煌府將軍薈

日頭工作已經很累, 晩上不想煮飯, 所以今晚外出晚餐. 有小米在場, 就要選擇座位舒舒服服的餐廳. 中菜酒樓, 保証地方夠大夠靚. 加上新推出的<超值3選1>, 應該很抵食. 有瑰麗的裝潢, 每張枱有一定距離, 正!   北京片皮鴨   3人可享用半隻.   真身: 鴨皮鋪在炸蝦片表面, 鋪得滿滿. 原來部份只是鴨皮, 部份是皮肉相連, 而且是大舊肉果種.  先取出一塊厚身的餅皮, 光也透不過來的厚皮, 放上鴨肉, 韮黃, 青瓜, 沾上紅色的醬. 不是甜麵醬, 是腸粉那個甜醬!!!!  如果是夾著鴨皮來享用,  感覺還OK. 不過, 包著鴨肉的話, 會比較難以咬開, 還要不斷咀嚼那厚身的餅皮呢! 看來單直接食鴨肉仲方便. 小米反而對墊底的炸蝦片有興趣.   鹹魚雞粒豆腐煲    含綺, 小米所愛,  GEAR粒, 阿媽所愛.  而豆腐軟綿綿, 我所愛也,  一個煲集齊大家喜歡的食物, 所以要來一份. 煲仔熱辣辣, 鹹魚雞粒豆腐都是熱辣辣的. 豆腐有著鹹魚來吊味, 所以很美味, 伴飯也一流. 不過雞肉帶有梘水味, 還是主力去享用<含綺>和豆腐吧!  XO珍菌爆豚肉   甜豆, 彩椒, 鮮菇, 黑木耳, 雞脾菇來炒豚肉.   蔬菜菇菌類有XO醬調味, 所以覺得很新鮮, 很惹味.    絲絲的豚肉, 實際是豬頸肉. 豬頸肉脂肪比例高是事實, 可是個人覺得這豬頸肉帶有微微的梘水味. 心中懷疑是梳打粉! 其實豬頸肉有大量脂肪保護, 所以久煮而不老, 無需額外加梳打粉/鬆肉粉來破壞肉質纖維.  自己不習慣那個梘水味的豬頸肉, 所以放棄了豬頸肉, 碟子上留下一大堆豬頸肉了.    蒜蓉炒菜遠   嚐過多種肉類,  要來一份青菜扮健康. 其實炒菜遠也有很多油份!!! 幸好菜遠很清甜, 没有苦味, 就連味覺十分敏感的小米也肯食菜菜, 就証明青菜真的很甜.   今晚竟然覺得青菜豆腐菇菌類好好味! 多得那個有梘水味的雞肉和豬頸肉. …查看更多

看過早場後, 剛好記起今天是初七人日, 所以想飲茶.  還以為這是平日, 所以客人不多. 看到餐牌, 才知道真正原因. 茶位每人13, 小點是19.8, 中點是27.8, 大點是32.8, 特點接近40, 另外有加一! 門口没有標示這個農曆價格呢!!!反正來到, 就在此嘆茶吧! 可是茶壺裡是茶包. 很多茶樓已改用茶包了! 不但方便職員清理茶壺, 亦方便計算茶葉成本, 但茶包會滲出很多超微細的XX粒嫁!!!    蘿蔔千絲酥 (大點) HKD 32.8   看到這三件黃色的物體, 心中不禁一沉. 以往在多家中菜館享用的蘿蔔千絲酥都是淺黃至米白色之間, 大致接近麵粉的原色. 麵粉糰跟酥油多次堆叠, 就會變成多層薄薄酥皮而達至千層外表, 一咬即碎, 不粘結. 但這個黄色的東西, 酥皮厚身, 層數不多而且粘度高. 制皮時, 酥皮堆叠次數少, 所以酥皮層數有限. 跟印象中的蘿蔔千絲酥有很大分別! 這個酥皮的黃, 是來自蛋黃的黃? 還是檸檬X? 日落X? 個人比較喜歡接近麵粉的顏色!!   順德鯪魚餅 (中點) HKD 27.8  三塊金黃色魚餅, 有炸過的痕跡. 把其中一件鯪魚餅夾走, 才發現碟子上有很多油. 鯪魚餡有果皮味, 假如改變包裝方法, 變為鯪魚福袋, 白烚或清蒸上枱, 應該會更健康更美味.    潮州蒸粉果 (小點) HKD 19.8 熱辣辣上枱, 飽滿的粉果, 雖然外皮很厚, 但餡料很足, 所以很喜歡這個粉果.    上湯小籠包 (中點) HKD 27.8 小籠包面皮較軟身, 浸在湯內易破損.    皮蛋瘦肉粥 HKD28 家人表示初七人日要食粥, 食足食足. 小米很喜歡這個粥, 添了一碗又一碗了!  估計粥是軟綿綿不用太咀嚼, 即係SHOW ME YOUR LOVE的朋友.   花生香甜糖不甩 (中點) HKD 27.8 本來是小米選擇的甜品, 上枱時才知道是使用黑芝麻湯圓. 而小米不食黑色食物, 所以嚐過一件就放棄了! 唯有自己將其消滅!!    店內提供WIFI, 小米可勁打機, 自己可勁上網, 實行慢慢嘆, 消磨一個半鐘. 埋單三人合共HKD 223.…查看更多

假期通常想飲茶，尢其係平日唔駛等位。今午過黎仲有優惠點心，鍾意食叉燒包，包面夠乾唔會有倒汗水整濕曬，饀料有叉燒粒，唔肥加埋蠔油汁，好味，仲要係小點，抵食！小點仲有潮州粉菓，皮夠煙韌，饀料有爽粒，點d辣油，好呀！最後食埋豉汁蒸鳳爪，花生係底，熱辣又惹味，好快被‘消失’了，再飲杯茶，一盎三件是也！…查看更多

作為一個片皮鴨愛好者係吾會放過仼何食片皮鴨嘅機會煌府經常搞5選2優惠 58蚊就有半隻片皮鴨2個人去食真係抵到喊！雖然食落啲皮有啲厚 食落口感冇咁好但啲鴨無論油分定脂肪都好足 58蚊依個價錢真係好抵食另外仲叫左1個咕嚕肉 88蚊大大蚊 肉仲吾會有渣或者𡁻吾到住附近真係可以日日去…查看更多

昨天公司歡送同事，去左將軍澳廣場飲茶，貪佢坐得闊落，食物都有質素，7個男人叫左12個點心加2個炒飯/麵。比較突出既有奶黃包，做到迷你兵團嗰樣，仲有紫薯馬拉高，鮮蝦腸粉都唔錯，夠滑。由於有人爭住請，所以唔知幾錢，但總結食物都算有質素，相信價錢唔平。…查看更多

3人行第一次嚟呢間飲早枱與枱之間都幾闊座位唔會好迫～雖然冇咩人飲茶～但係都冇咩服務仲有早茶精選皮蛋瘦肉粥大大碗～不過冇咩料蜜汁叉燒腸腸粉皮都幾滑～叉燒粒份量都可以蠔皇叉燒包皮唔會好濕～唔會好多叉燒肥膏潮洲蒸粉果皮偏厚少少～但勝在足料一啖咬好好味鮮蝦菜苗餃～菜味濃蝦肉適量醬汁蒸鳳爪賣相同其他酒樓冇咩分別～鳳爪入味有四大舊龍蝦湯鮮竹卷～湯就食唔出去龍蝦湯～鮮竹卷都麻麻地香煎蘿蔔糕切得比較薄～唔抵食不過勝在煎得好香口鮮竹牛肉球大大粒～不過粉比較多～配腐竹、醋還可以四寶滑雞扎份量足～雞肉、魚肚都大大嚿…查看更多

星期日同屋企人飲茶，試一試煌府將軍薈，它地方大，也較容易搵位。煌府將軍薈，一列的落地玻璃窗可以遠眺綠油油的山景。室內簡潔明亮，枱與枱之間空間寬敞，沒有壓迫的感覺。而且星期日10時前埋單，都有早茶精選優惠。蜜汁叉燒腸，腸粉幼滑，叉燒餡料充足，美味可口。章魚肉餅飯，飯量充足，肉餅不油不膩，味道適中。香煎蘿蔔糕，夠大件，但稍為粉多感覺。皮蛋瘦肉粥，皮蛋不太多，不過不失，可以飽肚。鮮蝦菜苗餃，餃皮不太厚，菜苗也份量充足。煌府蝦餃皇，每籠兩隻，味道一般。金牌甘筍流沙包，可惜表皮有皺紋，賣相略為遜色，而且餡料不夠多，沒有流沙之感覺。南翔小籠包，皮薄餡靚，是一個很好的選擇。…查看更多

話說台式餃子店的粟米湯售罄，泰菜餐廳裝修，平價薄餅店又大排長龍，加上想全家可以舒舒服服地用膳，所以今晚＜無啦啦＞到此晚餐。本想點五選二特價小菜，可是職員建議食＜免費乳鴿＞。　還以為是愚人節大整蠱呢！原來真的免費，只是每人贈送乳鴿半隻。　你精佢唔笨！　另外＜免費乳鴿＞又不可跟＜五選二優惠＞同時使用，還要在主餐牌至少散點一款食物。魚與熊掌，不可兼得。最後選擇免費的乳鴿。紅燒乳鴿　　乳鴿全為對半開。由於是剛炸起，切開後，仍滲出鴿油。　乳鴿皮連肉一起品嚐，口感當然是滑滑。就連最厚肉的鴿胸也依然肉質滑滑。雖是免費，也絶不欺場。小米最喜歡食乳鴿頭，所以獨享。果皮蒸大連鮑魚　　鮑魚細細隻，一口一件。姬松茸黑松露醬蛋白炒飯　　小米喜歡的黑松露炒飯！黑松露滑蛋蝦仁　　　又是黑松露　　　　欖菜肉鬆四季豆　　四季豆很受歡迎，大家很快把四季豆消滅。肉碎混有冬菇，碟底還留下一層厚油，感覺好油膩。炸煎堆　　好油好油的甜品！！！不知何故，今晚的樓面職員竟然識笑！還很有禮貌！因為愚人節？　還是當晚有高層在場？可是，晚餐後没有免費糖水／果盤提供，是最大的缺點。…查看更多

星期六可以訓到自然醒真係好爽！一起身已經差唔多一點，所以就同屋企人出去飲左個下午茶今次我地去左將軍澳煌府！果然係星期六，好多人，但都好快入得。我地坐個位唔係好寬闊，而且冷氣有啲大，好彩有著外套去。 一坐低緊係睇下有咩食。呢張係下午茶點心紙，選擇都唔少，但風味小食果度局住人要㨂兩款就真係有啲麻煩，未必個個人都㨂到兩款想食嘅。好彩咁岩我想食咸菜豬肚，爸爸想食鮑汁鳳爪。鮑汁鳳爪算入味，肉質軟熟但唔係入口即融個種，都彈牙有咬口。個人黎講我鐘意有少少咬口嘅多過燜太耐入口即融個種。而呢度嘅咸菜豬肚好重胡椒味好正。我最怕食咸菜豬肚唔夠胡椒味唔夠咸（我承認我對呢道菜係有啲重口味😂）。而且豬肚夠多夠厚，真係要比個👍🏻佢。如果咸菜再多少少就好🤤🤤乾炒牛河就唔係下午茶點心紙入面嘅，85蚊一碟。乾炒牛河追求嘅就係每一條河粉都係上到色。呢碟就做到9成，唔會食食下見到好多白雪雪嘅河粉咁大煞風景，而且夠鑊氣！牛肉份量唔少亦都唔韌，整體黎講很不錯！跟住我地仲食左煎堆仔同黑糖蜂蜜糕。煎堆仔熱辣辣，有芝麻香，而且我內餡唔太甜剛剛好，食兩粒都唔膩。黑糖蜂蜜糕一上枱就冧咗三件，賣相唔好但唔影響食物質素。一咬開就見到件糕呈蜂巢形狀，同平時馬拉糕個種軟熟鬆化感覺唔同，佢係有少少煙韌。唔會太甜不錯👍🏻整體而言係幾好嘅用餐體驗，如果冷氣可以較細啲就好，因為太大風啲食物好快凍，凍左自然冇咁好食，尤其係點心類嘅食品。…查看更多

lacking flavour, and many dishes coming out cold.veg (lettuce) came out last, after all the rest of the food was finished. insanely greasy dish of lettuce, swimming in oil. completely inedible and how can lettuce take so long to prepare? i would never eat at this restaurant again, because the experience is truly awful. decor and cleanliness is fine, but food-wise this is the worst dim sum i have probably ever eaten.…查看更多

＜煌府將軍薈＞大年初一應下節，order左個有豬仔樣嘅奶黃包，🐖年祝大家🐷籠入水發過🐷頭😊農歷新年例牌都會同屋企人飲下茶，喺將軍澳煌府算係易搵位，吾洗等太耐。至於野食種類我覺得算多，但質數就有 d 參差，好似今日咁叫左拉布腸粉，腸粉好滑皮夠薄，但豉汁鳳爪就超喊。另外有個幾特別嘅就係蛋煎糯米雞，入面仲有喊蛋，吾錯！酒樓難請人，有時佢地人手未必夠，所以都要預左有機會好耐先揾到人幫手！Hkgalxfoodlover回頭率：70％…查看更多

今晚巧遇將軍澳街坊,佢提議擇日不如撞日,一齊食飯,於是我地就去左附近將軍澳廣場煌府將軍薈門外見到有侍應正在片鴨皮, 鴨身燒得很靚,當然要點選金陵片皮鴨半隻一食片皮鴨送上檯已片好一件件,鴨皮燒得香脆,油香四溢,附送一大籠熱辣辣薄餅皮,鴨肉夾埋薄餅;京蔥同青瓜一齊食 , 超好味九重塔鮮菌牛柳粒牛柳粒超腍,牛肉味夠濃,配獨有九重塔醬汁爆炒,鑊氣十足,用黎送飯一流濃湯海味什菜煲大量菜心,生菜,小塘菜配埋蝦乾發上湯煨製,蔬菜索左濃湯味道,寧舍好食金蒜銀絲蒸元貝黎酒樓食飯點少得食海鮮, 元貝夠晒大隻,用左大量金蒜,粉絲,熟油作配料,元貝鮮甜,配料更加將鮮味大大提昇,正四道菜總計約四百元,食物質素幾好,而且侍應招呼唔錯,座位又闊落,不失為晚飯好地方…查看更多

平時去開將軍澳煌府飲茶，去食晚飯都係第一次。中意黎煌府，係因為新裝修好靚好大，而且價錢相宜。煌府專做婚宴，地方大又濶落，場內一棵櫻花樹，意頭十足！晚餐套餐選擇非常多，中意海鮮既朋友更加大把選擇！今晚藍妹啤酒仲有推廣價，當然要飲杯啦！由於今晚四個大人，費時諗食咩，就直接叫海鮮燕窩餐，四人份量加價錢相宜。雖然係推廣套餐，但係用料十足，絶無將貨就價。先上陣既竹笙海皇會燕窩，已經令在場既女仕興奮。。。燕窩養顏嘛！上湯焗大蝦球伴伊麵以大蝦球代替龍蝦，好處就係啖啖肉加食得方便，唔洗用手去骨甘論盡，而且大蝦相當大隻，炸得脆脆，正！清蒸沙巴珍珠龍躉呢條珍珠龍躉都好夠份量，四個人食啱曬。 黃金脆皮走地雞半隻脆皮雞食得多，用走地雞既餐廳唔多，煌府對材料既選擇，好有心機。濃湯海味雜菜煲係自選菜式，我見個套餐無咩菜類，就選擇左濃湯海味雜菜煲。意外驚喜除左雜菜多，個湯真係好好飲，可以當海味雜菜湯飲呢！特色嶺南甜點係桂花糕。我地另外叫左招牌生磨合桃露。熱乎乎又香噴噴既合桃露，做飯很甜品，真係大滿足。煌府無論飲茶定晚飯，都係不錯既選擇。…查看更多

最近屋企食飯，都鍾意去將軍澳嘅煌府開餐。呢度開業一年幾，唔單止裝修靚，地方廣闊，坐得好舒服。而且服務每一次無論飲茶，定係晚市，職員都服務周到，非常細心，亦都係我爸爸鍾意嚟呢度食飯嘅原因。今日試咗佢哋最近推廣嘅四人餐，海鮮燕窩餐四人用，覺得好抵食，所以想同大家推薦一下。先上場係竹笙海皇會燕窩。足料，鮮味十足！一粒粒燕窩，食出貴氣！加少少紅醋調味，簡直一流。另一個抵讚嘅係清蒸沙巴珍珠龍躉，太大條龍躉，肉厚美味，值回票價。上湯焗大蝦球伴伊面，都係我鍾意食嘅推薦節日。六隻大蝦球，炸得入味彈口，伊面味濃，滋味十足！黃金脆皮走地雞半隻平時食炸雞，雞肉未必咁好味，煌府用咗走地雞，皮脆肉滑，一讚！由於呢個套餐，仲可以自選一款菜式，我地選擇健康的濃湯海味雜菜煲。講到濃湯，一啲都冇花冇假，湯濃，令時菜不單調。最後叫咗佢哋呢度出名嘅生磨合桃糊。合桃味香濃，而且不太甜，健康得來又有營養，推薦俾大家，一定要試！…查看更多

今日到樓呢間酒樓吃個家庭晚飯第一道菜是果皮蒸大連鮑魚，鮑魚大小還可以，口感彈牙，有果皮香，可以吃得出鮑魚的鮮味！味道還算不俗呢！第二道菜是蒜蓉粉絲蒸元貝，粉絲吸收了湯汁跟蒜蓉的味道好惹味，元貝夠新鮮，還算大隻，總體海鮮類評分不俗～接下來另一度菜是南乳吊燒雞，這度菜值得一讚，可以說是片脆肉嫩又不油膩，南乳醬濃度適中又夠香口，令整個味道生色不少！全晚用餐的重點是，所有服務生的表現滿分～到中菜館用餐，最驚喜有時還是得到優質的服務吧！連太太都話抵食！…查看更多