火薈中日火鍋

营业中

休息中

同識左10幾年既老朋友出黎食野, 行過呢頭見到有火煱店就上左去食, 因為大家都無話對食野好挑剔, 我哋揀咗沙嗲湯底，香香辣辣, 夠惹味。叫左手切本地牛肉輕灼幾秒，待顏色剛轉，便可享用。灼大概10秒整塊捲起來時便可享用。吃起來爽口，油份會慢慢地滲出來。一邊同朋友吹下水一邊食野都係一種享受, 食完大家都未夠飽又叫左 手打四寶丸，又真係好爽彈，粒粒新鮮美味, 整體味覺同感覺都是舊有火鍋模式，非常回味！不知不覺禁好快就食完, 估唔到想就腳食飯又比我地搵到間禁好食, 環境又咁好既餐廳。

近排天氣嚴熱，但也不損我約E君按朋友搓來的美食情報，去3太子花園街的火薈中日火煱享用拾下拾下打邊爐二人套餐。環境不錯，位置也離地鐵不太遠，頗易找。今日除了兩位起的海鮮火煱抵外，見鄰度幾枱都點了原條A級加拿大象拔蚌，才$498仲送湯底着實很吸引，有衝動也點一條，但人太少，只能留待下回再試了。送的冷頭盤，麻辣青瓜木耳很爽口，味調得咸麻剛好，很醒胃。湯底有辣有不辣，不想太熱氣便選了清淡的芫荽皮蛋豆腐及蕃茄薯仔湯。ㄧ試湯底是家的味道該沒放味精。手打三寶丸先到，丸泛油光，滾煮一會，蜙丸入口汁併爆而出，好鮮甜，牛丸也爽甜彈口，師傅功夫不錯。餐可自選安格斯牛或黑毛豬，我選了前者，油脂平均分散，肉色鮮紅，口感好、不油又濃厚牛肉味，是優質貨。海鮮拼盤送上，先被一大隻波士頓龍蝦吸引住，還有大連鮑魚、日本大元貝，廣島蠔、中山大蟮，從肉質上可見件件新鮮，待應仲表示廚房已細意將鮑魚、元貝、蠔離壳，好細心。鮑魚爽口又味濃、元貝鮮嫩不韌口、蠔鮮甜多汁，食着說着很開懷。主角龍蝦也無令我失望，食到手指都黏埋。食到此時初頭認為不太多的烏冬及鮮菜籃，現在已覺太大及太多，今日食得很滿足、開懷。

前排病咗連續幾日無食過嘢落肚，一路病個陣就一路諗住好番要打邊爐，補償番病個陣失去嘅美食！趁好得七七八八，即刻衝去食火鍋！距離太子地鐵站好近，門口外面有好多錶位，泊車超方便一坐底就有款前菜送，雲耳青瓜，麻辣口味嘅～羅宋雜菜牛尾濃湯鍋見佢隔離有個讚好公仔就叫咗，一試個湯底就覺得無叫錯。同媽媽煮嘅蕃茄無分別，真材實料，啲料多到個煲咁大都無咩位淥野食🤣韓國降霜牛肉份量唔多，但質量一流！輕輕淥一淥就食到，有番啲厚度唔似其他餐廳薄到食唔出。肉味香濃，入口易咬開，肉質好腍，油香亦係口腔四散即炸響鈴呢個真係唔係間間火鍋都會遇到咁高質！真係即炸，一上枱個下聞到陣豆皮香，香到想即刻就咁食🤤 浸湯一秒就食得，食個下又脆又腍又爽嘅口味，好正！！！鬼馬雙星之前係另一間食過同款菜式就回味無窮😋 係油炸鬼包蝦滑，啲油炸鬼會煮腍咗同吸咗啲湯，而個蝦滑就好爽口，入面仲有紫菜，成件餸唔洗煮好耐，湯底叫得好就必定好味😋稻庭烏冬份量都幾大～ 見佢個邊變透明就要即刻食啦菜心苗如果可以去走埋菜嘅花心就更好～佢另外有個二百幾蚊嘅套餐其實仲抵食，不過我哋食食吓先見到，嗰個套餐又有幾款海鮮，又有牛，又有其他火鍋配料，小人食嘅話可以叫呢

夏天熱辣辣~但心裡還是很想吃燙燙的火鍋。終於有機會來到了想拜訪很久的火薈火鍋~聽說這間火鍋中日都很出色~希望不會讓我失望吧 ヾ(✿ﾟ▽ﾟ)ノ位於太子警局附近~就算是放工去食也不會太遠~這就是一看到的門面~ (〃'▽'〃)店鋪整體都很光猛清潔~ヾ(ｏ･ω･)ﾉ還有卡位和包廂房間給客人選擇很多明星都有來支持~小肥前一晚就來了~因為第一次來~就問問有什麼是火鍋店推介的~老板態都殷勤有禮，介紹我食夏天解暑的海南椰子雞煲~！當椰子雞煲上枱後，職員又教我們先開火15分鐘再吃雞，最后才喝湯，非常體貼。雞肉很滑嫩~也夠大件，不怕不夠入味~雞肉充滿椰汁湯的清甜精華，椰子肉也可以一齊吃~!基本上沒有使用醬料很夠味！ヾ(๑╹◡╹)ﾉ"湯是全椰青水煮的~很清甜很少會把火鍋湯全部都喝掉~~頭一次就是這次了。火鍋配料方面我另外也點了推介的“鬼馬雙星”，即炸響鈴和黑鬆露餃｡◕ᴗ◕｡鬼馬雙星是油炸鬼加墨魚滑~十分有創意~下湯后雖然不脆口可是混合墨魚滑的彈牙有不錯的味覺享受~(ﾉ´▽‵)ﾉ♪即炸響鈴~~~！！100分！！⁄(⁄⁄•⁄ω⁄•⁄⁄)⁄是即炸的~看到隔離枱吃的很香脆的樣子~忍不住就跟住點了~果然是很脆口

我覺得已經講多無謂 因為呢間邊爐已經榮登左近年non任食邊爐去得最frequent既一間邊爐所以証明佢既野食真係好高質其實最令我念念不忘係因為每一次見到佢既湯底都好想試哂佢因為無論係第一次食定第二次食都印象中覺得佢所有野都係好足料所以真係好想再黎試哂佢所有湯底為止今次同朋友決定試呢個冬瓜大蜆鍋係order之前無意間發現到原來上facebook打卡仲可以食生蠔本身都驚驚地 係打邊爐地方食生蠔都唔知會唔會出哂事抱住真係好想試下既心情 就順手打左個卡換黎兩隻生蠔一食 真係震驚！！！！！前排去mrsteak食生蠔都覺得soso但呢度既食蠔真係勁勁勁勁新鮮係最近食過唔同生蠔換黎多次失望後俾我既一個大大大surprise因為係真心好正！！！！然後個湯底一到既時間老闆話等佢滾既時候就可以飲下d湯真係一上個陣我以為自己叫左冬瓜湯因為成個型係勁到好似平時酒樓叫左個冬瓜中咁大既野同屋企分一上菜個陣真係又驚又喜當然係真係好開心個隻驚喜因為真係好好飲又好好食完全唔會話飲完好dry好想飲水 而係飲完真係有好濃入哂味既冬瓜味之後好好好好好好飲配菜認真 我都不用多說了我覺得我黎既次數已經証明所有野佢既配菜只有三樣野

餐廳離太子地鐵站不遠，新裝修而且地方闊落，坐得舒服。點了個比較清淡的蕃茄薯仔湯湯底，可以試真食物的原味。最吸睛的是頂級安格斯牛頸脊，牛頸脊是牛頸至牛膊中間的一段肉，牛味會較濃；肉質較結實、有口感。牛頸脊的脂肪和肉分明，入口爽口，沾上醬汁後仍食到濃郁的牛味。有靚牛外，又怎能少得靚豬。鹿兒島黑毛豬，只看名字都知道是好貨色，色澤粉紅、肉質爽彈，由於肉質靚，就算放鍋煮耐了，黑毛豬口感依然美味。招牌黑松露餃，這個是必點項目，粒粒水餃都漲卜卜，入面包滿了豬肉、蝦，一咬開已經聞到陣陣黑松露香味。另一推介是炸芋頭，是一條條粗切的芋頭，入口很粉很綿很有芋頭香味。

今日與太太一齊到太子探朋友，見到火薈中日的火鍋都好吸引，於是與太太決定試嚇火薈中日的火鍋。餐廳內裏裝修精緻，非常闊落，適合一大班人歡聚。我們剛剛坐下，職員已俸上茄子作前菜，並介紹主打菜，服務殷勤。原先點了蝦蟹雞煲$298，但職員話蟹賣晒，所以用龍蝦代替。愛吃龍蝦的我當然無任歡迎。當蝦蟹雞煲上枱後，職員又教我們先吃海鮮再吃雞，非常體貼。一打開蓋香味四溢，當然先吃龍蝦，龍蝦非常新鮮，肉非常爽，蝦也夠大隻，最正係配合埋個湯底d汁，辣辣地非常惹咪，基本上唔使用醬料都夠晒味。食完海鮮就食雞肉，因後吃關係，雞肉充滿湯底精華，好入味。鳳城水餃$68，非常大粒，料足，內有好多餡料，而雲耳非常爽口，好好食。皇帝菜$32，非常新鮮呀，粟米$28，亦非常鮮甜。牛立方$128，牛味十分濃郁，略嫌肥膏多了些，愛吃肥的可選之。總括而言，整間餐廳環境舒服，職員態度友善，食物不錯，值得再來。

為慶祝見成了新工作，和朋友坐底滾下滾下，慢慢傾。待應服務非常好，主動推介時令食品和新推食品。還奉上免費小吃給我們，邊吃邊點菜。必備的調味醬料。基本蔥蒜、辣椒都有。我本想試試夏天的冬瓜湯底，但朋友揀的番茄湯也不錯，清清地但也有大量蕃茄。黑菘露餃餡料豐富，漲卜卜的。芋頭厚切，吾會爛曬。炸魚皮和嚮玲都好新鮮，脆卜卜。蔬菜籃量很多,吾小心叫多個粟米，牛肉嫩口，肥瘦剛剛好。個魚片係必食，用料足，冇骨，魚皮爽脆。

男朋友係一個好鐘意打邊爐既人好多時食飯佢都會提議打邊爐因為唔洗煩食咩 而且仲可以見耐d😗今日佢帶左我黎依到食 見到好多人都大讚依到既牛肉同海鮮🐄🐂🦐🦀🦑🐙我地今次叫左個套餐 由餐廳set好食物 直情食咩都唔洗再諗🤪套餐價每位298 再加一 茶錢 同醬料費 埋單每位355套餐入面有🥜枝豆🌶麻辣湯底依到既麻辣火鍋 有d辣 我地叫小辣 但食落去都會有d嗆喉不過愈食愈過癮🦂波士頓龍蝦龍蝦好新鮮呀！放左入湯底煮幾分鐘拎上黎個時好輕易就離殼😍龍蝦肉好爽口 就算放左入麻辣湯都仲有好強勁既肉味😋🦗蟶子蟶子冇沙 都好爽口仲好有鮮味😋😋🐚大連鮑魚鮑魚係上枱前就已經離左殼所以就咁放舊肉入去淥就得😍😌𠝹左花既鮑魚吸左d麻辣味！令到佢更好食🐟中山鱔片魚有4片 有少量骨但勝在夠滑身 彈牙煮一陣就食得😗🐌廣島蠔蠔方面比我想像中大隻 就算淥完都冇縮到好細仲要唔腥 好好食😌😋🥩安格斯牛肉男朋友大讚依到既牛肉有95分d雪花好靚 肥瘦都適中 而且仲要係冇根🐂🥚招牌手打三寶丸手打丸十分彈牙有墨魚丸，豬肉丸，牛肉丸 完全都好好食😋好足料🤪🍲稻庭烏冬雖然食得去後尾已經好飽但都煮埋d烏冬 最後食烏冬就好似要食d精華係有少少肥😂🥗田

今天同朋友一期一會行完街去到太子花園街附近想去食飯，但是又唔想同人逼，今天天氣好熱，打邊爐一定唔會太多人，於是就去左太子花園街的 ''火薈中日火鍋'' 打邊爐。門口好有氣勢，大大隻字寫住 ''火薈'' 好搶眼。新派的裝修寬趟優雅，樓底夠高，座位舒適，配上微微暗暗的燈光感覺舒暢，可以同朋友一邊食一邊傾，好relax！超過百多種食品任君選擇一坐低侍應即刻送上枝豆(免費)，咸咸地幾好味。再來一渣竹蔗茅根($38)潤一潤喉，用料十足好夠味，甜甜地，唔錯。先用牛油煎好煲底，然後再放上其他材料，包括鮮東菇、粟米、新鮮蔬菜，跟住加入濃湯猛火烹調。火薈牛肉塔($338)，抵食推介！三層圓碟層架上枱感覺去左五星級酒店high tea。上層是牛柳粒、牛胸爽。大大粒的牛柳粒，牛肉味重，淋淋地口感唔錯。牛胸爽熝8秒鐘就夠喇，肉質新鮮，超爽口。中層是牛舌，薄薄地，爽口彈牙。下層是安格斯牛肉、牛展。安格斯牛肉脂肪分配平均，有點入口即溶的感覺。牛展牛肉味夠，好咬口。廣島蠔($68)，蠔味十足，好新鮮。豬紅($32)，熱辣辣彈下彈下好特别，熝耐點吸入濃湯的精華會更好味。雙拼滑($88)，分别有鮮蝦滑和鮮魚滑，面層鋪上

友人生日，壽星揀中呢間火薈中日火煱食刺身打邊爐。餐廳裝修充滿古典中國風格，優雅舒服。壽星話聽講呢度嘅刺身都幾出色，咁就先點左個刺身拼盤(竹)($168)食下，刺身拼盤嘅賣相好靚，入面有七款刺身，包括: 帶子、蝦、三文魚、希靈魚、魷魚、八爪魚同北寄貝，款款食落海鮮味濃，鮮甜味美。火鍋方面，總共有18款煲/湯底可以揀，見到好多款都好有特色點左湯底之後，餐廳有專人喺我哋面前烹調個湯底，見佢喺我哋面前一步步將食材加入個鍋度，首先係牛油、再加蒜蓉炒香，然後再加芹菜、京蔥、紅蔥頭同其他食材炒香再灒酒加湯底，個湯底香氣十足、材料豐富、鮮味濃郁又有專人服務，感覺自己好似變左上賓咁，好正！火薈牛肉塔($338)，用個靚靚High Tea三層架上枱，入面包括有安格斯牛肉、牛柳粒，牛舌、牛展同牛胸爽，安格斯牛肉、牛柳粒牛味濃得嚟肉質腍滑、牛舌、牛展牛味濃而爽口，牛胸爽爽口滑溜，一份牛肉塔可以食到5種唔到的牛味同口感，超正！！廣島蠔($68)，一份有6隻大大隻廣島蠔，蠔味濃郁，隻隻新鮮飽滿，必食！！牛栢葉($48)，大大份食落爽脆，加上湯底的鮮味，打邊爐又點少得佢雙拼滑($88)，蝦滑同魚滑上面鋪左滿滿嘅蟹子

今日同男朋友嘅媽媽慶祝母親節同埋預早慶祝我未來做母親，我男朋友就請佢媽媽同埋我食火鍋，講到高質素嘅火鍋，我一定會揀火薈！次次去食，除咗材料高質素，火鍋高質素，連服務都係高質素，連我男朋友嘅媽媽都讚佢哋嘅服務態度次次都係咁好！講返我哋今次叫嗰個鮑魚龍蝦火鍋套餐先，我哋叫咗兩位食用，因為佢媽媽不嬲都細食，所以兩位三個人分都夠食。龍蝦原隻上非常新鮮，入口彈牙，價錢合理，質素高，真係物超所值，我諗住下次帶埋我阿媽去食。講到我最鍾意嘅鮑魚，真係新鮮度100分，直情郁下郁下個隻鮑魚，如果可以上載影片俾大家睇，我都好想分享你地知！因為我第一次見到可以喺餐廳度，食到煜下煜下，非常新鮮嘅鮑魚。就係因為我見到佢郁，我唔夠膽放入火鍋度，我覺得有點殘忍，但我男朋友就即刻將去放左佢入火鍋度，佢話要親身先食吖嘛傻瓜。其實除咗大大隻嘅鮑魚之外仲有四隻生蠔，同埋兩隻大元貝。我自己就唔識食生蠔嘅，我男朋友就好鍾意，大贊佢非常之新鮮！佢嘅套餐仲有新鮮牛肉，三個人食都真係好飽！大滿足！

有朋友推介喺太子嘅呢間火鍋店打邊爐 ，咁啱今日天氣天陰陰又涼涼地，最啱去打邊爐暖下胃。店舖面積唔算太大，但裝修十分精緻。見到Menu有十幾款湯底同埋幾十款食物選擇，目不暇給，好多野都想食。1) 牡丹蝦刺身 (⭐⭐⭐⭐⭐):老闆力推，蝦肉間瑩剔透，食落親滿鮮味，要啜埋蝦頭嘅汁先夠滋味！食完前菜，就梗係要入正題打邊爐啦！我哋揀咗沙嗲湯底，香香辣辣先夠惹味。2) 手打四寶丸 (⭐⭐⭐⭐⭐):一個推介嘅菜式就係手打四寶丸，入面有貢丸蝦丸牛丸同墨魚丸，每樣有三粒。我最鍾意嘅就係墨魚丸，大粒得嚟又彈牙咪而且夠味道。好少喺打邊爐食到咁高質嘅墨魚丸。3) 黑松露蝦丸 (⭐⭐⭐⭐⭐):除咗四寶丸之外，我哋亦點咗黑松露蝦丸，第一啖先有充滿黑松露嘅香味，然後咬落釀喺丸入面嘅原隻蝦肉，即刻增添鮮蝦味，簡直係味覺嘅一大享受。4) 唐生菜 (⭐⭐⭐⭐💢):打邊爐亦都唔少得蔬菜類，我哋點咗唐生菜，菜好新鮮，仲有少少香甜嘅味道。開胃得嚟又可以中和返火鍋嘅熱氣，適合健康一族。5) 讚岐烏冬 (⭐⭐⭐⭐💢):最後我哋叫咗店舖推介嘅讚岐烏冬，烏冬本身夠爽口彈牙，再加上吸收晒精華嘅沙嗲湯底，為呢餐畫上完美嘅句號。呢餐每人大概

火薈既沙嗲湯底真係好好味，食完令人無法忘記！食過咁多間都係要番火薈食！火薈店服服務超好，坐低就力醬油箱比你，個麻醬真係超香濃，必落！之後叫左湯底同材料就可以開始打邊爐喇！今晚落著微微細雨，坐係窗邊同老公一齊滾滾下，真係浪漫過去西餐廳打邊爐最愛叫油麥菜，蔬菜好新鮮！每次老公必定要叫依到即炸響鈴，超燙口香口脆口！一浸落去沙嗲湯底再力番出來，再食落口個下，真係正到係無法珍容！老公自己可以食到成份稻庭烏冬又係必食之選，餐廳係超warm幫你解凍，所以滾一滾烏冬就入味可以食其餘的山根，丸類也不錯，貢丸很香，值得一試！食火鍋必定要叫的牛肉，火薈既牛肉係真手切！全部蝴蝶切法！最後兩個人食左8百幾好飽好滿足！一食火鍋就會唔小心叫太多，因為樣樣都想食d！餐廳食物份量都算多，我地叫既野食其實足夠3個人食

同事俾左張 coupon 我，佢話呢間食物質素高，又好坐，啱晒我呢啲要求高嘅人，咁一於就去試吓佢啦！餐廳位於太子花園街樓上舖，格局幾高檔喎！裡面裝修好高雅，枱面夠闊落舒服。呢度打邊爐係逐碟計的，Order 紙一張，有齊所有打邊爐的配料。Basic 湯底例如麻辣鍋、沙爹、芫茜皮蛋等都是 六十幾蚊， 價錢都很貼地。而特色鍋例如醉雞、牛尾、魚頭、大蜆等就百幾，都食得過呀！原來佢仲有一個套餐，海鮮、肉、丸、菜乜都包曬，每人都係$300，就叫佢啦唔使煩惱。Order 完之後冇幾耐，就上湯底了，普通一個芫茜皮蛋湯都毫不簡單喎。多芫茜多皮蛋，又多新鮮馬蹄，仲加入豆腐，價錢雖然平但一D都唔 hea。D湯好香芫茜味，夠下火。配料都係話咁快就到，首先海鮮拼盤當然最搶眼。龍蝦一隻，D腳仲係郁緊的，可見有幾新鮮，食落仲要啖啖肉，好正！元貝同鮑魚都好大隻，仲要好細心預先處理好曬。煮的時候唔使連殼烚，感覺乾淨好多, 鮮味之餘又食得安心，抵讚。除此之外，牛肉都好得，好有牛味。係安格斯牛，一碟單點都唔平，但佢套餐都包，又唔錯噃！三寶丸都要推介，尤其蝦丸好爽口彈牙，有蝦味。其他配料如白鱔片、生蠔、雜菜同烏冬就正常貨式。