火之神

营业中

休息中

朋友介紹旺角有間新開既貓貓餐廳QRF，店內有3隻可愛貓貓，不時會經過你身旁，大家可以一邊食一邊同佢哋玩。餐牌提供多款日式丼飯、咖喱/蛋包飯、粉/麵/讚岐烏冬、沙律，全部都配熱飲和汽水，另外仲有小食和飲品。燒雞扒沙律：擺盤好靚，雞扒煎得香口，肉質嫩滑，肉汁豐富；沙律菜爽脆，配芝麻沙律醬，充滿日式風味。牛肉拉麵：上枱散發著香噴噴既濃厚雞湯味，牛肉入口軟腍，味道有驚喜，而且份量好多，拉麵軟硬度適中，麵條沾滿雞湯既精華，非常好食。炸餃子：餃子煎得金黃香脆，內餡既菜和肉，比例恰到好處，配上日式沙律醬，味道更加一流。炸薯條：新鮮炸起，夠晒熱辣辣，特別脆口，灑上七味粉，不用沾任何醬汁，已經好食到唔停得口。總結，食物全部即叫即做，新鮮好味，值得與三五知己到來，與貓貓共渡美好時光。

行到見攰入嚟唞吓，有乜唔開心可以同D貓傾吓。食飽咗，傾訴咗。就可以走更遠嘅路。有人辭官歸故里，呢間新開嘅台灣底日式料理，走簡約路線，Menu選擇貴精不貴多，選擇困難症適合。最大嘅賣點應該係佢裏便嗰幾隻貓，好可愛，會同客人有interaction。店內播放悠揚嘅80年代西樂，令到餐廳好似同出邊現實世界暫時分離咗咁。火爆牛肉烏冬，唔好俾佢個所謂嘅麻辣湯底嚇親，老闆已經調校到適合香港人口味嘅辣度。輕柔嘅麻感，胃口大增，大塊肉大啖食。日式炸豬扒咖喱蛋包飯。豬扒炸得香脆，裏便嘅肉又保留到原汁原味。香濃嘅咖喱，配上幼滑嘅炒蛋，非常好送飯。煎餃子。又係佳作。炸雞翼。高水準，雞翼肥厚，雞皮炸到香脆，雞肉仍然鮮嫩多汁。

放工行經旺角，見到依間餐廳都幾多人食，於是就一試😆入到去先發現，原來舖頭有幾隻布偶貓，環境好乾淨，而且有啲指示唔可以亂餵貓，貓都好誇咁瞓喺人嘅側邊陪伴食飯🤭▶️咖喱吉列豬扒蛋包飯 $88上到枱非常之靚，蛋嘅滑度整得啱啱好，滅龍龍嘅咖喱，咖喱係日本星，所以唔辣嘅，豬扒外皮鬆脆而且夠薄，入邊亦好Juicy，非常好食🥰▶️日式擔擔拉麵併餃子 $78個擔擔拉麵湯真係非常之香，濃濃嘅湯，配上惹味嘅肉碎，另外拉麵亦都非常彈牙😆餃子就煎得好香脆，即叫即整，上到枱都非常熱辣辣😋😋▶️炸雞翼 $38呢款雞翼真係炸得非常出色，渣皮好薄，但炸得夠脆，另外一邊真係非常多雞雜，配上預備咗的沙律醬，食落去真係非常之出色嘅一道小食整體嚟講，呢間餐廳都好高性價比，一人平均$100內，而且冇+1服務費，另外鍾意貓嘅又可以摸吓貓仔，唔太鍾意嘅貓仔亦唔會騷擾你食嘢，非常之好，值得一來

附近新開餐廳，仲要係日式小店，仲有知店內有可愛貓貓，點會唔試咖喱雞扒蛋包飯 - 蛋炒得好滑，日式咖喱好開胃，雞扒已經切好，好貼心牛肉拉麵 - 牛肉燒過，本身牛味都濃，又香口又好食，拉麵軟硬程度啱啱好，入口彈牙，湯底都唔錯炸餃子、炸春卷 - 揸到熱辣辣脆卜卜，簡單點沙律醬提味有冇deadline啊？我唔得閒啊真係已經好正凍奶茶、凍檸茶 - 搽底夠濃，奶茶茶順滑，檸檬新鮮，兩杯都好飲解渴餐牌提供嘅選擇好多，唔同嘅款式都好吸引最重要係店內嘅兩隻貓貓，兩隻都好靚，藍眼睛，唔怕人，又好嗲，任摸唔嬲裝修好新淨，座位闊落，走簡約風，坐得好舒，店員服務態度又好，嘢食都唔錯，加埋兩隻貓貓，點會唔encore

今日約咗朋友去位於旺角女人街街尾嘅「火之神」食lunch …..因為之前朋友經過見到有三隻超可愛嘅貓店長😍😍所以話一定要去探牠們🤣🤣🤣「火之神」是日式小店，裝修簡潔舒服，貓店長非常之親人😍😍😍照燒雞扒丼……..雞扒肉質鮮嫩….醬汁濃味配飯一流！芝士卡斯特羅飯……是燒牛扒芝士咖喱飯配吉列豬扒、沙律🥗…. 燒牛扒可以揀幾成熟…我揀咗6成，牛味都濃…..吉列豬扒也不錯芝士加滑蛋撈飯絕配🤣

行過女人街望入呢間餐廳，見到有三隻貓貓，而且睇門口Menu啲價錢又幾平，就被吸引咗入去食。原條蒲燒鰻魚蛋包飯 $108賣相已經好靚，令令的鰻魚，切了小小塊，一啲小刺骨都冇，再加上好有光澤嘅炒嫩蛋，包住粒粒分明的飯粒，呢個配搭冇得輸。燒牛扒丼 $98我哋叫左五成熟，牛扒都有好多件，口感剛好，牛味都幾濃，將個生蛋黃整爛，令到啲蛋汁再包住啲飯黎食，想講佢啲飯住得剛剛好，口感帶點煙靭，正呀。😋😋炸雞中翼 $38有四大隻，炸到外皮香脆，入面仲保留到juicy。跟餐加$5要左個凍酸梅湯，同加$8 要凍檸樂，凍酸梅湯入口酸酸甜甜的，夏天飲真係好開胃。呢間小店可以同可愛的三隻貓貓接觸外，店員態度都好友善，性價比非常高，大推👍👍👍。

經過門口發現新開入去試新野裝修簡潔不太花巧有種家的感覺環境乾淨企理卡位濶落老闆應該係貓奴意想不到有幾隻貓咪坐陣雖然有貓但唔覺有太多貓毛老闆招呼親切成個晚餐感覺好似去左朋友屋企食飯玩貓影相咁價格親民食物味道不錯食物質素比價格高係一間可以再去餐廳一碟咖哩吉列豬排蛋包飯（男士多飯岩岩好）味道唔會太咸🫰加凍O茶埋單$91👍P.S. 小心搖紙包沙糖貓咪以為有野食跳上枱食完準備離開突然有隻貓B走出黎散步🤣又返入去相返幾張相玩多陣先走