灃味館

想食中菜，又唔想飲茶，打開OpenRice bookmark咗嘅銅鑼灣中餐廳，就見到呢間「灃味館」，咁就俾個機會佢試吓啦。出發前嗱嗱臨WhatsApp 預約，呢日係星期日嘅午市，雖然只係兩個人嚟，餐廳職員安排咗個廂房俾我哋，仲有埋電視睇㖭。呢度係做私房菜嘅格局，都有幾間私人廂房，食飯傾偈時可以Private啲。兩個人叫咗個午市二人餐，前菜要咗酥炸生蠔，湯就升級轉左杏汁菜膽燉花膠湯，主菜要咗新鮮菠蘿拔絲咕嚕肉和上湯焗海虎蝦拌鍋巴，主食到升級咗轉做銓哥炒飯。酥炸生蠔一人一隻，炸皮做得好薄好脆，生蠔都幾飽滿，蠔肉仲係好嫩仲有蠔汁，唯一係個帶子位靭咗啲（兩隻都係）。杏汁菜膽燉花膠湯就一般般啦，塊花膠好薄好細塊，不過我哋冇預早book枱，都不能要求太多。個湯都好滑嘅，有雞腳燉湯個湯提鮮不少，杏汁就幾好唔會食到有顆粒感。呢度嘅王牌菜式之一係新鮮菠蘿拔絲咕嚕肉，又係個炸皮做得好薄好脆，裹住個醬做到拉絲感，咕嚕肉係梅頭肉夠滑帶嚼勁。呢個咕嚕肉又真係幾好食嘅，一舊食完又一舊，好食到食唔停。上湯焗海虎蝦拌鍋巴，個醬用咗上湯同櫻花蝦，好香口，忍唔住口掛住用好鍋巴沾個醬嚟食。海虎蝦控制火頭啱啱好，蝦肉仲係好鮮嫩。銓哥炒飯有櫻花蝦、帶子、蝦肉、芥蘭頭等配料。由於兩款主食太好食啦，令銓哥炒飯有啲失色。要讚嘅係，個炒飯炒得唔油，夠乾身，碟底唔會有一堆油。食完仲有兩碗糖水送添。今次午飯小事試牛刀覺得大廚銓哥喺火候技巧同食材味道配搭上面都唔錯，擺盤都吸引，已經心思思計劃下次約埋啲朋友一齊嚟試吓個主菜單的食物先。…Read More

再訪灃味館 ，每次都有驚喜，不愧是本地人氣老牌。香麻魷魚是招牌之一，魷魚鮮嫩彈牙，配以香麻醬汁，麻香濃郁卻不蓋過鮮味，令人一試難忘。蝦多士外皮炸得酥脆，蝦肉鮮甜彈牙，搭配特製甜辣醬，不論大人小孩都愛。蟶子陳村粉是另一款必點，粉皮滑溜，蟶子肉鮮美多汁，醬汁調味恰到好處，吃完讓人回味無窮。此外，店內環境舒適，服務親切，氛圍輕鬆，適合朋友聚餐或家人聚會。每次用餐都感受到用心與誠意，灃味館 絕對是再次光顧的好選擇。…Read More

前星期日，跟朋友到了这餐廳用12-3pm 的放题，我最先到，跟服務員說我有朋友生日，可安排小蛋糕，(其實只抱小希望), 但服務立即說冇問題，可請厨房預備小壽司蛋糕，真太窩心了食物質素性價比高。很多款式選擇，一次真係試不完，我們真係要支持香港飲食業…Read More

已多次再訪，必吃濃湯雞煲翅、花雕蛋白蒸蟶子皇陳村粉、炸魚皮！雞煲翅濃郁，湯頭鮮甜且不油膩，雞翅份量充足，還有雞拆絲增添口感，非常用料十足！另一特色是花雕蛋白蒸蟶子皇配陳村粉，這道菜用上陳年的花雕酒及特製的雞油，蒸出的蛋白嫩滑如豆腐花，配以鮮甜爽口的聖子和細滑的陳村粉！炸魚皮是一道非常受歡迎的小菜，炸得香脆薄透，口感輕盈不油膩。魚皮以新鮮食材製作，炸至金黃焦香，咬下去能感受到獨特的酥脆聲響和魚香味！最適合的佐酒小吃！…Read More

好朋友帶我嚟呢度食生日飯！真係好有水準！開頭覺得咕嚕肉咁普通，唔諗住order，不過好在有叫，非一般的咕嚕肉！表皮爽脆，好鮮嘅菠蘿！超讚粉絲蟹煲，開頭以為係一隻蟹，原來已經拆晒肉，驚喜！柚子芥末蝦球白花炸子雞，呢個有少少誤會，見識少，冇留意百花原來係釀蝦膠，食唔到蝦嘅朋友就冇得食嚕。呢個唔使特別介紹哇哇哇！戲肉到了！上枱嘅時候覺得好震撼呀，因為慶祝生日，夥計哥哥為我哋預備咗蠟燭同埋生日牌！真係好大塊，好厚肉，同埋個汁係超好味。最後仲有糖水送。不過如果熱少少更好。。整體嚟講都好滿意！好多謝好朋友嘅安排！…Read More

今次係第二次去食個黃金魚皮👍🏻👍🏻👍🏻夠哂脆夠薄，d咸蛋痴滿哂成塊魚皮最重要係一d都唔油，完全食唔停口🤤炸紙雞👍🏻👍🏻👍🏻皮超脆，雞又唔太肥，唔會有一層黃色嘅油脂食落雞肉仲好嫩口，有肉汁😋咕嚕肉👍🏻👍🏻👍🏻理個有驚喜！原因係平時食嘅咕嚕肉都會炸到好乾，同埋個皮好厚但係佢個粉漿皮超級薄，豬肉炸完都仲好Juicy個酸甜醬調得啱啱好，超級開胃😋最鍾意佢用新鮮菠蘿炒，食落唔會係一種死甜味👍🏻👍🏻雞湯浸菜苗👍🏻見佢寫菜苗，估到佢係生菜，同expect 嘅有少少出入建議叫之前問清楚佢係咩菜但飲得出佢真係用雞湯煮！個湯係好飲嘅👍🏻鮑汁扣原件12頭花膠扒👍🏻👍🏻呢個係廚師推介話說我哋都係為咗佢而出嚟食😂加錢就有埋個面底花膠好滑，有少少咬口唔會爛晒佢個鮑汁味度都幾濃郁，浠杰度適中店員幫你分完碗之後仲會將剩返嘅鮑汁俾埋你…Read More

同舊同事聚舊，一行12人最後決定試下呢間粵菜，環境0k，枱與枱之間都有少少距離，唔會太迫金沙大刀脆魚皮，魚皮薄得嚟又炸得香脆，一啲都唔油膩，魚皮仲有鹹蛋黃嘅鹹香，值得推介呢個較為普通，蝦醬味唔係咁突出海蜇頭勁厚身,有咬口，配陳醋同埋青瓜酸酸甜甜鮮菠蘿拔絲脆皮咕嚕肉，評分應該可以幾高下，佢既脆皮處理得好好，奈何嗰晚食到有幾舊都係肥豬肉，扣左分豆腐只係表面輕輕炸過,唔油膩亦都無咁重口味脆皮牛腩冇乜特別，不過d肉唔韌都算ok囉普洱茶啲味唔係咁突出，尤其是點咗個隔離個薑蓉醬後，同普通嘅豉油雞好似冇乜分別囉😅愛食菜嘅人一定要叫,芥蘭一啲都唔老得嚟好爽脆，繼炸魚皮後另一必嗌頭抽豉油王蝦子炒麵，冇乜特別,都唔係幾食有蝦子喺裡面🤔通常出面食欖角肉碎四季豆嗰碟底一定係成劈油，呢個ok喎，係d肉碎咸左少少全晚最伏應該係呢個瑤柱蛋白炒飯，睇顏色好似好豐富，其實係一啲味都冇，要配埋上面嗰碟欖角黎食先得囉每位敬送糖水一碗綜合評分：環境尚算ok亦都唔嘈,係最伏嗰個瑤柱蛋白炒飯囉，其他都好食,可以再黎幫襯…Read More

7月有兩位同事生日，我和另一位同事就邀請她們兩個一起吃餐飯，同她們慶祝。偶然在Openrice看見灃味館是主打粵菜私房菜的，食評又幾好，於是便決定揀這間試一試。 在Openrice訂完枱之後，餐廳會用Whatsapp通知我要先付訂金才可以確認我的訂枱, 因為他們的枱不多，怕當晚如果多客人就未必留到枱給我們。付完訂金之後，餐廳就會發餐單給我自己研究。我將Openrice的食評逐一去研究，終於找出幾個多人讚，價格又相宜的菜色。 最多人讚是金沙大刀脆魚皮和新鮮菠蘿拔絲咕嚕肉，食落又真是幾好味。另外，銓哥炒飯也多人讚，但我覺得鹹了一點點。 每上一味菜，我們都會「相機食先」，想不到會有一位姐姐走過來幫我們打燈。整餐飯有人不斷為我們加水，收起吃完菜的碟子，自然也樂意幫我們拍照。雖然用餐時間是120分鐘，我們過了鐘也沒有人過來催促。這樣的服務真是 …Read More

位於銅鑼灣京都廣場7樓，從銅鑼灣地鐵站C口出嚟👣，穿過馬路，坐電梯上7樓就到了。冇浮誇嘅裝修，卻有最實在的「食客氛圍」，識貨嘅人，都知個中趣味 👨🍳👩🍳。主理人銓哥有二十幾年廚房經驗，對粵味有深刻理解，「新式粵菜」藏住令老饕眼前一亮嘅巧思。不過要提提 ❗ 部分招牌菜（例如煙燻皇子鴿、杏汁花膠菜膽燉豬肺湯）都要提前預訂，畢竟好味道不等人 ⏰。呢日晚上，約左幾位朋友來嘗嘗鮮。電梯出嚟，感覺地方不是很大，裝修簡潔乾淨。 坐低不久，點嘅菜就嚟啦。 🍲 **杏汁花膠菜膽燉豬肺湯** 上台嘅時候件冒著熱氣，琥珀色嘅湯頭裹著濃醇杏香，飲一口便知是「慢工出細貨」——花膠軟滑不腥，豬肺處理得極乾淨，沒有半絲異味。店員將滿滿嘅一碟湯渣都奉上，好讓我哋呢啲老饕品嘗老火湯嘅「魂」！ 🍗 **煙燻皇子鴿** 皮色油亮，筷子一戳，「咔嚓」一聲脆響，皮下嘅油脂微微滲出，帶著淡淡煙燻香；鴿肉嫩得能抿化，鹹香中帶有回甘。👍 🥬 **荷香客家梅菜蒸芥蘭** 芥蘭脆嫩，梅菜嘅鹹鮮剛好提味，清爽不寡淡，好吃！ 🍍 **鮮菠蘿拔絲脆皮咕嚕肉** 菠蘿嘅酸甜中和左肉嘅油膩，外層糖殼薄而脆，咬開是彈牙嘅豬肉，有創意 😆～ 🍖 **脆皮牛腩** 燉得酥軟入味，外皮炸得酥脆，配碗白飯最正！ 🍚 **銓哥炒飯、鮑汁花膠撈麵** 都很有水準，尤其係撈麵，麵條採用粗蛋麵，彈牙。濃稠嘅鮑汁包裹著花膠同麵條，層層交疊，鮮香好味。⚠️ 不過都有幾道菜稍顯遜色• 🍝 **黑松露蛋白炒帶子** 黑松露香氣過於濃烈，蓋過了帶子嘅鮮甜，而且火候略欠，蛋白稍顯乾硬； • 🍡 **擂沙湯圓** 外層是細膩豆粉，內餡卻沒有流心驚喜 😅…不過呢啲小瑕疵，唔影響整體體驗——畢竟，將多數菜做到「超出預期」，已是難得。**「服務貼心」** 💁♀️💰 最讓人暖心嘅係服務！尤其係喺現今嘅香港。店員不僅主動分菜（特別是湯品與燉品），連客人用手機幫食物拍照打卡，都會貼心咁過嚟打燈補光 📸。 至於價格，稍貴——畢竟用了花膠、黑松露等高級食材，加上25年老師傅嘅手藝精製，叫做「貴得有道理」。值！**「懂粵味嘅人，值得一嚟」** 🌟 （P.S. 記得提前訂位 📅）…Read More

因為同事升職，請我哋去灃味館食飯。所有菜式都非常好食，食材好高級！當中印象最深刻嘅係雞煲翅同埋一塊好大嘅特色魚皮～龍蝦伊麵嘅龍蝦亦都非常Juicy，仲有超大塊嘅花膠伊麵！職員服務態度非常好，會準備盞燈仔比客人去打卡。滿分！下次想再帶屋企人去食～～…Read More

呢間餐廳由入廚超過25年嘅銓哥主理，糅合傳統同創意元素，並以以多種烹調方法製作粵菜🥢💗金沙大都脆魚皮 ($78)香脆嘅炸魚皮超大塊，每塊魚皮都沾滿香濃嘅鹹蛋黃，真係超級邪惡，忍唔住一口接一口🥚💗麻辣一口鮮鮑魚 （188）鮮鮑魚爽彈鮮嫩，加入辣椒同麻椒調味，作為前菜特格麻辣醒胃🌶️💗三黃濃湯雞煲翅 ($118)雞煲翅以三黃雞同老雞文火煮兩個半鐘，將雞骨同肉分離後，以雞油細火炒乾雞肉，再加入雞清湯再煮至奶白色濃湯，最後將雞油過濾🍲雞湯入口濃郁帶鮮，有大量雞絲同魚翅，夠哂奢華滋補🐓💗雞油花雕蛋白蒸蟶子皇陳村粉 （$256）選用紐西蘭蟶子皇，蟶子爽嫩鮮甜🐚加上雞油同20年古越龍山陳釀花雕酒嘅香味，花雕味突出但完全沒有酒的苦味🥃底下嘅陳村粉同蛋白入口滑嫩，回味無窮🥚💗新鮮菠蘿拔絲咕嚕肉 ($158)咕嚕肉特意選用本地豬頸肉，肉質特別爽滑，炸至外皮薄脆，內裡保持肉汁🐖而糖醋汁就用上山楂同片糖製作，酸甜開胃🤤旁邊嘅新鮮菠蘿亦不容忽視，大廚特意用火槍輕輕燒過，令菠蘿帶有焦香🍍💗開心果露 ($68)選用美國進口開心果露，口感濃稠絲滑，開心果味濃郁，甜度啱啱好，再加上開心果碎增加口感💚…Read More

主打半私房菜式新派粵菜的灃味館，由老闆兼大廚銓哥主理。這次晚餐中，以涼拌茴香根、三黃雞濃湯雞煲翅、拔絲咕嚕肉及開心果露最令人深刻。頭盤是金沙脆魚皮，這道菜以脆炸的門鱔魚皮為主角，金沙味道適中，既香脆又不過於油膩，開胃又美味。接著是涼拌茴香根，這是我第一次品嚐茴香根，口感清脆，類似洋蔥但更加清爽，還帶有花雕酒的甜味，令人驚喜。熟醉大頭蝦入味十足，花雕和花椒的搭配讓每一口都充滿層次感，可選擇生吃或熟吃，非常值得一試。三黃雞濃湯雞煲翅是這裡的招牌之一，才$458　一大鍋，濃郁的三黃雞湯燉煮的牙揀翅，湯頭鮮味，有三黃雞拆絲，超級多翅，用料十足，性價比高。花雕蛋白蒸蟶子皇用上20年的花雕酒香氣撲鼻，雞湯蒸蛋白裡還有陳村粉，蟶子皇爽口。鮮菠蘿拔絲咕嚕肉使用黑毛豬製作，脆漿厚薄適中，外脆內嫩肉多汁，甜酸度亦恰到好處，朋友們都讚不絕口。藤椒浸BB乳鴿的肉質嫩滑，帶有微微的花椒及酒香味，口感比一般的紅燒乳鴿更加出色。我們還品嚐了香茅焗大鱔，香茅的清新香氣讓人回味無窮，非常惹味，不怕魚骨的朋友都吃得津津有味。最後，鮑汁扣12頭花膠扒伴粗麵不僅份量十足，鮑汁的味道濃郁偏鹹，搭配粗麵口感不錯。甜品方面，我們選擇了生磨開心果露，甜度適中，香滑的口感中還有粒粒開心果碎，作為結尾非常捧。這裡的每道菜都能讓人感受到廚師的用心，值得一再光臨。…Read More

好幾個月冇見班姊妹，梗係又要出嚟聚下。 姊妹今晚選址灃味館，銅鑼灣地鐵出左就見到，超方便。 食店地方唔算大，一眼睇晒,不過又唔會坐到好逼。但正因地方細，撞啱有班客講野超大聲，係每枱都要大聲講野就變得好嘈，同埋好熱。 5個人叫左8個小菜，份量唔算細，所以都食唔晒。小食魚皮好香口， 薑葱桶蠔大大隻，不過炸粉略厚。客家甜酒煮雞， 乾迫粉絲蟹肉煲， 牡丹蝦汁脆米伴北海道帶子（呢個好味道），帶子超大隻。仲有菠蘿咕嚕肉。整體食物都算ok, 職員都好有禮貌同反應快。…Read More

今年的父親節，我們選擇了「灃味館」來慶祝這特別的日子。這家餐廳是朋友推介，讓我們對這次的用餐充滿期待。首先，我們定了個「包房」。當我們被領進房間時，我當然沒有期待著豪華裝潢，結果發現這包房要與人共用，中間竟然只是用膠簾和旁桌分隔開來的！就是那種細長條摺扇般的半透明磨沙膠簾，瞬間感覺像是進了個高級的小隔間又帶點簡陋。但是這種環境設有5000元的最低消費，會讓我覺得有點意外。總結，整體味道不錯，有心機認真做食物，不過部份菜式偏鹹，但不是死味精果種，服務有禮很貼身，價錢合理。金沙大刀脆魚皮，是一道賣相做型頗具創意的菜品，炸得酥脆扁平的魚皮配上咸蛋黃醬，雖然味道不算特別驚豔，但也讓人感到滿意。溏心皮蛋伴陳醋舢海蜇頭溏心皮蛋出奇地不是溏心的，味道還是可以質感柔嫩與海蜇頭的脆爽搭配得當，再加上陳醋的酸味，這道菜品讓人感受到傳統風味的魅力，非常適合作為前菜。三黃濃湯雞煲翅每位上的三黃濃湯雞煲翅的湯頭濃郁，是全晚最佳選擇，滿載的湯料充滿了鮮美的味道。雖然魚翅的質感稍顯普通，但整體來說，這道菜是喜歡濃湯的人的不錯選擇，讓人感受到真正的豪華享受。新鮮菠蘿拔絲咕嚕肉菠蘿和咕嚕肉的組合酸甜適中，雖然拔絲的效果不太明顯，但整體口感還是不錯的，是一道受歡迎的菜品。特別是菠蘿是燒過的放在旁邊，這種做法也是第一次嘗試，自已覺得跟咕嚕肉一起炒應該更好。鮑汁扣原件花膠扒鮑汁的味道濃郁，是最出色的。花膠的口感也不錯。這道菜品的賣相很吸引人，是一道值得一試的菜品。主廚說是該店最貴的菜式，懷舊江南百花雞百花雞的餡料其實是蝦膠，沒有雞肉，但用了雞皮覆蓋，所以有雞皮的香脆也有蝦膠的嚼勁。這道菜品不知算不算江南風味和是否適合懷舊。香茶燻脆皮皇子鴿香茶燻製的鴿子外皮酥脆，內裡肉質鮮嫩。煙薰味稍嫌過重，但這道菜的整體味道還是令人滿意的。南非鮑功夫小炒王鮑魚的份量很少但味道質感不錯，小炒王要求鑊氣也做得到，各種配料搭配的也豐富，是一個不錯的選擇。京蔥蝦子鮮菌爆炒關東遼參京蔥的辛香與鮮菌的味道搭配得當，遼參的質感也不爽口。這道菜整體醬香過濃。燒汁牛肋肉燒汁牛肋肉味道濃郁，但肉質有點韌。這道菜適合喜歡重口味的人。蜂蜜柚子芥末蝦球吃得到蜂蜜的甜、柚子的酸、但芥末味似有若無，反而蝦球的質感鮮嫩。這道菜值得一試。乾迫粉絲蟹肉煲最好吃的是粉絲，吸滿了蟹肉的鮮美湯汁，又不油，很乾身，整體味道不錯。這道菜適合喜歡蟹肉又不想動手人，是一道受歡迎的選擇。荷香客家梅菜蒸菜心荷葉的香氣與梅菜的鹹香搭配得當，菜心清甜，幾種味道相融相堂清新。銓哥炒飯總結，口味還不錯，但整體菜式偏咸，價格合理…Read More

這家中餐廳的表現相當不錯，食物美味且價格公道。雞煲翅湯底濃郁，味道非常正宗，令人一試難忘。咕嚕肉外皮酥脆，內裡鮮嫩多汁，口感絕佳。百花雞別具特色，雞肉嫩滑，餡料豐富，風味獨特。花膠面也是一大亮點，麵條爽口彈牙，湯汁滲入其中，每一口都充滿了香味。炸魚皮則更是出色，脆脆的口感配上適中的鹹味，讓人一吃就停不下來。總體來說，這家餐廳不僅在食物質量上表現出色，價格也十分合理，是一次非常值得推薦的用餐體驗。無論是家庭聚餐還是朋友聚會，這裡都是一個不錯的選擇。…Read More