✅鸡肝多士/ 椒盐蚬仔肉/ 麦粒味噌青瓜。三款都几好食，特别蚬仔肉好送酒！鸡肝酱就一般内脏味道，而青瓜要来解解腻都啱晒。-✅✅蜜瓜牛卷/ 蟹肉牡蛎。呢两个由我上次食已经觉得好食同埋抵食👍🏻蜜瓜牛卷大大嚿，清甜嘅蜜瓜被烧得好香嘅牛肉包裹住，中和左油腻感。最重要系搽咗烧汁烧都唔会遮盖咗牛同蜜瓜嘅味道，好balance🤗吉列牡蛎炸得香脆，入面肥美。最重要系面头嘅蟹肉多到成堆山咁！-✅葡萄鸭卷/ 樱花虾豆腐。葡萄鸭卷都做到balance，不过佢就比较细粒，胜在唔会食到鸭臊味😬 樱花虾豆腐都好食，浓味嘅樱花虾包住淡味嘅豆腐，不失豆香🥸不过如果叫苦虾汤面就唔好叫呢个了。-❌葱烧牛舌/ 玉子鳗鱼。葱烧牛舌得两粒，中间用葱夹住。当日嘅葱销得比较㶶…而牛舌亦食唔出肥美爽脆嘅感觉，仲要加$2… 玉子鳗鱼系用玉子包住鳗鱼，再拎去炸。可惜鳗鱼冇乜存在感，主要食日本嘅甜蛋🥺-✅✅牡蛎白汤面。呢个白汤因为有蚝嘅关系，所以味道偏腥。钟意食蚝嘅人可能会觉得系鲜味😛都几浓郁，不过质地唔会太厚👏🏻佢哋嘅冇乜弹性，所以比较适合呢个汤。饮落去每一啖都好重蚝味，特别好似啲蚝嘅内脏肥美嘅味道，好视乎个人口味，我就几钟意。不过送嘅份量比较少，只有两只中至大size嘅壳。-✅虎虾浓汤面。呢个虾汤面真系饱到傻😂好漏！但个虾汤真系好浓稠好杰，煮到酱咁。所以配埋面食会有啲一patpat。只虎虾炸得好脆，用大量樱花虾包裹住，虾香double呀！入面的虾肉都结实唔霉。不过个人对于呢个面真系一般般。…查看更多
