影片
以上资料只供参考，请与餐厅确认详情
今日同朋友去旺角通菜街火之神食午餐，有同事介绍这间餐厅内有好多好可爱嘅猫猫，可以同朋友一齐食同猫猫一齐玩，可爱嘅猫猫非常乖巧，令人食得开心。餐牌有不少食物款式，我选咗日式咖喱嘅咖喱富士山烧牛扒饭（5成）及饮品嘅士多啤梨特饮，我朋友就叫咗厨师推介嘅黑松露忌廉集菌意粉、小食嘅炸饺子及饮品嘅百香果特饮。这间餐厅地方宽敞整洁，装修得舒适温馨，枱凳摆放整齐，令人坐得舒服，仲冇加一，店员服务态度又好，来这里食真不错。🍛咖喱富士山烧牛扒饭（五成熟）富士山造型的米饭堆叠，顶部覆盖炙烧过的半熟牛扒，切面呈粉红色，淋上浓郁的日式咖喱酱汁，配上蛋黄及沙律菜点缀，上桌时，份量不少，卖相不错，香味浓郁，五成熟的牛扒外层微焦脆，内里柔嫩多汁，肉质带有适度的嚼劲却不柴，牛肉的鲜甜与炙烧的烟熏香气突出，与咖喱的浓郁形成对比，日式咖喱酱汁的稠度适中，连同蛋黄包裹米饭的同时不会掩盖牛肉风味，些许沙律菜增添口感层次，蓬松的米饭吸附咖喱后仍保持颗粒感，与半熟牛扒的肉汁交融，每一口都能尝到肉香与咖喱的复杂滋味。🍓士多啤梨特饮清甜果香味，以新鲜草莓的天然甜味为主，带有微微的酸甜感，成熟草莓风味浓郁，加入冰沙及乳酪，增添柔滑层次。🍝黑松露忌廉杂菌意粉黑松露带有独特味道，香气浓郁，提供蒜香与坚果风味，而忌廉酱汁奶香醇厚，质地绵密，能平衡黑松露的强烈风味，并搭配鲜味浓郁杂菌嘅蘑菇、香菇、杏鲍菇的鲜味，尤其是蘑菇软嫩中带微弹，与柔滑可口嘅意粉形成有口感层次，真系好味好食。🥟炸饺子饺子味道非常诱人，外皮金黄酥脆，内馅多汁鲜美，混合油脂的香气，咬下去会有“咔嚓”声，饺子内蔬菜香甜，亦发出蔬菜的天然鲜味，配合埋沙律酱来食，非常适合，炸饺子绝对值得一试。🍋百香果特饮酸甜明亮，百香果的天然酸度较高，搭配蜂蜜调和后，形成热带水果风味，百香果的籽增添脆脆口感，尾韵带花香，适合夏日饮用。
继续阅读
说近排发现咗呢间超正嘅日式咖喱专门店，最特别系里面养咗成打布偶猫！啲猫咪又靓又乖，完全唔怕生，仲会主动过嚟同你玩今次同朋友share咗几个招牌菜式，首先嚟个炸饺子做前菜。内馅够香够惹味，调配埋个沙律酱，开胃到爆！主打嘅咖喱富士山烧牛扒饭真系好睇好食！成碟嘢食摆得好有心思，啲咖喱酱扮到好似富士山咁，牛扒就摆响山顶，再淋上蛋黄，又靓又吸引。叫咗七成熟嘅牛扒，肉质够嫩滑，油花分布均匀，完全冇筋！最紧要系啲咖喱酱，香料味香浓但唔会太呛另一款必试嘅咖喱吉列猪扒蛋包饭。将成只蛋包饭用咖喱酱包围，再配埋新鲜炸制嘅吉列猪扒。猪扒外层酥脆，里面嘅肉质又嫩又多汁，完全冇干身嘅问题。蛋包饭嘅蛋浆煮得软滑，饭都够软糯，拌埋啲咖喱酱，香浓开胃。饮品方面，佢哋嘅特饮都好有特色。一个系香橙一个系提子最正系食完饭仲可以同可爱嘅布偶猫玩！啲猫咪好健康，毛色靓，性格温驯。最得意系有只叫「大福」嘅布偶猫，成日周围行同客人玩，成只猫好似店长咁，超搞笑！讲真，呢到嘅价钱比起出边嘅宠物cafe价钱平得好多，食物质素高，仲有得同猫玩，真系相当抵！不过要提提大家，因为猫咪健康嘅关系就唔可以带外来嘅食物去位置喂佢地整体嘅用餐体验都系非常开心嘅
继续阅读
第一次行左好耐都唔知食咩好 屎忽撞棍就入左去 个次去都几爆场下，得番入面d二人位嗌完野食谂住撚下猫仔，奈何个个位无猫徘徊 一只二只系晒人地d台度，咁就算啦 放弃睇缘分 点知㩒㩒下电话！有只布偶猫比个店员用纸皮托住降落左系我地前面 ！！个店员真系要比叻叻佢👍🏻👍🏻🥹只布偶猫真系打理得好好 d毛毛好顺滑 望落好靓女🤤嗌左个鸡扒拉面同个牛 个面就不错嘅 就系小左d个鸡扒就赞下 切好晒一啖食到嘅SIZE 佢煎又肯定熟 我食就一啖过 抵得谂吖🫶🏻 味道方面都系鸡扒味lol🤓牛都系切定晒🫶🏻如果你钟意锯扒就一早开声同佢地讲啦～味道嘅话 男朋友嘴叼 话不过不失都OK WOO(⁎⁍̴̛ᴗ⁍̴̛⁎)听讲个蛋包饭都唔错 下次试下👅总括黎讲 店员自己好Enjoy番依份工 唔系黑口黑面 返工等放工个类(睇落系) 作为一个食客 我感觉到有些小人情味 Last but not least 第二次去少左人，老板娘慨叹生意难做🫣帮帮口 去食下😛（无影食物相 挂住影猫猫）
继续阅读
间店啲猫超得意之余野食又新鲜好味，真系冇得顶！最大既卖点就系店入面啲BB猫，吾系讲笑真系超QQ😍😍，任抱任玩都吾走，店员仲会比支猫玩具去互动，痴线服务态度超好！我最钟意佢地既蛋包咖哩饭，只蛋又滑又嫩，放入口度仲会比蛋液包裹添，咖哩吾辣味道又啱啱好，送饭正一流！啲鸡排甚至做到左外脆内软、嫩滑多汁嘅境间，好食到引晒啲猫过嚟同我争食！其实间店都超chill，得闲可以入去叫个饭玩猫， 有猫陪著我食饭真系十分疗愈， 系一个晏昼或夜晚可以去嘅好地方。
继续阅读
今日我嚟咗呢间猫猫餐厅又系见到好多猫猫呀。我同朋友一路食饭，一路玩猫。猫猫喺我哋张枱𠮶度瞓着咗觉啊我同我个朋友叫咗：- 吉列蚝 外脆内嫩，海味十足，搭配特制酱汁非常美味！- 原条蒲烧鳗鱼丼 鳗鱼鲜嫩多汁，饭粒吸收了鳗鱼的香气，最紧要嘅就系鳗鱼整得非常之好味。- 奶茶红豆冰 清凉消暑，奶茶香浓，红豆粒粒分明，甜而不腻。- 芝士卡斯特维饭（五成熟） 芝士融化得刚刚好，搭配五成熟牛肉。呢个系我觉得最特别嘅一味𩠌，我一定会推荐大家食。牛肉整得非常出色，有鸡蛋加咗喺芝士上面。而且佢仲有炸猪柳。- HATA波子汽水 清新微甜，气泡感十足，解渴又提神。
继续阅读
您可能会有兴趣的...