灃味館

营业中

休息中

8月26日book左呢日要見四大長老, 準備結婚事宜, 雙方家長傾計食飯, 所以希望可以安排到一個較私隱的位置結果男方家長先到, 上到去比左成間餐廳最中間張檯比我地, 仲講"冇得揀位"OK FINE我地女方後少少到, 一上到來 熱死店員話冷氣壞左, 所以係咁熱咁... 有冇風扇呢? 冇咁都要照食啦 唔通離場咩由於其中一位家長食齋所以叫左一個雜菌時菜 同埋另一個就由經理提意話廚師煮個齋菜結果兩個齋來到...都係差唔多嘅野... 好無奈 對未來奶奶亦唔好意思經理仲不停sell我食脆米東星 我之前食過, 仲比哂片我睇........ 但我唔需要食物方面, 咕嚕肉唔錯 配上燒菠蘿係OK炒飯都ok百花雞都不錯的最後想叫甜品 不純廣東話的女侍應 問佢有咩甜品佢話綠豆沙 之後仲話比個menu我睇我想叫其他, 佢話冇。。。咁比本menu我做咩呢?我叫左焦糖燉蛋食到口先知係凍嘅上面加菠蘿碎及桃膠碎下面個燉蛋 好。難。食菠蘿好酸，燉蛋冇味　何來焦糖？食左一啖就係。。。早知我都食綠豆沙Book檯去到9點 8點9催我埋單???你係唔係有病啊?真係搞到我同我未婚夫好唔好意思比你地搞壞哂氣氛食完仲流汗條街都涼過間

尋日食完今日忍唔住出post因為真係有幾樣野都幾伏😂首先講咗好味嘅地方成餐飯最好食就係咕嚕肉，呢個都係佢哋馳名小菜，係幾好食，果皮夠脆，唔會厚粉，酸甜味適中，仲有新鮮菠蘿仲有預訂嘅江南脆皮百花雞，呢味餸好考功夫，雞皮入邊樣住咗蝦滑，再炸，呢味餸係我哋食完其他餸最後出現，差啲唔記得佢，跟住我哋都話好彩有呢個叫做OK，不過想講佢有個汁俾我哋點嘅，但係個汁冇味㗎，其實唔使點，唔使整呢個汁，就咁食OK😂我哋叫咗嘅餸係：1) 咕嚕肉 2）懷舊江南百花脆皮雞3）雞油花雕蛋白蒸花蟹跟陳村粉4）澧味生炸皇子鴿 5）頭抽煎大虎蝦 6）花膠扒 7）鮑汁扣原條關西遼參8）姬松茸南非鮑魚花膠燉烏雞 - 9）小食：炸豆腐，墨魚仔，冰鎮黃金球配話梅首先要講吓雞油花雕蛋白蒸花蟹跟陳村粉，完全冇味，一啲花雕味同埋雞油味都冇，好失望，要加啲醋食先得，當佢賽螃蟹咁囉，好彩隻蟹都叫新鮮，陳村粉要加醋先有味⋯⋯🥶🙈 個經理入嚟問我地啲嘢食點，我哋直接話真係冇味，佢講咗一大堆唔知咩嘅理由，又話來貨貴又剩，咁我哋話關冇味咩事？😂😂佢話陳年花雕冇攞出嚟😅 又話其實好耐冇做呢味菜，知道冇人哋做得咁好，我心諗其實既然做唔好你應該取消

媽媽生日及朋友生日都安排去灃味館吃晚飯。翅湯丶花膠扒配粗麵超級正！👍🏻👍🏻粗麵吸收了扒汁後非常鮮味。東星班炒球丶蒸蟶子皇等海鮮推介也非常有水準！餐前小吃「炸魚皮」可以說是必吃之選😜

有一種味道叫享受！話說A姐嘅屋企人好鍾意食粤菜，作為未來女婿嘅我，腦海即刻浮現銅鑼灣嘅灃味館，呢度主打高質手工粵菜，其中代表菜式之一嘅巨型花膠扒，真係出得廳堂，而價錢夠晒貼地親民。適合嚟緊嘅長輩生日、父親節、母親節等慶祝聚餐，絕對會令長輩們食到舔舔脷，對你安排非常滿意！金沙大刀脆魚皮你無睇錯，呢個真係炸魚皮呀！魚皮超大塊，上面佈滿起沙質感嘅金沙鹹蛋，所以食嘅時候除咗夠香脆，仲充滿無限滿足感嘅鹹蛋香味，味道超香濃，真係好罪惡呀，但又忍唔到口係咁食。身為鹹蛋黃控必食！鮑汁扣原件12頭花膠扒大家估吓呢隻原件12頭花膠扒幾錢？答案係$368咋，所以眼見每枱食客都一定會order呢個菜。請恕我孤陋寡聞，呢隻花膠有成兩隻手掌咁長，我真係未試過食花膠都可以用刀叉切嚟食，真係抵食過去食据扒呀！加上花膠非常厚身，所以勁膠口，非常有口感。當然精華所在係佢哋秘製嘅鮑汁，夠晒濃郁，花膠入晒味，非常滿一！魚湯脆米海東星斑呢道菜係另一個必點推介，記得訂位時要預訂埋呀！因為老闆要預先揀條新鮮，足2斤嘅東星斑，如果嗰段時間東星斑嘅質素未如理想，真係想食都無得食，可見餐廳對食物出品嘅執著呀！喺上枱之前，大廚特意將最後烹

之前一早有留意到灃味館，但因為時間一直夾不到，所以等到現在想有機會一嚐美食。店員於早一天致電確認訂座時已經十分熱心介紹餐廳的出名菜式，令人留下良好印象！當天訂了8點的枱，但餐廳內仍然座無虛席，十分熱鬧。店員熱心介紹菜式，態度十分好。因為我們只有2個人，所以沒有點太多主菜，店員推介了2款前菜給我們，分別是酸梅冬瓜和薑蔥墨魚仔。冬瓜酸酸甜甜十分適合夏天作開胃菜，冬瓜質地較爽口，不會過淋。而墨魚仔同薑蔥的味道十分相襯，剛好掩蓋了海鮮的腥味。當晚的燉湯只餘下最後一蛊，我們毫不猶豫便點了，果然沒有失望，十分足料，有鮑魚也有花膠，湯品充滿姖松茸的香氣，而且飲得出沒有味精。主菜方面我們點了招牌的咕嚕肉和甜豆炒星斑。咕嚕肉沒有用到過肥的豬肉，食入口肥瘦勻稱，不會過分油膩。而星斑則不過不失，正常水平。最後我們點了一個甜品柚子燉蛋share食，柚子醬加上少量柚子肉，帶點酸甜味，不會過甜，友人十分喜歡。整體用餐都十分滿意，美中不足當晚我們只得2人，未能試更多的菜式，下次定會多約幾位朋友嘗試更多招牌菜式！

其實我一直都私藏左一間隱世樓上私房菜🙊坐落銅鑼灣地鐵站附近但沒有高調宣傳到達餐廳之後發現原來座無虛席的確～默默做好自家出品設計既中菜菜式總會不知不覺吸引一班識食食客今次請師傅安排既四人套餐非常抵食👍🏻一共八道手工菜🤩每道都超細緻、用料靚、工序繁多💆🏼屬心機之作以私房菜黎講～每人只需$700💰CP值非常高💯而且同行小編表示值得一讚既～喺味道調味方面唔會過鹹、亦唔會特別多味精反正真係食番多啲食材既原汁原味😋.【🧑‍🍳 金沙大刀脆魚皮 $68】黃金脆魚皮勁大塊！好有排場😍唔係細細片鹹蛋味濃厚而且呈流沙狀態～唔太油膩亦保持酥脆.【🧑‍🍳 冰鎮話梅黃金球 $78】黃金球其實即係東瓜粒以話梅入饌後～兩者相輔相成帶來獨特既酸甜味而正所謂不時不食呢道菜式好岩炎炎夏日作為開胃小吃☀️.【🧑‍🍳鮑汁扣原件12頭花膠扒 $368】我會叫呢個做Bug價🤫點解會抵食到咁樣！原件花膠扒足足有兩隻手掌咁長四個人分食每人都有四五件鮑汁真材實料食完無口乾～配白飯食應該一流🔝下次再黎食應該每人一碟🤪.【🧑‍🍳魚湯黃金脆米海東星斑 $1,480】呢道菜必點～必點～必點❗️同埋book 位時記得預訂～真係有錢都未必食到因為老板要

用電話落單，想叫蝦子柚皮，職員介紹食柚皮鵝掌，又冇特別講價錢，以為價錢一樣，最後發現原來佢菜單根本冇呢個餸，佢夾硬用「花膠花菇拼鵝掌」個價$288，再另外加$88。埋單後再check 單，之後msg 問清楚佢收費，有個經理一打嚟就不斷講對唔住，唔好意思，話廚房出錯，漏咗俾花膠，話下次嚟請我哋食翻個餸，我哋話唔使，想問清楚係收多幾多錢，單叫柚皮鵝掌收幾多錢，經理淨係好似錄音機話柚皮$88，鵝掌$56/隻，咁話知道收多咗我$64，經理又再錄音機上身咁講話，知道佢哋唔啱，所以老闆話請我哋食一次。我地強調我地唔係想R著數，不過想攪清楚，經理又再錄音機咁講話，老闆知道佢哋做錯，所以同我講對唔住，話請我嚟食多一次嗰味餸，之後話老闆都想同我講唔好意思。然後老闆出場，改口風話其實係廚房未有呢個code，嗰個System未整好，所以未有有柚皮鵝掌個價錢，要用花膠花菇拼鵝掌嘅價錢再on top加$88先至等如柚皮鵝掌，即係話蝦子柚皮：$88花膠花菇併鵝掌：288柚皮鵝掌：$376其實之後佢再講會同廚房溝通翻，咁先至可以令到張單唔會令客有誤會，講到其實係我誤會咗佢一樣，個龍門搬完，其實都唔需要再講所以我哋好

由一開始有濃味中茶至開胃雞湯，高級質素主中菜一流👍試過花膠扒，咕嚕肉好食又有特色，價錢大眾化，銅鑼灣平過深水埗小炒王實在難得，服務員推介紅酒亦有質素，誠意推介

黑洞之前介紹過嘅瀛豐放題🥢最近喺同一棟大廈開埋粵菜館👀餐廳全層有大概6/7張枱相對放題店坐得比較舒服🥰-🔸三黃雞濃湯雞煲翅（$98/位）用三黃雞同老雞煲成🐔奶白色嘅濃湯😍味道超濃郁惹味底部除咗雞肉絲 仲食到啖啖翅💓補身養顏之選🤓-🔸鮮菠蘿拔絲脆皮咕嚕肉（$138）黑洞私心必食推介‼️咕嚕肉用豬頸肉 肉質特別嫩冧👍🏻炸皮勁脆薄🤤睇得出師傅嘅真功夫加埋山楂同片糖高溫整成拔絲效果🤩一啖鮮菠蘿一啖咕嚕肉 perfect池🥳-🔸鮑汁扣原件12頭花膠扒公（$368）呢款菜一上枱霸氣十足😎花膠扒足足超過兩隻手板咁長🖐🏻鮑汁用本地流浮山蠔汁 雞濃湯 金華火腿調味 花膠煮到好冧 而且吸收晒鮑汁精華😋啱晒初老黑洞進補下骨膠原🤪-🔸銓哥炒飯（ $118 ）炒飯配料有蝦肉 帶子整體黎講炒得幾夠乾身✅黑洞食晒成碗都唔會有成口油嘅感覺😉但如果調味淡番少少會更加好🤏🏻-🔸日式焦糖燉蛋（ $38 ）食到尾梗係要有甜品中和下😏燉蛋底有黑糖糖水⚠️食嗰時記得要一啖過由面到底將桃膠連燉蛋一齊食😗-P.s 呢間餐飯嘅菜式幾啱一家人聚餐👨‍👩‍👧‍👧特別係同長輩食飯👴🏻👵🏻唔錯嘅選擇

餐廳服務質素相當高, 環境舒適, 光線充足, 走高質粵菜路線, 好enjoy呢一晚😋! 濃湯燉鮑翅 - 味道超濃郁, 大大件魚翅, 好足料! 雞湯味濃郁, 仲有一點漿口既感覺, 整體濃而不鹹。北海道珍寶帶子配牡丹蝦濃汁鴛鴦米 - 白飯煙煙韌韌, 有creamy既口感, 裡面有脆紅米以增添口感層次。北海道珍寶帶子大件又厚身, 口感彈牙, 鮮味十足! 🌟鮑汁扣原件花膠扒 - 必試! 一定要試呢度既花膠扒, 好好食🤤! 花膠好巨型, 適合2-3人分享。花膠有厚度, 炆得夠淋, 黏黏的, 富膠質, 鮑汁味又濃又鮮! 當紅炸子雞 - 色澤金黃, 雞隻皮脆肉嫩, 完全唔乾身, 入口帶有煙燻味。焦糖桃膠燉蛋 - 上面有菠蘿粒, 桃膠份量多, 有微煙韌既質感, 口感如蒟蒻, 好滑溜; 燉蛋甜甜的, 奶味香濃, 又唔會太甜。

一日一黃店-銅鑼灣高質良心粵菜呢日試試一間新開既 良心粵菜館先講講評價！食得出用料有花心機明顯感覺到師傅功力唔錯如果生日 喜興 請客都係一個唔錯選擇.呢日點左幾款精品菜式⭐️鮑汁扣原件花膠扒$368😍店員上台果時 會係你面前分菜 勁吸引‼️塊花膠仲大塊過面 睇得出重本 （可睇片）👍🏻膠質十足 伴上鮑汁 好評.⭐️鮮菠蘿炒拔絲咕噜肉$108😍做到個出色既拉絲效果（可睇片）👍🏻醬汁甜酸度 同肉質都做到岩岩好👍🏻旁邊有菠蘿伴碟 完全做到色香味俱全.⭐️北海道珍寶帶子配牡丹蝦濃汁鴛鴦米$68👍🏻呢個帶子鮮甜 有煎香👍🏻帶住龍蝦味既醬汁 伴飯粒粒分明👌🏻加埋表面有小小脆脆米 味道同口感都有層次幾特別 精品向 🤔份量偏小.⭐️濃湯雞煲翅$ 88鐘意飲湯既朋友一定鐘意呢個👍🏻入口清甜 帶小小骨膠原膠感👍🏻相信煮左幾耐 隔渣 索油 功夫野都有做足做到真材實料.⭐️日本焦糖陳皮燉蛋配桃膠似焦糖布丁 表面有桃膠 🤔完全食唔到陳皮味👍🏻望到布丁 煮既時間控制到岩岩好👍🏻質感 又彈又滑 冇布丁窿窿又係好花工夫既野.整體 呢日去仲試業緊 師傅有料到用料 功夫野都有做足 搵唔到要改善環境新裝修 乾淨簡潔 店面唔大應該十張台內

放假的時候就要放鬆，還沒禁堂食的時候，我們去了銅鑼灣吃中菜。餐廳裝潢簡潔清雅，燈光明亮，以圓桌為主，也有包廂。我們點了五道特別手巧菜式。⭐️ 濃湯雞燉鮑翅燉了接近十小時的濃雞鮑湯配上魚翅，非常有誠意，奢華而滋補，魚翅根根分明。味道香淡，散發出湯品的清香。⭐️北海道珍寶帶子配牡丹蝦汁鴛鴦米珍寶帶子淋上了牡丹蝦汁，使柔嫩的帶子變得不平凡。帶子下面是鴛鴦米，以脆米點綴，入口卜卜脆，增加口感。⭐️鮑汁扣原件花膠扒超級巨型的原件花膠扒，加上以鮑魚熬製的醬汁，更添鮮味。花膠入口軟綿綿的，非常順口，滿滿的骨膠原令人停不下嘴。⭐️新鮮菠蘿拔絲咕嚕肉新鮮菠蘿配上梅頭肉做成拔絲咕嚕肉。一夾起來的確有牽絲的效果，外面一層是薄薄的微脆，裡面是蠻有嚼勁的梅頭肉，新鮮的梅頭肉特別好吃。⭐️焦糖燉蛋配桃膠鮮果肉最後是中式甜品，頂層是桃膠鮮芒果肉，煙韌的口感很棒。燉蛋下面有焦糖，香甜而不膩，燉蛋滑到不行，蛋香味不錯。▫️餐廳的服務不錯，菜式也下過一番功夫，令人滿意。

呢間係一間食完會諗「可以帶屋企人黎做冬食餐好」的店（可惜又關晚市了😭）銅鑼灣灜豐放題新開嘅中菜館，竟是走精緻粵菜路線，呢個價位，質素好有驚喜啊！店員推介濃湯雞燉鮑翅（$368/4位 ，$88/位）濃味足料，有勁勁勁大梳翅😱😱，而且是碗好精華濃郁的雞湯，想是用了不少雞熬製而成，飲完感覺係好舒服，唔會口渴的。好多地方都標榜花膠菜色，不個就真係唔係度度好食，有些又大又硬似魚肚，有些淋得像漿糊，🙈而呢度嘅鮑汁扣原件花膠扒（$368），我覺得好好食啊！大過去面嘅花膠，賣相先聲奪人，個人覺得2-4人分都ok呀，花膠軟淋有膠質但唔漿口，有厚度質感，另一重點就係個鮑汁，濃郁鮮甜，同一般好咸嘅鮑汁完全唔同，絕對值回票價！北海道珍寶帶子配牡丹蝦汁鴛鴦米 （$68/位）賣相都係好精緻，有酒店/高級中菜廳感覺，北海道帶子質感好特別，味道好。新鮮菠蘿拔絲咕嚕肉 （$108/例）價錢真係唔係貴過大排檔好多，但係又有炙燒鮮菠蘿，又有拔絲，真心係抵食。咕嚕肉拔絲又脆皮，咬落去係脆卜卜熱辣辣，肉質鬆化，新鮮菠蘿香甜有果香。甜品選了焦糖燉蛋配桃膠鮮果粒 （$48/位），果粒就係頭先d菠蘿肉，桃膠舖面，焦糖在底層，呢餐食完

大閘蟹一隻都唔平, 仲要自己煮咁麻煩今次去到澧味館食佢地既6道菜大閘蟹套餐, $409就有大閘蟹放題+飲品放題除此之外仲有幾道食品首先就係講下大閘蟹先, Size黎講都唔算細隻即叫即蒸, 大概等15-20分鐘就有得食!裡面好多膏, 質素都幾高, 回本真係冇難度除左大閘蟹之外, 套餐裡面既食品都非常出色濃湯雞燉鮑翅, 呢個的確相湯正, 個湯底一飲就知道好足料翅既份量仲非常誇張!!真心正呀!另外仲有特式小菜三選一我地就揀左金磚豆腐松露鹽, 即叫即炸, 外脆內軟仲有陣松露香!蟹肉扒豆苗上面既汁啖啖蟹肉, 豆苗炒到岩岩好上海炒年糕年糕煙煙韌韌, 整得都幾入味最後仲有薑茶湯圓做甜品薑味好濃好正, 驅寒一流

鍾意食中菜嘅朋友仔可以試吓呢間新開嘅中菜館，今次生日飯🎁揀咗呢間餐廳，啲嘢食都幾有特色，無論係食材定係處理方式都比較細緻。.今次呢個套餐好豐富，等我順序介紹一下！👉🏻濃湯雞燉鮑翅雞湯味道好香濃，鍾意飲雞湯嘅朋友仔一定好適合，裏面仲有比較珍貴嘅魚翅，不過如果下次轉返素翅應該會有更加多朋友仔鍾意，因為口感都係差唔多！👉🏻北海道珍寶帶子配牡丹蝦汁鴛鴦米上面的帶子都真係珍寶size，大大隻，加上牡丹蝦汁嘅鮮味提升味道層次，鴛鴦米有香脆的口感，好豐富。👉🏻鮑汁扣原件花膠扒花膠扒方面大個成個大腳板，而且有鮑魚汁包圍，味道又夠入味，切開之前打卡一流！質感亦都比平時食嘅更加有膠質及順滑。👉🏻新鮮菠蘿拔絲咕噜肉西班牙黑毛豬製成的咕嚕肉特別香，整體味道比較甜，可以食新鮮菠蘿中和一下，亦都有拔絲啊！👉🏻精美甜品是焦糖燉蛋配桃膠鮮果粒酸酸甜甜好開胃嘅菠蘿，表面仲配有一啲桃膠非常養顏，焦糖燉蛋啲焦糖喺晒底部，攪拌一齊食有好濃郁嘅甜香！.好豐富，而且食完好飽，好滿意嘅生日飯😗💪🏻