影片
港铁中环站 D2 出口, 步行约4分钟
继续阅读
电话号码
28810033
开饭介绍
走中高档路线，主打天妇罗厨师发办(omakase)。室内设计简洁，入口处的开放式天妇罗厨师桌，让食客同时细味视觉和味觉的双重享受。为保持客人新鲜感，餐牌每个星期转换一次。
继续阅读
营业时间
今日营业
12:00 - 14:30
18:00 - 22:30
星期一至六
12:00 - 14:30
18:00 - 22:30
星期日
全日休息
以上资料只供参考，请与餐厅确认详情
有关奖赏计划
食过唔少Omakase，但以天妇罗作为主角系比较特别今次系中环 - 泷 见识到天妇罗嘅美味🥰套餐有2款 - 天 / 泷前者系主要系食到多款天妇罗后者比较平衡加入刺身、煮物怕食太多炸物，推荐可以食 - 泷前菜、刺身、天妇罗、煮物、主菜、主食到最后甜品每一个味道都系十分出色同埋带点创意🔥💡食omakase重点就系食到时令食材✨今次岩时机食到秋刀鱼刺身好开心❤️天妇罗系皮薄而脆，睇得出师傅功力真正令食材外层变脆但保留住原来鲜味同口感好欣赏个鱿鱼加上创意制作出清爽版黄金鲜鱿🤣另外就系将葱整成泡泡酱汁加系鳗鱼天妇罗上令唔食葱嘅我都接受到葱香！😆大赞👍🏻梅冰雪面，以和歌山南高梅入馔清爽解腻感觉非常适合炎热嘅香港睇得出师傅嘅用心同体贴🥺白兰地鹿儿岛安纳芋，白兰地同砂糖提升芋头香味系味蕾上新体验😎😋餐厅环境舒服，员工态度亲切食物质素高，款式够新颖十分推荐去食，一定唔会失望😚
继续阅读
好耐无写食评，因为疫情后好多小店做唔住，难得揾到间高质有诚意小店，忍唔住要即刻分享～😄今次同朋友去咗中环The Loop 8楼嘅-「泷」Tempura Teki日本料理，主打天妇罗，而且仲有刺身，日本牛等等不同嘅日本料理餐厅。 一直以来，对于天妇罗无咩特别兴趣，多数都好厚浆或唔够脆，总之唔会专登去试。但「泷」真系好特别，可以话系（暂时）我食过最好味嘅天妇罗，脆浆好薄，十分酥脆，最难得系食材好新鲜，外脆内软，食过一定翻寻味！😆Omakase由前菜，刺身到主打天妇罗同甜品样样齐。(按时令调整菜式）前菜有水云醋（左上），白梅贝（右上），西京芝士（左下），姜糖（右下），清新叫醒味蕾😁魔鬼蛋：入面有烧带子，中间系蛋黄沟沙律酱同埋少少cream，再配三文鱼子，好味又特别！☺️刺身有龙虾，象拔蚌，油甘鱼新鲜度爆灯！龙虾鲜甜，油甘鱼鱼油香. 象拔蚌弹牙，摆盘又靓！天妇罗分别有：目光鱼（外脆内软）；濑尿虾（剥晒肉，成条新鲜弹牙被薄薄一层脆浆包住啖啖肉，超正！）经典天妇罗虾🍤 肉质新鲜弹牙，虾头脆到似食薯片青椒包蚝天妇罗，一啲腥味都无，好creamy 😋 加青椒垫底又唔错嘅口感yummy另外加左海胆天妇罗，脆脆暖暖紫苏叶天妇罗配大啖大啖鲜甜冻冻地嘅海胆，一绝！热食料理有：汁煮富山县油甘鱼鲛，秘制汁好浓，鱼鲛好入味再配上鱼子，鱼香味十足😃 呢个份量反而觉得太多朋友另加文化烧仙台牛舌：上面有炸蒜蓉配牛油果，配合牛舌的软滑，感觉丰富。香煎剑鱼配茴香汁同埋开心果碎：卖相有啲似萝卜糕😁，鱼嘅质感厚实，配开心果茴香汁几特别。紫花红虾烩饭：个汁好好味（有啲似龙虾汤味）有日式意大利 fusion risotto feel, 好满足，只想讲好想添饭😂。白兰地鹿儿岛安纳芋：呢个蕃薯🍠系非一般，估唔到炸过后个皮好脆，点白兰地加糖出奇地夹，而且唔漏，食完烩饭本来好饱，但又食晒！好食！水信玄饼配黄豆粉同埋冲绳黑糖：最后来个甜品，日本经典水信玄饼，清清地，甜度刚好，我钟意！Omakase 再可以搭配日本清酒，夫复何求😆 今晚真系大满足！
继续阅读
📍 Tempura Taki泷 🌏中环威灵顿街33号The Loop 8楼📝6.5最近试了一间中环天妇罗 Omakase，Omakase通常都系以寿司为主，这是一间专注于天妇罗料理。这次的用餐选择了「泷」的 set 。服务人员专业且热情，为客人提供了详细的菜品介绍之余 ，每一个天妇罗该配衬那一款盐，让我在每道菜上都能感受到厨师的用心。这次用餐透过 OpenRice 预订，享有68折的优惠，性价比相当高。考虑到这样Omakase 体验，这个价位非常值得。
继续阅读
3408 浏览
外国公司作风新派，就连春茗地点都一反传统地拣咗间天妇罗专门店「泷」，全因晚市推出嘅六八折刚好符合预算！占用面积全层嘅日本餐厅光鲜企理，正门身后为师傅个大舞台。多人派对包哂围绕著开放式厨房嘅高櫈吧位，食物煮好即可享用，够哂热辣辣！吧位身后有条海龙升天，绘出「泷」字，霸气十足！晚市餐牌上共有两个选择，其一为指定套餐「泷」（$1,380/位），其二为可与厨师商讨自定内容嘅「雅」（$980/位起）。主人家早已订好菜单，埋位只需拣靓杯饮清酒。每位席上摆有自用餐具及湿纸巾。细心睇多两睇，发现筷子原来系某日本木匠曾经讲过最好揸嘅五角形款式，店主似乎有啲料到㖞！等待天妇罗时，先有清脆嘅枝豆送酒。前菜中嘅莴笋蟹肉清甜爽嫩，三文鱼籽于口腔内爆裂，即有提鲜之效。四式头盘应建议由左边嘅水云杯起，逆时针方向食。劲酸嘅水云醒神开胃；以味噌自家腌制嘅芝士可以话系另一类嘅重口味，好芝士嘅人就劲啱；节令嘅萤光鱿鱼好爽脆；橙碟上嘅海胆豆腐则芳香幼滑，最合个人心意。呈奶白色嘅鲷鱼汤鲜浓甜美，暖胃非常。进入天妇罗环节，Barry师傅先介绍配点嘅四款调味，下图左起分别为天然盐、咖哩盐、柠檬汁、萝卜蓉。打响头炮一贯传统地由靓虾开场！天妇罗炸浆酥化巧薄，修长嘅虾身爽脆弹牙，简单点上白色嘅天然盐已能吊出鲜甜。旁边嘅炸虾头卜卜脆兼冇渣，沾上咖哩盐后好似变咗卡乐B嘅咖哩味薯片咁，送酒佳品也！鱼王大赞天妇罗䲞鱼仔皮脆肉扎实，鱼味仲好鲜。炸至半生熟嘅天妇罗帆立贝上枱前已一开为二，外脆内软嫩，加点白盐最能保持其鲜甜。半条骨都冇嘅天妇罗沙锥鱼嘅鱼味冇䲞鱼仔咁浓，宾客中竟然有人话食完唔知食紧鱼㖞，绝对有饮醉之嫌！弯弯嘅天妇罗濑尿虾实净有弹性，而且好鲜甜。小肥一向对鱼兴趣不大，反而觉得连壳炸嘅天然大蚬有特色！据悉，师傅预先将蚬肉切成粒粒，混入冬菇碎及芡汁后焗制一轮后方才成只喺滚油炸出，乜都唔洗点就咁就食得。意外地，经双重焗炸过嘅大蚬爽润多汁，鲜浓滋味得很！全晚之最必选压轴戏肉紫苏海胆三文治，喺厨房嘅灯光下尤其橙艳夺目！「三文治」底面两片紫苏叶天妇罗酥化轻盈，芳香尤甚，一口咬落去，当中澎湃嘅海胆馅心即溢满口腔，舌上交织出香脆、鲜甜、嫩滑，成功掀起高潮！食完多道天妇罗后，每人面前即有一碗好似茶碗蒸嘅京都豆腐。滑如蛋蛋嘅豆腐摆盘精美，真系冇谂过豆腐面块透明啫喱乃红菜头汁所造，顶面嘅粟米方砖清甜爽脆，组合清丽脱俗，十分可口。单尾食事可选杂菜虾饼饭、荞麦面、乌冬，其中最多人拣食饭饭。XO仔就点咗个清新啲嘅荞麦面。甜品环节共有两道，第一款鹿儿岛安纳芋师傅其实一早已经开始炸，上碟时更提点层皮都食得！紫皮黄肉嘅安纳芋相当软熟，黏上伴配嘅拔兰地同糖后，当中嘅甜味迅即被燃点起黎，软化咗嘅表皮亦甜美非常，吃毕一啲渣都冇，坚掂！作结嘅水信玄饼晶莹滑溜，捞入伴配嘅冲绳黑糖及红豆粉足以添上微甜与芬芳。楼上天妇罗店「泷」环境时尚洁亮，室内抽气充沛，服务生温婉友善，天妇罗菜式用材新鲜，而且唔系咁油腻，晚市之六八折优惠直令性价比提升不少，值得一试！
继续阅读
刚于上星期六，经朋友推介去左中环一间楼上的日本餐厅食lunch， 一睇餐厅名就知系专门食天妇罗，食完确实有种揾到隐世餐厅，大隐隐于市既感觉！🕵🏼🍤🔮今次幸运地系朋友推介，仲有机会试到个Secret Dish ，净系时间心机都值回票价，满分诚意推介！💯 ㊙️留到最尾再讲🔜！👫放假同女友一齐去，大家就可以试多啲唔同野食。Lunch Set 选择都好吸引，又系选择困难症既时候，最后佢拣左胡麻渍吞拿鱼饭加牛肉乌冬，我都好奇点解拣呢样？因为佢话胡麻渍饭好似好少见，讲一讲又确实好似系，试完味道都几好食。😋不过我就梗系食特上天妇罗御膳😂⭐️天妇罗第一道菜系海老天妇罗，已经感受到用料新鲜的高品质，食到虾既鲜甜，虾头配咖喱盐就好似小食咁，脆卜卜好味！前菜系豆腐配柚子，非常清新。刺身有拖罗、鱿鱼、带子，三样都系favourite，特欣赏鱿鱼既烟韧口感ichiban！⭐️第二道系和歌山香鱼(稚鲇）、沙䱦，踏入夏至到秋分都系品尝既好时机💫，面衣非常薄脆，入口能食到鱼既油香，而且味带回甘，顿时有惊喜。至于沙䱦鱼肉厚实，炸完食落都非常滑嫰多汁。⭐️第三道系日本䲝鱼同濑尿虾，呢个最紧要系肉质弹牙唔会削身，食材水准既重要性，赞👍🏻接住就系天妇罗盖饭（食左一半先发觉唔记得影相😮💨），虽然我心系最尾个secret menu，但系都忍唔住食晒成碗饭，天妇罗杂菜虾饼仲食到弹牙虾肉，热腾腾既珍珠米加埋个酱汁，恰到好处🤙🏻 去到个Set结尾就有日本莲藕、意大利青瓜、粟米仔。青瓜食落非常多汁，最岩食完晒清一清refresh下，但我最中意系日本莲藕，炸完后加埋少少咖喱盐一齐食，真系好似食紧薯片一样😋✨终于到左最后系压轴登场既Secret Dish!!🥳登登登登！！安纳芋天妇罗🍠 ！系Chef Eric师傅自家创作菜式！用上来自鹿儿岛产既安纳芋（番薯）去过都知道安纳芋系当地名物！制作过程费时⏱️，需要将原个番薯🍠烹炸超过1小时，相当花心机同工夫👏🏻！！同身边果个一人一半岩岩好😍成个炸完连皮食，外脆内软，师傅会配埋白兰地同白沙糖，用手拎住先醮一下白兰地，之后点少少沙糖，入口酒香四溢🥃 至于点沙糖呢个小魔法，食落去就唔会有酒精既苦味，同埋会有啲焦糖香，加上番薯本身甜度十足，酒香和甜味成个变奏令菜式再升华，为今次午餐成就绝佳既结尾！✨多谢朋友介绍一去到已经叫左先，食完成个set岩岩好食得👏🏻难怪师傅都笑话我今次真系有口福～😎食完仲有个雪糕🍦真系超级满足～中意姜味既朋友可以试下个姜味雪糕，够姜！不过我唔系姜既朋友，身边果个叫我试一啖，真系「好够姜」😂所以我都系食番海盐雪糕～(Openrice最多post12张相，无法尽录🙌🏻🥲)📍总结，绝对值得去试💯：1. 隐世餐厅，价钱合理，喜欢闹市当中寻找美食岩晒！2. 食材新鲜，师傅好高水准3. 有机会一定要试安纳芋天妇罗！4. 服务出色，师傅友善5. 听讲晚市更多唔同既创意菜式，下次揾时间要再去
继续阅读
您可能会有兴趣的...