主打天婦羅廚Omakase同精緻日式料理。現代日式裝潢，環境舒適，設有吧檯位置可以近距離欣賞師傅手藝。
今次廚師發辦套餐人均只需$880，性價比極高。
先付來一客魔鬼蛋。蛋上有生拆鱈場蟹肉、蛋黃mousse配三文魚籽，配上三文魚籽汁、蝦頭油及紫蘇花，一啖放哂入口，既鮮味又綿滑，讚～
四式前菜依次品嚐醋漬水雲、海膽豆腐配昆布啫喱、炸銀杏及自家製玉子燒，賣相非常精緻。
然後來三款時令刺身，包括象拔蚌、金目鯛同秋刀魚，分別配上wasabi 或薑蔥，更突顯鮮味。
主角天婦羅四品分別有本地白蝦、目光魚、
瀨尿蝦及穴子。當中最喜歡穴子天婦羅，配上炸日本萬能蔥，寧舍香口。
另一道主菜慢煮和牛肩，肉質非常柔嫩，肉香濃郁。沖蘸上日本溫泉蛋，更覺香滑。
雞湯拉麵，絕對係招牌菜式。湯頭以一整成雞濃縮熬成，黏厚濃郁，十分暖胃。
白蘭地鹿兒島安納芋絕對係另一驚喜菜式。
將安納芋蕃薯慢炸一小時，外脆內嫩，再蘸上白蘭地同白糖，味道非常匹配。
最後再來自家製焦糖燉蛋，非常滿足既一晚！
而家仲可以每人加$280任飲五款清酒，限時兩小時，啱哂清酒愛好者。
