牛牛鮮

营业中

休息中

牛牛鮮餐廳剛剛進住九龍旺角彌敦道628號瓊華中心9樓,餐廳裝修族新,座位寬敞用餐舒適,餐廳主打手切牛肉火鍋放題,餐廳每日選用新鮮牛肉和海鮮食材,服務員招乎殷勤有禮。手切潮汕牛肉火鍋放題湯底湯底有多款湯底供客人選擇,我和朋友選擇胡椒豬肚湯,湯底青甜,不膩,胡椒味濃鬱,豬肚份量真不少,口感腍滑冇氈味。湯底上完桌,環型的牛肉拼盤隨即奉上,拼盤上有吊龍,匙柄,五花趾,牛胸油和雪花,我最愛牛胸油和雪花,牛胸油口感爽彈,雪花嫩滑,牛味濃,食完再encore雪花,牛胸油和吊龍。小食小食揀選避風塘粟米,即炸椒鹽墨魚丸,手工蝦滑,炸魚皮,椒鹽炸牛丸,手工馬蹄墨魚滑,胡椒四季豆,最鐘意食炸牛丸和炸椒鹽墨魚丸,炸牛丸夠香口彈牙,炸墨魚丸好有墨魚味,夠鮮味。自助區自助區供應即食麵,多款疏菜,餃類,丸類,小食,啤酒,凍奶茶.各款汽水飲品,多款雪糕和雪條。

火鍋放題食得多，但知道呢間可以任食潮汕手切牛肉的火鍋放題，而且仲有海鮮拼盤！今晚就和三位食肉獸大快朵頤。首先和每位半隻鮮活龍蝦「打卡」，啖啖肉彈牙鮮甜；聖子肥美，龍躉片厚切無腥味，鮑魚、桶蠔、海蝦、沙白全部都新鮮，仲要數量咁足，150分鐘放題真係食到唔捨得走。牛肉更加冇得輸，五花趾、吊龍、匙柄、雪花、牛胸油全部即切即涮，肉味濃郁，入口嫩滑帶牛香；特別五花趾爽彈有筋，雪花油花分布均勻，啖啖juicy。仲有手工蝦滑、蟹籽蝦滑、黑松露蝦滑同墨魚滑，粒粒彈牙。自助區都好多選擇，蔬菜款式亦多，其中比較特別嘅有冰菜同埋水蓮，仲有其他小食，呢度嘅炸雞翼熱辣辣都好好味，飲品除了啤酒汽水之外，還有自家製的冷泡茶及港式奶茶，好有誠意。最驚喜的是雪糕櫃內，還有近期大熱的香蕉雪條，便利店都好難買到，呢度竟然可以任食！店員貼心到位，主動為女士附上橡筋，方便紮起頭髮，更會不時主動加湯，值得加分！

📍第一次見有潮汕牛肉放題，仲要喺旺角好方便，餐廳都幾有特色。真係有櫥窗可以見住師傅手切牛肉，仲會整個牛肉圈圍住個鍋咁淥嚟食～任食150分鐘都只係$338，仲會有一盤海鮮拼盤，計人頭每人一份鮮鮑魚、桶蠔、海蝦、龍躉同沙白，鮑魚真係好新鮮同埋彈牙。潮汕牛肉就有五款部位可以任食，鍾意油花重啲嘅話啱食牛胸油，嫩口就可以食雪花，比較鍾意有重肉味同有口感就可以揀吊龍同五花趾！每款牛肉真係新鮮手切，仲會有個牌仔寫住淥幾多秒可以食得。揀咗招牌潮汕牛骨湯，湯底有蘿蔔、牛腩仲有胡椒香味，拎嚟淥菜都好好食！另外見唔少人揀麻辣湯底聞到都幾香。仲有啲潮汕小食例如炸南乳雞翼同潮汕牛丸都係即叫即炸脆卜卜。出邊仲有自助區同甜品飲品可以自己拎，呢個價位可以咁長時間任食潮汕火鍋值得一試。

👧🏻😋👅🍽✨潮汕手切牛任食 -🐂 邊爐放題一般都係美國/澳洲牛肉，8月先開業仲係試業中嘅牛牛鮮主打潮汕手切牛肉，150分鐘任食放題$298起🐂 如果對牛肉冇特別偏好，最平個餐任食美國牛，正價都係只需$198/位，就可食到手工魚滑+即製潮汕小食+算幾靚料嘅自助區配料▪潮汕手切牛肉🥩 五款即切牛肉鋪個圈圈好打卡，之後就可以任叫，最愛重牛味又夠嫩滑嘅吊龍同彈牙有軟筋嘅匙柄▫️精選海鮮拼盤🦞 中間個餐有單次海鮮，龍躉勁厚身鮮甜！鮑魚、桶蠔、海蝦、沙白正常發揮；最貴個餐有埋龍蝦同蟶子▪手工小食🍢 即炸潮汕牛丸勁彈牙爆汁！反沙芋個糖皮少少偏厚，但芋頭夠粉，放題任食冇咩挑剔🥔 薯仔牛柳粒係出去食小菜必點，軟滑牛粒同脆口薯仔perfect match，打邊爐都有得拎滿足晒兩個願望▫️自助區🍢 蔬菜同菇菌款式多又夠新鮮；牛骨髓、鵝腸、雞子都係特色之選；紫菜響鈴新鮮脆卜卜▪飲品🍻 熱嘅洛神花茶酸甜解膩、港式奶茶濃香幼滑、罐裝啤酒同自家製冷泡茶都係任飲，加$38仲有得任飲生啤

星期日晚和親友到了位於旺角瓊華中心9樓新開的「牛牛鮮潮汕手切牛肉火鍋」，想食豪啲，揀咗個龍蝦海鮮拼盤＋潮汕手切牛肉放題。新鮮食材豪華豐富，潮汕手切牛肉放題選擇多元，包括五花趾、吊龍、匙柄、雪花及牛胸油等，每片切得厚薄適中，肉質鮮嫩有嚼勁。海鮮拼盤份量十足，有半隻鮮活龍蝦、新鮮聖子、龍躉片、鮑魚、桶蠔、海蝦及沙白，每款海鮮鮮甜彈牙，保持原味。手工蝦滑、蟹籽蝦滑、黑松露蝦滑和墨魚滑質感細膩，口感豐富。自助區亦有好多選擇，飲品除了罐裝飲品，更有冷泡茶和樽仔奶茶，當然不少得啤酒任飲。雪糕櫃內更有不同款式的雪糕！職員態度服務熱情，適合喜愛潮汕火鍋和海鮮的食客，性價比高，真的不錯。

潮汕牛一直都係我嘅最愛❣️平時返大陸食多，雖然大陸食會比較平，但一份一份嗌都唔平㗎。行開經過見到旺角瓊華開咗間任食潮汕手切牛，價錢又唔貴，就黎試下。😀🌟分咗三個套餐，最平嗰個係$178，但係冇手切牛食。我揀咗中間嗰個set，包咗海鮮拼盤同埋潮汕手切牛肉放題。🌟海鮮有龍躉鮑魚沙巴同埋蝦。🌟先上牛切牛拼盤，打卡一流。每款手切牛都試過揀啱鍾意先至再嗌。有五花趾，吊龍，匙柄，雪花同埋牛胸油。最愛係匙柄，牛味好夠！牛板鍵都好好食。🌟仲有好多款嘢食可以食，出面拎菜都好多款選擇。冰菜同水蓮係平時好少見嘅。丸類都好多。🌟飲品都有好多唔同款嘅冷泡茶。最後食埋雪糕好滿足❣️一路食都覺得質素好高呀，特別係鮑魚，會再encore。雖然而家餐廳只係試業，但係都好多人嚟。食到七點幾都見到好多人喺門口排緊隊等入嚟。

📍 牛牛鮮｛旺角｝終於唔使返大陸深圳食手切牛肉🐮近近哋喺香港都已經食到，最近喺旺角就開咗一間牛牛鮮，主打潮汕手切牛肉、手切蝦滑等等，店內堅持用新鮮嘅食材，每日新鮮送到，連海鮮都係新鮮嘅🦐當我出去自助區嘅時候，仲見到師傅新鮮手切牛肉，每一塊牛肉都係薄切，牛味最濃郁，肉質彈牙但唔會韌，油脂感較重，肉質軟滑，下面嘅全部都係手切✨ 手切．雪花牛肉、吊龍、五花趾、匙柄、牛胸油，第一次食，五花趾：紋理分明，似牛展，比較有咬口。令我印象深刻🩷由於我哋兩個人叫嘅餐係｛海鮮潮汕牛肉放題｝所以一坐落枱就已經有一盤，海鮮拼盤｛龍躉（1件）鮑魚（1隻）桶蠔（1隻）海蝦（2隻）沙白（2隻）｝數量係以每位計算🧮仲會有一個圓形圍住火鍋，圓形入邊有晒店內招牌嘅手切牛肉🐮每一款牛肉都可以食到，唔夠嘅話仲可以追加！真係食到飽肚餐💃💃桶蠔肉質豐厚結實、蠔味香濃、大大隻咬落去口感豐富，龍躉肥美，鮑魚鮑魚勁鮮甜，肉質唔會太硬，仲有少少彈牙，沙白都冇沙，海蝦有四隻都好鮮甜🦐另外店內仲有其他手工火鍋配料，手工馬蹄墨魚滑、黑松露蝦滑等等，出邊仲有自助區可以揀選丸類同蔬菜類🥬款式其實都幾多！店內有八款湯底可以揀 我就揀咗～胡椒豬肚湯底

旺角瓊華中心開咗間主打手切潮汕牛肉嘅火鍋放題，朋友試過話水準不錯，呢晚一齊嚟試吓。餐廳環境闊落，星期五晚再加埋新開張，都要等一陣先入座。我哋點咗$338嘅餐，如果7:45pm前離座，則$298。餐廳主打手切潮汕牛肉，咁當然唔少得點咗佢幾款唔同部位嘅牛肉，包括封門、吊龍、雪花及匙柄等。現場有師傅即時手切牛肉，感覺特別新鮮好味。個人推介吊龍及雪花，厚薄適中，牛味濃郁。另外亦點咗美國牛板腱，質素亦相當好。 套餐仲包咗一個海鮮拼盤，入面有桶蠔、鮑魚、龍躉、沙巴及海蝦。各款海鮮新鮮好味，性價比相當不錯。手工鹹蛋黃炸魚皮、牛丸、炸午餐肉等亦係必食推介，炸魚皮入口香脆，而牛丸則超彈牙，夠juciy。自助食物區提供菜類，餃類、丸類、小食、麵食等，款式相當齊備。飲品選擇好多，有啤酒、港式奶茶、花茶、檸檬茶及汽水等，聽見隔離枱狂讃佢嘅港式奶茶，奶茶控可以一試。甜品當然唔少得有雪糕及雪條，充滿港式情懷。

我幾日前提早係貴店預訂左星期五 7:45 八位座位，為慶祝朋友生日，並在 7:30 將蛋糕交比餐廳保管，當時兩張八人枱都未有人。😀😀點知到左7:45 八位齊人到達果時，先突然告知全部8人檯已給 8:00 的客人😀😀，並多次講大話 話半粒鐘就有位，最後一宜追問才坦言需要等到 成9:00 先有會位。本身同朋友開開心心，想一齊係貴店慶祝生日。點知貴店完全缺乏誠信、座位管理又混亂及溝通不當，嚴重唔建議幫襯 😅😅😅

衝咗旺角瓊華中心新開嘅 「牛牛鮮」！全場坐滿曬仲要係岩岩開業，好彩有訂位！150分鐘潮汕手切牛＋海鮮放題，港人唔使返北上，落旺角就食到正宗潮汕風味，彌敦道地鐵上蓋，方便到呢～ .🔪 🥩手切牛部位多到選擇困難症發作！師傅即埸手切嘅潮汕牛真係無得頂！五花趾紋理靚到似山水畫，涮8秒爽脆彈牙；匙柄gym L最岩；雪花脂肪咁靚，我最愛，牛油香炸裂，自己一個人encore左5碟😌；吊龍嫩滑帶筋，蘸沙茶醬食到停唔到口！最過癮係牛胸油，脆口到「咔咔聲」，好似食緊牛脂薯片！美國肥牛、西班牙黑豚肉全部零雪味，新鮮到懷疑緊係咪放題🤯！ .🚢 龍蝦海鮮勁食鮮每枱送嘅海鮮拼盤浮誇到爆！鮮活龍蝦肉爽甜彈牙、肥嘟嘟桶蠔一咬爆汁、厚肉鮑魚彈牙、蟶子或扇貝、龍躉、鮑魚、桶蠔、海蝦、沙白、龍躉、海蝦、沙白！脆肉鯇魚片絕對要encore，涮完仲脆過薯片～ .🦐 手工滑類係心臟暴擊！手打蝦滑睇到粒粒蝦肉，黑松露蝦滑香到鄰枱望過嚟～馬蹄墨魚滑咬到粒粒爽甜，嘉美雞件滑溜唔「鞋」口！QR code落單幾分鐘極速上菜，瘋狂追單都零漏單手速快過打機👏！ .🍺 酒鬼mode：加$38任飲Asahi！重點！仲有十幾款罐裝汽水、果汁！

上個月cancel咗個潮州之旅，而家對潮汕美食嘅執念好重🙂‍↔️。所以特登去咗間主打食潮汕牛嘅火鍋放題。✨精選海鮮拼盤（1份）＋潮汕手切牛肉放題7:45前離座 $2988:45後入座$318正價時段 $338（150分鐘）我哋出去拎蔬菜嗰陣睇住師傅砌緊潮生牛拼盤，所以唔嗌牛肉住。過咗陣果然上咗個拼盤。拼盤有齊五花趾、吊龍、匙柄、雪花、牛胸油。每款大概有十片。我見其他枱食完拼盤都會嗌多5-10碟肉。最嫩最高質一定係雪花。追求口感同濃郁肉味就可以試下五花趾。🦐精選海鮮拼盤包括：龍躉（1件）鮑魚（1隻）桶蠔（1隻）海蝦（2隻）沙白（2隻）/每位食得出鮑魚、海蝦、沙白係新鮮貨，可惜冇得任食記得試埋小食！我哋試咗生炸潮汕南乳雞翼、即炸潮汕牛丸同埋避風塘粟米。南乳雞翼鹹香又有脆皮。避風塘粟米🌽炸得夠乾身香口。+$38仲有得任飲Asahi生啤🍻最後記得食埋雪糕呀😆

瓊華中心9樓新店 牛牛鮮 整體感覺乾淨舒服。店內環境簡潔，座位之間唔會逼，坐低就聞到陣陣牛骨湯嘅香氣。 招牌湯底係潮汕牛骨湯，飲落清清地好自然，同牛肉好夾。 新鮮手切牛肉選擇豐富，有吊龍、雪花、匙柄、五花趾。特別係吊龍，切得厚薄適中，淥幾秒就食得，肉質嫩滑得嚟帶少少咬口。海鮮拼盤嘅龍蝦係游水貨，不同市面急凍貨。蠔同蟶子都新鮮，蠔肉飽滿，蟶子爽口冇沙。 自助區嘅蔬菜選擇幾多，除咗常見嘅款式，仲有水蓮同冰菜呢啲特別少少嘅選擇。鴨血、黃喉、鵝腸，呢啲平時要單點嘅菜品都係任食。小食方面，推介招牌潮汕生炸南乳雞翼，即叫即炸係唔同啲，咬落好Juicy。手工鹹蛋黃魚皮係必食，非常惹味。反沙芋頭外脆內粉，甜度剛好。飲品有特色嘅係自家製奶茶，白桃烏龍同鐵觀音，冷泡茶茶味清香，飲落幾解膩。場內指定啤酒、紅白酒任飲，加錢有得任飲生啤。服務方面，店員換碟密密手，態度友善。兩個人食足兩個半鐘，食埋雪糕雪條，好滿足！

同朋友喺旺角行完街，隨意揀咗呢間新開潮汕火鍋放題「牛牛鮮」試吓，平平哋三百幾，食落幾有驚喜。 佢哋嘅海鮮拼盤唔花巧但勝在夠新鮮。新鮮海蝦夠彈牙，鮑魚都幾大隻。一坐低就送上一個有齊四個部位嘅牛肉拼盤圈。牛骨湯底足料，估唔到有咁多牛腩，牛腩軟腍好食。明檔手切牛肉係亮點，師傅即點即切，放題嚟講出餐唔算慢。特別鍾意吊龍，淥幾秒就食得，肉質嫩滑得嚟帶點咬口。自助區嘅火鍋配料都幾多，最正嘅係牛骨髓同黃喉都係任食，牛骨髓煮耐啲會變到好creamy，黃喉就爽脆有口感。 自助區蔬菜選擇都幾多，芋頭煮耐啲會變到好粉糯，冰菜唔係度度有，幾有心思。飲品方面，朋友都鍾意飲自家製奶茶，香滑唔會太甜。我就鍾意白桃烏龍茶，清新解膩。雪糕區最正有大熱嘅笨NANA雪條。整體黎講，呢度嘅食材質素對得住價錢，人均三四百，環境乾淨坐得舒服，服務都算勤快。唔係咩豪華體驗，但勝在夠實在。放題嚟講高CP值，特別係鍾意食新鮮手切牛肉嘅話，可以黎試吓。（話晒出面單點手切牛肉加埋海鮮，要食飽，人頭都要去到來500以上。)

好耐冇食過放題，最近去咗旺角呢間牛肉放題火鍋店，食材真係有誠意。龍蝦海鮮拼盤幾值得一試，龍蝦同蟶子都幾新鮮，龍蝦肉爽甜，蟶子冇沙；鮑魚仔同蠔都算大隻，蠔身飽滿，輕輕淥一淥就食得，鮮味夠又唔會太腥。 明檔手切牛肉係亮點，師傅喺你面前切，睇住佢處理幾乾淨衛生。牛肉款式多，最鍾意佢哋嘅匙柄，油脂分布靚，淥幾秒就食得，肉質嫩得嚟有咬口。 飲品反而有驚喜，自家製奶茶茶味濃得嚟唔會太甜，白桃烏龍茶好清新，食完火鍋飲好解膩。 整體唔算好豪華，但放題嚟講勝在食材新鮮、處理得乾淨，兩個人埋單八百幾，有新鮮龍蝦同海鮮拼盤，牛肉係新鮮潮汕牛肉手切，唔係雪藏冰鮮牛，價錢算幾合理。如果鍾意食海鮮同牛肉，可以試吓！最後食埋雪糕，同餐廳送嘅甜品。仲有好多潮汕特色小食，但太飽已經食唔落

去了旺角瓊華中9樓吃火鍋放題，主打正宗潮汕風味的新鮮手切牛肉。明檔師傅即點即切，乾淨衛生。必試 牛雪花，油花分布均勻，八秒入口即食；牛胸油爽脆甘香，牛味濃郁。跟套餐還有一個海鮮拼盤，有龍蝦，鮑魚，蟶子，海蝦，桶蠔，大蜆，食材非常新鮮！湯底以牛骨熬製，配搭秘製沙茶醬更顯鮮味。自助區供應新鮮水蓮、冰菜等時令蔬菜，還有七吋長蟹柳等特色配料。還有很多飲品啤酒任取任飲，最後吃埋雪糕，餐廳還送了特色甜品，吃得很飽。環境寬敞，服務周到，人均$300幾左右，性價比高，值得一試！