焱丸水產

营业中

休息中

今晚同朋友去咗尖沙咀「焱丸水產」食晚飯，食咗啲好正嘅嘢，忍唔住要同大家分享下！首先係三文魚籽海膽杯，就係啲三文魚籽同埋海膽放喺杯仔入面。呢個可以話係我今晚最鍾意嘅一份啦！三文魚籽爆汁爆勻，海膽鮮甜滑口，真係好好食！然後就係赤貝啦，佢係用刺身嘅形式上嚟。赤貝肉質鮮嫩，好滑口，配上啲青檸汁同芥末，真係一流！再嚟就係帆立貝刺身同甜蝦刺身啦，帆立貝鮮甜，啲蝦好嫩，係啲刺身裏面最出色嘅一款。三文魚壽司拼盤都唔錯，五款唔同嘅三文魚味道各唔同，有海膽、魚籽等等，加埋啲醋飯，就好滿足啦。燒活貝大盛都係好好食，有鮑魚、大扇貝、蠔同蜆，放係爐火上面燒下燒下，釋出佢哋嘅鮮味，好正！最後黑松露蟹肉甲羅燒都係勁好味嘅，而且仲有一隻鵪鶉蛋，搞勻去燒，亦散發濃郁嘅黑松露味，都真係好正！最後我地飲咗冰菠蘿梳打啦，好啦，我承認啦，我鍾意飲梳打，呢杯梳打就加咗一串菠蘿冰，清新又爽口，好適合食完咁多嘢之後飲下去消化消化。總括嚟講，食物質素好高，味道好好，值得一試啊！

啱啱去完日本返黎，仲係好掛住日本嘅刺身同壽司🥲所以朋友今日就特登約我去棉登徑嘅「焱丸水産」食返餐豪華Lunch😆餐廳裝修富有日本特色，同日本嘅居酒屋一樣，天花掛滿日本嘅燈籠，牆身掛滿日本字畫，就好似返咗日本一樣🉐我地點咗2款唔同口味嘅甲羅燒，芝士蟹肉甲羅燒同黑松露蟹肉甲羅燒，由店員負責去燒，完全唔使自己郁手，啱晒我呢啲懶人😆兩者入口都充滿芝士同黑松露嘅香氣，但又唔會蓋過蟹膏原有濃郁嘅鮮味👍🏻鮑魚殼燒兩隻新鮮嘅活鮑魚上枱時仲郁緊架，店員仲會主動幫我地燒埋，鮑魚咬落去口感Q彈，入口充滿鮑香味，完全唔需要加任何調味已經非常鮮美豐州壽司刺身定食種類非常豐富，壽司方面有油甘魚、鯛魚、三文魚腩、蟹膏、北寄貝、帆立貝、魚子同海老，而刺身方面就有赤身、油甘魚同海膽，我同朋友share食，每件壽司刺身大飯量少，個人比較喜歡蟹膏同三文腩壽司，蟹膏香味濃郁配上青瓜片口感豐富，三文魚腩油脂豐富，入口肥美而鮮甜蒲汁鰻魚丼一打開盒時即刻聞到香噴噴嘅燒鰻魚香味，鰻魚肉質肥厚，油脂豐富配搭香甜嘅醬汁，加上帶辛口味嘅山椒粉，令風味大大提升兩款Lunch Set都包咗蒸蛋、沙律、胡麻豆腐同味噌湯火炙和牛刺身和牛刺身真心好

老友生日，當然要食好野大肆慶祝，識飲識食的我們揀了尖沙咀焱丸水產，點解揀這里，因為多年前曾經在這里吃過，印象非常好。今日又重遊舊地， 再來回味一番，享受地道美味的日本料理。在地鐵站N1出口， 直行轉左就是棉登徑，行到棉登徑的最尾位置，就見到花花綠綠的焱丸水產 ， 看門面裝修就知道是地道的日本美食。入到餐廳就好像去了日本，無論牆身燈飾座椅擺設，都十足日本味道。慶祝好友生日就要有些誠意，我毫不猶豫地點了這裡的招牌菜燒物，🦀黑鬆露蟹肉甲羅燒和🦀芝士蟹肉甲羅燒，松葉蟹膏凡立貝🦪燒及海膽帆立貝🦪燒，還有鮑魚殼燒兩大個。食燒物當然要凍飲，這裡最出名的是青蘋果🍏颱風🌀乳酸🥛和菠蘿🍍橙🍊梳打，用來配燒物就最合適。燒物只是我們的頭盤，主食就選了豐洲壽司刺身定食，名物海粟湯配烏冬，我們都喜歡牛油果，於是又叫了三文魚牛油果油酢漬。豐富的食物擺滿一檯，斯文的小姐姐細心地為我們炮製甲羅燒，燒好的蟹膏蟹籽鵪鶉蛋配青瓜絲吃🥒，油潤鮮味，頂級享受。跟住到燒帆立貝，兩隻大大的凡立貝加入松葉蟹膏和海膽，再放些特殊香味的小青椒🫑等配菜，燒熟的帆立貝加上湯汁一齊吃超好味。再來就是鮑魚殼燒，兩隻新鮮生猛的大鮑魚放在爐火上🔥

要找到香港的高品質的海鮮料理，焱丸水產絕對是一個值得嘗試的地方。磯燒系列提供了一些非常獨特的口味，其中蟹味噌甲羅燒和黑松露蟹肉甲羅燒都是必試的菜色，使用了新鮮的蟹肉和美味的調味料，這些味道絕對令我們回味無窮！此外，大蝦鬼殼磯燒和鮑魚殼燒也是非常受歡迎的菜式，非常新鮮生猛，鮮味滿滿，融合了豐富的口感和獨特的風味。如果喜歡刺身，可以考慮漁師2人前盛，盛合包括吞拿魚、拖羅、油甘魚、金目鯛、池魚、牡丹蝦和赤貝等多種海鮮，每一口都散髮出新鮮的味道和豐富的口感。壽司就可以選擇壽司盛合，其中包括三文魚、帶子、吞拿魚、熟蝦、北寄貝、三文魚子軍艦、海膽軍艦和各款魚類等，每一個壽司都很美味，飯也不會太多，分量上相當合適。除了美食之外，還有一些非常棒的飲品，包括有酒精及冇酒精的。白桃玉露茶是非常受歡迎的飲品之一，味道非常清新和甜美；夏天的話冰菠蘿梳打也是一個不錯的選擇，甜味及清香非常適合搭配海鮮料理。焱丸水產是香港尖沙咀區一個非常值得一試的餐廳，提供高品質的海鮮料理、刺身和美味的飲品，讓味蕾得到了充分的滿足。無論是喜歡磯燒，刺身還是壽司，都能大大滿足！

焱丸水產以浜燒為佋徠，以新鮮水產海產，活捉浜燒，香噴噴味道令人食指大動。裝修充滿東瀛特式，牆壁貼滿懷舊和式掛畫，天花懸掛七彩的旗幟和燈籠，令人全情投入於日本美食。焱丸活貝特盛 528特盛是鮮味大集匯: 鮑魚、生蠔、帆立貝、及蜆肉，鮑魚圓潤厚身，燒至邊緣微微焦色，肉質彈牙、帶嚼勁，啖啖純樸的鮮香。燒蠔如手掌般大，肉身肥美，倒上清酒燒製起泡，口感綿化，香嫰肉汁在口腔散發，滑溜可口。帆立貝爽彈，連醬汁呷入口，細膩滋味，鮮味停不了。蜆肉質感挺身，清酒令肉質更加香滑，鮮香無比。浜燒當中，當然少不了蟹甲羅燒，把蟹甲羅放在烤爐上，用上一梳梳蟹肉、蟹膏、蟹籽及鵪鶉蛋等，慢慢拌勻材料，燒至微焦。用匙子盛一口品嚐，濃稠的蟹膏配上的蟹籽粒粒，每口濃郁的鮮香，令人回味!麻醬蕃茄豆腐沙律 68蕃茄香甜多汁，在白滑的豆腐倒上稠密的胡麻醬，清爽味蕾，拌勻爽脆的沙律菜及粟米粒，十分透心涼。什錦天婦羅 150熱呼呼天婦羅: 炸蝦、南瓜、茄子、蕃薯、冬菇和秋葵等，酥香可口，甘香滋味。炸蝦香酥清脆，茄子內裡濕潤軟綿，蕃薯、南瓜帶清新的甜香，令人意猶未盡。鹽燒三文魚鮫 128油甘魚鮫香氣撲鼻，外皮金黃，魚皮脆卜卜之餘，帶淡淡

焱丸水產開業多年，主打浜燒海鮮，即日本漁民即捕即燒的食法，店子裝潢和風十足，走日式居酒屋的風格，這裡甲羅燒是必食之選，蟹蓋內放了滿滿的松葉蟹肉、蟹膏、三文魚子，燒時先把鵪鶉蛋倒入拌勻，鮮味十足。另外亦有各款日式料理，如丼飯、鍋物、壽司、卷物等供應🍣▪️超豪華12件壽司盛 $ 238套餐包括：味噌湯、茶碗蒸、麻醬豆腐、沙律師傅會挑選當天日本直送最新鮮既食材給予顧客，每件新鮮鮮味，難分高下🐠▪️左口魚刺身 $ 168新鮮，魚肉淡味帶煙靭，配合店舖自家製嘅酸汁，非常唔錯✨▪️赤貝 $ 136赤背刺身肥美新鮮又爽脆🦀▪️芝士蟹肉甲羅燒 $75🦀▪️黑松露蟹肉甲羅燒 $ 75此店名物，每台必點，甲羅燒有蟹肉，蟹膏，蟹籽，鵪鶉蛋，蔥花，燒完之後蟹膏味道超香超濃，兩種口味芝士和黑松露，不同風味都咁好食，就咁食或者配上青瓜沙律都可以🦐▪️大蝦鬼殼磯燒 $ 130大蝦肥大肉厚，燒完之後鮮味滿滿，非常彈牙✨▪️鮑魚殼燒 $ 136鮑魚燒之前仍然郁動，好新鮮，口感煙韌，不需添加任何調味料，食出鮑魚鮮味🦪▪️炸牡蠣吉列 $ 80炸蠔超級巨型，吉列炸漿做得好鬆脆粉漿又夠薄，包圍住好Juicy又飽滿嘅蠔，一口咬落去蠔汁滿瀉，好鮮

今日可以放早就約好友來焱丸吃晚飯熱情好客侍應推薦好幾款當季熱賣的菜式。蟹味噌甲羅燒，燒殼蟹的鮮味夾雜着味噌大大提升咸香鮮甜，配上青瓜絲一起吃又爽又鮮，口感十分細膩豐富另－個味是黑松露蟹肉羅燒又另一風味，正呀烏贼磯燒，睇到個名有點攪笑，其實看起來有點可愛😻，燒到剛剛好。吃落一點也不韌，十分之爽口鮮甜，好有烤海鮮風味漁師2人前刺身，買相已相當吸引，北寄貝爽鮮彈牙，吞拿魚肥美多汁，牡丹蝦鮮甜嫩滑，立魚厚切鮮味，十分滿意刺身漁師，最大惊喜是葡萄，樣子好可愛，入口是卜卜脆的，新鮮到還帶有海水咸鮮味道，鮮味好特別，我十分喜歡，好吃到停不了口🥰🥰最後點了生姜啤酒燒，味道口感很不錯的，好滿足高質的一餐我們會再光顧的

這家焱丸水產讓我耳目一新,像進入了海洋美食的樂園。店面佈置簡約大方,十足十日本的居酒屋設計。我點的漁師2人前盛刺身拼盤,盛載著色彩繽紛的海鮮美食,每一種刺身都手法高超,鮮嫩多汁。鮮紅的吞拿魚肉質結實緻密,油花閃爍;青綠欲滴的拖羅魚肉堅實細嫩,魚油香氣撲鼻;油甘魚色如琥珀,肉嫩油亮;金目鯛的精緻雕花刀工展現出廚師的功力;池魚鮮嫩清甜,牡丹蝦彈牙爽口,赤貝鮮美多汁,每一口都是海洋的味覺震撼。壽司盛合琳琅滿目,口感層次豐富。三文魚壽司米飯鬆軟,魚肉嫩滑;帶子壽司飽滿細嫩,鮮味濃郁;軍艦壽司香氣十足,海膽風味濃郁,三文魚子彈牙可口,每個壽司都精心呈現海鮮的原味。 磯燒系列同樣令我印象深刻。蟹味噌甲羅燒蟹肉鮮甜,味噌醬香氣濃郁。黑松露蟹肉甲羅燒蟹膏濃郁,松露香氣撲鼻生津。大蝦鬼殼磯燒鬼殼脆香,大蝦鮮嫩彈牙。鮑魚殼燒鮑魚味美濃郁。未食之前非常生猛, 亦非常大件, 非常足料.飲品方面,白桃玉露茶清香怡人,冰菠蘿梳打酸甜可口,一邊喝一邊嘆美食, 為這頓海鮮大餐畫上完美句號。整體而言,這家餐廳用料新鮮,味道精巧,食材搭配巧妙,強烈推薦給所有日本美食海鮮控!環境很好

今次已經係我同朋友第二次食焱丸水產，因為上次食完之後一直都念念不忘，所以事隔幾個月忍唔住又要再嚟幫襯！〈刺身〉我哋首先叫咗唔同嘅刺身，包括左口魚刺身、油甘魚刺身同埋甜蝦刺身。同上次一樣，每款刺身都好新鮮。我最欣賞係佢嘅油甘魚，油脂豐富，入口充滿魚油香。〈蟹味噌甲羅燒 、芝士蟹肉甲羅燒 〉上次試過佢哋嘅甲羅燒好正，今次再嚟諗都唔使諗，梗係必叫。同上次一樣，店員會代勞幫手燒好所有海鮮。今次叫咗兩款甲羅燒，充滿住滿滿嘅蟹膏，入口creamy充滿鹹香，加埋啲蟹籽，口感非常豐富。撈埋味道清爽嘅青瓜絲一齊食，可以中和溜感。〈醬油木魚帆立殼燒、三文魚籽帆立殼燒〉本身上次都想叫立殼燒，但因為叫得太多嘢食，食唔落，所以冇叫到，今次終於可以試。帆立貝嘅肉質彈牙，醬汁味道調得幾惹味。〈雲丹海苔芋天婦羅〉佢哋嘅天婦羅都好有水準，炸衣夠薄身脆口，而且上枱時仲係熱辣辣。海苔入面包住滿滿嘅雲丹，好足料。〈龍神號壽司〉賣相幾得意，小卷嘅面頭鋪滿薄切嘅雜錦魚生片。〈香蔥和牛炒飯〉賣相望落平平無奇嘅和牛炒飯，原來都好有驚喜。和牛粒份量算幾多， 而且脂肪比例好好，油香充足。飯粒炒到粒粒分明，估唔到居酒屋嘅炒飯都可以咁有鑊氣

環境好有日本風味活北寄貝刺身因為新鮮即劏嘅關係，肉質非常爽口彈牙，而且帶有鮮味，勁好食！食完新鮮北寄貝，真係返唔到轉頭，食唔返急凍嘅北寄貝。特上壽司盛合壽司種類多，大部分都肥美，我最鍾意係海膽壽司，入口鮮甜，完全冇其他怪味！三文魚腩壽司都好好食！蟹膏壽司就普通，可能我麻麻地蟹膏鮑魚殼燒原隻新鮮活鮑魚放在網上面燒，全程都係待應幫手燒，我哋坐喺度等食就得！燒烤嘅過程非常IG table ，火氣十足。鮑魚爽口彈牙，點埋醬油一流！黑松露蟹肉甲羅燒呢個仲IG table ，色彩豐富，滿足晒我哋嘅打卡慾望，味道濃郁！青蘋果颱風乳酸，個造型完全係100分！好搞笑😆

今日去到棉登徑尖沙咀呢一邊食lunch，之後再同朋友去附近shopping！朋友就揀咗呢一間喺尖沙咀棉登徑嘅餐廳，餐廳一入到去已經係木係嘅建築日式風格，好似返咗去日本嘅居酒屋一樣，每一枱都有一個燒烤爐，非常特別！今日比較推介嘅食物有佢嘅甲羅燒，本身想叫兩個原味，但係店員推介我哋一個原味，令一個試吓黑松露味道！店員首先會俾我哋打卡先，跟住再幫我哋好細心咁燒！之後仲會幫我哋切好，甲羅燒充滿蟹膏嘅味道，每一啖都食到有一粒粒蟹子，口感非常特別，加埋青瓜食就冇咁漏，正！另外叫咗兩隻鮑魚，嚟到嘅時候仲郁緊，非常新鮮，燒完之後亦都保持到juicy,店員控制火候嘅時間控制得非常好每一隻鮑魚都新鮮爽口彈牙，perfect!我哋叫咗一個豐州壽司刺身定食，賣相非常靚仔，忍唔住即刻攞電話出嚟打卡，呢個價錢竟然有海膽刺身，仲有吞拿魚刺身，同埋好多款唔同嘅壽司！帶子壽司，非常鮮甜，加埋少少檸檬汁嘅點綴，令人食到好Fresh嘅口感! 蟹膏壽司口感亦都非常濃厚，亦都唔會有好腥！三文魚子壽司，每一粒都卜卜脆，食得出用料非常新鮮！海膽刺身亦都非常甘甜，食得出唔係平價貨！我同朋友都非常鍾意，呢一個set嘅CP值非常高！朋友

餐廳屹立尖沙咀多年，這是第一次到訪🎏▫️❥$𝟯𝟵𝟴 漁師2人前盛🥢◂ 七款不同的刺身都很新鮮，最喜歡油脂豐腴的拖羅▫️❥$𝟭𝟱𝟲 岩手縣生蠔🦪◂ 生蠔尺寸頗大，口感清爽鮮甜▫️❥$𝟳𝟱 芝士蟹肉甲羅燒🦀❥$𝟳𝟱 黑松露蟹肉甲羅燒🦀◂ 咸鮮滿分，還各自滲透著芝士及黑松露香味▫️❥$𝟭𝟯𝟬 大蝦鬼殼磯燒🦐◂ 蝦肉肉質爽彈又鮮甜，很美味▫️❥$𝟱𝟱 青瓜海藻蟹肉酢🥒◂ 酸酸的口感非常清新開胃▫️❥$𝟭𝟯𝟴 雲丹海苔芋天婦羅🍤◂ 有冬菇、秋葵、青椒，最特別的一款為用海苔包著海膽的天婦羅◂ 每款胖乎乎的造型很可愛▫️❥$𝟱𝟱 冷烏冬🍜◂ 加了薑蓉、蔥花、芝麻，冰冰冷冷很爽口▫️❥$𝟱𝟴 白桃玉露茶🍑❥$𝟲𝟴 冰蘿蔔梳打🍍◂ 推介冰蘿蔔梳打，超冰凍解渴

有一晚星期五同朋友去咗食日本居酒屋朋友就介紹咗我去呢間係尖沙咀嘅水產店餐廳星期五非常之熱鬧，而且仲見到有唔少日本人幫襯感覺好有氣氛我哋每人都叫咗一杯酒精飲品，朋友就叫咗杯highball 我就叫咗杯梅酒大大杯飲足成晚嚟到水產店點可以唔食海鮮，所以我哋叫咗幾款貝殼類嘅燒物，分別就係甲羅燒、扇貝、海鮮全部都好新鮮，而且仲有職員幫我哋燒服務都好貼心我哋嘅頭盤，仲叫咗個和風沙律真係超級多沙律菜，配埋啲醬汁，酸酸甜甜好開胃刺身同壽司我哋就叫咗幾款，三文魚壽司拼盤每一款都有唔同嘅口味，食落去各有好食刺身拼盤每樣嘅刺身都有啲最欣賞就係甜蝦大大隻新鮮又夠甜最後就有個和牛粒炒飯做結尾，和牛粒嘅份量都多味道都唔錯餐廳真係好適合大家happy Friday去食嘢飲下酒一大班朋友去敘舊都好適合

為慶祝友人升職 而友人喜歡吃日本菜於是特意預訂了這一間十分具日本風味的餐廳一到餐廳門口便看見大大隻焱丸水產招牌十分氣勢磅礴入到去更加好似到了日本由門面裝潢至店內都滿滿的日式感更加發現有魚缸養住新鮮的食材～到點菜時候啦由於餐廳的海鮮種類繁多我與友人睇得花多眼亂 樣樣都好想一試於是便叫了8款食物！！！1. 岩手縣生蠔🦪一開波當然要食啲開胃海鮮！同手板差不多大的日本生蠔刺身賣相好新鮮、好靚忍不住影多幾張相生蠔一入口味道十分鮮甜 濃濃海水味填滿口腔超推薦大家來食2 & 3 . 甲羅燒兩件（不同口味）分別係 黑松露蟹肉甲羅燒 及 蟹肉味噌甲羅燒兩款甲羅燒和帆立殼燒都會由店員即時拌好並即場幫你燒黑松露蟹肉甲羅燒入面主要用黑松露幫蟹膏調味黑松露及蟹膏兩者味道都會較為濃郁很適合喜歡喜歡重調味的人士而蟹肉味噌甲羅主要能品嘗到蟹膏的鮮味滿口鮮香的感覺令人很滿足呢4 & 5 . 帆立殼燒兩件（不同口味）分別係 松葉蟹膏帆立殼燒 及 三文魚籽帆立殼燒松葉蟹味道十分新鮮有大大啖的湯汁 以及濃濃的蟹湯鮮味三文魚子味道就較重鹽味湯汁混合粒粒分明的魚子 每啖都有魚子的咸香好好地提升了帆立貝的味道呢6. 超豪華12件壽

今日去尖沙咀分公司攞貨，公司附近有幾間未試過嘅日式小店，所以諗住忙裏偷閑，今晚享受一下日本的氣氛。這間餐廳款式豐富，餐牌非常之多的選擇，基本上你諗到的海產都有得叫。我們比較鍾意喜歡要燒的海產，會更加提升鮮味，比較甜。最先來到的是大虎蝦，大過我成隻手掌有多，仲有專人幫我哋燒。食落非常之彈牙，又不會燒得太乾，蝦頭更加有豐富的蝦膏。這裏的甲羅燒亦都非常之足料，入面有豐富的蟹子，亦不會落太多調味料，沿用番海鮮入面的原本風味。最驚喜的是這間餐廳是用青瓜伴碟，食落去更加清甜新鮮，不像一般日本餐廳只會給梳打餅。等緊食物燒熟的時候，我們叫的壽司到了，特別推介是海膽，甜得來又非常之濃郁，吞拿魚卷亦都非常濃味，全部壽司都值得一試。飲品方面，因為聽日要返工，所以我們叫了冇酒精的冰菠蘿梳打同埋青蘋果乳酸梳打，雖然是沒有酒精，但是兩款梳打亦都非常之配合所有燒物，非常解渴。必要的燒物是三文魚魚鮫，這樣燒，更加帶出了豐富的魚油香味，亦將三文魚魚油鎖實，不會越燒越乾。鮑魚同帆立貝，亦都值得一叫，鮑魚沒有放任何額外的調味，只是這樣地乾燒，竟然出乎意料地好吃。帆立貝有兩款一款是跟魚子，令一款是跟木魚，兩樣都令到帆立貝非常