火夫

营业中

休息中

火夫的虎蝦湯麵無疑是一道令人垂涎欲滴的美味佳肴。這道菜的精髓在於其濃郁的湯頭,以大量新鮮肥美的海鮮為原料熬製而成。Q彈爽口的麵條,再撒上櫻花蝦等配料，整道菜色香味俱全,賦予了虎蝦最本真的風味。濃稠的湯汁搭配彈牙的麵條,在口中交織出層次豐富的口感,令人回味無窮。這道虎蝦湯麵無疑是一道極盡鮮美的佳餚,完美融合了虎蝦的甜鮮與麵條的Q彈,令人垂涎不已。細細品嚐,定能感受到這道菜肴的魅力所在。除了湯麵外，火夫的特色小食也很好吃，炸魷魚外酥內軟,金黃色的酥脆外層包裹著彈牙多汁的魷魚肉,口感層次豐富,一入口便能感受到魷魚的鮮甜。搭配檸檬汁或辣醬,更能突出其獨特的風味。

黃埔高質日式居酒屋一直覺得黃埔有很多出色的非連鎖餐廳今次又發掘一間值得推介的居酒屋一進店內很有日式居酒屋的氣氛可能因為有暢飲放題令氣氛更熱鬧招牌虎蝦濃湯麵$128湯頭濃郁原本以為只有一隻虎蝦虎蝦算大隻而且用大量櫻花蝦包圍住串燒也很特別每兩串$48廣島蠔豚卷蟹肉牡蠣這兩道是串燒首選尤其是蟹肉真的很美味燒牛柳粒普普通通，可以試其他更有特色的串燒還有蜜瓜牛肉卷、銀杏貝柱等即叫即燒味道不錯蔥燒鴨胸$38小食也很有誠意飲品巨峰冰串梳打$48造型特別的打卡之選

呢間拉麵開業都有一段時間, 終於有時間去食! 黃埔都多好野食, 但呢間真係幾出色, 對拉麵冇乜特別喜好既我都忍唔住要讚一讚!! 😍😍Lunch set抵食，$138有三款前菜+自款兩款串燒+自款拉麵👍🏻👍🏻👍🏻1. 前菜: 雞肝多士、枝豆春卷、麥粒味噌青瓜前菜唔算特別，但勝在樣樣都有得食，唔洗揀，以清新為主，唔會好咸/重口味！2. 串燒: 蟹肉牡蠣+$2、雞腎蟹肉牡蠣蟹肉份量都幾多, 蠔都炸都好香脆, 放左一陣未食, 隻蠔都仲熱, 但蠔味唔算重, 但性價比高！雞腎就不過不失啦。3. 虎蝦濃湯拉麵+$50湯底超級濃郁！一飲就有濃濃既蝦味！個湯係濃到好似撈麵汁咁！完全冇誇張成份！但食完唔會覺得好口渴。雖然成碗麵得一隻蝦，但隻蝦好大隻！而且仲要滿滿既櫻花蝦包住隻虎蝦🦐🦐🦐絕對滿足到鐘意食蝦既朋友呀！(以上價錢未計加一服務費)利申：並冇任何試食活動/優惠！全部正價！(按餐廳MENU上價格付款)

擦到條短視頻，見到～濃湯又大大隻虎蝦勁吸睛，所以襯今日食晏去試試。佢張menu其實都似一般日式麵店咁，選擇唔多，二口子都係選「苦蝦濃湯麵」，lunch set跟每人二串燒或炸物，跟餐牌上推介揀咗～葡提鴨卷，雞肝啡菇，櫻花蝦豆腐，生蒜牛柳，同二杯飲品～午後檸檬茶，午後奶茶。睇落去你真係覺得好興奮同好似好正～正常！但當你咬落隻蝦度之後，你會感覺～咁油膩嘅，啲漿厚到，仲要係苦澀口感，隻蝦係大隻但啲肉實，唔係彈牙爽口果隻（over cook），咁死啦隻蝦炸成咁又無其他配菜，真係食湯麵，但個濃湯又濃到杰撻撻嗰隻，唔識講。個湯底係濃，但我有個奇想～去超市買個罐頭龍蝦濃湯自己加隻蝦同麵，會唔會有咁嘅效果？話晒呢個麵成舊幾水，我呢啲cheap精真係覺得唔扺食，真係唔好人讚你又讚，要理性消費。其他炸物串燒，一般般，日式炸物俾我嘅印象係乾身唔油同脆口，呢度啲炸物～油，脆口係有，但你口落去同時有油膩感，我就攪唔掂。嘅然攪到自己咁高級，點解啲飲嘢咁求奇？就係因為日式？二口子食到擰晒頭真係第一次，埋單$374回頭度：1/5

今日去開紅磡，於是搵吓附近有乜嘢好嘢食…有朋友推介火夫 — 虎蝦濃湯麵+50因為佢有餐：$118（包面+2skewers + 1 drinks)最後埋單係$189蟹肉牡蠣半熟卵明太子烏龍茶Overall speaking, the soup is thick. 我覺得碗麵嘅湯底好濃厚，仲好鹹… 面嘅質地係可以嘅。只不過佢隻名物櫻花虎蝦，😭😭可能我平時比較鍾意食清淡嘅嘢，所以唔係太啱我嘅胃口。食完之後我要去附近嘅茶餐廳再飲多一杯嘢…蟹肉牡蠣：too salty to me. 不過隻蠔確實係可以的，quite juicy. 半熟卵明太子: 成舊嘢太大，唔知點樣食。中間係糖心蛋。meets expectations. Again, too salty. 依間餐廳我諗真係唔可以成日嚟食，如果唔係應該會有腎病😜對於我嚟講，我食過一次絕對唔會再返嚟。我諗以後睇食評真係要小心啲…PS: 舖頭裏面嘅店員都好勤力，包括清潔工作！但係有一個小小嘅建議，因為客人食嘢嘅時候其實嗅覺係會影響味覺。明白餐廳3:00就會落場，但係喺我2:30開始食嘅時候，我不停見到餐廳嘅同事用強勁嘅漂白水拖地。 我一路食嘅時候，漂

見到呢間好多like咪念住試下囉，點之伏到媽媽都唔認得😂呢間餐廳啲like一啲都唔可信~嗱！大家睇路啦😂講返個麵先，叫左明太子八爪魚撈麵，睇賣相好似唔錯，呃到下人，但食落就咸到痴線⋯唔係越食越覺得咸，係食第一啖已經咸到頂唔順🥲重點係我食嗰下係未撈埋明太子入去啲麵度，可想而知，撈埋明太子會再鹹10倍🫠同埋初初食我以為撈唔勻啲醬所以咸，結果並不是⋯係本身都已經勁鹹😅再講，個醬汁加咗好多芝士，本身我都鍾意食芝士，但食耐咗麵覺得好漏⋯醬汁偏杰，啲麵好快就已經黐埋一舊⋯仲叫咗個虎蝦拉麵，同樣啲面索晒湯底，都係超級鹹，但都叫做還可以啦下⋯起碼好過明太子撈麵嘅😅呢間應該無下次了😅

去理大任教其中一個最吸引我的地方, 就是吃到火夫的拉麵和串燒, 這陣子佢又有新口味, 當然蝦湯炸蝦麵是頂級水準, 但還是想看看經常轉變的主食菜單, 他們會如何適應和處理. 今次吃的是牛肉湯麵, 湯底是牛骨熬製的高湯, 以少少醬油調味, 純粹鮮甜再加些鹹香, 用上卷身的黃麵, 掛湯能力很好, 口感偏爽合我口砞, 牛肉片沒有雪味, 份量慷慨, 再比不少拉麵店價錢便宜的情況下, 依然值得推薦.串燒的鰻魚和炸蠔, 是這家店燒物和炸物的代表, 前者純粹以海鹽調味, 吃的是鰻魚的爽彈肥美; 後者吃其香脆, 配以蒜蓉蛋黃醬, 配合蠔仔的濃鮮, 這樣的神來之筆, 就是百吃不厭.I enjoyed the ramen and yakitori at Kafu while teaching at PolyU. They have new flavors and I‘m curious to see how they handle their changing main menu. The beef soup noodles were delicious with a lightly seasoned br

We made a reservation of 20:15, yet seats were not offered as we arrived half an hour earlier. I guess the restaurant is quite tight of seats and can only offer right at the time reserved. This also proves that Kafu is quite popular during a weekday dinner period.♡ To begin with after taking a seat (the space are quite crowded tho), we ordered the signature Tiger Prawn Noodle Soup, a dish that balances the richness of the broth and the delicate sweetness of the succulent prawns. The noodles are

前一日搵下紅磡有咩食，見到火夫好似d 相幾吸引，有拉麵又有串燒都係百零蚊，仲可以openrice 訂枱，就即刻book 左。睇過d 相見餐廳d 位有一半都會同另一枱客背貼背咁坐，因為同行有個bb，打電話問過餐廳冇bb 凳，但見佢都有d 背靠牆既位，就係openrice 訂位時remark 左。訂左星期六既1:45pm，去到門口都有兩三組人等位，由於訂左枱，我地都可以直接入座。兩大人加一bb，估唔到餐廳好好人咁安排左個6人卡位俾我地，有一邊係靠牆，咁就唔怕bb 會撞到人。假日週末都係$138起，仲包3個前菜，一個麵食，兩個條串物，加野飲，價錢黎講一d 都唔貴。但當然最熱門既虎蝦濃湯麵要另加$50。以下一品（前菜）都係以二人份上菜。估唔到青瓜同味噌都幾夾，唔會過咸。枝豆春卷既感覺好新奇，少脆既春卷皮包住成條枝豆。 雞肝醬冇左半身雞肝難入口既內臟味，容易入口。虎蝦濃湯麵（+$50)上菜速度非常快，上左青瓜之後，店員已經遞上呢個推介既虎蝦濃湯麵。可能因為差唔多枱枱都係食佢，餐廳都keep 住出。湯身好杰，用"醬"形容佢比用"湯"應該更貼切。杰身既關係，麵非常掛湯，亦食得出有濃濃蝦味同蕃茄味，但

基本上每個月都會同班同事泥2-3次🥲因為個環境唔錯，諗住月頭出左糧，咪帶女朋友泥試下先。不過我諗今次應該係最後一次😤首先今次串燒燒到好乾好乾，尤其是係牛脷好難咬得開，牛肉蜜瓜卷又燒到甩晒，一拎上手成舊跌咗落台，個樣又唔太熟咁樣，我知牛可以唔太熟，不過個樣都幾紅下。女朋友食到最後覺得個龍蝦湯麵個湯有少少酸，可能大家都熱一泥到飲左d酒初時唔太覺，不過食到咁上下就唔出聲啦，我第一啖咬落隻蝦都覺得有d苦，質素比之前真係下降左。番到屋企女朋友直程又屙又嘔，搞到我嬲嬲地，第一次破處寫食評。唔該可唔可以比個心出泥執下出品越做越差，串燒一係燒唔熟，一係燒到勁乾，個湯臭架，咁都照出？經覺呢件事後唔會再有下一次幫襯，女朋友話樓面有個帶帽扎孖辮女同事隻指甲，長過佢做sales其實做老闆應該都知，我諗好快有客食食下會食到隻指甲而上新聞。拜托，做緊食肆夠膽死Gel晒甲去番工，你反唔反甲係你嘅事，唔想食食下見到隻甲係碗麵入面🤮，可想而知，廚房衛生乾淨極有限。

火夫價錢💲: $138+$50/ $138+$10好味程度😋: 4.3/5服務🍴: 3.7/5環境🗾: 3.7/5性價比🥢: 4/5 (lunch)回頭率😚: 4/5-火夫出名左好耐，可以用openrice book方便左好多！平日lunch最抵食，要返工就weekend lunch啦，午市有set平好多。食完都覺得好好食，想再去食其他麵🤭-✅雞肝多士就好似鵝肝醬咁，配烘到脆脆的多士好夾，肝味又濃郁😆 枝豆春卷顛覆左我唔食豆的習慣，脆脆的春捲皮卷住啲豆，容易接受好多！麥粒味增青瓜可以蓋過青瓜的草青味，鹹鹹地又有口感。以頭盤份量來講，都好多。-✅✅炸蟹肉牡蠣。加$2好抵🤣牡蠣大隻肥美，保持水嫩又唔乾。本身已經好鮮味，加埋面頭大量蟹肉更加豐富，必叫🤤-✅✅生蒜牛柳。呢個因為炸左所以唔係好食到d牛肉。但佢地的粉漿唔算太厚，係關西炸穿個隻，小小鬆化的。不過佢好好食係因為個醬汁🤪 呢個生蒜汁好濃味！蒜香濃到會口臭🤣-✅雞腿大葉卷。接受紫蘇葉的先好叫！紫蘇包住雞肉去炸，味道係可以想像的。但雞肉有調味，肉質都唔鞋☺️-✅✅蜜瓜牛卷。呢個係今次唯一一串燒物。食完呢個好後悔無再加其他款食！因為牛肉烤完仍然

朋友一直都想食呢間串燒店，六點幾舖頭出邊已經好多人圍住，好彩一早預定咗就有位😍我哋好快嗌定幾樣嘢，不過係要等一陣想食蠔都有唔同選擇，呢個係蟹肉牡蠣，蠔比較細隻，吉列嘅炸法😍配埋蟹肉☺️第二樣廣島蠔豚卷😋我鍾意呢個多啲，上面嗰個就比較常見豚肉包住蠔，啖啖肉，蠔汁都鎖住咗喺入面💫跟住就到呢兩款水果配肉卷，一款包住蜜瓜一款包住提子兩款都有驚喜😆跟住就係蔥卷牛舌，呢個就冇咩特別，牛舌同蔥味分開跟住就係活鱔，雖然我冇食到，但朋友都話好味，鱔肉嫰😋最後仲有呢個重頭戲，期待已久嘅虎蝦濃湯麵，濃湯係真嘅，亦都要趁熱食，我哋擺耐咗就有啲濃稠另外值得一讚就係即使舖頭好忙，員工嘅服務都係好好☺️☺️

買到全港電影日係黃埔戲院30蚊戲飛, 於是夜晚就過來黃埔呢邊食完個晚餐先慢慢去睇戲…之前食過呢間覺得好食, 於是就帶男朋友過來試下日式串燒~感受下日底居酒屋的氣氛!呢到主要食串燒為主, 但D拉麵都聽講係幾好食的! 由於上次已經食過虎蝦濃湯麵, 於是就叫左”半熟牛肩胛撈麵”, 然後再叫左D串燒大家share食~半熟牛肩胛撈麵非常有驚喜，首先牛肩胛牛肉味濃, 口感香嫩又無過多的脂肪。另外撈麵的麵是用日式拉麵, 非常彈牙, 再加上日本雞蛋撈, 拉麵味道添加了蛋香, 同牛肉都相當夾!另外，串燒方面都相當出色，價錢合理, 48蚊2串。我地叫左蜜瓜牛卷、葡提鴨卷、雞腿西京燒、廣島蠔豚卷、蔥燒牛舌。 雞腿肉亦肉彈多汁，牛舌軟嫩, 蔥味香甜~ 當中蜜瓜牛卷非常出色(我地encore多一串), 蜜瓜的清甜味再配上牛肉卷的牛肉咸味, 咸甜適中! 廣島蠔蠔味鮮甜, 美中不足係用煙肉包, 係我個人麻麻地煙肉…葡提鴨卷 - 提子係甜但唔知點解我覺得呢隻甜唔係好夾鴨肉, 但味道係正常另外仲叫左海葡萄鮪魚沙律，前者酸酸甜甜，鮪魚質素就正常 但勝在海帶夠爽份量又多! 海葡萄就脆卜卜, 不過一定無沖繩食到咁脆...再叫

透過openrice預約咗星期五晚上8:30時段，舖頭唔算大所以一定要訂位。.* 虎蝦濃湯麵呢個麵經常係ig睇到人打卡，幾乎係必叫item(?)。作為餐廳最signature嘅菜式，賣相係吸睛嘅，但味道就正正常常。外層係櫻花蝦包裹住一隻大虎蝦，虎蝦好大隻，啖啖肉，但外層櫻花蝦略嫌太多，太乾太搶，我寧願食薄薄一層炸皮好過呢層櫻花蝦皮。湯底好杰身，有淡淡蕃茄味，麵亦都好掛湯。.另外叫咗好幾樣串燒、串揚同沙律，有幾款比較有印象*蟹肉牡蠣牡蠣好鮮甜，一咬爆汁*生蒜牛柳牛柳好腍，配上生蒜沙律醬，好食*櫻花蝦豆腐大量炸櫻花蝦外皮令到成個豆腐食落好乾加上冇醬汁，一般般*廣島蠔豚卷廣島蠔同豚肉都好食，加埋一齊就唔係好夾，有種1+1<2 嘅感覺.其實仲想試多少少串燒/串揚，但已經食唔落。皆因餐廳食物都係比較濃味、調味比較甜/咸，其實食咗好少已經好濟。如果餐牌上多少少fresh啲，light少少嘅選擇會更加好。.餐廳基本上都係full house，一枱接一枱，要讚班職員基本上都係年輕人，好勤快，雖然好忙碌但態度都唔錯另外當日餐廳入面有蚊螆，明白餐廳有個半戶外企 bar位，會打開窗，天氣熱難免會有蚊

朋友介紹紅磡的午餐，拉麵+串燒，好好食，即燒，燒物唔算等得耐，因為差唔多2點去食，都坐滿人，3點落場，所以要預好時間，無謂去到冇得食午餐，拉麵份量都剛剛好，唔細份。