瀧

营业中

休息中

第二次到訪「瀧」。第一次嚟食佢啲嘅tempura omakase lunch。今次再嚟就嗌咗「午市特選二重奏」$198 我揀咗碎吞拿魚腩飯同埋慢煮和牛溫泉蛋飯。To be fair 前菜同牛肉飯係幾好味嘅，個溫泉蛋督落去望住啲橙黃色嘅蛋黃慢慢流出嚟真係好治療☺️牛肉飯加溫泉蛋依個combo真係無得輸！但係個碎吞拿魚腩飯就真係差啲😓一上嚟見到啲吞拿魚咁嘅色真係有啲失望，點解啲肉色咁白嘅？？食落去完全無魚油香，好平平無奇，好sad😅依間餐廳喺中環lunch time嚟講都算好易book，環境亦都幾舒服，但今次感覺服務一般般，原因係同行朋友用OpenRice 訂坐，但嚟到餐廳經理話無record。其實好小事，但個男經理好似要尋根究底咁搵出原因，然後頗大聲咁話我朋友應該無final confirm 到個booking🙄另外食到7788無耐一位女侍應就咋咋淋咁收走我哋個盤，其實我連湯都未飲完…..種種服務態度令我覺得幾掃興

Very well presented and value for money lunch set. Plenty choices to pick from. Probably would help to have more non alcoholic drink options, especially in summer and maybe options to add some small side orders of tempura etc. But overall good. Look forward to returning

中環這間〈瀧〉真系超正！菜式，食材，味道，都充滿驚喜！食了吾少以前從未試過的 - 子持帶卵魷魚，慢煮和王和牛肩，冷面(非常清爽彈牙)，炸(45-60分鐘)鹿兒島番薯配白蘭地加砂糖，杏仁豆腐 (Sorry, 菜式的名字已經忘記得七七八八 😅)！實在太好味了！Services 也好到位，廚師或waitor 講解每到菜式和建議如何品嘗。主廚陳師傅很好客，有問必答，樂意去分享心得和見解。折後HKD 1400 每位，真系值，比米芝蓮三星的〈志魂〉有過之而無不及，(環境和廚師工作檯位除外) 😁

お客さまの接待で利用。おまかせ「瀧」をオーダー。天麩羅やさんながら、天麩羅は海老、鮎、蛤の3品。少し物足りなかったか。その他のメニューは創作系。鰹にフォアグラ粉、わかめ蕎麦など。1時間かけて揚げたさつま芋は美味。

非常推介位於中環的這間天婦羅餐廳，喜歡食天婦羅的朋千萬不要錯過。我對上一次食天婦羅已經是在尖沙咀四季菊，一直搵唔到比佢更出色的。當然我認為瀧也只是能與四季菊平分秋色，但價錢肯定是瀧比較優勝。當天吃了他們的lunch set, 我點的是他們家的全海鮮天婦羅丼，因為我自己除了紫蘇葉天婦羅，對於其他蔬菜天婦羅都沒興趣，三百元的天婦羅丼，竟然份量這麼多，有點懷疑可以兩個人享用一個。天婦羅蝦和魚炸得很脆很好食，有點讓我想起日本的天婦羅。

今日在中環流連，小鬼突然好想食日本嘅 OMAKASE ，於是立即上OpenRice搜尋，我們睇過見到這間 「瀧」好似不錯咁立即就用 OpenRice 訂位，電話都不用打非常方便。這裡有獨立檯或者吧檯位，我們選擇較靜的雅座。我哋叫左二個餐都係炸物，新徵頭就放縱一下自己喇！前菜嫩滑豆腐、日本清甜軟綿番薯及魚仔合桃。刺身😍鯛魚同赤貝都非常鮮甜爽口，吞拿魚腩脂香肥美。天婦羅蝦天婦羅要先品嘗蝦頭，炸得酥香鬆脆，再食蝦身爽口彈牙。😋另下墨魚頭爽口軟彈有嚼勁，滋味難忘。食事天婦羅炸物蓋飯，用了蝦粒，青瓜粒同粟米芯切粒脆炸相當豐富，不過我較欣賞飯底，香甜醬油加軟糯日本米做飯，食得我津津有味。😍甜品完美的一餐😋用左一個半小時食到飽飽，還好不是太油膩。😂

又係生日飯，有好朋友和小編慶祝生日🎂，好朋友選擇咗一間日本菜同我一齊食！一開始入到店內覺得漆黑一片，全店用咗好多黑色so cool我哋先來一個清酒先，清酒選擇唔多價錢高一點點，如果以中環核心區就差唔多啦，因為要同佢交租！先來頭盤師傅有心機整嘅鵪鶉蛋，先將日本鵪鶉蛋篤窿去蛋黃，然後再將明太子塞返入去蛋殼內，賣相特別。日本番薯超甜😋，燒日本銀杏皮脆、火候掌握得好好😋刺身：有三款，入秋後最肥美莫過於秋刀魚，但今晚呢個秋刀魚有一點醒有點失色！吞拿魚夠肥美但唔知點解有啲筋，也要扣分👎🏻天婦羅：整體係炸得好好嘅特別係天婦羅蝦頭爽脆👍🏻👍🏻！順帶一提，佢哋嘅蘿蔔汁用咗兩種唔同嘅蘿蔔去調教出嚟，侍應生還會幫你添加👍🏻👍🏻👍🏻煮食：細心嘅師傅特別挑選蔬菜類來平衡全晚咁多肉類！ 就係用咗一件蘿蔔👍🏻主菜：法國黃油雞卷，用咗最滑嘅雞髀肉，醬汁恰當好味又唔太鹹😋😋😋朋友嗰一set加錢轉和牛，反而味道一般，都係充滿油膏，可能我自己唔鍾意食咁肥膩嘅嘢麵：梅子素麵，食完呢個面真係超級飽！梅子味道十足，仲要加埋梅子冰，完全係幫助去肥膩😋

終於可以出關食飯喇🤤，恢復晚市嘅第一個晚餐我選擇咗喺瀧度食tempura omakase，之前都book mark左呢間餐廳一段時間，見到OpenRice 有六八折勁抵🤑，即刻訂位.由頭到尾一共食咗13樣嘢，前菜、刺身🍣、天婦羅🍤、煮物、主菜、甜品等等，食到勁飽，咁多嘢食都係一千蚊埋單，算係咁啦.成餐飯外貌最靚嘅當然就係我用嚟做cover photo嘅呢條魚仔🐟，勁photogenic，不過食落去嘅味道好甘🤭同埋有啲骨.成餐飯最有驚喜🤩嘅係素冷麵，麵嘅質地彈牙，冷麵汁係梅汁，解膩開胃，仲有個梅冰，好特別👍🏻，好味😋.不過個main法國黃油雞腿🍗個感覺就唔係好似日本嘢，有啲唔係好襯🙊仲有啲滯

應該是第二次光顧! 食客不算多, 我們坐吧枱! 季節前菜 ~ 最美味的是煙燻鴨胸, 鴨味香濃, 肉質鮮嫩, 淡淡的煙熏味道, 是晚最出色的食品! 天麩羅 - 天婦羅蝦及頭, 炸得鬆化, 不油膩, 蝦身味道有點淡! 鹿兒島特產 “安納芋番薯” ~ 外皮味道非常好! 蕃薯連皮生炸一小時, 進食前先沾日本白蘭地 再沾白砂糖, 味道匹配, 味道複雜有層次, 十分有驚喜! 甜品為自家制杏仁豆腐配忌廉, 杏仁味香濃突出, 口感清新! 是夜由頭盤至甜品總共有13道菜, 有點太飽! 註: 店員每上一道菜均會講解清晰, 讚! 

前後去咗兩次，一次食天婦羅定食，一次試其他天麩羅麵御膳($258)可以揀稻庭烏冬或者蕎麥麵，天婦羅係主打，有蝦，蓮藕，魷魚，冬菇...炸粉同火候都ok，魷魚最好食，但冇好驚艷嘅感覺，我估晚市會好啲(食材再貴啲同靚啲)，appetizer有凍豆腐，刺身係帶子，魷魚，吞拿魚野菜蕎麥面&慢煮熊本和牛肩配溫泉蛋丼($338)和牛溫泉蛋好好食，和牛大大塊，脂肪分佈平均，好嫩滑，有入口即溶喔！Appetizer有蛋沙律，刺身有蝦，魷魚，吞拿魚甜品係綠茶蕨餅，好食 (不過冇影😅)Lunch set 都有一般嘅沙律，appetizer，刺身(切得略嫌稍薄)，麵豉湯，漬物，雖然其實都好standard，勝在你可以自由選擇配搭，而且選擇多，仲有presentation係靚而且份量好多，冇我咁大食嘅朋友通常都食唔晒，而且每日啲刺身，appetizer，漬物都唔一樣，另外比較推薦凍蕎麥麵Btw lunch set 有88折！其實比起中環附近差唔多價錢嘅餐廳好食

Visited Tempura Taki for lunch today, and of course given the restaurant’s signature food item I ordered the deluxe tempura set. The tempura is freshly fried in full view of the customers, and my set came to me piping hot. Unfortunately despite all the fanfare the tempura was not that impressive in my opinion. The batter tasted like standard fare, the shrimps were not particularly large, nor was there much flavour in the fish. There are some special features to the set I suppose, for example the

朋友強烈推介瀧的omakase，因此友人生日便訂位一試。首先，必要讚下，每道食物製作都非常精美、細緻、用心。食材亦非常新鮮。坦白說，價錢亦相當合理。可惜，餐廳希望營造的高檔omakase的感覺被主廚跟熟客的高談闊論破壞了。明白遇見再次光臨的客人，作為廚師必定很高興，因為有人欣賞。可是，其他客人看在眼裡，會感覺到被忽略，因為主廚不斷重複，「比啲好嘢你」、「其他人食唔到架」。又談及一些自己私人事，更甚是，在炸天婦羅其間在查看手機訊息。完全有在居酒屋、大排檔的感覺，將整體分數全拉低。自己不論在香港或日本，也去過不少omakase，平民或貴價的都去過，當我正在付出$1000一位的omakase，我也希望得到一些尊重。看到很多食客也有類似經驗，但似乎餐廳並不介懷，沒有改善，所以，我寫了也幫不了太多，但我仍然不吐不快。相信，我不會再幫襯，亦不會推介給朋友。

之前食過一次覺得好好食，今次見到OpenRice有68折就即刻book返，但感覺真係好失望！食客都算多，因為我哋冇預先講明要坐吧枱，所以安排左我哋坐普通枱。bar枱坐咗八個人，八個人都係互相認識嘅，但係就要四個四個分開坐，變相佢哋八個一齊講嘢就會全部人都聽到。食嘢期間佢哋越講越大聲，好似冇其他食客喺度咁，仲有個師傅佢哋都係認識嘅，所以講嘢就更大聲，好似去左大排擋咁要嗌住講野。食材方面冇以前咁新鮮咁令人驚訝，好多款式都係出面就食到。食到中間都因為嘈到頭痛而冇再繼續影相。我哋最懷念嘅都係白蘭地番薯，都冇以前咁好食咁好火喉了，唔知係咪轉左手。今次餐廳可能冇做出最好嘅安排，因為佢哋已經係熟客，如果知道佢哋係咁嘈嘅可以選擇包廂或包場，但係有其他食客在場就絕對會影響其他人，始終我哋都要俾2千幾蚊出嚟食呢餐飯 ！

結果而論，我第一次食完Omakase之後肚痾其次，我未試過食omakase係食唔飽，食唔飽都算，個師傅問你飽唔飽，我話唔飽，佢就幫我加左一個最貴既和牛，盛惠560蚊，最大個問題係從來冇人問你o ng ok, 就直接幫你落左單，除左係為咗湯你，我諗唔到第二個原因最後，所謂全香港最好食既tempura, 最貴個個餐比左4件tempaura你，質素同板長一樣如果你想比3千蚊食板長，歡迎光臨😏btw, 我第一次嬲到打食評。。。。

前幾晚隨機選擇 ，來了這間日本菜 。呢間日本菜主打天婦羅， 上到去打開餐牌， 只有三款選擇 ，都係omakase 。於是點咗個叫瀧嘅套餐 連埋甜品總共有十一樣嘢， 。當中有前菜 ，湯 ，刺身 ，煮物 ，天婦羅。 成個餐都係用懷石風格 ，擺盤好靚同埋好精緻。 刺身有水準嘅 ，雖然佢哋唔係主打刺身 ，但係啲料絕對唔馬虎， 係高檔壽司舖用嘅食材。 其他全部嘢都好食 ，但係有幾個細節位係非常之出色， 先講天婦羅， 佢哋係唔提供豉油，因為本身夠味。天婦羅嘅質素可以同當年嘅稻菊媲美。 但係最重要嘅係個蘿蔔蓉， 佢係用兩種蘿蔔磨蓉再加檸檬汁做成， 非常之鮮甜， 日本天婦羅店都未必有咁嘅水準。 跟住其中一道菜係生炸番薯 ，佢係連皮生炸一小時， 配白蘭地同埋砂糖食， 味道複雜非常有層次。 另外甜品有一個自家製嘅杏仁豆腐， 上面有層杏仁造成嘅忌廉 。杏仁嘅味道非常特出同香滑。 我係一個唔鍾意食甜嘢嘅人都覺得好好食。 其他食物都係水準之作，仲有店員服務態度都好好好殷勤 。呢間餐廳絕對應該 一試。