王子廚房

营业中

休息中

平時食印度菜都只係諗起重慶大廈，近排發現住緊既屯門都有間叫王子廚房既印度Fusion菜餐廳，睇相片賣相幾吸引，所以今日就同爸爸黎試試佢！忌廉海鮮湯：好多海鮮碎，有豐富香料味，少少辣，幾開胃。牛肝菌菇濃湯：好香濃牛肝菌味，淡淡菇肉隨湯附上既印度脆片：估唔到叫湯唔係得湯咁簡單，啲脆片送上黎時仲係熱既，有蝦蟹味，香口不油膩。芒果蟹肉沙律：香甜軟滑既芒果，配上爽脆既青瓜，生菜，番茄仔，紅黃燈籠椒，同埋蟹肉碎，營造出豐富既口感；沙律汁酸味清爽，十分開胃；擺盤亦頗具心思，將蔬菜擺成一座色彩繽紛既小山丘，好睇又好食，份量亦相當多，抵食！馬薩拉烤雞咖哩：咖哩香料豐富，味道濃郁又正宗，好食！芝士naan餅：熱辣辣既Naan餅口感鬆軟，包住既芝士可以拉好長既絲，用黎配咖哩食真係一流！整體而言食物味道賣相都好好，價錢唔貴，份量多，抵食又好食，下次要再黎試下佢個Pizza！

係openrice打屯門搵到宜間野，本身覺得太遠啦，不過發現d相好吸引，特別d咖哩薄餅。本身想叫2 x main + 1 x salad，不過擔心份量，最後只叫左main+salad, 果然夠大份好抵食，價錢合理，CP值高咖哩羊配nann (lunch set) -本人對咖哩冇咩研究，說不上係食評，不過愛好重口味，d咖哩有d層次，黎到嘅不妨試試，推薦蟹肉芒果沙律(散叫) -沙律本身諗住黎黎去去都係甘，但係值得讚，個沙律汁好正，特別大熱天，酸酸甜甜好開胃，食到有d薄荷葉同九層塔味，正，d沙律都幾新鮮，芒果睇落青青地，但係又幾甜，大推芒果沙冰 - 擺到最尾食完野都唔水，飲完都唔見會口喝，基本見台台都起碼有一杯，唔會伏環境唔錯，我去個時唔多人，所以食得舒服，冷氣足，d人唔會黎打攪，叫人都會即刻應機～好少寫甘多字，認真想推薦，間野真係幾遠下（住田景個邊），大家係屯門諗唔到食咩就黎試下啦

想知食完覺得好味，今日再嚟。墨西哥芝士蝦肉餡餅豐富嘅蕃茄餡，再加上豐富芝士拉絲得黎好好食，配上sour cream同蕃茄莎莎Tandoori chicken with NaanTandoori Chicken又香又嫩，配上咖哩汁同Naan Bread。不過我覺得有啲乾。咖哩牛脷 with Roti咖哩好濃，牛脷好林，但同屯門咖哩屋既level相距甚遠。Roti好味，不過有啲硬Mango Lassi好開心Masala Tea - 好差

今日去屯門做嘢，住屯門嘅朋友推介我食呢間印度菜，見佢有得食烤餅就嚟試吓啦 🤓🔸一人套餐咖喱雞肉雞好滑冇骨啖啖肉 👍🏻 咖哩味唔算太濃，有好香嘅香料味，成個配搭感覺好新奇又好食！最開心嘅係有飯又有烤餅，一次過有兩種食法兩種享受 🤩配菜係炒蔬菜，有椰菜花、粟米粒、冬菇同豆角，炸薯角差唔多去到最後先食，估唔到仲 keep 到好脆 😍最後個甜品類似係燉蛋，開頭以為係蒸水蛋點知係甜嘅 😂 仲嘆埋杯印度香料奶茶，冇乜奶味不過有好香玉桂味，甜甜地味道好得意又幾好飲 🥰 餐廳人流唔多，可以一個人靜靜地慢慢咁樣食嘢，呢一餐勁滿足阿 ！❤️

試左個性價比唔錯印度菜, 唔同一般印度人開嘅餐廳, 佢仲做埋西餐😱有pizza 🍕有pasta 🍝食!!叫左佢嘅抵食二人印度咖哩餐HK$238, 份量大到兩個人食唔哂, 有湯、頭盤、main course、飲品、是日甜品🧁湯有雞湯/蘑菇湯揀, 頭盤有魷魚圈/春卷/沙律, 主菜烤雞/咖哩雞/魚/牛舌/牛肉/羊肉選二🥘咖哩好出色, 正宗印度咖哩, 一般印度餐廳一份咖哩都一百蚊過外, 依個餐兩份咖哩先二百幾仲有成個餐🌟望到隔離枱食pizza pasta 都好似好好食, 下次要試埋🤗°°°°°°°°°°°°°°°°°°°°°°°°°°°°°°王子廚房📍 屯門青山公路 - 青山灣段351號彩華花園地下32號舖#MrsLong #hk #hkbloggermama #Longs #香港美食 #餐廳推介 #hkfoodie #香港探店 #foodieshk #hkigfood #tasteofhk #hkfoodlovers

屯門正宗北印度咖哩，想食印度菜可以一試。📍地點：屯門🍽️菜式：印度菜💰人均消費：午餐 HK$100~150🔖服務費：❎🧻餐巾/ 濕紙巾：✅ / ❎🪑座位類型：方枱/ 長枱📝落單方式：侍應生落單二人晚餐💰HK$238【忌廉雞湯】雞湯味濃，飲落順口。【魷魚圈】炸得好香，跟泰式辣醬、tart tart 醬【咖哩魚、咖哩牛舌 - Naan】炸魚柳，炸醬吸滿咖哩汁。牛舌芯，大塊入味。咖哩濃稠，帶少量乳酪。Naan 厚身，咬落鬆軟，麵粉味濃。【凍印度拉茶】馬薩拉茶係印度菜茶完美結尾。【Tiramisu】咖啡味夠，口感綿密。.王子廚房🏷️ 屯門青山公路 - 青山灣段351號彩華花園地下32號舖

今日返工，去左屯門，咁就睇吓有啲咩好食。見到間印度餐廳好似幾正宗，屯門難得有印度餐廳，咁就入去試試佢。呢度嘅菜式都幾正宗，有印度風味但又為香港人調節咗口味。Porcini mushroom soup🍄‍🟫🍄‍🟫牛肝菌嘅味道濃郁配埋蒜頭嘅香味，令人非常開胃，如果配埋蒜蓉包就一流Butter chicken🐓🐓Butter chicken 絕對係一道經典印度菜式。佢嘅雞肉好嫩，醬汁濃郁，帶有香濃印度香料味道。Garlic Naan🫓🫓叫得butter chicken 就一定配埋Naan。呢款印度烤餅麵包外脆內軟，帶有濃郁嘅大蒜香氣，佢特別注明係用土窯炸製，淨係食佢個心機都已經抵晒王子廚房嘅Menu都好多款選擇。用餐環境亦非常舒適，服務態度友善，喺友愛輕鐵站行7分鐘左右就到，經開嘅不妨一試

有驚喜的咖喱，lunch set 十分抵食，有湯有嘢飲，Masala tea唔使另外加錢，嘢食熱辣辣，賣相吸引，味道唔係驚為天人嗰種，但會令你食落會一啖接一啖，份量勁多，有3塊nann，牛肉咖喱真係只有牛肉，唔會用薯仔充數，薯仔會另外放响碟，仲有少少菜，open rice訂位有甜品送，仲要係老闆homemade嘅Tiramisu，好味過外邊甜品舖買嘅，食得出係老闆誠意之作，環境乾淨企理，坐得舒服，服務恰到好處，正正子🉐

約左老友食晚餐又想食印度美食，上網搵資料係屯門置樂附近有呢間王子廚房主打中東菜同西式野，價錢都唔貴，就一於黎試試。6點半左右到餐廳都坐左7成人，2個人起初安排我地坐2人位，比較細d，但侍應都好好有張4人枱有人埋單都安排返我地轉枱，服務唔錯，坐底睇下餐牌老友話唔太肚餓，就先叫個個印度2人餐先，唔夠再加。肝菌蘑菇湯，餐包落單後先黎個餐湯同餐包，肝菌蘑菇湯主要係胡椒味，無乜菇味比較一般，餐包係蒜蓉多士新鮮烘起好香脆。春卷頭盤要個春卷，春卷似係公仔點心果d，無乜特別勝在新鮮炸香脆可口，跟左個泰式辣醬同綠色既青檸醬。印度烤雞烤雞鐵板上黎到已經出晒煙，雞都唔會太乾香料都入味。咖哩羊，烤餅咖哩羊要加15蚊，咖哩汁好濃厚，不過味道比較淡d，羊肉有4粒無羶味，仲有2粒薯仔，食咖哩都當然要配烤餅，烤餅比較腍身烤耐少少會好d。熱咖啡餐飲我要熱咖啡，熱咖啡有d驚喜有d奶泡，似Cappuccino，老友要熱奶茶都有另於一般餐廳既出品，有d驚喜。tiramisu最後甜品黎個tiramisu，咖啡味幾濃，少少酒味，用黎結尾。總結黎講呢個2人餐幾抵食，出品都唔錯當然有d野可以再好d，最緊要免加一，所以算幾抵食，值得推

食得外賣多，突然想食一些特式小店風味的餐廳，於是來了這間鋪。室內乾淨衛生，裝修新淨。入內未有滿坐，隨便找個位置坐下。餐廳不會太嘈，有部大電視正在播放風景片段及柔和音樂，份外舒適！拿起餐牌點菜，有套餐及散叫。店員先上了湯及切片麵包，湯應該是豆湯，麵包有少許蒜香味，非常脆口，可以浸湯食。天氣轉冷，飲湯後整個人都暖和一點。招牌沙律（美國牛肉）這個沙律非常大份，沙律來說，肉的份量頗多，入面有相當的切條牛油果，疏菜非常新鮮爽口，沙律汁味道不會太特出，食落清淡可口。印度土窰烤雞鐵板上，香口熱辣辣。有少許洋蔥及疏菜做配菜。有2個醬汁可以點，一個是甜酸雞醬，另一個應該是點羊架那種薄荷醬。兩個醬汁都好味，一個酸甜開胃，另一個小清新。雞件本身有調味，味道夠，鐵板煎香表面，味道不錯！👍咖哩羊配原味烤餅來這兒不得不叫他們的烤餅。烤得剛好，餅身有少許油，但又不會令手指很油膩，有些較薄位置比較脆口，可以夾咖哩及羊肉同食。咖哩不太辣，有咖哩味，羊肉只有很微的蘇味，味道都不錯。若喜歡食辣的，餐牌有些有幾條辣椒的也可以一試。最後這個Tiramisu甜點，由雪櫃拿出來，保持少許冰凍，口感滑又帶點蛋香，蛋糕的朱古力味，咖啡

雖然同大西北住得唔係好遠，但過一過去車費都好貴，奈何朋友住都住屯元，所以有時都入去搵下佢地，依間餐廳係連朋友都未食過，所以試下其實本身大家都唔太好印度野，不過見到係非本地人地開，應該幾正宗，所以試一次無妨兩個個口係叫左好多野，叫左個咖喱配薄餅？再加個烤卷，諗住咖夠飽再叫野食，不過最後都好飽咖喱牛望落幾細兜，不過佢啲牛塞滿晒個碗，所以唔好因為個兜細而覺得少牛肉幾淋唔韌，醬汁味道適中，唔會太重口味另外加左份原味烤餅，幾厚身，不過原味就真係…冇咩味下次會叫牛油或蔥油烤味，應該會香啲不過佢因為厚身，仲要有兩大塊，其實食完都飽…仲有個羊肉烤卷烤卷可能因為太多香料或者羊本身個味，所以聞落唔多吸引，但食落又幾正首先料多，每一啖都會伴隨唔同食材入口其次每款食物都好夠味，個羊肉食落又唔羶

今日一行人想去置樂搵好野食，一經過呢間餐廳，比佢既香味吸引左，見到喬寶寶張相就信佢入左去。果然唔令我失望，樣樣都好食。餐湯我地飲左好耐都唔知咩味，但好味Tandoori Chicken with Chennai Roti份量係少啲，雞唔夠燒味，但好滑。Chennai Roti雖然唔夠牛油香，但佢甜甜地，唔點醬都好好味，我先生唔鐘意食香料味所以唔點汁，但淨食餅佢都好鐘意Butter Chicken雞少左啲，汁就同普通印度店差不多，Naan Bread都係正常味，但重點係熱，係好熱，超正既感受。佢有幾條薯條，炸到又香又脆，好正。墨西哥雞餅我本身以為佢無啦啦有墨西哥野，係唔會好食，一切開竟然拉絲，個餅又香又脆，料夠熱，我地全部一致投票佢最好食。Four Cheese Pizza 我先生唔鐘意食印度野，所以佢自己叫左Pizza，我地起初都歧視佢。點個個餅又香又脆，芝士唔同普通Pizza店，總之勁好食。Masala Tea唔夠茶同香料味，唔駛加錢轉就當飲無味奶茶凍奶茶賣相好，但佢地話唔甜，但有薄荷味，幾特別芒果Lassi好artificial既芒果，仲要加18蚊，下次no no...

又返到屯門搵食😋住屯門嘅朋友講開印度菜，就一定諗起屯門咖喱屋但其實附近都有一間好地道正宗嘅印度地中海餐廳餐廳員工都喺印度人，個個都好有禮貌，服務好周到，仲要唔收加一! 點餐後送上餐湯同見蒜蓉包唔好以為免費就好求其蘑菇忌廉湯🥣 蘑菇味好出，唔算好濃，所以唔會太Heavy 蒜蓉包烘得好脆 好味烤雞串燒 🍗 穿燒烤特色中，唔會太乾太柴 香料配合得好好 另外配上兩個醬汁 一個類似沙律醬一個類似青醬咁，各有風味!香草馬鈴薯燴椰菜花配烤餅 🍛 🫓 咖喱好惹味，少少辣，亦都幾creamy烤餅熱辣辣送上，dip落咖喱吸收，食到停唔到口🤤鷹嘴豆Kebab🥙雖然係一個蔬菜kebab，但用鷹嘴豆整成一個餅，口感好似肉餅，成個Kebab層次好豐富，完全唔會覺得好單調! 大家想食得健康啲都可以一試! 小總結🦁好地道嘅印度餐廳，餐廳裝修簡潔乾淨，呢間小店服務好食物質素亦都唔錯，值得多啲人關注!!大家去開屯門，不妨試吓!😘

前排諗住係屯市食野，但實在要等好耐，所以同朋友周圍行，諗住去遠少少行下再搵野食，見到依間餐廳望落唔錯仲有位所以試下烤羊肉卷唔係成日食羊，因為自己唔識煮，身邊嘅朋友又唔多食羊，變左出街食都係豬牛雞，不過印度野就要試下羊成個羊肉卷好重香料味，唔係人人都愛到，食第一啖覺得少少怪，不過後尾都ok，羊肉份量都多，去到底部都仲有，仲有好多配料，一條兩個人分剛剛好墨魚汁意粉一向都唔好墨魚汁的東西，一來樣子唔討好，二樣驚會腥，不過朋友最後叫左，所以都一齊試下有8隻蝦，食落比較淡味，不過墨魚汁味可以補償番，墨魚汁幾creamy，但食多幾啖開始覺得愈尼愈重口味，要飲多幾啖水……意粉軟硬適中，仲帶有少少口感，值得一讚

屯門置樂呢間隱世印度餐廳，係由印度人主理，可以用英文同老闆店員點菜，佢哋都好友善架🇮🇳😍首先佢哋送咗碗餐湯俾我，原來係洋蔥南瓜湯，好味道🎃😋我叫咗個土耳其烤羊肉卷，menu寫係用黎巴嫩皮嚟卷，材料有烤羊肉、配生菜、蕃茄、洋蔥，羊肉厚身但嫩滑，非常足料又大卷，我食完都夠哂飽做晚餐呀。仲有四款自選醬汁可以揀，有薄荷醬、乳酪醬、蛋黃醬同BBQ醬。我就揀咗乳酪醬，食落好惹味🇹🇷🫔飲品我就叫咗杯菠蘿椰子奶昔，即叫即整，味道清新又消暑，店員仲好幽默咁喺上面畫咗個哈哈笑🍍🥥😁呢間印度餐廳仲有唔少好味嘅菜式可以揀，例如印度咖哩角、印度烤雞同埋印度烤餅等等。如果你鍾意印度菜，咁就要試下喇🇮🇳😋