖喱汁撈埋，但係唔係炸好耐，啱啱好可以保留魚塊既形狀。食落俾雞嗰個咸，微辣，孜然味重啲。好好味，一定要嗌！！！✨整體咖哩有超多料，雞同魚都起碼有6至7嚿👍🏻👍🏻👍🏻印度香料炒飯🍚印度米粒粒分明，有咬口。佢落咗好多香料一齊炒，唔會乾，食落濕潤。齋食唔點咖哩汁都好味。🤩

平時想食咖喱通常都會出到尖沙咀，食中東菜而家唔使去到咁遠，屯門嘅置樂都有印度菜食，仲要係有水準餐廳地方都算大夠闊落環境都算舒適，枱同枱之間都有一段距離,唔會太迫一入到去就有個印度嘅職員帶位非常有禮貌，服務質素好好門面都整得好靚望入去整齊企理，位置仲非常方便，在青善遊樂場附近，行前少少就到我點了一個印度咖喱雞拼烤餅，入口咖喱香味濃郁，咖喱入面仲有好多渣非常足料完全唔係超級市場咖喱粉嘅出品，濃濃的咖喱香，並不辣，雞肉非常入味，肉質有口感，他的靈魂就是這個咖喱，當印度烤餅沾上咖喱汁來吃， 十分惹味，烤餅煙煙韌韌，很有印度風味，十分出色,雞肉仲非常大件😁另外有三塊烤餅，份量非常多，食到第二塊已經覺得有啲飽烤餅放低時熱辣辣又唔會好油🤩卡邦尼意粉🍝口感又滑豐盈，有濃郁嘅蛋香味，意粉嘅軟硬度做到剛剛好再配合埋煙肉芝士一齊食， 食到停唔到口咁熱唔熱嘅天氣，當然要叫番一杯啤酒嘆一嘆，入面環境清靜，仲可以同朋友傾一陣計今日食到非常飽，我仲有好多樣嘢想試吓，見到隔離枱食緊土耳其卷餅，同埋薄餅，做到非常出色，下次一定要再來試吓

近排都喺屯門返工，😁一食晏大家都會去彩華花園食咖喱，有間餐廳啲咖喱做得好出色，大家都覺得好好味，所以成日都會幫襯。😍王子廚房，餐廳裝修簡潔，餐廳老闆係印度人，一直做開廚師，所以整嘅咖喱香料味特別正，好值得喺度推介一下。印度咖喱雞，可配飯，烤餅，脆餅成人 52元，學生優惠 42元免費凍熱飲品，咖啡，奶茶，汽水，檸茶如果加$18可以配，啤酒，奶昔，沙冰咖喱雞遠遠已經聞到香味，將烤餅沾少少咖喱食，口感同味道都冇得頂，咖喱雞做得非常入味，而且雞肉仲係好嫩滑，加上香料嘅味道，椰汁嘅甜味，咖喱味道層次非常豐富。淨係個咖喱汁，已經可以食到兩碗飯。美國西冷牛扒 105 元，都係免費跟凍熱飲品西冷牛扒size非常巨大，望落去都知道好新鮮，入口牛肉味香濃，加上脂肪分布均勻，所以味道特別香，牛肉肉質非常嫩滑，最重要有少少香料喺牛肉面，令到牛肉嘅味道層次更加豐富。每一份餐都會跟薯條，薯條全部都炸到金黃色，熱辣辣，食得出廚師好有心機製造食物。呢度仲有Pizza食，而且價錢一啲都唔貴，下次會試埋個Pizza，再介紹俾大家。性價比好高，而且食物質素都好好。職員招呼態度又好，值得一讚👏🏻👏🏻

王子🤴廚房 屯門青山公路351號彩華花園地下32號舖—————-————————————————屯門市中心行前少少彩華花園王子廚房 大廚老闆都係南亞裔人由佢哋親手炮製嘅咖喱美食 睇到都放心有墨西哥卷餅 有印度咖喱 🍛有尼泊爾風味地中海美食 佛羅倫斯 意大利 北非一帶都有Lunch叫套餐食包埋飲品特色咖喱魚柳配烤餅 ——-curry唔會太辣 有少少椰汁味 ——-魚柳加上咖喱汁淋想烤餅 捲着一齊食——-烤餅睇落去雖然得3塊 但係食到第$2已經覺得有啲飽墨西哥🇲🇽蝦肉薄餅——-辣辣地嘅蕃茄味道 加上新鮮蕃茄生菜🥬但也蝦肉——-用手拎住成嘗試感受下印度人食飯風味