玉桃軒酒家 (鱷魚恤中心)

营业中

休息中

位於觀塘的玉桃軒酒家是一家以廣東菜為主的中式酒樓，結合傳統與創新的烹飪手法，提供多樣化的精緻點心與海鮮佳餚。餐廳裝潢典雅，氣氛溫馨，非常適合家庭聚會或商務宴請。招牌菜如蜜汁叉燒、流沙包及冬瓜盅備受食客推崇。玉桃軒注重食材新鮮，菜式口感層次豐富，服務細緻貼心，深受本地及外地客人喜愛，是享受高品質中餐的不二之選。套餐及自選組合價錢相宜，今晚就跟朋友試試片皮鴨自選組合及冬瓜盅。💙 片皮鴨片皮鴨的鴨皮經過精心烘烤，色澤亮麗、質地酥脆，入口即化，與薄餅、甜麵醬、青瓜條及蔥絲搭配，呈現出層次分明的味覺享受。鴨肉鮮嫩多汁，與香脆的鴨皮形成鮮明對比，每一口均散發濃郁香氣，餘味悠長，充分展現了經典粵菜的烹調精髓。 💙 菠蘿咕嚕肉菠蘿咕嚕肉以炸至外酥內嫩的豬肉為主，配以酸甜適中的菠蘿汁，果香與肉香相得益彰。每一口均能感受到酸甜交織的滋味，既開胃又令人滿足。菠蘿塊鮮甜多汁，與豬肉同時入口，其清新的果香中和了肉類的濃郁，口感豐富，令人回味無窮。 💙 海皇八寶冬瓜盅海皇八寶冬瓜盅以冬瓜盛載八寶海味，湯底吸收了多種海味的鮮香，味道層次分明。蟹肉、雞肉、蓮子、勝瓜、蝦仁等食材豐富，帶來多樣的口感變化，細膩而滿足

去完鱷魚恤中心旅行社集中地之後，就跟家人去嘆茶。茶樓環境光猛，整齊企理。大廳設有多張四至六人圓枱，亦有八人枱，枱與枱之間有一定的空間，坐得舒服。安坐後就先點壺茶，來一壺普洱(茗茶$13/位)，茶香濃郁，回甘解膩。多張點菜紙，多選擇，包括孖寶特區、時令蔬菜、廚師推介、特別蒸選、紅紅火火、甜在心、長長久久。週六日價格為小點($24)、中點($36)、大點($39) 、特點($43)及頂點($47）。******************************家鄉煎蓮藕餅 （$33.8）鹹香美味，肉餅中混入爽口的蓮藕粒，口感豐富。******************************南翔小籠包 （$39.8）的確皮薄饀靚，先吸去裏面的湯汁才慢慢吃，免得不慎被熱辣辣的湯汁燙傷。湯汁鮮甜，肉味香濃，吃時蘸上酸咪咪的醋汁，更加美味!******************************豉汁蒸排骨 （$43）蒸得夠火喉，排骨半肥瘦，腍嫩入味。******************************花膠瑤柱灌湯餃（$47/隻）熱辣辣，湯很香濃，內有鮮香的花膠和瑤柱，足料！灌湯餃脹卜卜，

早幾日和朋友講起夏天吃冬瓜最好時節，不約而同說約去酒樓吃冬瓜盅啦！這間酒家推出幾款新菜式。夏日精選～～～海皇八寶冬瓜盅🥣是一道經典的粵菜，以冬瓜為容器，內里燉煮多種海鮮和珍貴食材，味道鮮美清雅，非常適合夏季食用。冬瓜本身清淡多汁，經過燉煮後釋放出自然的甜味，與海鮮的鮮味完美融合，湯底清澈而甘甜。每個冬瓜盅都要燉煮十個鐘以上，加入豬骨雞湯瑤柱慢火燉煮的。配料有夜香花、蝦仁、金華火腿、柱具、冬菇、蓮子、瘦肉等。冬瓜肉燉至半透明，入口即化，而海鮮食材則帶來濃郁的海洋鮮味，層次豐富。還有冬瓜有消暑利水的功效，搭配海鮮的高蛋白，整體是一道既美味又養生的菜餚。晚餐超級大優惠～至尊自選組合我們還點選組合套餐——清蒸沙巴龍躉🐟配玉桃軒小炒皇🫛清蒸沙巴龍躉🐟採用清蒸的方式烹制，突出魚肉的鮮嫩與原汁原味。沙巴龍躉肉質緊實細膩，油脂適中，清蒸後口感嫩滑如豆腐入口即化，帶有石斑魚特有的彈性和膠質。而魚皮富含膠原蛋白蒸後軟糯黏滑，清蒸做法能最大程度保留魚的原味，無需過多調料搭配少許蒸魚醬油咸鮮提味，但不會掩蓋魚的清甜味。玉桃軒小炒皇🫛是一道經典的粵式小炒，以鮮、香、爽、脆為特色，集合多種海鮮和蔬菜快火爆炒而成。

今晚和家人到觀塘晚膳。酒樓位置優越，地鐵直達，無懼日曬雨淋。環境也不錯，地方開揚，裝修簇新雅緻，座位之間寬敞，沒有侷促感。餐牌上的推介非常吸引：“晚飯超級大優惠---至尊自選組合”，五選一，另有優惠加配及自選小菜一款。我點了個片皮鴨組合，加二食，再加個雜菜煲。“京烤片皮鴨”原隻烤鴨推過來，色澤紅潤，皮肉脹滿。先由服務員在枱邊切片，儀式感十足。服務員手法純熟，把鴨片切得皮肉均勻，整齊排列在碟上。附上粉皮、京蔥、大蒜、燒鴨醬，地道京菜食法。鴨皮香脆可口，鴨肉鮮嫩多汁，腍軟酥香，配上京蔥大蒜等，多重口感，味道更提升不少。“鴨崧生菜包”加$100升級二食。鴨肉炒得又香又入味，加入馬蹄粒，增添口感，再配上生菜吃，非常惹味。“野菌雜菜煲”由多種菇菌及蝦乾炆煮，原煲上枱，熱焫焫，香噴噴。配上菜芯、白菜仔、粉絲等，用上湯燴成，美味而不鹹，更無味精，鮮味十足。“紅燒乳鴿”乳鴿皮脆肉嫩，紋理細緻，比較燒鴨，又是另一番滋味。“陳皮紅豆沙”餐後還有甜品奉送，綿滑紅豆沙加入陳皮，份外甘香。一頓豐富而高質的晚餐，全家都吃得非常滿足。

今日同家人來到酒樓林立嘅鱷魚恤中心，提前預約咗去玉桃軒食中菜晚飯。酒樓環境寬敞舒適，非常適合家庭聚餐或朋友聚會。這次品嘗的幾道菜式更是性價比高。海皇八寶冬瓜盅 夏日必點的消暑極品，整個冬瓜上桌氣勢十足，湯頭清甜潤喉，一喝就知道是熬煮多時。湯料超級豐富：鮮蝦、蟹肉、雞肉、瘦肉、螺片、瑤柱、冬菇、蓮子、夜香花等等，每一勺都是滿滿的驚喜。冬瓜肉燉得軟嫩入味，配上湯汁簡直絕配。湯品保持溫熱直到最後一口。幾乎每桌都有的冬瓜盅，六個人吃都綽綽有餘。清蒸沙巴龍躉 (優惠組合)有多款孖寶選擇，我哋揀咗呢個孖寶$288，一條清蒸沙巴龍躉同一個小菜，好抵食。龍躉蒸得恰到好處，火候掌握得極好！魚肉鮮嫩滑溜，完全沒有腥味。豉油汁調味不會過鹹卻能帶出魚的鮮甜。菠蘿咕嚕肉 這道傳統粵菜做得相當出色，外皮炸得酥脆可口，肉質保持嫩滑多汁。醬汁酸甜平衡得剛剛好，不會過甜或過酸。新鮮菠蘿的果香很開胃。最難得的是即使放涼了依然保持脆度，證明炸功了得。

今次係媽媽帶我去食好嘢佢經常晏晝喺呢度飲茶，見到晚餐都好抵食有多款套餐同升級孖寶今日揀咗片皮鴨自選組合一份片皮鴨加一個自選小菜只係$388 ，份量都唔少㗎一共有10多個菜式，選擇我哋揀咗菠蘿咕嚕肉首先係招牌片皮鴨師傅會推隻鴨喺你旁邊片鴨除咗薄既片皮鴨，另外師傅有啲片咗皮+鴨肉鴨皮脆而不膩，鴨肉鮮嫩多汁，蘸上特製甜麵醬，再配埋青瓜大蔥，用熱辣辣嘅薄餅皮包住食佢嘅薄餅皮係連埋蒸籠一齊上keep住熱辣辣，趁熱食特別好味菠蘿咕嚕肉金黃酥脆既豬肉裹著晶瑩剔透既糖醋汁，配上新鮮菠蘿、青紅椒非常夠鑊氣，好難得放涼咗依然保持酥脆，肉質鬆化不柴，酸甜岩岩好，好開胃嫩滑既豆腐吸咗鹹魚既鮮香與雞肉既甜美，三款不同質感嘅食材口感層次豐富鹹魚嘅鹹鮮味提升咗整個風味，又唔會過於搶戲雞粒鮮嫩多汁，豆腐入口即化一定要送白飯見到隔籬枱叫咗冬瓜盅好大個下次嚟都要試吓

今日同觀塘友聚餐，約咗係位於鱷魚恤中心6樓的玉桃軒酒家，估唔到星期四晚上黎食，都會有咁多人，好彩我地有book定位，可以俾我哋入座☺️。 呢個天氣時，最啱就係食冬瓜盅啊，海皇八寶冬瓜盅，原個冬瓜大盅且真材實料，食材有肉質彈牙的雞肉、瘦肉同蝦🍤，配搭蓮子、百合、瑤柱，仲有鮮甜嘅螺片同蟹肉，令湯味道鮮甜可口，冬瓜肉煲得軟淋，清熱解暑。蝦米肉粒粉絲煲，蝦米帶出鮮味，醬料調味適當的，粉絲吸收醬汁，口感豐富且入味。黑松露蝦球，蝦球爽彈新鮮，甜豆🫛口感爽脆，黑松露醬汁不會過濃，尚有些什菇，整體很唔錯。

環境寬敞舒適，裝潢典雅，氣氛寧靜，適合晚飯聚會或者家庭聚餐，入座亮點就是這個自選孖寶套餐好抵食，我心水入面吃了以下孖寶。「原隻片皮鴨」服務員在我面前一刀刀片出來，已聽到皮脆肉嫩，香氣四溢，非常美味，鴨好大隻，如果要2食只要加1百元便可，至於片皮鴨搭配的薄餅酒樓用火暖著，夾蔥、青瓜和甜醬最佳配搭🥰再配自選「櫻花蝦雞粒四季豆」清新爽口，櫻花蝦幾大隻和量多，雞粒香口滋味均衡，這個配搭很夾😍另外，黑松露菌皇蝦球亦係招牌菜，蝦球鮮甜彈牙，配合黑松露濃郁香氣，口感層次豐富，令人回味無窮。整體食物用料講究，味道地道，服務體貼周到，絕對值得關注。

打風屋企無野食就落街睇下食咩好。見到呢間既4人餐相當黎講都幾底食，但今次兩個人，所以就叫左兩個小菜同一個湯。海皇八寶冬瓜盅，有白合，小貝，蟹肉，片，雞肉，豬肉，蝦肉，連子，絲瓜。多種材料去煲呢個湯，飲落清甜，冬瓜軟淋多汁，可以分到6-8大碗。台式三杯雞煲，配料好多又有穫氣，上到黎熱**辣辣自己炒多幾炒，雞肉唔老，醬汁幾濃幾香，配飯食一流，食落雞件又幾滑。**咸菜豬肚雞煲，入面既豬肚同雞都好多件，枝竹吸收晒湯汁，除左酸外仲夠晒鹹重，最鍾意就係食豬肚，屋企少煮外，出去食就想點。服務算不錯，會主動幫助換碟同給我們湯。

來了觀塘探朋友，順道跟朋友來了玉桃軒酒家吃晚飯。我們大約6時到達，入座後，店員推介冬瓜盅，朋友都有興趣試試，因天氣太熱，亦想消一消暑，跟著便叫多一條清蒸沙巴龍躉。~ 冬瓜盅消熱解暑，利水消腫，健脾滲濕，冬瓜湯更入口清甜，火候十足，用料亦多，有夜香花、蟹肉、蓮子、蝦肉、瑤柱、肉粒等，確是真材實料👍🏻~ 清蒸沙巴龍躉火候剛好，厚肉美味，鮮甜嫩滑，蔥絲加蒸魚豉油，用來伴飯，確是一流。這裡環境及裝修也都不錯，地方寛敞，坐得舒服，招呼亦好，確是親友良朋，歡𣈱的好地方。

今晚在觀塘區吃飯，這間酒家樓底好高，燈光明亮，環境闊落舒適，晚市有多款套餐、海鮮和精美小菜。點選了晚飯超級大優惠至尊自選組合：錦繡燒味拼盤拼玉桃軒小炒皇，再加兩個小菜。錦繡燒味拼盤油雞肥美肉嫩，點配薑蓉更惹味。叉燒甜中帶鹹，肉質柔軟鬆化，不肥不膩，令人回味。煙鴨胸有獨特的煙燻香味，肉質嫩滑，配合燒味汁，更加相得益彰。玉桃軒小炒皇炒得好有鑊氣， 配料好豐富，有腰果、蝦仁、魷魚和韭菜等，大大碟份量十足。菠蘿咕嚕肉這道菜的亮點是酥脆鬆化咕嚕肉和酸甜醬汁的結合，加上清甜菠蘿和爽脆甜椒洋蔥，口感豐富有層次。魚香茄子煲腍滑茄子和鹹香肉粒在熱騰騰的煲仔內，產生豐富的口感。整體來說，每道菜都展現了廚師對菜餚的心機和誠意。

今日咁啱夾到時間就同媽咪落觀塘飲茶鱷魚恤上lift條隊真係不得了長到呢…最後求其揀咗玉桃軒，唔使排隊兩位即入，不過個場睇落都坐滿晒。職員態度麻麻，可能禮拜忙得滯，點心上菜速度一般。菠菜餃足料，隻蝦都彈牙。叉燒酥有驚喜，酥皮又熱又脆，略嫌餡料少咗啲。尖椒叉燒包不過不失。馬拉糕一般。春風得意卷麻麻哋，本身都係俾佢個名呃咗，大概係炸兩包啲齋菜，加豉油味道怪怪地，或者係啲齋菜怪怪地，唔推薦。不過整體嚟講都算OK，週末中午陪屋企人飲茶可以一選。

大暑天時走去「玉桃軒」，叫左一盅「冬瓜盅」。青皮冬瓜如碧玉雕成，揭蓋剎那，雞肉與夜香花的清逸，撲面而來。湯色澄澈如初露，勺起一片浸潤湯汁的冬瓜，入口即化，清甜中透著瑤柱的鮮醇，彷彿將整個清涼的盛夏含在口中。但唯一不足就是，個雞肉梅了，影響整體口感。隨後上桌的「清蒸龍躉」，魚身橫臥青花瓷碟。廚師火候精準，魚肉甫熟離骨，潔白如初雪，僅以豉油、薑蔥提味。箸尖輕觸，魚肉便溫柔分開，送入口中，是海潮般的純粹鮮甜在舌尖輕漾，沒有一絲土腥叨擾。「涼瓜炒牛肉」，鑊氣逼人。薄切牛肉，裹著薄芡快炒，肉質滑嫩帶微韌，焦香鑊氣滲入肌理。涼瓜切得飛薄如翡翠，苦味被高明地馴化，只餘清冽回甘，與牛肉的濃郁相擁，佐以微辣的豆豉提神。一箸脆涼，一箸醇厚，是夏日味蕾最踏實的慰藉。

星期3晚去咗呢間酒樓食Dinner，雖然係工作日，但幾乎爆滿，好彩我哋提早預約。餐廳裝修以白色為主調，再帶點紅色嘅裝飾，頂頭有好多水晶燈，幾雅緻，感覺幾高級。一入門就見到好多枱都叫咗冬瓜盅，賣相真係幾吸引，不過因為我哋下午啱啱食咗冬瓜鴨湯飯，所以今次冇試，下次再嚟試下。翡翠花姿珊瑚蚌翠綠嘅蔬菜襯托住啲珊瑚蚌同魷魚，睇落好清新。珊瑚蚌同魷魚都係口感好爽彈，咬落去帶自然嘅鮮甜味，配埋清脆嘅四季豆一齊食，好清新，不過份濃味，幾舒服健康嘅感覺。上湯焗波士頓龍蝦主菜我哋揀咗呢個上湯焗波士頓龍蝦，有套餐配埋個黃金蝦球，價錢好抵食。龍蝦肉質鮮甜彈牙，上湯嘅味道啱啱好，唔會搶晒龍蝦嘅風頭，反而襯托到佢嘅鮮味，加埋伊麵，冇浪費到啲上湯汁。至於黃金蝦球，就炸得金黃香脆，入面嘅蝦肉鮮甜又嫩滑，外脆內嫩，而且鹹蛋黃味都幾濃郁。

今晚去觀塘鱷魚恤中心玉桃軒酒家吃晚飯，酒家有好多抵食嘅套餐，揀咗好耐終於決定要個冬瓜盅消暑。海皇八寶冬瓜盅冬瓜湯好清甜，除咗用冬瓜作為容器，內裡也有蟹肉、瑤柱、百合、蓮子等，湯汁清澈而鮮美。 一個冬瓜盅大約有十碗嘅份量，性價比甚高。另外，冬瓜盅包有錫紙保持溫度，成餐飯由頭飲到尾都仲係暖笠笠。清蒸沙巴龍躉仔龍躉魚肉鮮嫩，幾乎不需要過多調味，因為它本身的鮮味已經非常突出。蒸製過程中保持了魚肉的原汁原味，口感滑潤，搭配一點姜絲和醬油，讓味道更加升華。黃金蝦球黃金蝦球外脆內嫩，外層食到鹹蛋黃嘅鹹香，每一口都能感受到蝦肉的彈性，味道出色。而且色澤金黃，視覺上也十分吸引。