熱記大排檔

营业中

休息中

平安夜都要工作，但為左工作中都要開開心心，所以買外賣返公司與同事品嘗。之前已經食過，所以知道什麼好味。，可以再encore. 今次外賣大约8個人食，而且同事都覺得好好味

這兩個月真的很繁忙，所有重要的人都在這段時間生日，先是媽媽，接著是細佬，今次是細佬的女朋友。每次都是我負責想食甚麼，真的是想到頭要裂開了。最後為何會選這間食肆？之前曾經用app叫外賣，認識到這間餐廳，一直想試一下，今次便是機會了。由於沒有訂位，一行五人六時便到達餐廳。內有一侍應很盡責地推介他們的菜式。他介紹了白灼墨魚及古法蒸龍躉背。先介紹白灼墨魚，海鮮來說，如果本身是新鮮的話，清蒸或白灼已是十分美味。來這之前，我本身打算叫橙色那些墨魚的，那是我的至愛。但侍應介紹了這種，分別在一份是新鮮，一份是雪藏的。吃慣了雪藏的，覺得這個没那麼有咬口，但勝在鮮味十足，爽嫩，是另一口感。接著這是我今晚的最愛，魚肉夠實，魚皮很厚，吃下去覺得吸入了很多骨膠原。由於是用古法蒸，它的配料很豐富，有紅棗、木耳、瘦肉、陳皮、菇絲。魚本身已經很好吃，加上配料，真的令我吃完一口又一口。接著這個是蟹黃海鮮燜飯，侍應没有特別推介，是我事前在Openrice 見到這道菜，很想試的。原來這道菜是鎮店之寶，炒飯內有一隻膏蟹。膏蟹肉質鮮甜並且爆膏！這個時候絕對是食蟹的最佳時節。另外它的炒飯炒得每一粒都是金黃色的，非常乾身。另外我們

食物實而不華，媲美真正的大排檔。價格非常相宜，我和老公叫了個蠔餅，雜錦潮州打冷滷味，一份豬紅，一蝶沙嗲牛肉炒河，兩罐汽水，結賬為三百多元。食物碟頭不細。是次重點欣賞豬紅，很滑，不太咸，亦香口。另外是沙嗲牛炒河，上枱時河粉上鋪滿沙嗲醬有些菠蘿，不像傳統潮式沙嗲牛炒河，但一品嚐下，沙嗲醬汁在有香辣亦有香甜，非常好吃！蠔餅不完全是傅統潮式味道，但用的蠔大粒和鮮味，值得推薦。會再訪！服務員態度好，地方算是整潔！

今日 專登就係為左呢個蟹飯以黎雖然2個人食 份量真係多左d⋯⋯但我建議4人以上先好叫..因為一定食5曬不過真係好好味蟹好新鮮 好多肉 好好味而且飯係用 占米 好有口感推薦呢個都好好味

今次終於多人可以食到呢間潮州打冷啦！個招牌自製豆腐真係好滑好好味，果然係招牌菜！涼拌魚皮味道又唔錯，個魚皮又整到好滑好彈牙，真係好值得推介雪花蒸蝦又係好好味，佢係用上湯同芡汁蒸蛋白，味道香蛋又滑，我自己都食左半碟😆😆😆而我對個冰鎮螺個感覺一般般，口感係唔錯既，但可能我食完蛋再食螺，個味覺得有d怪怪地。我就唔食內臟啊豬耳同豬手既，所以就無食到其他菜，但朋友都話個兩道菜都好食，好快就清曬個滷水拼盤同豬手了

今日懶煮飯係附近買兩個小菜做晚餐，一路間唔中都有食呢間，佢改名做熱記前已經食緊。以而家小菜價格，呢度算係正常既～食物質素都ok。今日叫左一個豉椒炒鵝腸 同 霸王雞。*霸王雞*呢個霸王雞的確幾惹味，雖然底係白切雞，但雞滲左姜蔥同豉油的香味，撩開左d莞西蔥後，滿滿蔥油香，雞肉又滑滑的我又幾鍾意，雞胸位都唔覺鞋。*豉椒炒鵝腸*有黃紅椒同洋蔥片做伴菜，味道偏甜，如果乾身少少覺得會更好。鵝腸本身去左肥膏，爽脆但唔夠香，鵝腸份量都足，不過本人還是喜歡白灼鵝腸更多，始終豉椒味重會蓋過鵝腸本身既香味。👀平時食牛仔骨、炸子雞、羊腩煲個d都係ok 既👌🏻

當晚走著走著便隨便進入了這間打冷店！ 雖然我們只有二人同行， 但也叫了不少小菜， 如水煮牛肉、干扁四季豆、椒鹽鮮魷、 炸蠔餅、 豉椒炒花甲。 味道很惹味， 偏濃！對於濃味的我簡直是一流， 由於我比較吃得辣， 唯一挑剔的是水煮牛肉辣味遜色了一點點， 但知道每個人吃辣的情度不一， 下次點餐時我會記得加辣。 另外， 炸物的粉漿和其他大排檔是有差別的， 偏厚， 但當晚的晚飯整體是很滿意的， 推薦住附近的人前去一試！

同一班朋友去到熱記，呢間餐廳鑊氣十足，份量亦都令人驚喜，全晚最好食嘅就係佢嘅滷水鵝、同埋肉蟹焗飯，同埋一啲打冷嘅食物、唯一嘅缺點就係比較少大枱一定要早啲定，其他嘅都冇乜投訴，撞手神，招呼亦都可以，九個人一齊去食飯食咗10幾個餸，買單嘅時候都係唔使＄200一個人，下次同朋友聚會首選。 餐廳嗰度有一啲送飯係要預訂大家如果要去book枱，一定要問清問楚如果唔係無得食就唔好啦。我哋大概食到10點鐘，可能係區分問題所以都仲有好多客人執緊枱，好似都係一啲街坊落嚟消夜，相信食物嘅水準都係有保證嘅，下次會再約埋D朋友去試食下其他餸菜。

這幾天都要在土瓜灣跑來跑去工作, 同事們說揾晚再食熱記, 擇日不如撞日馬上打電話訂明天 9月22日 晚上 8:30 8位, 準時到達看到全場爆滿座無虛席訂了座也稍等15分鐘才能入座, 好彩部份同事例遲, 大家在門外吹吓水等吓例遲人就唔經唔覺可以有枱入座了. 先來幾支冰涷啤酒配鹵水雙併(大墨魚拼生腸)再加個韭菜豬紅, 大墨魚爽彈鹵得入味, 很怕有些食店把大墨魚鹵得死實似食橡膠, 反而生腸平平無奇. 韭菜豬紅必食, 豬紅入口熱辣辣又脆口, 豬紅汁鹹香惹味帶點辣, 一口豬紅一口啤酒;  冰火相融多飲2杯黃金涼瓜 - 脆口的外層略帶鹹旦黃的治味咸香, 而內層的涼瓜微帶甘苦, 估佢唔到咁夾咁好味小炒王 - 差不多每間食店都有自家的小炒王, 熱記的一上枱熱香撲鼻望樣都好得, 蝦干大大隻, 入口我吃到微微的蝦醬香, 唔駛一個回合全碟掃光光脆皮炸大腸 - 略嫌炸得過火, 吃唔到大腸入口的厚質感賽香狗仔煲 - 我從無食過狗肉所以我唔知狗肉煲是何味 ? 但這個煲充滿蒜香芫茜和蔥香好香我就知, 豬手入口是爽口不是炆淋的, 喜歡嗗骨的同事一舊接一舊家鄉咸雞煲 - 全晚這個咸雞煲反而唔多得, 雞算滑皮是脆但吃不

土瓜灣嘅熱記大排檔，食物種類多元化，唔單止有潮州打冷，亦有大排檔小炒，仲有自創嘅菜式。熱記嘅英文名好特別，叫「Hot Eat」，即係趁熱食咁解😆 而呢度嘅食物就如同店名一樣，夠哂熱夠哂鑊氣。 蟹皇海鮮燜飯「蟹皇海鮮燜飯」係呢度嘅招牌菜，一打開蓋香味撲鼻，每一粒飯都均勻地沾上湯汁，亦吸收了膏蟹嘅香味。燜飯內放有蔥段，令味覺上不會感到太單調。膏蟹非常大隻，肉質結實鮮美而且多膏，呢煲飯食一次就會令人愛上！和風格格肉另一款推介嘅自創菜式，和風格格肉，亦係不可不試嘅。格格肉之所以有呢個名，係因為每塊肉食起上黎都脆到「格格」聲，所以叫佢做「格格肉」。炸脆嘅豬頸肉掃滿和風燒汁，上面更灑上芝麻，伴著烘脆嘅雞蛋絲同九層塔一齊食，食起上黎「格格」聲之餘，口感亦特別香脆。山珍啫龍躉扣 「龍躉扣」，亦即龍躉胃，唔係好多地方有得食，非常罕有。呢碟龍躉扣，能夠做到色、香、味、美，用料同烹調技巧絶對唔能夠馬虎。喺材料方面，除左新鮮龍躉扣外，仲加有鮮淮山、薑、雜菌、唐芹、芫茜、葱、同埋指天椒。上菜時店員喺我地面前，將龍躉扣連配料及秘製醬汁倒入預先用高溫燒熱嘅砂鍋炒香。龍躉扣嘅口感十分爽口彈牙，特別有嚼口。配料唔單止令

公司晚飯....farewell supervisor.第一次用網上外賣平台,估吾到送到黎一樣咁好味。呢間"熱記大排檔"食潮州菜值得推介，碟碟份量充足，而且味道吾錯，大家都食得好滿足。

最近多次與同事往土瓜灣跟進工程, 發現土瓜灣道有間潮州店名字好別叫”熱記大排檔”, 同事之間相互取笑大家要揾晚會會這個熱廚房.今晚一行 6人7:00可以收工, 一至決定去熱記開餐. 7:30 到達, 差不多全場爆滿, 剛好有枱快要埋單, 等了一會就可以入座.6個大食友一坐下先來個滷水三拼 (鵝片.生腸拼大墨魚), 滷水汁味鮮不死咸, 鵝片軟嫩, 大墨魚煙韌得來又帶點爽,但略嫌薄片,厚切點點口感會更好. 反而生腸無咩味道, 早知拼胆固醇個好朋友豬大腸啦! 韮菜豬紅份量足又夠味, 豬紅脆口帶微辣, 反而韮菜有渣炒蜆仔肉 – 送潮州粥一流薑蔥魚皮 – 魚皮爽脆無腥味, 入口陣陣麻油香, 如果加埋炸花生會更好來一個胡椒豬肚咸菜大蜆湯 – 嘩! 真係好多大蜆,胡椒味濃湯味清鮮,飲完一碗馬上再添一碗,和風格格肉– 好特別的名字賣相也吸睛, 灑在肉面上我們大家也在猜是什麼? 因肯定不是日本的木魚花, 最後揭盅是炸蛋絲, 又真係幾難估, 格格肉不是炸到乾脆但咬入口竟有微微喔喔聲, 肉嫩微甜有肉汁, 幾重感覺好特別.黃金茄子, 四四方方茄子外脆內軟一啖一口送啤酒一流, 咸蛋黃比例啱啱好多食幾口都唔覺膩,

土瓜灣新開張嘅熱記大排檔，食物種類多元化，唔單止有潮州打冷，亦有大排檔小炒，仲有自創嘅菜式。而呢度嘅食物就如同店名一樣，夠哂熱夠哂鑊氣。 「蟹皇海鮮燜飯」係呢度嘅招牌菜，一打開蓋香味撲鼻，每一粒飯都均勻地沾上湯汁，亦吸收了膏蟹嘅香味。燜飯內放有蔥段，令味覺上不會感到太單調。膏蟹非常大隻，肉質結實鮮美而且多膏，呢煲飯食一次就會令人愛上！😍另一道最喜愛既係手抓骨，送酒一流，皮脆肉嫩仲有薑蔥桶蠔煲，份量十足

有朋友介紹的新食肆，趁七一假期一行六人去試它一試。到達時已座無虛席，好彩訂咗位，等咗兩三分鐘便可入座。全晚點咗九道菜式，先來一道老闆推介驚豔之極的凍馬友，魚質幼滑充滿魚香魚油，同行有位小朋友本身不愛食魚，但呢道凍馬友竟令佢一人食咗半條，好味之處真係不需多講，本人強力推薦！之後有椒鹽九肚魚和椒鹽鮮魷，惹味而不油膩，佐酒一流。涼拌魚皮，一個字爽！冰鎭東風螺，螺味鮮甜；孜然骨、黃金涼瓜、西蘭花鮮魷和真功夫炒飯全部鑊氣火候十足！一晚飲飽食醉之夜，此店食材新鮮，廚功十足，伙計服務落力，絕對係回頭之選，期待下次嘗試其他菜式。