灃味館

想食中菜，又唔想饮茶，打开OpenRice bookmark咗嘅铜锣湾中餐厅，就见到呢间「沣味馆」，咁就俾个机会佢试吓啦。出发前嗱嗱临WhatsApp 预约，呢日系星期日嘅午市，虽然只系两个人嚟，餐厅职员安排咗个厢房俾我哋，仲有埋电视睇㖭。呢度系做私房菜嘅格局，都有几间私人厢房，食饭倾偈时可以Private啲。两个人叫咗个午市二人餐，前菜要咗酥炸生蚝，汤就升级转左杏汁菜胆炖花胶汤，主菜要咗新鲜菠萝拔丝咕噜肉和上汤焗海虎虾拌锅巴，主食到升级咗转做铨哥炒饭。酥炸生蚝一人一只，炸皮做得好薄好脆，生蚝都几饱满，蚝肉仲系好嫩仲有蚝汁，唯一系个带子位靭咗啲（两只都系）。杏汁菜胆炖花胶汤就一般般啦，块花胶好薄好细块，不过我哋冇预早book枱，都不能要求太多。个汤都好滑嘅，有鸡脚炖汤个汤提鲜不少，杏汁就几好唔会食到有颗粒感。呢度嘅王牌菜式之一系新鲜菠萝拔丝咕噜肉，又系个炸皮做得好薄好脆，裹住个酱做到拉丝感，咕噜肉系梅头肉够滑带嚼劲。呢个咕噜肉又真系几好食嘅，一旧食完又一旧，好食到食唔停。上汤焗海虎虾拌锅巴，个酱用咗上汤同樱花虾，好香口，忍唔住口挂住用好锅巴沾个酱嚟食。海虎虾控制火头啱啱好，虾肉仲系好鲜嫩。铨哥炒饭有樱花虾、带子、虾肉、芥兰头等配料。由于两款主食太好食啦，令铨哥炒饭有啲失色。要赞嘅系，个炒饭炒得唔油，够干身，碟底唔会有一堆油。食完仲有两碗糖水送添。今次午饭小事试牛刀觉得大厨铨哥喺火候技巧同食材味道配搭上面都唔错，摆盘都吸引，已经心思思计划下次约埋啲朋友一齐嚟试吓个主菜单的食物先。…查看更多

再访沣味馆 ，每次都有惊喜，不愧是本地人气老牌。香麻鱿鱼是招牌之一，鱿鱼鲜嫩弹牙，配以香麻酱汁，麻香浓郁却不盖过鲜味，令人一试难忘。虾多士外皮炸得酥脆，虾肉鲜甜弹牙，搭配特制甜辣酱，不论大人小孩都爱。蛏子陈村粉是另一款必点，粉皮滑溜，蛏子肉鲜美多汁，酱汁调味恰到好处，吃完让人回味无穷。此外，店内环境舒适，服务亲切，氛围轻松，适合朋友聚餐或家人聚会。每次用餐都感受到用心与诚意，沣味馆 绝对是再次光顾的好选择。…查看更多

前星期日，跟朋友到了这餐厅用12-3pm 的放题，我最先到，跟服务员说我有朋友生日，可安排小蛋糕，(其实只抱小希望), 但服务立即说冇问题，可请厨房预备小寿司蛋糕，真太窝心了食物质素性价比高。很多款式选择，一次真系试不完，我们真系要支持香港饮食业…查看更多

好朋友带我嚟呢度食生日饭！真系好有水准！开头觉得咕噜肉咁普通，唔谂住order，不过好在有叫，非一般的咕噜肉！表皮爽脆，好鲜嘅菠萝！超赞粉丝蟹煲，开头以为系一只蟹，原来已经拆晒肉，惊喜！柚子芥末虾球白花炸子鸡，呢个有少少误会，见识少，冇留意百花原来系酿虾胶，食唔到虾嘅朋友就冇得食噜。呢个唔使特别介绍哇哇哇！戏肉到了！上枱嘅时候觉得好震撼呀，因为庆祝生日，伙计哥哥为我哋预备咗蜡烛同埋生日牌！真系好大块，好厚肉，同埋个汁系超好味。最后仲有糖水送。不过如果热少少更好。。整体嚟讲都好满意！好多谢好朋友嘅安排！…查看更多

今次系第二次去食个黄金鱼皮👍🏻👍🏻👍🏻够哂脆够薄，d咸蛋痴满哂成块鱼皮最重要系一d都唔油，完全食唔停口🤤炸纸鸡👍🏻👍🏻👍🏻皮超脆，鸡又唔太肥，唔会有一层黄色嘅油脂食落鸡肉仲好嫩口，有肉汁😋咕噜肉👍🏻👍🏻👍🏻理个有惊喜！原因系平时食嘅咕噜肉都会炸到好干，同埋个皮好厚但系佢个粉浆皮超级薄，猪肉炸完都仲好Juicy个酸甜酱调得啱啱好，超级开胃😋最钟意佢用新鲜菠萝炒，食落唔会系一种死甜味👍🏻👍🏻鸡汤浸菜苗👍🏻见佢写菜苗，估到佢系生菜，同expect 嘅有少少出入建议叫之前问清楚佢系咩菜但饮得出佢真系用鸡汤煮！个汤系好饮嘅👍🏻鲍汁扣原件12头花胶扒👍🏻👍🏻呢个系厨师推介话说我哋都系为咗佢而出嚟食😂加钱就有埋个面底花胶好滑，有少少咬口唔会烂晒佢个鲍汁味度都几浓郁，浠杰度适中店员帮你分完碗之后仲会将剩返嘅鲍汁俾埋你…查看更多