煙燻肉餅料理

不時都會過來西九龍中心逛逛，間中亦會到樓上的美食廣場「醫肚」。對比上一次來，原來美食廣場大裝修了，地方感覺比以前寬敞些。走一圈，想吃得清少少選了這一家「煙燻肉餅料理」:)。個美食廣場新裝修之後，除了一些公眾區之外，亦有一些餐廳設有自己的吧枱位。因為開放式廚房，除看到師傅認真做菜，更看出內裡環境整潔，對衛生有要求。餐牌分為傳統肉餅類及煙燻肉餅類，套餐包了白飯、油菜和足料老火湯，而且，更標明採用新鮮肉製作，即叫即蒸，誠意十足。今晚傳統少少選了「土魷馬蹄蒸肉餅餐」（$58），青紅蘿蔔豬骨湯十分老火，店主更特意加熱，好像生滾粥般，而菜心清甜，至於主角蒸肉餅，肉餅打得鬆化，混入了很多土魷及馬蹄，自不然食味與口感都升上一個層次，配以飯粒分明有米香嘅白飯，簡單美味。不用$60就已經有湯，有菜，有肉，有飯，更是一餐很健康，又夠營養的晚飯。…查看更多

不抱怨環境見到大廚Jackie 之前訪問慕名而來，沒有失望。點咗芝士鮮蝦馬蹄蒸肉餅，充滿儀式感，用火槍去將芝士燒熔，估唔到芝士同埋肉餅係可以咁夾。例湯沒有味精，連跟餐嘅菜心都係切得好整齊。Jackie 將美食廣場變成fine dine 感覺，驚喜之作。…查看更多

開頭個煙燻鮑魚肉餅以經足夠我再幫襯，之後發現個鎮江骨真係雙雙中槍，我老婆星期六食完要等到星期二先有得食都炸晒型，而家我哋機本有時間就落去食，真係唔多寫評論嘅都唔寫唔得！…查看更多

隱藏係food court既特色煙燻肉餅飯餐廳分左兩種肉餅飯 (傳統/煙燻肉餅)每個餐包左白飯,油菜,足料老火湯叫左個煙燻鮮蝦馬蹄蒸肉餅飯 $66老火湯好足料😍幾好飲肉餅份量都幾多🙈幾好飲座位唔算好多 得幾個位當日12:00去到下round要等50 mins建議大家早啲去🙈🌠餐廳收現金,支付寶,Payme🕛營業時間: 星期一休息;星期二至日 12:00-15,30 /17:30-21,00…查看更多

西九六樓嘅美食廣場裝修環境都唔同哂, 地方感覺比以前寬敞些, 除了一些公眾區之外, 有啲餐廳設有自己嘅吧枱位, 睇到師傅整料理過程, 感覺乾淨衛生; 呢層仲多咗好多新餐廳進駐, 除咗廣為人知的意粉外, 更加要試下呢間「煙燻肉餅料理」, 原來老闆係做開酒店西廚, 而家開舖想試下啲唔同嘅野; 看似簡單嘅蒸肉餅, 但要蒸得出色, 仲要玩埋煙燻, 中西合璧, 真係冇得頂。餐牌分為傳統肉餅類及煙燻肉餅類, 每個套餐包咗白飯, 油菜和足料新鮮靚湯,仲標明採用新鮮肉製作, 即叫即蒸, 新鮮烹調係需要等待。土魷馬蹄蒸肉餅 - $58我哋要咗一份土魷馬蹄蒸肉餅, 肉餅用新鮮豬肉整, 肉餅打得鬆化, 食落豬油脂嘅香氣, 蒸嘅時間都啱啱好, 蒸製嘅肉餅鮮嫩多汁, 唔需要再額外加任何調味, 一啲都唔會柴, 個肉餅可以用鬆軟嚟形容; 土魷搭配上幼細爽口嘅馬蹄, 真係好夾。鮮蝦馬蹄蒸肉餅 - $63呢個鮮蝦馬蹄蒸肉餅蒸好後, 師傅會在客人面前親自烹調, 用煙燻槍燃燒煙燻木材注入蓋內嘅蒸肉餅, 令蒸肉餅有陣陣煙燻木香, 增加肉餅嘅味道更濃郁; 新鮮嘅蝦肉, 搭配上幼細爽口嘅馬蹄, 入面蝦嘅份量都唔少呀, 而且鮮味爽口, 肉餅鬆軟可口呀!這兩個蒸肉餅仲配以飯粒分明有米香嘅白飯, 清爽香甜嘅蠔油灼菜心, 足料嘅青紅蘿蔔煲豬骨, 非常鮮甜好味, 絕對唔會係味精湯, 師傅更特意加熱, 包你飲到熱辣辣嘅住家湯呀! $60幾蚊食到有菜有肉有飯又有湯嘅餐, 仲要夠健康夠營養, 真係好吸引呀!…查看更多

我一踏進這間煙燻肉餅店，就像走進了天堂的側門。那股濃郁的煙燻香氣，簡直像音樂一樣直衝腦門，讓我瞬間肚子狂叫三聲。第一口下去，我整個人差點當場跪下——外皮焦香酥脆，裡頭卻軟嫩多汁，肉汁滿到像要從嘴角溢出來，完完全全是肉餅界的天花板。那種煙燻的味道不是隨便炭火就能燒出來的，它像是店家用歲月和靈魂慢慢燻出來的魔法。配上特製醬汁，每一口都是風暴，每一口都讓我想尖叫「這也太好吃了吧！」我甚至懷疑他們的廚師是不是哪個古代宮廷的御廚轉世，才能做出這麼驚天地、泣鬼神的肉餅。我吃完之後，不是飽足，而是感動。這不是一頓飯，這是一場煙燻肉餅的神聖儀式。我發誓，我願為這肉餅排隊三小時，甚至寫首詩來歌頌它。這間店，必須封神。…查看更多

今日去左西九龍中心6樓大廚美食廣場搵食，呢層有非常多新餐廳進駐，除咗廣為人知的意粉外，更加推薦試吓呢間「煙燻肉餅料理」，看似簡單嘅肉餅，背後極其花心機，仲要提供煙燻，有儀式感同時味道兼得。望望餐牌有數款選擇，鮮蝦馬蹄蒸肉餅、原粒日本瑤柱配香菇肉餅、暗黑墨魚馬蹄肉、糖心鮑魚菜肉餅、等等，菜式別樹一格，份量十足。價錢$50至$70不等套餐配上。白飯，油菜、足料老火湯，價錢合宜。是日老火湯：青紅蘿蔔豬骨湯，味道清甜溫潤，帶有濃郁的蔬菜自然甘香和豬骨的醇厚感。豬骨提供豐潤的肉香和油脂，湯汁濃白，口感滑順。煙燻原粒日本瑤柱配香菇肉餅：威士忌煙燻木融入料理搭配瑤柱或肉餅，能賦予食物獨特的酒香和煙薰層次，瑤柱時間短，肉餅可稍長，肉餅香菇底味深厚，原來喺製作肉餅時已用高湯喂入，瑤柱深邃的燻香，同時保留海洋的鮮甜，外層裹著淡淡焦香。厚實的冬菇，提供菌香與咀嚼感。肥瘦比例3:7的豬絞肉，手打至起膠，肥瘦適中，瑤柱的細膩柔軟對比肉餅的紮實彈牙，口感立體。煙燻暗黑墨魚馬蹄蒸肉餅：墨魚汁的鮮鹹海味，賦予肉餅深邃的黑色，並帶有獨特的海洋鮮味。馬蹄的爽脆清新平衡肉餡的油膩，增加口感層次。煙燻的焦香木質調威士忌橡木或櫻桃木煙燻，增添複雜風味。 豬肉的油脂甘香肥瘦適中的絞肉，讓肉餅柔嫩多汁。 米飯🍚仲要用上珍珠米，真材實料用料上乘，食得出好俾心機製作、全部用上新鮮嘅材料沒有多餘嘅花巧野。總結：絕對係心機菜 看似簡單嘅肉餅用料上乘非常下飯…查看更多

煙燻肉餅料理 (深水埗)深水埗欽州街37K號西九龍中心6樓美食廣場6FC30-32號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：煙燻鮮蝦馬蹄蒸肉餅套餐 $63師傅會以獨特的煙燻工藝在客人面前親自烹調，賦予肉餅濃郁的香氣，精選鮮嫩多汁的蝦肉，搭配上細滑彈牙的馬蹄，形成了絕妙的口感組合。蒸製的肉餅鮮嫩多汁，難得的是能很大情度地去掉油份，充分展現了廚師的高超技藝。這道套餐還配有白飯、清爽的油菜、足料老火湯，頗為豐富。今天的湯是青紅蘿蔔煲豬骨，非常鮮甜好味！😄😄😄…查看更多

煙燻肉餅好掂！ 🔥🥟 深水埗街坊私藏嘅「煙燻肉餅料理」，今次試咗佢哋嘅煙燻原粒日本瑤柱配香菇肉餅，真係有驚喜！煙燻原粒日本瑤柱配香菇肉餅(價格：HKD 88)肉餅厚實如手掌✋，表面焦糖色油亮，原粒瑤柱大過5蚊銀💰，香菇絲如金線鑲嵌，未食先興奮📸！一上枱煙燻木香撲鼻，混住瑤柱海水鮮味🌊，好似行緊日本乾貨市場～ 肉餅：七成半肥瘦豬肉，剁得粗獷有咬口🐷，煙燻味滲透每絲纖維，鹹香中帶蜜糖甜，食到尾聲喉嚨有微微回甘🍯。日本宗谷柱蒸透仍彈牙，鮮味濃到似吞咗啖海鮮湯🌊。香菇吸盡肉汁同煙燻精華，咬落爆汁💦，可惜份量偏少😕。🌟 總評 (80/100)✅ 優點：瑤柱鮮味吊出肉香，煙燻工藝令人敬佩，真材實料。⭕ 注意：略嫌油份偏高，建議配白飯平衡🍚。🙆‍♂️ 必試食法：瑤柱撕碎撈飯，鮮味×煙燻×飯香三重暴擊，打工仔嘅奢侈小確幸～💼✨…查看更多

我平時响西九龍中心附近返工，同飯腳lunch都有幫襯開呢間，今日放工本身買餸煮飯，突然醒起不如買比我老公試吓佢地舖招牌菜。。‘’煙燻玉桂鎮江肉排‘’(好彩我醒目，一早叫定靚女老板娘留定兩份比我😝，因為有時lunch去食，試過已經賣哂，超失望🥹)嘩，拎到返屋企仲熱辣辣，完全同平時堂食一樣咁好味無論個汁味道，一字骨肥瘦度又剛剛好，唔會食到d雪藏味，仲有，我平時出去食飯我一定唔要例湯，但呢度個湯值得一讚唔會好似出面果d溝水溝到淡茂茂，完全係家的味道，我堂食時見住老闆娘煲番熱先比客架超用心(所以話。。大家要支持呢d良心經營小店吖)…查看更多

。。罕有煙燻肉餅套餐。。今天晚上，我們去到西九龍中心6樓美食廣場煙燻肉餅料理(深水埗) 晚餐。餐廳開了不足三星期 ，餐牌上寫著：採用新鮮肉製作，即叫即蒸，保持新鮮；可見廚師 對食材製作的用心。 餐具都是用紙製造的 ，例如 匙羹和碗 ，可見店主對環保的重視。我们品嚐了兩道特別的蒸肉餅，分別是煙燻鮮蝦馬蹄蒸肉餅和煙燻暗黑墨魚馬蹄蒸肉餅。前者的鮮蝦鮮嫩多汁，搭配馬蹄的清脆口感，讓人一口接一口，令人陶醉。而店主推介的墨魚肉餅則更具特色，煙燻的香氣與墨魚的鮮美交融，味道濃郁，讓我们感受到海洋的氣息。這兩道套餐的價格分別是63元和65元，絕對物有所值。每道套餐還附有白飯、油菜及足料的老火湯，湯底以青紅蘿蔔為主，清甜可口，為整頓飯增添了不少風味。同時，我們又可以親身目睹 整個煙燻肉餅的過程， 可以增長知識。整體而言，這次的用餐體驗十分滿意，讓我對這家餐廳留下了深刻的印象。下次還會再來品嚐其他美食！…查看更多

深水埗呢間煙燻肉餅，真係食過返尋味😍尋日去西九龍中心掟彩虹，掟到腳軟軟，嚟到西九龍中心6樓美食廣場6FC30 - 32號舖，就係呢間賣煙燻肉餅料理嘅店，食啲正氣嘅晚餐。點咗招牌嘅煙燻鮮蝦馬蹄蒸肉餅同煙燻暗黑墨魚馬蹄蒸肉餅。煙燻鮮蝦馬蹄蒸肉餅，一上枱，陣陣煙燻香就撲鼻而來。咬落去，肉餅好彈牙，鮮蝦好爽口，再加上爽脆嘅馬蹄，口感豐富到爆炸💥 每一口都充滿住鮮味同煙燻嘅獨特風味，真係食得我停唔到口。煙燻暗黑墨魚馬蹄蒸肉餅就更加犀利啦！用咗意大利製嘅墨魚汁，個樣黑麻麻，好似好神秘咁😏墨魚嘅鮮味同肉餅完美融合，馬蹄又增加咗爽脆口感，真係好特別嘅搭配。而且食完個嘴都會變得黑黑哋，充滿樂趣。#深水埗美食 #煙燻肉餅 #特色料理 #美食探店 #舌尖上的香港…查看更多

今日去又咗西九6樓嘅美食廣場(嗰度有啲奇怪嘅吸引力😂去完又去)最近多咗好多新進駐餐廳除咗意粉之外 去開都不妨試吓呢間肉餅🤪懶人包📝可能你聽到肉餅會覺得好普通但佢絕對係好食嘅肉餅 而且老細係清楚點解要用某隻材料同埋到底點解會有嗰個step食得出心機 同埋認真好食😋份量亦好足! 最平$50有肉有菜有飯仲有老火靚湯煙燻肉餅就$6X嚟到見到煙燻以為係花臣嘢? 錯! 佢堅有料😂用新鮮豬肉整 唔落麵粉 食落豬油脂嘅香氣好出簡單嚟講就係平靚正 鍾意油香嘅朋友真係咪錯過🤭👍🏿煙燻原粒日本瑤柱配香菇肉餅 $65煙燻唔係淨係得個樣架! 原來都有佢嘅作用店主話係將煙燻嘅whisky帶到個肉餅度 有助提鮮😋肉餅真係好滑好有油香 但又唔會話好greasy瑤柱同香菇嘅甜味蒸完滲晒落個肉餅度但瑤柱食落依然有甜味 淋身唔鞋肉餅仲加入咗魚湯同意大利海鹽 入面有啲菇粒 味道一啲都唔寡 鹹度啱啱好 送飯一流呀🤤!老火湯都唔係求其Hea你㗎飲到豬骨嘅清甜 仲有蜜棗紅蘿蔔同粟米暖胃而唔太油膩🥰另外仲包一碗飯同油菜 呢個價錢有呢個質素史努比覺得唔錯喎🤭味道: 8/10性價比: 8/10👍🏿煙燻溏心鮑魚髮菜蒸肉餅 $68肉餅同頭先嘅一樣嘅~不過個人覺得瑤柱嗰款多啲甜味🤭呢個就係髮菜同鮑魚鮑魚淋得嚟彈牙 髮菜同肉餅呢個combo少見 估唔到毫無違和感🤣🤣最後都要再讚多次 份量比足 大大份肉餅😋抵!味道: 8/10性價比: 8/10*不設加一服務費*(品牌合作分享)…查看更多

西九六樓個美食廣場大裝修，而家曠大左好多，是晚去試左一間專食肉餅嘅攤位，店名叫煙燻肉餅料理。大概七點半來到，全部餐都賣曬啦，得返J餐同M餐，咁就同朋友一人試一樣啦。全部食物即叫即整，睇住店家預備肉餅，蒸肉餅，再淥菜，仲煲返熱份例湯，係滿滿嘅誠意，即叫即整梗係好食好多啦😋⭐煙燻鮮蝦馬蹄蒸肉餅一份入面有好多隻蝦㗎，鮮味爽口，正喎。⭐煙燻溏心鮑魚髮菜蒸肉餅個肉餅同樣係馬蹄口味的，上面放了鮑魚同髮菜，滿滿的高級感。肉餅調味剛好，唔需要落豉油就已經好正，一大碗肉好有飽足感呀🤤個餐包埋白飯、油菜同足料老火湯，珍珠米軟綿有飯香，老火湯熱辣辣真係好好飲，是晚係紅蘿蔔豬骨湯，湯頭鮮甜濃鬱，仲係無味精㗎。肉餅蒸熟後會進行煙燻，視覺效果一流😎拍返條短片打下卡先。六十幾蚊有肉有菜有飯有湯真係超抵食，味道仲好正添，一睇師傅手勢就知有料到，大推❤️…查看更多

話說朋友介紹話西九龍開左間新嘢，食煙燻肉餅，佢話係直情西餐嘅煙燻做法crossover中式肉餅！我好奇心驅使之下，上星期終於去左試，哈哈！原來佢都幾多選擇，因為有嘅至愛咸魚，所以最後都揀左咸魚！因為咸魚係傳統肉餅係無煙燻嘅，我猶豫咗勁耐，要煙燻定我最愛嘅咸魚，煙燻都係留返下次😆我想講隔離個人食煙燻勁有儀式感囉，真係exactly食西餐煙燻咁有個玻璃罩，喺你面前煙燻，唔係揸流攤話自己煙燻，下次真係要試下。講返食物，如果唔好食嘅話，攪乜gimmick都嘥氣，咸魚肉餅飯配油菜再加例湯都只係$54! 咸魚嘅幾有咸香味但唔會過咸，幾好！肉餅食得出係新鮮，唔係硬骨骨嗰種，唔錯👍反而個湯先有驚喜，竟然係無味精靚湯，又足料，我當日係紅蘿蔔粟米煲豬骨，其實一睇啲色就知夠濃，唔係無味溝水嗰d，飲落好甜嘅，配料新鮮，超好飲！我諗我好快會再嚟😋下次我會約埋朋友一齊嚟，可以試多幾款，同埋用第一身視覺影下個煙燻，試吓佢咩料，佢有鮑魚同埋出面比較少有螺咀嗰啲，不過今次都食得出佢d食材新鮮，應該唔會差得去邊！絕對有下次！…查看更多